أو

الدخول بواسطة حسابك بمواقع التواصل

#1

129862 ملك قلبى ع كرسى الاعتراف

معانا على كرسى الاعتراف المشرفه ملك قلبى
ملك قلبى ع كرسى الاعتراف
هلا وغلا
قدمت أهلاً ووطأت سهلاً نرحب بك بباقة زهور
يسعدني أن أرحب بك أجمل ترحيب
وأشكرك على انضمامك معنا بين أخواتك وإخوانك
متمنياً لك طيب الإقامة مع المتعة والفائدة
وننتظر منك الجديد والمفيد






اهلين وسهلين
اشرقت الانوار بقدومك وتدفق النهر با اطلالك
وغردت الطيور بك فياهلا وياسهلا بالقلب نبعثر
التراحيب ونزف استقبالنا معطر بالورد والكادي
مملؤء بالحب والشوق والمشاعر اتمنى لك الاستفاده
بيننا



إظهار التوقيع
توقيع : ♥ احبك ربى ♥
#2

افتراضي رد: ملك قلبى ع كرسى الاعتراف

عدد الأسئلة لكل عضو محددة في 5 حتى يتسنى للأعضاء الآخرين طرح أسئلتهم وكذلك لعدم إرهاق الضيف بالأجوبة ولكن لايسمح له العوده مره اخرى .
لو وضع أكثر من خمسه أسئلة
راح أخذالخمس الأولات وأحذف باقي الأسئلة

ولو تكررت من نفس الشخص راح أحذف مشاركته ككل
رغم أني مو حاب هالشيء فياليت تتقيدوا بحذافيرها

أعزائي ,,
هاهي ضيفتنا مستعدة لاستقبال أسئلتكم التي نتمنى أن تكون بعيدة عن حياتها الشخصية ,, ولضيفتنا الحرية في الإجابة ,,
أنسحب الآن لأترك المجال لكم ولضيفتنا العزيزة ,, وستكون عودتي قريبة وفي جعبتي بعض الأسئلة

إظهار التوقيع
توقيع : ♥ احبك ربى ♥
#3

افتراضي رد: ملك قلبى ع كرسى الاعتراف

رونا اقعدى كده عالكرسى وررحرى خالص واستعدى للجى انتى ضيفتنا لمده اسبوع
إظهار التوقيع
توقيع : ♥ احبك ربى ♥
#4

افتراضي رد: ملك قلبى ع كرسى الاعتراف


ازيكوا يا قمرات
ازيك يا لينا يا قمر والف مليون شكر على الترحيبه الجامده دى عقبال مانرحب بيكى كده

وطبعا حبايبى مايهمكوووش اسالوا زى ما انتوا عايزيييين
ده بعد اذن استاذتنا وصاحبة الكرسى لينا
(ربنا ينولها كل اللى فى بالها)


المشكله مش فى السؤال يا لينا
المشكله فى اللى بيجاوب
هههه

اصل اختكوا خيبه خالص فى الكلام والردووووووووود
فربنا يستر بقى
ويعدى الاسبوع على خييييير


إظهار التوقيع
توقيع : ملك قلبى
#5

افتراضي رد: ملك قلبى ع كرسى الاعتراف

والكرسى عسل يا لينا
ومريحنى على الاخر
الف شكر يا قمر
مررررريح
جدااااا
ما اقولكيش
تحبى تجربى؟

إظهار التوقيع
توقيع : ملك قلبى
#6

افتراضي رد: ملك قلبى ع كرسى الاعتراف

يامليون مرحب اهلين وسهلين ملك هانم
ولا اقول اهلين وثهلين نورتى الكرثى ياام دم خفيف وروح حلوة
حبيت ارحب بيكى بما انك ضيفة الاسبوع على كرسى الاعتراف


#7

افتراضي رد: ملك قلبى ع كرسى الاعتراف


المشاركة الأصلية كتبت بواسطة حبيبة أبوها
يامليون مرحب اهلين وسهلين ملك هانم
ولا اقول اهلين وثهلين نورتى الكرثى ياام دم خفيف وروح حلوة
حبيت ارحب بيكى بما انك ضيفة الاسبوع على كرسى الاعتراف

والله وبكسر الهاء
انى كنت متاكده انك اول واحده هتشرفينى
بقولك ايه اتاخد شويه وتيجى تقعدى جنبى والا ايه؟

إظهار التوقيع
توقيع : ملك قلبى
#8

افتراضي رد: ملك قلبى ع كرسى الاعتراف

ملووك حمد الله على السلامة
نورتي الكرسي و اتشرف بقعادك عليه
انا بارحب بيكي بس حاليا
كل سنة و انتي طيبة و شكرا لينا على وجود ملك معانا على كرسي الاعتراف

إظهار التوقيع
توقيع : ام هنا
#9

افتراضي رد: ملك قلبى ع كرسى الاعتراف


المشاركة الأصلية كتبت بواسطة ملك قلبى
والله وبكسر الهاء
انى كنت متاكده انك اول واحده هتشرفينى
بقولك ايه اتاخد شويه وتيجى تقعدى جنبى والا ايه؟
لا ياجميييييييييل انا سبقت ولينا الله يمسيها بالخير حطتنى فى وش المدفع
عيشى واتبسطى واى سؤال ميعجبكيش قولى عذراً مش هجاوب بس البنات هنا اسئلتهم حلوة مفيش احراج فيها .. برجولك اقامة ممتعه على كرسى الاعتراف

#10

افتراضي رد: ملك قلبى ع كرسى الاعتراف

يادي النور يادي النور بالست ام ملك نورتي الشيزلون يا قمر ويارب يكون مريحك ويكون اسبوع سعيد عليكي ان شاء الله بنرحب ياعسل وهنرجعلك تاني ان شاء الله
#11

افتراضي رد: ملك قلبى ع كرسى الاعتراف


المشاركة الأصلية كتبت بواسطة ام هنا
ملووك حمد الله على السلامة
نورتي الكرسي و اتشرف بقعادك عليه
انا بارحب بيكي بس حاليا
كل سنة و انتي طيبة و شكرا لينا على وجود ملك معانا على كرسي الاعتراف
ام هنا حبيبة قلبى انتى اللى شرفتينى طبعا
وكل سنه وانتى طيبه
ومستنياكى ان شاء الله

إظهار التوقيع
توقيع : ملك قلبى
#12

افتراضي رد: ملك قلبى ع كرسى الاعتراف

ازيك ياملوكة عامله اية منورةكرسى الاعتراف والمنتدى كلة ياقمروربنا يوفقك حبيت ارحب بيكى
إظهار التوقيع
توقيع : درة مكنونة
#13

افتراضي رد: ملك قلبى ع كرسى الاعتراف


المشاركة الأصلية كتبت بواسطة نوارا
يادي النور يادي النور بالست ام ملك نورتي الشيزلون يا قمر ويارب يكون مريحك ويكون اسبوع سعيد عليكي ان شاء الله بنرحب ياعسل وهنرجعلك تاني ان شاء الله
اهلا نوارا
ده انتى اللى منوره يا قمر
وطبعا واكيد هيكون اسبوووع عسسسسسسسسسل عشان معاكوا
ومستنياكى تنورينى

إظهار التوقيع
توقيع : ملك قلبى
#14

افتراضي رد: ملك قلبى ع كرسى الاعتراف


المشاركة الأصلية كتبت بواسطة درة مكنونة
ازيك ياملوكة عامله اية منورةكرسى الاعتراف والمنتدى كلة ياقمروربنا يوفقك حبيت ارحب بيكى
ده نورك يا جميل وربنا يخليكى ليا
وابقى تعالى ونسينا بدل ماانا قاعده لوحدى ع الكرسى كده

إظهار التوقيع
توقيع : ملك قلبى
#15

افتراضي رد: ملك قلبى ع كرسى الاعتراف

عاملة اية ياملك انا جيت اهوه
1-ايةالحاجة اللى اتمنيتى تتحقق واتحققت
2-ياترى ملك اسمك الحقيقى
3-عندك كم سنة
4-مين اكتر واحدة قريبة لقلبك جدا فى المنتدى
وياريت اسالتى تكون خفيفة واكيدهارجع

إظهار التوقيع
توقيع : درة مكنونة
#16

افتراضي رد: ملك قلبى ع كرسى الاعتراف

مساء الفل او صباح الفل على عيونك يا ملوكه والله دمك ذى العسل انا ممكن اقعد جنبك شويه اونسك انتى تأمرى
إظهار التوقيع
توقيع : بسبوسه بالقشطه
#17

افتراضي رد: ملك قلبى ع كرسى الاعتراف

ممكن اكون معاكوووووو ولا فيها حاجة
والله نفسى يكون لية اصدقاء هناااااا

إظهار التوقيع
توقيع : همس الوجود
#18

افتراضي رد: ملك قلبى ع كرسى الاعتراف


المشاركة الأصلية كتبت بواسطة درة مكنونة
عاملة اية ياملك انا جيت اهوه
1-ايةالحاجة اللى اتمنيتى تتحقق واتحققت
2-ياترى ملك اسمك الحقيقى
3-عندك كم سنة
4-مين اكتر واحدة قريبة لقلبك جدا فى المنتدى
وياريت اسالتى تكون خفيفة واكيدهارجع
بسم الله الرحمن الرحيم
استعنا ع الشقى بالله
ونباى بقى الاجابات

-ايةالحاجة اللى اتمنيتى تتحقق واتحققت
بصى يادره انا اول ما اتجوزت كان نفسى اجيب بنوته وربنا اداهالى .وبعدين اتمنيت اجيب الولد وبرده اداهولى فالحمد لله.
2-ياترى ملك اسمك الحقيقى
لا فى الحقيقه ده اسم بنتى
انا اسمى رانيا
عندك كم سنة
23 سنه
مين اكتر واحدة قريبة لقلبك جدا فى المنتدى
بصراحه وبجد كتييير بس اكتر واحده حبيبة ابوها

واكيد مرورك اسعدنى جدا يا جميل ومستنيينك


إظهار التوقيع
توقيع : ملك قلبى
#19

افتراضي رد: ملك قلبى ع كرسى الاعتراف


المشاركة الأصلية كتبت بواسطة بسبوسه بالقشطه
مساء الفل او صباح الفل على عيونك يا ملوكه والله دمك ذى العسل انا ممكن اقعد جنبك شويه اونسك انتى تأمرى
والله انتى اللى عسل يا عسل وتعالى يالا اقعدى جنبى ع الكرسى بس قوليلى اخبار الوزن ايه لحسن لينا حاطه لنا كرسى خرع خايفه ياخدنا ونقع هههه
مستنياكى تنورينا باسئلتك

إظهار التوقيع
توقيع : ملك قلبى
#20

افتراضي رد: ملك قلبى ع كرسى الاعتراف


المشاركة الأصلية كتبت بواسطة همس الوجود
ممكن اكون معاكوووووو ولا فيها حاجة
والله نفسى يكون لية اصدقاء هناااااا
اه طبعا يا قمر
وانا مستنيه اسئلتك

إظهار التوقيع
توقيع : ملك قلبى
#21

افتراضي رد: ملك قلبى ع كرسى الاعتراف

السلام عليكم
منوره الكرسى والله يا رونا يا قمر
ان بس حبيت ارحب بيكى وهاروح احضرلك شويه اسئله معتبره ورجعالك تانى
اوعى تمشى وتسيبينى
ههههههههههه

#22

افتراضي رد: ملك قلبى ع كرسى الاعتراف

بسم الله الرحمن الرحيم
بعد السلام عليكم ورحمة الله وبركاته
اكيد طبعا منوره يا ملك ويجعل كلامنا خفيف على الكرسى .عندى كام سؤال بس يارب ما اكون تقيله عليكم .

1.ايه اهم هدف قدرتى تحققبه (هدف شخصى ملهوش دعوه بجواز ولا اولاد )
2.ايه الهدف الى لسه مقدرتيش تحققيه وايه الاسباب
3.ايه احلى اكله بتعرفى تعمليها وايه الاكله المفضله ليكى
4. ايه بقى الاكله الى كل متعمليها جوزك يقلك(لا ماما بتعملها احلى)
5. كل واحده بتيقى مستنى سؤال معين يله اسئليه لنفسك وجوبى عليه
ملك انا تقلت عليكى قوى سامحينى واى سؤال مش عاجبك قولى ده سؤال سخيف مش هجاوب عليه

إظهار التوقيع
توقيع : منال الهدى
#23

افتراضي رد: ملك قلبى ع كرسى الاعتراف

سلام علیکم ورحمه الله واهلا وسهلا بک عله الکرسی ده انه عندی سوال واحد من حضرتک ویارب اتردی علیه ابصراحه وماتقولی سخیف واتفشلینی !انتی ابهای خفت دمک والاعیبک اشلون متحملک زوجک؟هههههه بس لاتزعلی فیکی ماتردی
#24

افتراضي رد: ملك قلبى ع كرسى الاعتراف


المشاركة الأصلية كتبت بواسطة totsy
السلام عليكم
منوره الكرسى والله يا رونا يا قمر
ان بس حبيت ارحب بيكى وهاروح احضرلك شويه اسئله معتبره ورجعالك تانى
اوعى تمشى وتسيبينى
ههههههههههه
اهلا بيكى توتسى
وحشانا يا شيخه
ومتخافيش ده لسه اسبوع قدام
براحتك خااااالص

إظهار التوقيع
توقيع : ملك قلبى
#25

افتراضي رد: ملك قلبى ع كرسى الاعتراف


المشاركة الأصلية كتبت بواسطة منال الهدى
بسم الله الرحمن الرحيم
بعد السلام عليكم ورحمة الله وبركاته
اكيد طبعا منوره يا ملك ويجعل كلامنا خفيف على الكرسى .عندى كام سؤال بس يارب ما اكون تقيله عليكم .

1.ايه اهم هدف قدرتى تحققبه (هدف شخصى ملهوش دعوه بجواز ولا اولاد )
2.ايه الهدف الى لسه مقدرتيش تحققيه وايه الاسباب
3.ايه احلى اكله بتعرفى تعمليها وايه الاكله المفضله ليكى
4. ايه بقى الاكله الى كل متعمليها جوزك يقلك(لا ماما بتعملها احلى)
5. كل واحده بتيقى مستنى سؤال معين يله اسئليه لنفسك وجوبى عليه
ملك انا تقلت عليكى قوى سامحينى واى سؤال مش عاجبك قولى ده سؤال سخيف مش هجاوب عليه
اهلا بيكى يا منال وطبعا انتى شرفتينى يا قمر

.ايه اهم هدف قدرتى تحققبه (هدف شخصى ملهوش دعوه بجواز ولا اولاد )
بصراحه مفيش بس كفايه ان اقنعت جوزى يركبلى النت عشان اعرف بنات عسل زيكوا ههههه
2.ايه الهدف الى لسه مقدرتيش تحققيه وايه الاسباب
كان نفسى اشتغل فى وظيفه صعبه عارفه انتى الشغل اللى يبقى محسسك بمسئوليه
بس خلااااااص بقى شغل ايه مع الاولاد اللى مطلعين عينى دول
.ايه احلى اكله بتعرفى تعمليها وايه الاكله المفضله ليكى
البشاميل

وبرده بحب اكله بس بمووووت فى الحلويات والشوكلاه
ايه بقى الاكله الى كل متعمليها جوزك يقلك(لا ماما بتعملها احلى)
بصراحه هو ما بيقولش بس انا ببقى حاسه به هى(القلقاس) لانه بيموووت فيه

. كل واحده بتيقى مستنى سؤال معين يله اسئليه لنفسك وجوبى عليه
لا ياختى انا استنى احسن لما واحده تسألهولى (ع الاقل يتحسب عليها) معايا يا منال ههههه
شرفتينى يا قمر ولو عايزه تسألى سؤاللك الخامس مستنياكى


إظهار التوقيع
توقيع : ملك قلبى
#26

افتراضي رد: ملك قلبى ع كرسى الاعتراف

بما اننا فى وقت غدا وشكل الاعضاء حابينك جامد ماشاءالله
قلت اخشلك بصينيه مكرونة بشاميل حبيبتك
رد: ملك قلبى ع كرسى الاعتراف

وفراخ علشان تسند الاكل
رد: ملك قلبى ع كرسى الاعتراف

وعصير تحلى
رد: ملك قلبى ع كرسى الاعتراف

وبلاش اجيب سرير علشان متناميش علشان تكملى بقية الاجوبة
وقلبى عندك يا ملوكة
واسألى مجرب من الكرسى اللى قبل اللى فات

#27

افتراضي رد: ملك قلبى ع كرسى الاعتراف

الشرف ليا والله انك قبلتى مرورى وانا جاى فى وقت غدا (دى حبيبه مريحاكى خالص) يارب بالهنا .
إظهار التوقيع
توقيع : منال الهدى
#28

افتراضي رد: ملك قلبى ع كرسى الاعتراف


المشاركة الأصلية كتبت بواسطة ام حنان
سلام علیکم ورحمه الله واهلا وسهلا بک عله الکرسی ده انه عندی سوال واحد من حضرتک ویارب اتردی علیه ابصراحه وماتقولی سخیف واتفشلینی !انتی ابهای خفت دمک والاعیبک اشلون متحملک زوجک؟هههههه بس لاتزعلی فیکی ماتردی
هههههههههه
بصى يا ام حنان انا بصراحه مابفهش كلامك خااااالص
وحتى بحكى لجوزى عليكى واقوله معايا عضوه من ايران مش بفهم مشاركتها خالص بس بصراااااحه عجبانى اللغوه بتاعتكوا بس اللى يفهم بقى.
استنى بقى لما حد ييجى يترجم لحسن نجاوب على حاجه غلط

إظهار التوقيع
توقيع : ملك قلبى
#29

افتراضي رد: ملك قلبى ع كرسى الاعتراف


المشاركة الأصلية كتبت بواسطة حبيبة أبوها
بما اننا فى وقت غدا وشكل الاعضاء حابينك جامد ماشاءالله
قلت اخشلك بصينيه مكرونة بشاميل حبيبتك
رد: ملك قلبى ع كرسى الاعتراف

وفراخ علشان تسند الاكل
رد: ملك قلبى ع كرسى الاعتراف

وعصير تحلى
رد: ملك قلبى ع كرسى الاعتراف

وبلاش اجيب سرير علشان متناميش علشان تكملى بقية الاجوبة
وقلبى عندك يا ملوكة
واسألى مجرب من الكرسى اللى قبل اللى فات
ايه ده جات امتى الحاجات دى ؟
الكهرباء قطعت شويه وملحقتش اشوف الحاجات الحلوه دى وهى جايه ع الصينيه اوعه تكون بردت والا حد مد ايده من قبلى اوعه
انتى كده يا حبيبه جوعتينى وعشان كده انا مش عامله النهارده غير بشاميل بقى

(وبلاش اجيب سرير علشان متناميش علشان تكملى بقية الاجوبة
وقلبى عندك يا ملوكة
واسألى مجرب من الكرسى اللى قبل اللى فات
)
اه والله عندك حق انا عارفه ان امينه عملتها فيا عشان اتلهى عن المسابقه بس برده وراكى وراكى يا امينه

إظهار التوقيع
توقيع : ملك قلبى
#30

افتراضي رد: ملك قلبى ع كرسى الاعتراف


المشاركة الأصلية كتبت بواسطة منال الهدى
الشرف ليا والله انك قبلتى مرورى وانا جاى فى وقت غدا (دى حبيبه مريحاكى خالص) يارب بالهنا .
اهو ادى اول واحده بصتلنا فى الصينيه يا ست حبيبه
خلاص بقى تعالى يا منال خديلك قطمه وخلاص بقى هنعمل ايه يعنى
(يا عمرى انتى تمرى فى اى وقت مفيش شاويش ولاعسكرى واقفلك ع الطريق والله
الا اذا لينا جاتلك بقى

إظهار التوقيع
توقيع : ملك قلبى
#31

افتراضي رد: ملك قلبى ع كرسى الاعتراف

بصى بقى اهم حاجة انك نور المنتدى موضوعاتك جميلة وبتشدنى بتحسسى اللى قدامك انك تعرفيها من زمان وقريبة منها جدا ده طبعا بخلاف خفة الدم عثثثثثل انا مش هاسالك دلوقتى بس حبيت امسى
إظهار التوقيع
توقيع : عاشقة اولادى
#32

افتراضي رد: ملك قلبى ع كرسى الاعتراف


المشاركة الأصلية كتبت بواسطة عاشقة اولادى
بصى بقى اهم حاجة انك نور المنتدى موضوعاتك جميلة وبتشدنى بتحسسى اللى قدامك انك تعرفيها من زمان وقريبة منها جدا ده طبعا بخلاف خفة الدم عثثثثثل انا مش هاسالك دلوقتى بس حبيت امسى
ده انتى اللى عثل يا جميل
ربنا يخليلك ابنك يارب ويبارك لك فيه
ومستنياكى ان شاء الله باسئلتك

إظهار التوقيع
توقيع : ملك قلبى
#33

افتراضي رد: ملك قلبى ع كرسى الاعتراف

انا جيييييييييت نورت البيت
بس طبعا نورك انتى اللى غالب
ده الليله ليلتك يا جميل قصدى الاسبوع اسبوعك
ههه
اوعى تكونى خلصتى الاكل كله ومش سبتيلى حته وانا اصلا بمووووووت فى البشاميل والفراخ
كفايه رغى بقى مش مخليانى اقول السؤالين اللى عندى
بصى يا ستى
اول سؤال / لو ماشيه كده لا بيكى ولا عليكى ولاقيتى خاتم سليمان هاتتمنى ايه ؟
تانى سؤال / لو مش متجوزه تفضلى الجواز عن حب ولا الجواز التقليدى ؟
تالت سؤال / ايه هى الحاجه اللى نفسك تحصل فى المنتدى ولسه مش حصلت ؟
رابع سؤال / يا مسهل / ايه العاده الوحشه اللى فيكى ونفسك تبطليها ؟
واخيرا خامس سؤال /هل تسببتى فى يوم بعمل مشكله لشخص ما ؟وماذا فعلتى؟
على فكره انتى تعبتينى اوى ايه رغى رغى رغى مابتفصليش

#34

افتراضي رد: ملك قلبى ع كرسى الاعتراف

هههه واللهی انه کمان تعبانه من الغوه دی مادری خلطت بین المصری والسانی الاصلی اذه ابتفهمی فارسی اکتبلک احسن؟
#35

افتراضي رد: ملك قلبى ع كرسى الاعتراف


المشاركة الأصلية كتبت بواسطة totsy
انا جيييييييييت نورت البيت
بس طبعا نورك انتى اللى غالب
ده الليله ليلتك يا جميل قصدى الاسبوع اسبوعك
ههه
اوعى تكونى خلصتى الاكل كله ومش سبتيلى حته وانا اصلا بمووووووت فى البشاميل والفراخ
كفايه رغى بقى مش مخليانى اقول السؤالين اللى عندى
بصى يا ستى
اول سؤال / لو ماشيه كده لا بيكى ولا عليكى ولاقيتى خاتم سليمان هاتتمنى ايه ؟
تانى سؤال / لو مش متجوزه تفضلى الجواز عن حب ولا الجواز التقليدى ؟
تالت سؤال / ايه هى الحاجه اللى نفسك تحصل فى المنتدى ولسه مش حصلت ؟
رابع سؤال / يا مسهل / ايه العاده الوحشه اللى فيكى ونفسك تبطليها ؟
واخيرا خامس سؤال /هل تسببتى فى يوم بعمل مشكله لشخص ما ؟وماذا فعلتى؟
على فكره انتى تعبتينى اوى ايه رغى رغى رغى مابتفصليش


والله انك عسل يا توتسى عمالين يقولولى دمك خفيف لما انا دمى خفيف تبقى انتى بقى ايه
ندخل بقى فى اجابات الاسئله بتاعتك دى
اللى مش عارفه هجاوب عليها ازاى (ربنا معانا)

لو ماشيه كده لا بيكى ولا عليكى ولاقيتى خاتم سليمان هاتتمنى ايه ؟
بصى طبعا انا منتهى سعادتى لما نكون انا وجوزى راضيين على بعض فالامنيه الاولى هتكون ان ربنا يهدينا
والتانيه ان ربنا يخليلى اولادى ويبارك فيهم ويحفظهم من كل شر
لو مش متجوزه تفضلى الجواز عن حب ولا الجواز التقليدى ؟
بصى هو ياما جوازات بتكون عن حب وبتلاقيها فشلت فشل ذريع وياما تقليدى وبيعيشوا اسعد حياه
فالواحد ميقدرش يحكم لان الايام دى مابقاش فيه حاجه اسمها حب اصلا

ايه هى الحاجه اللى نفسك تحصل فى المنتدى ولسه مش حصلت ؟
المنتدى لسه جديد فطبيعى انه يكون ناقصه بعض الاشياء
زى مثلا الاقسام عايزه تكتر شويه
بس ان شاء الله ايد فى ايد نكبره سوا

ايه العاده الوحشه اللى فيكى ونفسك تبطليها ؟
الاخلاص -الصراحه
* الاخلاص لان فى ناس كتير بلاقينى مخلصه لهم ما يستهلووووش درجه اخلاصى (عايزه انزلها حبه بس مش عارفه يا توتسى)
* والصراحه لانى لاقيه كل الناس الايام دى بيعجبهم قوى الكلام المزوق اللى مش من القلب على عكس الصراحه طبعا


هل تسببتى فى يوم بعمل مشكله لشخص ما ؟وماذا فعلتى؟
امممممممم
مش فاكره بصراحه يا توتسى
بس لو افتكرت هابقى اقولك
قوليلى انتى بقى ايه الرغى ده
مفيش غير رغى رغى رغى

بصره يا جميل
لا بس بجد انتى اكتر واحده غلبتينى باسئلتك لحد دلوقتى
وما خفى كان ايييييييه
ربنا يسترها بقى ده لسه بدرى

انا طبعا بهزر اسعدنى مرورك جدا جدا جدا
ولو عندك اسئله تانيه قولى متخافيش من لينا هنحايلها بكلمتين حلوين دى طيبه ومش هتعمل حاجه

إظهار التوقيع
توقيع : ملك قلبى
#36

افتراضي رد: ملك قلبى ع كرسى الاعتراف


المشاركة الأصلية كتبت بواسطة ام حنان
هههه واللهی انه کمان تعبانه من الغوه دی مادری خلطت بین المصری والسانی الاصلی اذه ابتفهمی فارسی اکتبلک احسن؟
ههههههه
والله انك سكر يا ام حنان
انا هقولك على حاجه حلوه
انتى حطى كل اسئلتك وان هجاوب عليهم لما جوزى ييجى علشان اكيد هو هيفهم اكتر منى
اوكى يا قمر

إظهار التوقيع
توقيع : ملك قلبى
#37

افتراضي رد: ملك قلبى ع كرسى الاعتراف

يا سلام يا سلام شو هالقعدة الحلوة والنوووووووور دا كلو يا رانيا
شلونك وشلون الكرسي معك إن شاء الله يكون قوي ويستحملك لآخر الأسبوع
هههههههههههههه عم أمزح معك مو تزعلي مني
هلأ ما رح أسألك لأني فيه عندك أسئلة كتييير مستنية ردك خلصي بئه وبعدين أجيلك

إظهار التوقيع
توقيع : لؤلؤة الايمان
#38

افتراضي رد: ملك قلبى ع كرسى الاعتراف


المشاركة الأصلية كتبت بواسطة أم وليد
يا سلام يا سلام شو هالقعدة الحلوة والنوووووووور دا كلو يا رانيا
شلونك وشلون الكرسي معك إن شاء الله يكون قوي ويستحملك لآخر الأسبوع
هههههههههههههه عم أمزح معك مو تزعلي مني
هلأ ما رح أسألك لأني فيه عندك أسئلة كتييير مستنية ردك خلصي بئه وبعدين أجيلك
يا هلا بأم وليد يا هلا
نورتينا عن جد
وبالنسبه للكرسى ماتخافيش عليه ده انتى لو شفتى منظرى هصعب عليكى
وهستناكى تنورينى يا قمر فى اى وقت بس اوعى تنسى؟

إظهار التوقيع
توقيع : ملك قلبى
#39

افتراضي رد: ملك قلبى ع كرسى الاعتراف

اهلا يا رونا نورتى الكرسى طبعا

ندخل بقى على الاسئله

ا1-بتعملى ايه فى وقت الفراغ بتاعك

2-بتقضى كام ساعه مع اولادك وكام ساعه على النت

3-ايه هو اوحش عيب فيكى من وجهه نظرك

4-بتاكلى كام وجبه فى اليوم ؟؟؟؟؟؟؟؟؟؟؟


5-لو حتختارى لبس تختارى اللبس اللى ترتاحى فيه وتكرريه ولا تفضلى التغيير





#40

افتراضي رد: ملك قلبى ع كرسى الاعتراف


المشاركة الأصلية كتبت بواسطة لافالانتينا
اهلا يا رونا نورتى الكرسى طبعا

ندخل بقى على الاسئله

ا1-بتعملى ايه فى وقت الفراغ بتاعك

2-بتقضى كام ساعه مع اولادك وكام ساعه على النت

3-ايه هو اوحش عيب فيكى من وجهه نظرك

4-بتاكلى كام وجبه فى اليوم ؟؟؟؟؟؟؟؟؟؟؟


5-لو حتختارى لبس تختارى اللبس اللى ترتاحى فيه وتكرريه ولا تفضلى التغيير




والله يا رونا انا لما شفت اسمك فى اخر مشاركه من بره قلت بس دخلنا ع الصعب هههههه (بس اللى تخاف منه مايجيش اسهل منه)
1-بتعملى ايه فى وقت الفراغ بتاعك
مفيش غير اما النت او اروح عند حماتى شويه

2-بتقضى كام ساعه مع اولادك وكام ساعه على النت
بصى يا رنوشه انا ببقى ايد هنا وايد هناك (صاحب بالين كداب)انا بقى الكداب ههههه

-ايه هو اوحش عيب فيكى من وجهه نظرك
انى مش بعرف اضحك فى وش حد اكون مضايقه منه


-بتاكلى كام وجبه فى اليوم ؟؟؟؟؟؟؟؟؟؟؟
انا مش بعرف اكل كويس غير بفواتح الشهيه ولما اخدها ممكن اربع وجبات فى اليوم بس طبعا وجبات قليله

-لو حتختارى لبس تختارى اللبس اللى ترتاحى فيه وتكرريه ولا تفضلى التغيير
لو فى البيت لازم التغيييير
لكن فى الخروووج بفضل محتاره مابين ده والا ده وفى الاخر بختار برده اللى برتاح فيه


بصى بقى انتى ماتعرفيش مرورك اسعدنى قد ايه
ولو عندك اى سؤال تانى ما يهمكيش اسألى براحتك ملكيش دعوه بلينا ده انت المراقب يا جميل(هعمل فتنه فى المنتدى)
وعقبال ما نهريكى اسأله يارب

إظهار التوقيع
توقيع : ملك قلبى
#41

افتراضي رد: ملك قلبى ع كرسى الاعتراف

حبيبه قلبى دايما ردودك زى العسل
#42

افتراضي رد: ملك قلبى ع كرسى الاعتراف

اهلاا اهلاا ياملوكا منورا كل العدلات ومنوره كل الكراسى وكلنا معاكى
#43

افتراضي رد: ملك قلبى ع كرسى الاعتراف

قفلت وفتحت ولفيت ومش عارفه اسألك اقولك ايه بس وصلت لاسئله ظريفه

* عضوة شايفاها من وجهة نظرك تستحق شهادة تقدير .. ((اختارى كذا واحده براحتك بدون مجامله )) ؟؟

* مين اكتر اعضاء نفسك تشوفيهم فى الواقع وتتعرفى عليهم اكتر ..؟؟*

* راضيه عن نفسك وحياتك ..؟؟

* ايه اكتر اكله انتى شاطرة فيها وبيقولوا عليكى بريمووووووو فيها ..؟؟

* اخر سؤال اذا فى ايديكى باقة ورد هتهديها لمين .. وتقولى لمين الكلمات دى ::

- .. البعد عنك غنيمة ,,,, - .. حياتى فى بعدك عذاب

(( سؤالين فى سؤال نصب واحتيال )) هطّرد النهاردة ..


#44

افتراضي رد: ملك قلبى ع كرسى الاعتراف


المشاركة الأصلية كتبت بواسطة hannan
اهلاا اهلاا ياملوكا منورا كل العدلات ومنوره كل الكراسى وكلنا معاكى
تسلمى يا قمر

إظهار التوقيع
توقيع : ملك قلبى
#45

129127 رد: ملك قلبى ع كرسى الاعتراف

رد: ملك قلبى ع كرسى الاعتراف



شلونك رانيا وشلونها ملوكة و أنا رجعت ومعي الأسئلة يلا ظبطي قعدتك كدا وهي كاسة عصير فريز عشان تهدي أعصابك وتجاوبي بكل راحة وصراحة ههههههههههه

1:اذا كنتي قاعدة عالنت وحصراً منتدى عدلات ودخل وقت الصلاة بتقولي يا منتداي الغالي انتظرني سأعود بعد قليل ولا يا صلاتي انتظري شوية لسا في وقت؟

2:كم طفل عندك ربي يخليلك ياهم ؟
3:يا ترى بكم منتدى أنتِ مسجلة ولا عدلات وبس والباقي كلووو خس؟ هههههه
4: هل اعتمرتي في حياتك أو حجيتي؟




5:كم وزنك؟ هذا السؤال اختياري اذا ما حبيتي تجاوبي عليه احذفييييييييه ولا تترددي
وسامحيني طولت عليكي وباي أحسن يحذفوني من المنتدى هههه


إظهار التوقيع
توقيع : لؤلؤة الايمان
#46

افتراضي رد: ملك قلبى ع كرسى الاعتراف


المشاركة الأصلية كتبت بواسطة حبيبة أبوها
قفلت وفتحت ولفيت ومش عارفه اسألك اقولك ايه بس وصلت لاسئله ظريفه

* عضوة شايفاها من وجهة نظرك تستحق شهادة تقدير .. ((اختارى كذا واحده براحتك بدون مجامله )) ؟؟

* مين اكتر اعضاء نفسك تشوفيهم فى الواقع وتتعرفى عليهم اكتر ..؟؟*

* راضيه عن نفسك وحياتك ..؟؟

* ايه اكتر اكله انتى شاطرة فيها وبيقولوا عليكى بريمووووووو فيها ..؟؟

* ايه اكتر اكله انتى شاطرة فيها وبيقولوا عليكى بريمووووووو فيها ..؟؟

* ايه اكتر اكله انتى شاطرة فيها وبيقولوا عليكى بريمووووووو فيها ..؟؟(( سؤالين فى سؤال نصب واحتيال )) هطّرد النهاردة ..

* عضوة شايفاها من وجهة نظرك تستحق شهادة تقدير .. ((اختارى كذا واحده براحتك بدون مجامله )) ؟؟
لا بجد مش فاكره دلوقتى بس اللى تستحق شهادة التقدير كل واحده
بتحاول ترقى بالمنتدى وفى عضوات كتير على فكره زى العسل تحسيهم عاملين المنتدى بيتهم والعضوات اخواتهم على عكس عضوات تانيه يدخلوا يقروا الموضوع
وحتى الرد بكلمة شكرا بيستخسروها

* مين اكتر اعضاء نفسك تشوفيهم فى الواقع وتتعرفى عليهم اكتر ..؟؟*
برده كتير منهم طبعا حبيبتى حبيبة ابوها-لافالانتينا-لينا-ام هنا-دره مكنونه-امينه طبعا-ام مهند- ام وليد عشان نشوف حكايه اللغوه -عاشقة اولادى
بصى بجد ناس كتير ومش عايزه انسى حد كل ما افتكر هدخل احط الاسم
* راضيه عن نفسك وحياتك ..؟؟
بصى يا حبيبه مع ان الناس ساعات بتشكك الواحد فى نفسه بس فى الاخر بقتنع بنفسى وبكون راضيه جدا عن نفسى
لكن حياتى فى ناس تانيه مشتركه معايا فيها ساعات بيخلونى اكره حياتى وساعات تانيه بكون راضيه عنها جدا

* ايه اكتر اكله انتى شاطرة فيها وبيقولوا عليكى بريمووووووو فيها ..؟؟
بلا نقاش البشاميل
محشى ورق العنب مع انه عادى كل الناس بتعمله زى بعضها بس مش عارفه بيقولولى بيبقى حلو من ايدك
والشيش طاوووق

* اخر سؤال اذا فى ايديكى باقة ورد هتهديها لمين .. وتقولى لمين الكلمات دى ::

- .. البعد عنك غنيمة ,,,, - .. حياتى فى بعدك عذاب


بصراحه مفيش حد يستاهل
واقول البعد عنك غنيمه لاى انسان مش بيحبلى السعاده
والبعد عنك عذاب (بصراااحه لجوزى مقدرش استغنى عنه)
اسعدتينى كتير كتير كتير يا قمر ومش عايزاكى تغيبى عليا
بصى علينا كده من الوقت للتانى احنا منقدرش نستغنى عنك يا جميل



إظهار التوقيع
توقيع : ملك قلبى
#47

افتراضي رد: ملك قلبى ع كرسى الاعتراف

اهلا وسهلا يا رانيا اسعدنا وجودك على الكرسى
انا داخله ارحب ولكن مفيش اسئلة بيتدور فى دماغى وبما ان زوجك بيحب القلقاس
اقولك على طريقة عمايله صح واكسب فيكى ثواب عشان لما ياكله من ايديك
يقول يا اكل رانيا يا
ويجرى وراكى فى الشقة طول النهار من حلاوته
شوفى يا ست الكل قشرى القلقاس وقطعيه مكعبات صغيرة
وبعدين تكونى حاطة مايه بتغلى على البوتاجاز حطى القلقاس فى حلة وصبى عليه الميه وسيبه على النار يغلى لمدة10دقايق مش اكثر وبعدين حطيه فى الحوضوصبى عليه ميه الحنفية واقطعى قلبه من الغسيل بايدك لحد ماتلاقيه نطف من اللافرازات اللذجة اللى بتبقى فيهتكونى خرطى بصلة ناعمة جدا لان الخشنة بتروب القلقاس ومنظرة استغفر الله العظيم بيكون وحش جدا
المهم حمرى البصلة وتكون صفرا وحطى عليها الطماطم المضروبة فى الخلاط وسبكيها وبعدين تحطى عليها المرقة وتغلى وبعدين حطى القلقاس وغطى عليه يغلى بعد كدا حطيه على نار هادية جدا عشان يتكتك مع نفسه ويستوى على مهله و عشان ميروبش برده وحاولى تحطى شوربه كفاية له
وبعدين بصى عليه كل ربع ساعة عشان ميستويش وينهرى منك ظبطيه فى السوى
اعمليه وقوليلى النتيجة والله هتشكرينى
اصل القلقاس بالذات عايز حرص شويه فى عمايله
عشان يطلع حلو ومحدش يقرف ياكله عشان الافرازات اللى فيه
وبالهنا ولنا عودة مرة اخرى
سلام يا عثل


إظهار التوقيع
توقيع : امينة
#48

افتراضي رد: ملك قلبى ع كرسى الاعتراف


المشاركة الأصلية كتبت بواسطة أم وليد
رد: ملك قلبى ع كرسى الاعتراف



شلونك رانيا وشلونها ملوكة و أنا رجعت ومعي الأسئلة يلا ظبطي قعدتك كدا وهي كاسة عصير فريز عشان تهدي أعصابك وتجاوبي بكل راحة وصراحة ههههههههههه

1:اذا كنتي قاعدة عالنت وحصراً منتدى عدلات ودخل وقت الصلاة بتقولي يا منتداي الغالي انتظرني سأعود بعد قليل ولا يا صلاتي انتظري شوية لسا في وقت؟


2:كم طفل عندك ربي يخليلك ياهم ؟
3:يا ترى بكم منتدى أنتِ مسجلة ولا عدلات وبس والباقي كلووو خس؟ هههههه
4: هل اعتمرتي في حياتك أو حجيتي؟




:: هل اعتمرتي في حياتك أو حجيتي؟ هل اعتمرتي في حياتك أو حجيتي؟؟ هذا السؤال اختياري اذا ما حبيتي تجاوبي عليه احذفييييييييه ولا تترددي
وسامحيني طولت عليكي وباي أحسن يحذفوني من المنتدى هههه

يا هلا بام وليد يا هلا
نورتى عن جد
وميرسى على عصير الفريز(هو يعنى ايه فريز) ما علينا نبدا بالاجابات

:اذا كنتي قاعدة عالنت وحصراً منتدى عدلات ودخل وقت الصلاة بتقولي يا منتداي الغالي انتظرني سأعود بعد قليل ولا يا صلاتي انتظري شوية لسا في وقت؟
لا طبعا مقدرش اسيب النت
ههههه
لاطبعا بهزر هى يعنى الصلاه هتاخد منى وقت قد ايه عشان اتركها وعشان الثواب يكون اكتر وكده كده هصلى طيب ماانا اصليها فى ميعادها احسن
ولو قاعده على عدلات بسيبه عادى شغااااااال وارجع تانى.

2:كم طفل عندك ربي يخليلك ياهم
عندى ملك 4 سنين ومحمد 2 سنه ربى يخلينى ياهم

:يا ترى بكم منتدى أنتِ مسجلة ولا عدلات وبس والباقي كلووو خس؟ هههههه
انا اصلا يا ستى لسه مركبه النت من قريب يعنى تقريبا من اربع او خمس شهور وعمرى ماتخيلت اصلا انى اشترك فى اى منتدى والكلام ده
وفى يوم كنت شغاله بحث عن حاجات كتير ولقيت منتدى عدلات ظهر قدامى ولقيت التسجيل قولت العب شويه واجرب وخلاااااص وكانت المفاجئه بقى ظهرلى احلى منتدى واحلى بنات وستات والله
وهوكمان الوحيد ده انا حتى بحاول اشترك فى منتديات الرسائل المجانيه مش عارفه يعنى اشتراكى فى عدلات كان غلطه واحلى غلطه

: هل اعتمرتي في حياتك أو حجيتي؟
امنيتى عاجلا لا اجلا وخصوصا لان الواحد مش ضامن العمر جوزى هو اللى ندل وراح من غيرنا السنه اللى فاتت

كم وزنك؟
للاسف مش بوزن نفسى بصراحه بس تقريبا حاجه واربعين يعنى ما نعديش الخمسين ابدا انا زايده كمان الايام دى
ويمكن اللى مزود وزنىكده الطول كمان لانى طويله
شرفتينى يا قمر جدا جدا
واسئلتك كانت سكر زيك
وعقبال ما نسألك

إظهار التوقيع
توقيع : ملك قلبى
#49

افتراضي رد: ملك قلبى ع كرسى الاعتراف


المشاركة الأصلية كتبت بواسطة امينة
اهلا وسهلا يا رانيا اسعدنا وجودك على الكرسى
انا داخله ارحب ولكن مفيش اسئلة بيتدور فى دماغى وبما ان زوجك بيحب القلقاس
اقولك على طريقة عمايله صح واكسب فيكى ثواب عشان لما ياكله من ايديك
يقول يا اكل رانيا يا
ويجرى وراكى فى الشقة طول النهار من حلاوته
شوفى يا ست الكل قشرى القلقاس وقطعيه مكعبات صغيرة
وبعدين تكونى حاطة مايه بتغلى على البوتاجاز حطى القلقاس فى حلة وصبى عليه الميه وسيبه على النار يغلى لمدة10دقايق مش اكثر وبعدين حطيه فى الحوضوصبى عليه ميه الحنفية واقطعى قلبه من الغسيل بايدك لحد ماتلاقيه نطف من اللافرازات اللذجة اللى بتبقى فيهتكونى خرطى بصلة ناعمة جدا لان الخشنة بتروب القلقاس ومنظرة استغفر الله العظيم بيكون وحش جدا
المهم حمرى البصلة وتكون صفرا وحطى عليها الطماطم المضروبة فى الخلاط وسبكيها وبعدين تحطى عليها المرقة وتغلى وبعدين حطى القلقاس وغطى عليه يغلى بعد كدا حطيه على نار هادية جدا عشان يتكتك مع نفسه ويستوى على مهله و عشان ميروبش برده وحاولى تحطى شوربه كفاية له
وبعدين بصى عليه كل ربع ساعة عشان ميستويش وينهرى منك ظبطيه فى السوى
اعمليه وقوليلى النتيجة والله هتشكرينى
اصل القلقاس بالذات عايز حرص شويه فى عمايله
عشان يطلع حلو ومحدش يقرف ياكله عشان الافرازات اللى فيه
وبالهنا ولنا عودة مرة اخرى
سلام يا عثل

متشكرين يا ست الكل سترتى عليا ربنا يستر عليكى
بس مش المفروض فيها خضره انتى ما جبتيش سيرتها يابنتى والا قلقاسكوا غير قلقاسنا

إظهار التوقيع
توقيع : ملك قلبى
#50

افتراضي رد: ملك قلبى ع كرسى الاعتراف

قلقاسنا بعمله من غير خضرة
عادى اع7مليه زى ما قلتلك وحطى الخضرة ولا تزعلى

إظهار التوقيع
توقيع : امينة
#51

افتراضي رد: ملك قلبى ع كرسى الاعتراف

اهلا بيكى يا قمرعلى كرسى الاعتراف
منوراة
ممكن اسأل سؤال على الماشى معنديش أسئلة كتير
اه الى نفسك تحققية من خلل النت اهل المعرفة والاطلاع ام الوصول الى العمل من خلالة
معلش كل الاعضاء أسئلتهم عرفتتنى على الجميل
هههه
بارك الله فيكى وفى اسرتك

إظهار التوقيع
توقيع : أميرة القصر
#52

افتراضي رد: ملك قلبى ع كرسى الاعتراف


المشاركة الأصلية كتبت بواسطة مع الله
اهلا بيكى يا قمرعلى كرسى الاعتراف
منوراة
ممكن اسأل سؤال على الماشى معنديش أسئلة كتير
اه الى نفسك تحققية من خلل النت اهل المعرفة والاطلاع ام الوصول الى العمل من خلالة
معلش كل الاعضاء أسئلتهم عرفتتنى على الجميل
هههه
بارك الله فيكى وفى اسرتك
اهلا مع الله نورتينى والله
بصى انا اول ما دخلت النت بصراحه مكنش فى بالى انى اشترك فى اى منتدى وزى ما انتى شفتى اجاباتى ع الاسئله دى جات بالصدفه
وبصراحه كنت بسمع عن الناس اللى بتكسب من النت واقول يمكن ابقى زيهم وخصوصا ان جوزى رافض موضوع شغلى ده خالص وكمان عشان اعرفه اناحنا مش بنلعب (لانى بصراحه خريجه كمبيوتر ومعرفش فيه حاجه)

بس للاسف معرفتش اوصل لاى حاجه خاص (لو تعرفى ماتبخليش على اختك)
بعد بقى مادخلت واشتركت مع احلى منتدى واحلى عضوات نسيت الكلام ده كله انا ما بقتش اقدر اعدى يوم لأ مش يوم معرفش اعدى كام ساعه ورا بعض من غير ما ادخل واطمن على كل حبايبى الموجودين معانا حسيت زى ما اكون اعرفكوا من زمان ومعرفه شخصيه كمان ويارب تكونوا انتوا كمان بتبادلونى
نفس الشعور
وطبعا شرفتينى جدا جدا جدا جدا ولو افتكرتى اى سؤال ادينا قاعدين ابقى تعالى



إظهار التوقيع
توقيع : ملك قلبى
#53

افتراضي رد: ملك قلبى ع كرسى الاعتراف

ازيك يارونا منوره الكرسى والله ان اول مره اشترك فى موضوع كرسى الاعتراف لانى بجد بحبك وبحب مواضيعك ربنا يكرمك ويخليلك زوجك واولادك ويباركلك فيهم وياريت نكون اصدقاء
#54

افتراضي رد: ملك قلبى ع كرسى الاعتراف


المشاركة الأصلية كتبت بواسطة ضوء النهار
ازيك يارونا منوره الكرسى والله ان اول مره اشترك فى موضوع كرسى الاعتراف لانى بجد بحبك وبحب مواضيعك ربنا يكرمك ويخليلك زوجك واولادك ويباركلك فيهم وياريت نكون اصدقاء
اهلا يا جميل نورتينى
وانا بموووت فيكى
بصى انا معتبره كل اللى بيردوا على مواضيعى دول حبايبى واصدقائى عشان بيتواصلوا معايا
فأنتى كده كده صديقتى وحبيبتى من غير كلام يا قمر وبعدين هو انا اطووول
ومستنياكى بأسئلتك يا جميل

إظهار التوقيع
توقيع : ملك قلبى
#55

افتراضي رد: ملك قلبى ع كرسى الاعتراف

والله يا ست ملك مش عارفة اسألك اقولك ايه
ماشى عموما اللى هيجى على بالى
**ايه اكتر عيب فيكى مش عارفة تغيريه
&***- * ايه الشئ اللى ندمتى عليه وقولتى ياريتنى كنت عملته
***- ***- **هل انتى صبورة على اى شئ
***- ***- **هل كنتى مظلومة فى يوم وربنا ظهر الحق ورددتى الايه (ولانصرنك ولو بعد حين)
***- ***- ** بما انك بتعرفى تعملى الشيش طاووق ياريتتقولى لى على طريقته عشان اعمله
شوفتى اسئلتى سهلة ازاى
بس بامانة لما تعملى القلقاس تقوليلى ايه رأيك فى الوصفة

إظهار التوقيع
توقيع : امينة
#56

افتراضي رد: ملك قلبى ع كرسى الاعتراف


المشاركة الأصلية كتبت بواسطة امينة
والله يا ست ملك مش عارفة اسألك اقولك ايه
ماشى عموما اللى هيجى على بالى
**ايه اكتر عيب فيكى مش عارفة تغيريه
&***- * ايه الشئ اللى ندمتى عليه وقولتى ياريتنى كنت عملته
***- ***- **هل انتى صبورة على اى شئ
***- ***- **هل كنتى مظلومة فى يوم وربنا ظهر الحق ورددتى الايه (ولانصرنك ولو بعد حين)
***- ***- ** بما انك بتعرفى تعملى الشيش طاووق ياريتتقولى لى على طريقته عشان اعمله
شوفتى اسئلتى سهلة ازاى
بس بامانة لما تعملى القلقاس تقوليلى ايه رأيك فى الوصفة
ايه اكتر عيب فيكى مش عارفة تغيريه
ايه يا امينه احنا كل شويه هنعيد فيه والا ايه وعلى العموم هجاوبك برده بطريقه تانيه
بصى يا ست الكل الصفه اللى نفسى اغيرها هى الصراحه
لان الزمن ده مش عايز كده

ايه الشئ اللى ندمتى عليه وقولتى ياريتنى كنت عملته
ييييييييه حاجات كتير جدا وفى كل حاجه
بس اكتر حاجه
انى مقعدتش فى بيت منفصل عن بيت العيله


هل انتى صبورة على اى شئ
على كل شئ صبوره والله يا امينه
الا على غياب جوزى واولادى عنى

هل كنتى مظلومة فى يوم وربنا ظهر الحق ورددتى الايه (ولانصرنك ولو بعد حين)
كتير جدا والله يا امينه
وخصوصا لما اتجوزت وجيت فى بيت عيله وانتى عارفه بقى اللى بيحصل فى بيوت العيله

* بما انك بتعرفى تعملى الشيش طاووق ياريتتقولى لى على طريقته عشان اعمله
بس كده يا ستى انتى تؤمرى وادى الرابط عشان انا كنت منزله طريقته قبل كده
https://adlat.net/showthread.php?t=9969&highlight
ويارب تعمليها وتعجبك يا قمر
واتشرفت بمرورك جدا جدا


إظهار التوقيع
توقيع : ملك قلبى
#57

افتراضي رد: ملك قلبى ع كرسى الاعتراف

هاى يارونا اولا انا بحب طريقتك ومواضيعك جدا وهاسالك كام سؤال كده ويارب يبقى دمى خفيف عليكى :
1_ ايه ترتيبك فى الاسرة اخواتك يعنى ؟
2_ دراستك انتى اللى اخترتيها ولا مكتب تنسيق ؟
3_ موقف حصلك واثر فيكى ومش قادرة تنسيه ؟
4_ قريب او صديقة فارقتيها لاى سبب مين ؟
5_ اى نوع من الكتب بتحبى تقراى ؟
اوعى ما ترديش انت حرة وخدى بقى البوكية دهعشان تفتكري اختك فى الاجابات

إظهار التوقيع
توقيع : عاشقة اولادى
#58

افتراضي رد: ملك قلبى ع كرسى الاعتراف


المشاركة الأصلية كتبت بواسطة عاشقة اولادى
هاى يارونا اولا انا بحب طريقتك ومواضيعك جدا وهاسالك كام سؤال كده ويارب يبقى دمى خفيف عليكى :
1_ ايه ترتيبك فى الاسرة اخواتك يعنى ؟
2_ دراستك انتى اللى اخترتيها ولا مكتب تنسيق ؟
3_ موقف حصلك واثر فيكى ومش قادرة تنسيه ؟
4_ قريب او صديقة فارقتيها لاى سبب مين ؟
5_ اى نوع من الكتب بتحبى تقراى ؟
اوعى ما ترديش انت حرة وخدى بقى البوكية دهعشان تفتكري اختك فى الاجابات
اهلا بيكى يا جميل .نورتينى والله .وانتىغاليه عليا جدا جدا ومتشكرين على البوكيه الشيك ده.
وانتى اسئلتك كلها جات فى الصميم
زى ما تكونى عارفانى من زمان والله
نبدا بقى الاجابات يا قمر

_ ايه ترتيبك فى الاسرة اخواتك يعنى ؟
انا اكبرهم

_ دراستك انتى اللى اخترتيها ولا مكتب تنسيق ؟
هو بصراحه مكتب التنسيق ودانى القاهره فمكنش ينفع اسافر واسكن بعيد ولوحدى فأضطريت انى ادخل خاص فى محافظتى


3_ موقف حصلك واثر فيكى ومش قادرة تنسيه ؟
الخياااااااااااانه

_ قريب او صديقة فارقتيها لاى سبب مين ؟
صاحبتى - بسبب الخيانه

_ اى نوع من الكتب بتحبى تقراى ؟
بصراحه مليش فى قراية الكتب بس لو حصل بتبقى اما كتب دينيه او كتب اقدر اخد منها معلومه حلوه

اسئلتك كانت فى الصميم


نورتينى ياقمر ولو عندك اى سؤال تانى مايهمكيش
احنا فى الخدمه



إظهار التوقيع
توقيع : ملك قلبى
#59

افتراضي رد: ملك قلبى ع كرسى الاعتراف

منوره كرسى الاعتراف ياقمر ويارب يكون اسبوع سعيد
#60

افتراضي رد: ملك قلبى ع كرسى الاعتراف


المشاركة الأصلية كتبت بواسطة om ody
منوره كرسى الاعتراف ياقمر ويارب يكون اسبوع سعيد
ميرسى يا ام اودى ربنا يبارك فيكى
يعنى ما لزقتلناش كام سؤال ع الماشى كده؟

إظهار التوقيع
توقيع : ملك قلبى
#61

افتراضي رد: ملك قلبى ع كرسى الاعتراف

السلام عليكم ورحمة الله وبركاته
يا هلا يا هلا بالغالية منورة الكرسي يا قمر
يا رب يكون مريح ونكون خفاف عليكي وما تزهأيش مننا
معلش اتأخرت عليكي اصلي كنت بعمل شوبنج
بس مش عايزاكي تلزقي في الكرسي بقى وتحلفي ما تنزلي
ههههه
انتي عسل والله يا رونا ودمك شربات
ربنا يخليلك جوزك وعيالك ويطرح فيهم البركة
اما بالنسبة للقلقاس فااللي انتي تقصديه القلقاس بالسلق مش الطبيخ الاحمر
عموما مش موضوعنا لو عايزة طريقته ابقى ابعتهولك من عنيه
ندخل على الشغل بقى وابعدي شوية عشان الاسئلة ما تجيش في راسك
ههههههههههه
خدي عندك يا ستي
1- بما انك نفسك تلبسي النقاب ازاي اقتنعتي بيه وهل حاولتي تقنعي جوزك بيه؟
2-هل حاسة ان حياتك فيها حاجات لازم تتغير والا عجباكي كده؟
3- لو جاتلك فرصة سفر مع جوزك تبعدي فيها عن بيت العيلة توافقي والا تقولي البلد اللي نعرفها احسن من اللي ما نعرفهاش؟
4- بتتعاملي ازاي مع اولادك هل هما هاديين والا عفاريت؟
5-بما انك متجوزة بقالك سنين ممكن تدينا عصارة خبرتك بعد الجواز
بمعنى حياتك بعد الجواز اختلفت وايه اللي مستفيدة منه بعد الجواز؟
يا رب ما اكونش تقلت عليكي بس اعمل ايه بحبك
ههه
ومنورانا مرة تانية يا اخت رانيا وشرفتي ونورتي
وابقي زورينا
هههههههههههه
سلام يا قمر <استودعك الله>

إظهار التوقيع
توقيع : ام مهند 2009
#62

افتراضي رد: ملك قلبى ع كرسى الاعتراف


المشاركة الأصلية كتبت بواسطة ام مهند 2009
السلام عليكم ورحمة الله وبركاته
يا هلا يا هلا بالغالية منورة الكرسي يا قمر
يا رب يكون مريح ونكون خفاف عليكي وما تزهأيش مننا
معلش اتأخرت عليكي اصلي كنت بعمل شوبنج
بس مش عايزاكي تلزقي في الكرسي بقى وتحلفي ما تنزلي
ههههه
انتي عسل والله يا رونا ودمك شربات
ربنا يخليلك جوزك وعيالك ويطرح فيهم البركة
اما بالنسبة للقلقاس فااللي انتي تقصديه القلقاس بالسلق مش الطبيخ الاحمر
عموما مش موضوعنا لو عايزة طريقته ابقى ابعتهولك من عنيه
ندخل على الشغل بقى وابعدي شوية عشان الاسئلة ما تجيش في راسك
ههههههههههه
خدي عندك يا ستي
1- بما انك نفسك تلبسي النقاب ازاي اقتنعتي بيه وهل حاولتي تقنعي جوزك بيه؟
2-هل حاسة ان حياتك فيها حاجات لازم تتغير والا عجباكي كده؟
3- لو جاتلك فرصة سفر مع جوزك تبعدي فيها عن بيت العيلة توافقي والا تقولي البلد اللي نعرفها احسن من اللي ما نعرفهاش؟
4- بتتعاملي ازاي مع اولادك هل هما هاديين والا عفاريت؟
5-بما انك متجوزة بقالك سنين ممكن تدينا عصارة خبرتك بعد الجواز
بمعنى حياتك بعد الجواز اختلفت وايه اللي مستفيدة منه بعد الجواز؟
يا رب ما اكونش تقلت عليكي بس اعمل ايه بحبك
ههه
ومنورانا مرة تانية يا اخت رانيا وشرفتي ونورتي
وابقي زورينا
هههههههههههه
سلام يا قمر <استودعك الله>
يا هلا يا هلا بأم مهند اللى بمووووووووت فيها
انتى سكرة المنتدى يا جميل
بحبك مووووت والله
ندخل فى اجابات الامتحان بقى

- بما انك نفسك تلبسي النقاب ازاي اقتنعتي بيه وهل حاولتي تقنعي جوزك بيه؟
انا من زمان وانا كل شويه اقول البسه وارجع فى كلامى وأكتر حاجه بتخلينى ارجع فى كلامى عدم أقتناع جوزى بيه
مع انه مش بيحبنى اخرج بأى لبس ملفت أبدا وهو برده متدين يعنى شويه بس مش عارفه ايه حكايه النقاب معاه؟

هل حاسة ان حياتك فيها حاجات لازم تتغير والا عجباكي كده؟
ييييييييه حاجات كتير قوى يا أم مهند (بس الواحد هيعمل ايه بقى)

- لو جاتلك فرصة سفر مع جوزك تبعدي فيها عن بيت العيلة توافقي والا تقولي البلد اللي نعرفها احسن من اللي ما نعرفهاش؟
طبعاااااااا بون تردد ده انا حتى اللى بقوله بس هو حاطط امله كله فى بلد اوروبى
مع انه قدامه فرص كتير لبلاد عربى
وبعدين نروح للى ما يعرفناش ده حتى تغييير جو ههههه

4- بتتعاملي ازاي مع اولادك هل هما هاديين والا عفاريت؟
انا عندى ملك 4 سنين ملاك نازل من السما بس محمد جالها علمها الشقاوه كلها مع انه قد البليه سنتين بس




بما انك متجوزة بقالك سنين ممكن تدينا عصارة خبرتك بعد الجواز
بمعنى حياتك بعد الجواز اختلفت وايه اللي مستفيدة منه بعد الجواز؟
انا يا بنتى لما اتجوزت مكنتش اعرف حاجه خالص عن اى حاجه حتى ازاى اقابل الضيوف
وازاى اعامل اهل جوزى (كنت عبيييييطه) دخلت عليهم بطيبتى والزمن ده اتاريه مش عايز كده عايزك تبقى لئيمه عشان الناس تعملك الف اعتبار
وكل واحده برده بتختلف عن التانيه (والله اعلم يا بنتى )

نورتينى يا قمرى ويارب ما نكون قصرنا فى الاجابات
وما تغيبيش علينا أبقى اسألى

إظهار التوقيع
توقيع : ملك قلبى
#63

افتراضي رد: ملك قلبى ع كرسى الاعتراف

ملوووووووووووك تعالي اظبطي نفسك واقعدي ببراح كدة عشان هتتهرسي اسئلة
إظهار التوقيع
توقيع : sho_sho
#64

افتراضي رد: ملك قلبى ع كرسى الاعتراف


المشاركة الأصلية كتبت بواسطة sho_sho
ملوووووووووووك تعالي اظبطي نفسك واقعدي ببراح كدة عشان هتتهرسي اسئلة
ماشى يا جميل
سيبيلى الاسئله
وانا هاجى ارد عليها
اوكى
ونورتى يا قمر

إظهار التوقيع
توقيع : ملك قلبى
#65

افتراضي رد: ملك قلبى ع كرسى الاعتراف

السلام عليكم
منورة الكرسى يا ملوكة يا قمر ؟
بصى انا مش طماعة انا هسألك سؤال واحد بس
دلوقتى بعد مااتجوزتى واستقريتى والحمد لله ربنا رزقك بملك ومحمد
هل انتى حققتى كل احلامك ولو لسة ايه هو اكتر حلم بتحلمى بيه ؟؟؟؟

إظهار التوقيع
توقيع : بوسى كات M
#66

افتراضي رد: ملك قلبى ع كرسى الاعتراف

يارب ما اتاخرت بالرد اناااا


اهلا اختى ملك

منووووووووره الكرسى يا قمر

حتى لايق جدا على لبسك

ناقصك بس تاج على راسك وتبقى احلى اميره




المهم يا قمر


سؤالى هو



انتى بالصلاه ع النبى ربيتى البنت والولد زى ما فهمت من اخواتى هنا

فايهما اصعب بالتربيه

البنت ام الولد ولماذا؟؟؟؟

إظهار التوقيع
توقيع : ريموووو
#67

افتراضي رد: ملك قلبى ع كرسى الاعتراف


المشاركة الأصلية كتبت بواسطة بوسى كات m
السلام عليكم
منورة الكرسى يا ملوكة يا قمر ؟
بصى انا مش طماعة انا هسألك سؤال واحد بس
دلوقتى بعد مااتجوزتى واستقريتى والحمد لله ربنا رزقك بملك ومحمد
هل انتى حققتى كل احلامك ولو لسة ايه هو اكتر حلم بتحلمى بيه ؟؟؟؟

اهلا بيكى يا بسبوسه يا قمر
نورتينى يا جميل
بصى يا ستى انا نفسى طبعا اول حاجه ان ربنا يكتبلى انى احج بيت الله
وتانى حاجه ان شاء الله انى افتح مشروع خاص بنفسى
ونورتى يا قمر سؤالك فعلا كان سهل الحمد لله



إظهار التوقيع
توقيع : ملك قلبى
#68

افتراضي رد: ملك قلبى ع كرسى الاعتراف


المشاركة الأصلية كتبت بواسطة ريموووو
يارب ما اتاخرت بالرد اناااا


اهلا اختى ملك

منووووووووره الكرسى يا قمر

حتى لايق جدا على لبسك

ناقصك بس تاج على راسك وتبقى احلى اميره




المهم يا قمر


سؤالى هو



انتى بالصلاه ع النبى ربيتى البنت والولد زى ما فهمت من اخواتى هنا

فايهما اصعب بالتربيه

البنت ام الولد ولماذا؟؟؟؟
اهلا بيكى ريموووو يا قمر نورتينى
الوووووولد طبعااااااااااااا تربيته اصعب
كانوا زمان دايما يقولوا تربية الولد صعبه وطلع فعلا كلامهم صح
والسبب يا بنتى الشقاااااااوه

انا لحد ملك ما كبرت مفيش حاجه عندى باظت او انكسرت لحد ما هو جه قام بالواجب وزياده
وكمان بيطلب وينكد على حاجات ماتنفعش تتعمل خالص زى نزول الشارع مثلا لوحده
والمطبخ بقى واللى بيحصل فبه ما اقولكيش
خلى الطابق مستور
ونورتينى يا جميل
وشكرا لمرورك


إظهار التوقيع
توقيع : ملك قلبى
#69

افتراضي رد: ملك قلبى ع كرسى الاعتراف

اهلين ملك هانم استنينى اروح اصلى العشا وجيلك ب5 اسئله انتظرينى
إظهار التوقيع
توقيع : ♥ احبك ربى ♥
#70

افتراضي رد: ملك قلبى ع كرسى الاعتراف

معلش يارونا اتاخرت عليكى
إظهار التوقيع
توقيع : ♥ احبك ربى ♥
#71

افتراضي رد: ملك قلبى ع كرسى الاعتراف

بصى بقى ياستى؟
هاشوفت ايه!

قوليلى وماتخبيش يازين ايش تقول العين للعين


1/ ايه الحاجه اللى بتضايقك وبتغيظك وايه بردوه الحاجه اللى بتفرحك ؟
سالت السؤال ده قبل كده وهاكرره تانى واسالهولك انتى كمان
2/قصه تسجيلك فى المنتدى وكيف عرفتى المنتدى؟
3/لو شوفتى وردتين واحده حمرا والتانيه بنبى مين فيهم تختارى ولمين تهديها؟
4/ ادكرى من الاعضاء من هم نشط ومثقف ومفقود واثقه من نفسه ومين تتمنى تلتقى بيه ومين نفسك تغير اسمه؟
5/ ايه الحاجه اللى بتفكرى فيها وخطرت على بالك دلوقتى حالا؟
وكفايه عليكى كده

إظهار التوقيع
توقيع : ♥ احبك ربى ♥
#72

افتراضي رد: ملك قلبى ع كرسى الاعتراف

؟؟؟؟؟؟؟؟؟؟
اين الاجابه
!!!!!!!!!!!!!!!!!!!!!!!!!!!!!!!

إظهار التوقيع
توقيع : ♥ احبك ربى ♥
#73

افتراضي رد: ملك قلبى ع كرسى الاعتراف

يا بنات
إظهار التوقيع
توقيع : زهرة الصبار
#74

افتراضي رد: ملك قلبى ع كرسى الاعتراف

انا هنا
إظهار التوقيع
توقيع : زهرة الصبار
#75

افتراضي رد: ملك قلبى ع كرسى الاعتراف

ينفع انضم ليكم
إظهار التوقيع
توقيع : زهرة الصبار
#76

افتراضي رد: ملك قلبى ع كرسى الاعتراف


المشاركة الأصلية كتبت بواسطة lenai
بصى بقى ياستى؟
هاشوفت ايه!

قوليلى وماتخبيش يازين ايش تقول العين للعين


1/ ايه الحاجه اللى بتضايقك وبتغيظك وايه بردوه الحاجه اللى بتفرحك ؟
سالت السؤال ده قبل كده وهاكرره تانى واسالهولك انتى كمان
2/قصه تسجيلك فى المنتدى وكيف عرفتى المنتدى؟
3/لو شوفتى وردتين واحده حمرا والتانيه بنبى مين فيهم تختارى ولمين تهديها؟
4/ ادكرى من الاعضاء من هم نشط ومثقف ومفقود واثقه من نفسه ومين تتمنى تلتقى بيه ومين نفسك تغير اسمه؟
5/ ايه الحاجه اللى بتفكرى فيها وخطرت على بالك دلوقتى حالا؟
وكفايه عليكى كده
يا هلا يهلا بست الكل
نورتى يا قمر وما اخرتيش ولا حاجه ماهو كده لازم نحلى فى الاخر
1/ ايه الحاجه اللى بتضايقك وبتغيظك وايه بردوه الحاجه اللى بتفرحك ؟
بجد بجد لما يكون حد ظالمنى او متبلى عليا بكلمه مثلا او لما حد ياخد عنك فكره غلط وما تعرفيش توصليله الحقيقه
والحاجه اللى بتفرحنى طبعا اننا نكون انا وجوزى واولادى مبسوطين.


/قصه تسجيلك فى المنتدى وكيف عرفتى المنتدى؟
بجد كانت صدفه كنت مركبه النت جديد وقاعده بقى فرحانه بيه وشغاله بحث عن حاجات ليها لازمه وملهاش
فلقيت منتديات كتير بأسماء ستات على وزن اسم عدلات فقلت اقعد اجرب وادخل اسماء من دماغى
وفجأه كتبت فى البحث عدلات وظهر بقى احلى منتدى فلقيته ممنوع انك تقرى الموضوع كله من غير ما تكونى مسجله فقلت اجرب وخلاص(مع انى مش بعرف اسجل اشتراك خالص)بس سبحان الله الامور مشت تمام عشان بس ادخل واعرف ناس قمرات زيكوا يا قمر


لو شوفتى وردتين واحده حمرا والتانيه بنبى مين فيهم تختارى ولمين تهديها؟
الحمرا طبعا لجوزى
والبمبى لماما زى بعضه هى هترضى باى حاجه هههه


/ ادكرى من الاعضاء من هم نشط ومثقف ومفقود واثقه من نفسه ومين تتمنى تلتقى بيه ومين نفسك تغير اسمه؟
انا طبعا مش هقدر احكم مين فيهم الفات دى بس من النشطاء ده طبعا غير المشرفات هتكون زهره الصبار وتوتسى وامة الله وفى تانى بصراحه بس انا مش متذكره
وبجد كتيييييير من الاعضاء نفسى اشوفهم والمشرفات كلهم كمان


ايه الحاجه اللى بتفكرى فيها وخطرت على بالك دلوقتى حالا؟
هههههه
انى اروح عند ماما من زمان مارحتش عندها
عدلات بقى واخدانى منها

بجد بجد سعدت جدا بيكى يا لينا وبأسئلتك العسل دى
ويارب يارب الاسبوع اللى بعد ده تكونى انتى عشان نسألك بقى

إظهار التوقيع
توقيع : ملك قلبى
#77

افتراضي رد: ملك قلبى ع كرسى الاعتراف

ها حد يرد
إظهار التوقيع
توقيع : زهرة الصبار
#78

افتراضي رد: ملك قلبى ع كرسى الاعتراف

منورين
إظهار التوقيع
توقيع : زهرة الصبار
#79

افتراضي رد: ملك قلبى ع كرسى الاعتراف

اهلا بيكى يا بسبوسه يا قمر
نورتينى يا جميل
بصى يا ستى انا نفسى طبعا اول حاجه ان ربنا يكتبلى انى احج بيت الله
وتانى حاجه ان شاء الله انى افتح مشروع خاص بنفسى
ونورتى يا قمر سؤالك فعلا كان سهل الحمد لله




يااارب تحققى كل احلامك يا قمر

إظهار التوقيع
توقيع : بوسى كات M
#80

افتراضي رد: ملك قلبى ع كرسى الاعتراف

زهره الصبار انتى تايهه ولا ايه ادخلى اقرئى قوانين كرسى الاعتراف وشاركينا بلا الاسئله و المنتدى كله ممكن ينضم معانا
إظهار التوقيع
توقيع : ♥ احبك ربى ♥
#81

افتراضي رد: ملك قلبى ع كرسى الاعتراف

اتبسطنا كتير وياكى يارونا
إظهار التوقيع
توقيع : ♥ احبك ربى ♥
#82

افتراضي رد: ملك قلبى ع كرسى الاعتراف

شكرا ليكى كتيييييير يا لينا
وشكرا لكل حبايبنا اللى نورونى
وانا انبسطت كتير معاكو

إظهار التوقيع
توقيع : ملك قلبى
أدوات الموضوع


قد تكوني مهتمة بالمواضيع التالية ايضاً
الموضوع كاتب الموضوع المنتدى
hadeel HM ضيفتنا على كرسى الاعتراف ♥ احبك ربى ♥ كرسي الاعتراف
ضيفتنا على كرسى الاعتراف فتاه الذهب ♥ احبك ربى ♥ كرسي الاعتراف
ام هنا ضيفتنا على كرسى الاعتراف ♥ احبك ربى ♥ كرسي الاعتراف
عسولة المنتدى على كرسى الاعتراف ♥ احبك ربى ♥ كرسي الاعتراف
زهره الصبار على كرسى الاعتراف ♥ احبك ربى ♥ كرسي الاعتراف


الساعة الآن 11:47 AM


جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل