أو

الدخول بواسطة حسابك بمواقع التواصل

#1

12 ما تيجوا تفيدونا يامتزوجة انتى وهى

السلام عليكم ورحمة الله وبركاته


بعد ازيكم وسلامات وكيف الحال ...

طبيعى كل واحده اتجوزت الحمدلله جهزت شقتها او الحاجات اللى كانت مطلوبة منها

ايه اللى اشترتيه من الاجهزة وندمتى عليه ..؟؟؟؟

وايه اللى اشترتيه وطلع معاكى تمام765234abec300a6وزى الفل ماشاءالله ..؟؟؟؟

يعنى اجهزة او انواع معينة من الحلل او الكلام دا ..

علشان نستفيد من خبراتكم وكل واحده بتجهز حالها تعرف ايه النوعيات

الحلوة وايه النوعيات الوحشه وكدا يعنى ..!! (( استغلال خبرات بئه ))





فى انتظار مشاركاتكم وارائكم ياعدولات ياشُطار ياحلويين

فى أمـان الله



#2

افتراضي رد: ما تيجوا تفيدونا يامتزوجة انتى وهى

بصى يا قمر طقم الحلل الاستلس جبته تركى وجميل شغال زى الفل
وطقم الحلل صاج بردك جميل بالوه 4 سنين شغال فله
غسلتى اديال الحمد لله حلةه بردك
بتجازى تكنو احلى حاجه فيه الفرن
مش عارفه ايه تانى
بس نصحتى متجبيش هدوم كتير ولا حجات للنيش كتير بجد ندمت
لان حجاتى لسه فيها مش اتلبس ولا استعملته وطبعا طلع حجات جديده وكمان النيش ده زى قلته دفعت فى الحجات الى فيه مبلغ محترم وفى الاخر منظر وخلاص

إظهار التوقيع
توقيع : امة الله
#3

افتراضي رد: ما تيجوا تفيدونا يامتزوجة انتى وهى

بصى يا بيبه انت فجأتينى
هافكر وارجعلك بقى

بس فعلا بلالالالالاش اللبس الكتير لانك هتحتاجى تجددى وهتجيبى تانى غصب عنك
وهتلاقى الدولاب اتراكمت فيه الملابس
وهيكون اغلبيتها للزينه طبعا

إظهار التوقيع
توقيع : ملك قلبى
#4

افتراضي رد: ما تيجوا تفيدونا يامتزوجة انتى وهى

امممممم

شوفى يا ستى

انا فى جوازى عملت لى فساتين كتير وتمنها غالى بس للاسف

لبستها بس ايام فرحى وبعدين اتركنت فى الدولاب

يعنى لو جبت بتمنها دهب او شئ اقدرستفيد منه بعدين كان افضل

الهدوم بتروح مضتها بسرعه والجسم بعد الزواج بيتغير

وبكده بتخسرى اوى الفساتين الديقه والفخمه اوى

ماتقدرى تلبسيها فى اى وقت ولا فى اى مناسبه



بس

انا اخدت مكياجى وعطورى بالطقم

ودى بتقعد معاكى كتير اوى

غير لما تاخدى كل حاجه لوحدها تكون اغلى وماتناسب مع كل شئ

لما تشترى الشنط متكتريش منهم لانك حتغيريهم بسرعه مع اول طفل وحاجاته حتى تخدمتى شنطه خاصه بطفلك

لانك حتحملى شنطتين بدل وحده غير الطفل طبعا

ده اللى خطر على بالى

لما افتكر شئ جديد حباه اكتبه

إظهار التوقيع
توقيع : ريموووو
#5

افتراضي رد: ما تيجوا تفيدونا يامتزوجة انتى وهى

طبعا اى ادوات كهربائيه مع بدايه الجواز بتكون نعمه ومهمه اوى

فاحسن شئ لماتختارى اختارى اللى يضايم معاكى كتير والكبير

متاوليش الصغير ارخص

سرعان ماراح تندمى وتقولى الوقت عدى بسرعه والعيله بتكبر ولازمنى اغير

البتوجاز

الغساله

التلاجه

الدواليب


كلها لو جت حجم كبير مش حتخسرى

إظهار التوقيع
توقيع : ريموووو
#6

افتراضي رد: ما تيجوا تفيدونا يامتزوجة انتى وهى

فعل موضوع مهم جداااااااا
لان فى بعض البنات بتبص لااصحابها وعاوزة تجيب كل حاجةوده طبعا تكلفة على الاهل
بالنسبة للملابس زى ماقالوا الاخوات الفاضلات
ماتكثرى من الملابس والمفروشات
كل يوم بيطلع جديد
بالنسبة لللاجهزة
احسن حاجة الغسالى ايديال زنوسى
والثلاجة شارب يااما توشيبا
والديب فريزر مهم جدااا
والاحسن الكتروستارالرأسى ابو ادراج
والبوتوجاز كريازى تحفة
والسخان اولمبيك
واوعى تكثرى من اوانى النيش وبلاش طقم الصينى الكبير
عن تجربة وانا بجهز بنتى جبت لها اطقم العشاء العشرين طبق والموديلات الجديدة
تحفة وقمة فى الجمال
حافكر واقولك تانى

إظهار التوقيع
توقيع : مصريه اكيد
#7

افتراضي رد: ما تيجوا تفيدونا يامتزوجة انتى وهى

موضوع رائع بجدا
بعثرت الكلمات حينما حاولت
أن أسطر لك عبارات الثناء و
الامتنان لقاء مجهودك الرائع
تكللت جهودك بالنجاح
فهنيئا" لكى

إظهار التوقيع
توقيع : همس الوجود
#8

افتراضي رد: ما تيجوا تفيدونا يامتزوجة انتى وهى

والله يا اختى موضوع اكتر من ممتاز بس انا علشان بره بيتى ومسافره مع زوجى مش هقدر افيدك كتير زى الاخوات الكريمات بس فعلا عندهم حق فى موضوع الملابس وركزى فى اجهزة المطبخ اوى لا تقصرى فيه نهائى
#9

افتراضي رد: ما تيجوا تفيدونا يامتزوجة انتى وهى

يعنى النقاط بتاعتكم كلها تتلخص فى الاتى ::
بلاش ملابس كتير ... وحاجات النيش مفيش داعى لكترتها
وطقم الاستانلس التركى جميل
غساله ايديال زانوسى وبوتاجاز تكنو الفرن احلى .. وبوتاجاز كريازى
التلاجة شارب او توشيبا ..


فى انتظار العدولات الباقيين .. وخالص وجزيل الشكر
لأمة الله ,, وملك قلبى ,, ريمو ,, مصريه اكيد ,, همس الوجود ,, ملك عسكر

#10

افتراضي رد: ما تيجوا تفيدونا يامتزوجة انتى وهى

ايوه كده يا حبيبه انتى اللى فهمانا
إظهار التوقيع
توقيع : totsy
#11

افتراضي رد: ما تيجوا تفيدونا يامتزوجة انتى وهى

السلام عليكم
انا متزوجه من 3 سنين وهقولك على اكتر حاجات بستخدمها
الغساله ايديال زانوسى ماشاء الله جميله
التلاجه كريازى بس مش حلوه قوى كل فتره تنزل مياه ومش عارفالها سبب
السخان اوليمبك والمكنسه باناسونيك 1800 خطيره
زى كل العدولات ما افادوكى حاجات النيش الكتير مالهاش لزمه
جيبى طقم صينى حلو للعزايم طقمى اسمه المصريه الالمانيه للبورسلين اسالى عنه اسعاره حلوه وجيبى للمطبخ اركو بيركس او اركوبال فرنساوى خطييييييير
وتيفال زهران خطير انا جبت حلتين بس مش الطقم كله والحلل الصاج حلوه والاستانلس التركى حلو
استانلس زهران برده خطيييير
السجاد جيبيه صغير عشان متتعبيش فى التنضيف
اهتمى بالبرفانات والمكياج جيبى انواع محترمه عشان تحافظى على بشرتك
زى بورجوا انا جبت حاجاتى قليله بس حلوه
الملابس اهتمى بالاقطان متنسيهاش عشان الحر بالنهار
وعلى البركه

إظهار التوقيع
توقيع : ام البنات مريم وجومانا
#12

افتراضي رد: ما تيجوا تفيدونا يامتزوجة انتى وهى

السلام عليكم بصي ياستي مش هاول اكتر من البنات بنسبة للمطبخ الاسنلس المصري او التركي ابعدي عن الصيني وكل الصيني سوري زبالة التيفال هاتي حلتين او تلاتة بس كفاية ونوعة زهران والنيش هاتي اشياء جميلة بس بسيطة والجمال مش بازحمة ومافيش داعي للصيني هاتي طقمين اكروبال او بايركس وبالنسبة للمعالق هاتي طقم للنيش وشوية فرداني للمطبخ وبالنسبة للاجهزة البتجاز جيلمو جاز وينفرسل حلوين والتلاجة توشيبا 2باب مش تلاتة وكريازي الغسلة معلش انا عندي توشيبا نص اتوماتك مش هدار افيدك ونصيحة ابعدي عن الاجهزة الرخيصة الخلاط كينود ممتاز ونيجي بقي للهدوم بالنسبة للداخلي هاتي شوية مقاسك وشوية كبير لان الجسم بيتغير اثناء الحمل وحاولي يكون الاكتر الاقطان وبالنسبة للنجيري ما تجبيش كتير وبالتوفيق ولما افتكر حاجة هرجعلك تاني
#13

افتراضي رد: ما تيجوا تفيدونا يامتزوجة انتى وهى

الاطباق نوعية الاركوبيركس .. والأركوبال الفرنساوى
الحلل تيفال زهران او ستانلس زهران او التركى ..
السخان اولمبيك والمكنسه 1800 باناسونيك
التلاجه الكريازى مش تمام .. التوشيبا افضل او شارب
الغساله الجميع متفق على ايديال زانوسى والحوضين توشيبا
الميكب ماركة نضيفه افضل حتى اذا جبتى حاجات قليله ماركة بورجوا
الملابس القطنيه افضل . .

ربنا يكرمكم يابنات يارب ..
شكرا خاص لام البنات مريم وجومانا ونوارا
واى خدمة يا توتسى لدينا كل ما هو مفيد وجديد
فى انتظار المزيد ان شاء الله ..
وكل سنة وانتم طيبين

بالمناسبه كنت عرفت ان انواع الغسالات الايديال زانوسى العبد الايطالى
مش متوفرة فى السوق والمنتشر حالياً ال جى .. ايه رأيكم حد جرب النوعيه دى ؟؟!!

#14

افتراضي رد: ما تيجوا تفيدونا يامتزوجة انتى وهى

انا سمعت من بنات وستات بيوت كتير انها مش كويسة وملهاش قطع غيار في بلدنا
#15

افتراضي رد: ما تيجوا تفيدونا يامتزوجة انتى وهى

اللى عرفته كمان يا نوارا ان الوايت ويل اذا باظت ملهاش قطع غيار
الايديال زانوسى المتوفر فى قطع غيارها الصينى .. وما أدراكِ ما الصينى
غنى عن التعريف طبعاً


#16

افتراضي رد: ما تيجوا تفيدونا يامتزوجة انتى وهى

الله الموفق
#17

رأي رد: ما تيجوا تفيدونا يامتزوجة انتى وهى

السلام عليكم...

أنا شخصيا هأقولكم من خلال خبرتي المتواضعة جدا في الموضوع ولأني متزوجة حديثا وكمان نزلت كتير ولفيت وقعدت أدور ونزلت مع كتير من صحباتي عشان نشتري مستلزمات الجهاز

أول نصيحة أحب أقولها لك ... اهتمي بالجودة بتاعت أي حاجة تشتريها حتى لو الكم هيكون قليل وطبعا كل واحدة وحدود إمكانياتها واحتياجاتها

بس أنا بأشوف أنك لو اشتريتي حاجة جودتها كويسة وماركة معروفة حتى لو هتدفعي أزيد سنة فده مع مرور الوقت هتكتشفي إنه أوفر لك بكتير من إنك تشتري حاجات كتير جودتها مش أد كده وكل شوية تبوظ فتصلحيها أو تشتري غيرها... كإنك رميتي فلوسك في الأرض

تاني نصيحة اشتري احتياجاتك بس بغض النظر عن كلام الناس والبنت لازم تشتري كذا وتعمل كذا ... لأنك في الآخر أنتي اللي هتدفعي مش الناس

وبعدين أنك تشتري حاجات قليلة جودتها كويسة أحسن ماتشتري حاجات كتييييير بس ملهاش لزمة وأي كلام

أنا هبتدي معاكي بالمطبخ لأن حاجاته كتيرة جدا ومبتخلصش

والجملة الشهيرة ... ممكن تفضلي لحد يوم الفرح الصبح تشتري في حاجات وحاسة إنك لسه مخلصتيش
طبعا محبكيش توصلي للمرحلة دي

حاولي نشتري حاجاتك وتخلصي كل حاجة على أد ماتقدري ... واللي متعرفيش تخلصيه قبل الجواز أبقي اشتريه بعدها الدنيا ما أتهدتش...

اكتبي كل احتياجاتك في ورقة تبعا لأولوياتها واستشيري ناس سبقوكي تكوني بتثقي فيهم

طبعا المطبخ فيه:

1. حلل (تيفال – أستانلس – صاج - ألومنيوم) ...

[IMG]https://fbcdn-sphotos-a.***- /hphotos-ak-snc7/310848_246054622109782_202232713158640_639343_1909747551_n.jpg[/IMG]

أنا شخصيا أنصحك بشراء حلل تيفال للأرز والمكرونة والحاجات اللي ممكن تلزق وتتعبك في التنضيف وأستانلس في سلق اللحوم وطهي الخضراوات ... لأنهم عمليين جدا وصحيين جدا أكتر من الألومنيوم اللي بيسبب أمراض مع مرور الوقت والصاج لو الحلة اتخدشت هيبقى مفروض تترمي ومتستعمليهاش ... هتقوليلي طب ما التيفال برضو ممكن يتخدش .. هأقولك استعملي معلقة خشب

والتيفال فيه ميزة عدم الالتصاق وتنضيفه سهل جداااااااااا وطبعا اشتري التيفال من نوع معروف وأنا شخصيا شايفة أن أحسن نوع تيفال هو برستيج يليه تيفال زهران ... وأنا شخصيا جربت الاتنين برستيج التيفال بتاعه أمتن وفيه طبقات أكتر ومعاه ضمان مدى الحياة ... الأستانلس مش فارقة أوي أهم حاجة قاعدة الحلة تكون سميكة والحلة لما تيجي تمسكيها تحسي أنها تقيلة

2. صواني (تقديم – فرن – صواني كيك) ...

[IMG]https://fbcdn-sphotos-a.***- /hphotos-ak-snc7/301068_246059628775948_202232713158640_639375_1031731269_n.jpg[/IMG]
صواني التقديم دي خاضعة لذوقك وإمكانياتك إنما أنصحك أنك تشتري صواني الفرن والكيك تيفال وزي ما قولت قبل كده أن أحسن نوع هو برستيج هتشتريه وبجد هتنسيه ... عايزة تعملي كيكة وتقلبيها هتتقلب معاكي وعمرها ماهتلزق في ناس بتشتري صواني ألومنيوم وطواجن بيركس .. البيركس جميل وصحي جدا وكل حاجة بس عايز معاملة خاصة جدا وحرص

3. الكيتشن ماشيين...

[IMG]https://fbcdn-sphotos-a.***- /hphotos-ak-ash4/299646_246046332110611_202232713158640_639294_1227975563_n.jpg[/IMG]

في ماركات كتيرة جدا كويسة تتناسب مع إمكانياتك ... في براون ومونليكس وكينوود ... أنا شخصيا شايفة أن كينوود من أفضل الماركات لكذا سبب ... أولا هي ماركة عالمية معروفة جدا .. ثانيا بتوفر أغلب احتياجاتك (خلاط.. كبة.. مضرب بيض.. أسلحة تقطيع وبشر..عصارة برتقال) في جهاز واحد بسعر تحفة جدااااااااا

ده غير أنك لو متابعة قناة فتافيت هتلاقي أغلب البرامج بتستخدم كينوود في أغلب الاستعمالات ... ممكن لو شايفة أن الكيتشين ماشيين ملهوش لزمة أو مش هي دي احتياجاتك تشتري خلاط بمطحنة وكبة (لأنك تقريبا دي أكتر حاجات بتستخدميها في الكيتشن ماشيين بشكل يومي يعني مينفعش تستغني عنهم)

4. طقم سكاكين ومعالق ... المعالق اهتمي أنك تشتري حاجة مصنوعة من الأستانلس عشان تعيش معاكي من غير مالونها يغير وطبعا أحسن حاجة ف الأستنالس ... الألماني (طبعا هو أغلاهم) ...

وده أنصحك تخليه للسفرة

وتجيبي طقم تاني (6قطع من كل من الشوك والسكاكين والمعالق) تخليه للمطبخ ... بالنسبة للسكاكين ففي طقم سكاكين برستيج حلو جداااااااااا وأنا زعلت أوووووي أني معرفتش أن برستيج بتنزل أطقم سكاكين بسعر تحفة ومعاه حامل خشب تحطي السكاكين جواه وكان نفسي أرجع طقم السكاكين بتاعي وأجيب برستيج بس ملحقتش أعمل كده لأني اتزنقت في الوقت

5. الكوبايات والكاسات:

رد: ما تيجوا تفيدونا يامتزوجة انتى وهى

طبعا هتشتري كوبايات للشاي وشوبات للماء وكاسات للعصير ده غير حاجة النيش ... يستحسن أنك تشتري من كوبايات الشاي طقمين زي بعض وكذلك في الكاسات عشان لو جالك عدد كبير يبقى الحاجات كلها زي بعض


نآخد فاصل ولأرجع أواصل إن شاء الله

#18

افتراضي رد: ما تيجوا تفيدونا يامتزوجة انتى وهى


المشاركة الأصلية كتبت بواسطة شهد الامارات
الله الموفق
ربنا يوفقك ويكرمك ان شاء الله

المشاركة الأصلية كتبت بواسطة مشمشة المفرفشة
السلام عليكم...

أنا شخصيا هأقولكم من خلال خبرتي المتواضعة جدا في الموضوع ولأني متزوجة حديثا وكمان نزلت كتير ولفيت وقعدت أدور ونزلت مع كتير من صحباتي عشان نشتري مستلزمات الجهاز

أول نصيحة أحب أقولها لك ... اهتمي بالجودة بتاعت أي حاجة تشتريها حتى لو الكم هيكون قليل وطبعا كل واحدة وحدود إمكانياتها واحتياجاتها

بس أنا بأشوف أنك لو اشتريتي حاجة جودتها كويسة وماركة معروفة حتى لو هتدفعي أزيد سنة فده مع مرور الوقت هتكتشفي إنه أوفر لك بكتير من إنك تشتري حاجات كتير جودتها مش أد كده وكل شوية تبوظ فتصلحيها أو تشتري غيرها... كإنك رميتي فلوسك في الأرض

تاني نصيحة اشتري احتياجاتك بس بغض النظر عن كلام الناس والبنت لازم تشتري كذا وتعمل كذا ... لأنك في الآخر أنتي اللي هتدفعي مش الناس

وبعدين أنك تشتري حاجات قليلة جودتها كويسة أحسن ماتشتري حاجات كتييييير بس ملهاش لزمة وأي كلام

أنا هبتدي معاكي بالمطبخ لأن حاجاته كتيرة جدا ومبتخلصش

والجملة الشهيرة ... ممكن تفضلي لحد يوم الفرح الصبح تشتري في حاجات وحاسة إنك لسه مخلصتيش
طبعا محبكيش توصلي للمرحلة دي

حاولي نشتري حاجاتك وتخلصي كل حاجة على أد ماتقدري ... واللي متعرفيش تخلصيه قبل الجواز أبقي اشتريه بعدها الدنيا ما أتهدتش...

اكتبي كل احتياجاتك في ورقة تبعا لأولوياتها واستشيري ناس سبقوكي تكوني بتثقي فيهم

طبعا المطبخ فيه:

1. حلل (تيفال – أستانلس – صاج - ألومنيوم) ...

[IMG]https://fbcdn-sphotos-a.***- /hphotos-ak-snc7/310848_246054622109782_202232713158640_639343_1909747551_n.jpg[/IMG]

أنا شخصيا أنصحك بشراء حلل تيفال للأرز والمكرونة والحاجات اللي ممكن تلزق وتتعبك في التنضيف وأستانلس في سلق اللحوم وطهي الخضراوات ... لأنهم عمليين جدا وصحيين جدا أكتر من الألومنيوم اللي بيسبب أمراض مع مرور الوقت والصاج لو الحلة اتخدشت هيبقى مفروض تترمي ومتستعمليهاش ... هتقوليلي طب ما التيفال برضو ممكن يتخدش .. هأقولك استعملي معلقة خشب

والتيفال فيه ميزة عدم الالتصاق وتنضيفه سهل جداااااااااا وطبعا اشتري التيفال من نوع معروف وأنا شخصيا شايفة أن أحسن نوع تيفال هو برستيج يليه تيفال زهران ... وأنا شخصيا جربت الاتنين برستيج التيفال بتاعه أمتن وفيه طبقات أكتر ومعاه ضمان مدى الحياة ... الأستانلس مش فارقة أوي أهم حاجة قاعدة الحلة تكون سميكة والحلة لما تيجي تمسكيها تحسي أنها تقيلة

2. صواني (تقديم – فرن – صواني كيك) ...

[IMG]https://fbcdn-sphotos-a.***- /hphotos-ak-snc7/301068_246059628775948_202232713158640_639375_1031731269_n.jpg[/IMG]
صواني التقديم دي خاضعة لذوقك وإمكانياتك إنما أنصحك أنك تشتري صواني الفرن والكيك تيفال وزي ما قولت قبل كده أن أحسن نوع هو برستيج هتشتريه وبجد هتنسيه ... عايزة تعملي كيكة وتقلبيها هتتقلب معاكي وعمرها ماهتلزق في ناس بتشتري صواني ألومنيوم وطواجن بيركس .. البيركس جميل وصحي جدا وكل حاجة بس عايز معاملة خاصة جدا وحرص

3. الكيتشن ماشيين...

[IMG]https://fbcdn-sphotos-a.***- /hphotos-ak-ash4/299646_246046332110611_202232713158640_639294_1227975563_n.jpg[/IMG]

في ماركات كتيرة جدا كويسة تتناسب مع إمكانياتك ... في براون ومونليكس وكينوود ... أنا شخصيا شايفة أن كينوود من أفضل الماركات لكذا سبب ... أولا هي ماركة عالمية معروفة جدا .. ثانيا بتوفر أغلب احتياجاتك (خلاط.. كبة.. مضرب بيض.. أسلحة تقطيع وبشر..عصارة برتقال) في جهاز واحد بسعر تحفة جدااااااااا

ده غير أنك لو متابعة قناة فتافيت هتلاقي أغلب البرامج بتستخدم كينوود في أغلب الاستعمالات ... ممكن لو شايفة أن الكيتشين ماشيين ملهوش لزمة أو مش هي دي احتياجاتك تشتري خلاط بمطحنة وكبة (لأنك تقريبا دي أكتر حاجات بتستخدميها في الكيتشن ماشيين بشكل يومي يعني مينفعش تستغني عنهم)

4. طقم سكاكين ومعالق ... المعالق اهتمي أنك تشتري حاجة مصنوعة من الأستانلس عشان تعيش معاكي من غير مالونها يغير وطبعا أحسن حاجة ف الأستنالس ... الألماني (طبعا هو أغلاهم) ...

وده أنصحك تخليه للسفرة

وتجيبي طقم تاني (6قطع من كل من الشوك والسكاكين والمعالق) تخليه للمطبخ ... بالنسبة للسكاكين ففي طقم سكاكين برستيج حلو جداااااااااا وأنا زعلت أوووووي أني معرفتش أن برستيج بتنزل أطقم سكاكين بسعر تحفة ومعاه حامل خشب تحطي السكاكين جواه وكان نفسي أرجع طقم السكاكين بتاعي وأجيب برستيج بس ملحقتش أعمل كده لأني اتزنقت في الوقت

5. الكوبايات والكاسات:

رد: ما تيجوا تفيدونا يامتزوجة انتى وهى

طبعا هتشتري كوبايات للشاي وشوبات للماء وكاسات للعصير ده غير حاجة النيش ... يستحسن أنك تشتري من كوبايات الشاي طقمين زي بعض وكذلك في الكاسات عشان لو جالك عدد كبير يبقى الحاجات كلها زي بعض


نآخد فاصل ولأرجع أواصل إن شاء الله
وعليكم السلام ورحمة الله وبركاته

ماشاءالله عليكِ كفيتِ ووفيتِ باحتياجات المطبخ خصوصاً الحلل لأن منها أنواع كتير وانضفهم فعلاً التيفال خصوصاً زهران او التركى وبعديه الاستانلس
وممكن حتى العروسة تستغنى عن الصاج والالومنيوم..

وبخصوص الكيتشن ماشين المشكلة ان الصينى احتل الادوات المنزلية لذلك ممكن تجمعيهم قطعه قطعه يعنى خلاط كبه مضرب بيض كدا
ويابختها اللى تلاقى ماركة كينوود حتى مش صينى ..

وبانتظار عودتك مرة اخرى ياحبيبتى .. ونورتى وآنستى

جزاكِ الله خيراً وربنا يباركلك يارب ويسعدك بحياتك يارب آمين

#19

افتراضي رد: ما تيجوا تفيدونا يامتزوجة انتى وهى

انا جبت تلاجه توشيبا ايامها قالو احسن حاجه بس انا صراحه بكرهها مش حلوه

كمان الحلل الاستنلس جبت التركى حلوه اوى احسن من الالومينيوم والتيفال طبعا عندى التلاته بس بستخدم الاستانلس اكتر

المفرمه بالكهربا حلوه اوى اوى اوى

فرن الكهربا مكنتش حبته بس جبته بعدين ممتاز بيعمل حاجات احسن من الفرن العادى

ايه يا ربى ايه ايه لما افتكر حرجعلك تانى

#20

افتراضي رد: ما تيجوا تفيدونا يامتزوجة انتى وهى

ال جى الغساله الديجيتال فظيعه كفايه شكلها بس بيقولو كمان الصيانه بتاعتها متوفره ولو عاوزه تجيبى كبرى هاتى ال 7 ك او ال 8 بتنفع فى غسيل الللحاف الفايبر والبطاطين

الغساله عندى زانوسى العبد الايطالى ام حله بلاستيك اللى مش بتصدى ابدا ابدا بس انا صراحه عاوزه اغيرها واجيب الديجيتال

#21

افتراضي رد: ما تيجوا تفيدونا يامتزوجة انتى وهى


المشاركة الأصلية كتبت بواسطة لافالانتينا
انا جبت تلاجه توشيبا ايامها قالو احسن حاجه بس انا صراحه بكرهها مش حلوه

كمان الحلل الاستنلس جبت التركى حلوه اوى احسن من الالومينيوم والتيفال طبعا عندى التلاته بس بستخدم الاستانلس اكتر

المفرمه بالكهربا حلوه اوى اوى اوى

فرن الكهربا مكنتش حبته بس جبته بعدين ممتاز بيعمل حاجات احسن من الفرن العادى

ايه يا ربى ايه ايه لما افتكر حرجعلك تانى

المشاركة الأصلية كتبت بواسطة لافالانتينا
ال جى الغساله الديجيتال فظيعه كفايه شكلها بس بيقولو كمان الصيانه بتاعتها متوفره ولو عاوزه تجيبى كبرى هاتى ال 7 ك او ال 8 بتنفع فى غسيل الللحاف الفايبر والبطاطين

الغساله عندى زانوسى العبد الايطالى ام حله بلاستيك اللى مش بتصدى ابدا ابدا بس انا صراحه عاوزه اغيرها واجيب الديجيتال
*ال جى فعلا ناس شكرت فيها وقالوا جميله ماشاءالله لان زانوسى العبد الايطالى مبقتش موجودة انقرضت فى السوق باين البديل الحلو ليها ال جى ..

* كمان الاستانلس التركى نضيف ماشاءالله زى التيفال التركى برضه ناس شكرت فيه جداً اللى هو سافلون ..

* بس الغريبه ان ناس شكرت فى التلاجة توشيبا .. الكريازى ناس بتشكر فيها بيقولوا جميله برضه نضيفه ..

ومنكم نستفيد ياجميل لما تعصرى دماغك كدا يمكن تلاقى حاجه مستخبيه كدا ولا كدا وتفيدينا
ياخبره

منورة بيتك ومطرحك ياحبيبتشى

#22

افتراضي رد: ما تيجوا تفيدونا يامتزوجة انتى وهى

التوشيبا ضيقه من جوه ارففها ضيقه كمان الباب بتاعها متعرفيش تحطى فيه غير ازازه رفيعه والفريزر صغير

الحلوه بقى ايديال ايليت حلوه وواسعه

#23

افتراضي رد: ما تيجوا تفيدونا يامتزوجة انتى وهى


المشاركة الأصلية كتبت بواسطة لافالانتينا
التوشيبا ضيقه من جوه ارففها ضيقه كمان الباب بتاعها متعرفيش تحطى فيه غير ازازه رفيعه والفريزر صغير

الحلوه بقى ايديال ايليت حلوه وواسعه
اه والايديال ايليت جميله اوى برضه بفتكر فى اسمها مش جاى معايا خالص
الزهايمر بقى
كويس انك فكرتينى
متحرمش منك ياااااااااااااارب روحى ياشيخه الله يصلح حالك دنيا وآخرة آميييين

#24

افتراضي رد: ما تيجوا تفيدونا يامتزوجة انتى وهى

الله يخليكى يا هاميس اى خدمه
#25

افتراضي رد: ما تيجوا تفيدونا يامتزوجة انتى وهى

الموضوع فعلا رائع انامتزوجه منثلاث سنوات فعلا لما كنت بجهز كنت عايزه اجيب كل حاجه وحاجات كتتتربس ندمت والله الحاجات كتير وتكلفه عالفاضى نيجى للمهم بقى بس ياستى اناجبت فى المتبخ طقم ستاليس تركى فعلا تحفه وتيفال زهران بس متكتريش كفايا3 حلل مقاسات مختلفه وذ 2
#26

افتراضي رد: ما تيجوا تفيدونا يامتزوجة انتى وهى

سورررررررررى اكمل موضوعى طسات مقاسات مختلفه واحده للبيض وواحده كبيره جبت كمان الصاج الكامل بس نصيحه بلاش الالومنيم ملوش لزمه ممكن تكترى من الصوانى التيفال والقوالب مقاسات مختلفه وطقم بيركس للاستعمال اليومى نيجى بقى للنيش بلاش تكترى كفايه طقمين كاسات بهيمى وكرستال للزينه والباقى عادى للاستعمال وكمان بلاش تكترى فى الهدوم وهاتيها مقاسات اوسع لان الجسم بيتغير بعد الز............ودمتم
يارب اكون فيدكم

#27

افتراضي رد: ما تيجوا تفيدونا يامتزوجة انتى وهى

مشكووووووووورين على الموضوع

هي اكتر حاجة افيدكم فيها الهدوم بلاش نكتر منها لان الموضة كل يوم بتتغير وكمان ممكن تتضيق عليكي

لكم تحياتي

#28

افتراضي رد: ما تيجوا تفيدونا يامتزوجة انتى وهى


المشاركة الأصلية كتبت بواسطة ام حمزه السلفيه
الموضوع فعلا رائع انامتزوجه منثلاث سنوات فعلا لما كنت بجهز كنت عايزه اجيب كل حاجه وحاجات كتتتربس ندمت والله الحاجات كتير وتكلفه عالفاضى نيجى للمهم بقى بس ياستى اناجبت فى المتبخ طقم ستاليس تركى فعلا تحفه وتيفال زهران بس متكتريش كفايا3 حلل مقاسات مختلفه وذ 2

المشاركة الأصلية كتبت بواسطة ام حمزه السلفيه
سورررررررررى اكمل موضوعى طسات مقاسات مختلفه واحده للبيض وواحده كبيره جبت كمان الصاج الكامل بس نصيحه بلاش الالومنيم ملوش لزمه ممكن تكترى من الصوانى التيفال والقوالب مقاسات مختلفه وطقم بيركس للاستعمال اليومى نيجى بقى للنيش بلاش تكترى كفايه طقمين كاسات بهيمى وكرستال للزينه والباقى عادى للاستعمال وكمان بلاش تكترى فى الهدوم وهاتيها مقاسات اوسع لان الجسم بيتغير بعد الز............ودمتم
يارب اكون فيدكم
* اكيد افدتينا .. فعلاً معاكِ حق بخصوص الاستانلس والتيفال اللى تجيبهم مفيش داعى للألومنيوم ..
* بخصوص الهدوم يُستحسن تيجى واسعه شويتين او تعمل احتياطاتها يعنى .. ومفيش داعى للكثرة ..
وربنا يهنيكِ ويسعدك يارب

المشاركة الأصلية كتبت بواسطة فلسطين
مشكووووووووورين على الموضوع

هي اكتر حاجة افيدكم فيها الهدوم بلاش نكتر منها لان الموضة كل يوم بتتغير وكمان ممكن تتضيق عليكي

لكم تحياتي
على رأيك والله ..

جزاكم الله خيراً وبارك الله فيكم ..

#29

افتراضي رد: ما تيجوا تفيدونا يامتزوجة انتى وهى

موضوع هايل
و في انتظار تفاعل الاخوات


اجمـــــل تقييم يا قمر

إظهار التوقيع
توقيع : زهرة الأوركيدا
#30

افتراضي رد: ما تيجوا تفيدونا يامتزوجة انتى وهى


المشاركة الأصلية كتبت بواسطة هل يا سيدي فرج قريب
موضوع هايل
و في انتظار تفاعل الاخوات


اجمـــــل تقييم يا قمر
تسلمى ياقمر وانا معاكى منتظرة

#31

افتراضي رد: ما تيجوا تفيدونا يامتزوجة انتى وهى

ربنا يكرمك ويوفقكم بجد انا استفدت كتير منكم
إظهار التوقيع
توقيع : مشمشة نور
#32

افتراضي رد: ما تيجوا تفيدونا يامتزوجة انتى وهى


المشاركة الأصلية كتبت بواسطة مشمشة نور
ربنا يكرمك ويوفقكم بجد انا استفدت كتير منكم
ويكرمك ياحبيبتى .. الافادة حلوة برضه لازم نستفاد من خبرات بعض
وربنا يسعدك يارب يااحبيبتى

#33

افتراضي رد: ما تيجوا تفيدونا يامتزوجة انتى وهى

موضوع جميل حبيبه ابوها
انا هقولك بقى بالنسبة للبس
انا اتجوزت بقمصان بيت وعبايات كتير صيفى وشتوى
لكن اللى استعملته البيجامات والترنجات
والصيف بادى وشورت او قميص حمال للبيت
انما اللبس الكم والقمصان مش بلبسها غير اذا حد جه زارنى
يعنى عبابات بيت افضل
بس طبعاً ما تنسوش الروب اكتر حاجه استعملتها اكتر من القمصان الشتوى والعبايات

إظهار التوقيع
توقيع : فريق امتياز
#34

افتراضي رد: ما تيجوا تفيدونا يامتزوجة انتى وهى

بصى حبيبتى فى البدايه كل كلام اخواتك صح بس هقولك على حاجه انا لما اتجوزت مجبتش هدوم كتيره واتجوزت معايا فى نفس الاسبوع اخت جوزى وكان دولابها مليان هدوم طبعا هى اهتمت بالهدوم وجابت اجهزه وحاجات اى كلام وانا عملت العكس اهتميت بالاجهزه ومهتمتش بالهدوم ولا بالنيش قوى مع انه كان مليان وكانت النتيجه انى اتعايرت بقلة هدومى وقلة حاجة النيش وصلت بيهم لحد ان حمايا قال انى جايبه 4كوبايات بس وانى معنديش هدوم ودولابى فاضى ؟؟؟؟بصى حبيبتى الناس مالهاش الا الظاهر شوفى طبيعة البشر اللى عندك ايه واتصرفى على اساسها وربنا يهديلك الحال ويوقعك فى ناس ولاد حلال
#35

افتراضي رد: ما تيجوا تفيدونا يامتزوجة انتى وهى


المشاركة الأصلية كتبت بواسطة فريق امتياز
موضوع جميل حبيبه ابوها
انا هقولك بقى بالنسبة للبس
انا اتجوزت بقمصان بيت وعبايات كتير صيفى وشتوى
لكن اللى استعملته البيجامات والترنجات
والصيف بادى وشورت او قميص حمال للبيت
انما اللبس الكم والقمصان مش بلبسها غير اذا حد جه زارنى
يعنى عبابات بيت افضل
بس طبعاً ما تنسوش الروب اكتر حاجه استعملتها اكتر من القمصان الشتوى والعبايات
اه وفى كمان عبايات بتبقى زى اللف كدا احسن من الروب بيتهألى ,,
عموماً ومنكم نستفيد وشكراً للإفادة ياغاليه

المشاركة الأصلية كتبت بواسطة ام حمزه وعمر
بصى حبيبتى فى البدايه كل كلام اخواتك صح بس هقولك على حاجه انا لما اتجوزت مجبتش هدوم كتيره واتجوزت معايا فى نفس الاسبوع اخت جوزى وكان دولابها مليان هدوم طبعا هى اهتمت بالهدوم وجابت اجهزه وحاجات اى كلام وانا عملت العكس اهتميت بالاجهزه ومهتمتش بالهدوم ولا بالنيش قوى مع انه كان مليان وكانت النتيجه انى اتعايرت بقلة هدومى وقلة حاجة النيش وصلت بيهم لحد ان حمايا قال انى جايبه 4كوبايات بس وانى معنديش هدوم ودولابى فاضى ؟؟؟؟بصى حبيبتى الناس مالهاش الا الظاهر شوفى طبيعة البشر اللى عندك ايه واتصرفى على اساسها وربنا يهديلك الحال ويوقعك فى ناس ولاد حلال
ربنا يتقبل منك ويهديلك الحال ان شاء الله ,, وشكراً ليكِ على شعورك النبيل .. ربنا يكرمك يارب ياحبيبتى ..

جزيل الشكر ليكم حبيباتى ,,

#36

افتراضي رد: ما تيجوا تفيدونا يامتزوجة انتى وهى

والله انا كنت محتاجه لارائكم لانى مخطوبة وبجهز وانتم افدتونى كتييييييييير جزاكم الله خيررررررررا
#37

افتراضي رد: ما تيجوا تفيدونا يامتزوجة انتى وهى

حبيبتي و الله الموضوع مهم و انا أيضا محتارة أخذ معايا إيه و لا اخلي إيه...
المهم راني عارفة أنه ما نكثرش ملابس كثيرلأن تصغر عليا و أفكر في أشياء تخص البيت أكثر شيء لأنها تدوم
شكرا على الموضوع

أدوات الموضوع


قد تكوني مهتمة بالمواضيع التالية ايضاً
الموضوع كاتب الموضوع المنتدى
اجازة الأولاد بدأت.. تعالوا لهذا الدرس الهاااااام أم أمة الله العناية بالطفل
انسانه مش سعيده نورهان عامر فضفضة وحل المشاكل
رواية مع وقف التنفيذ , للكاتبه مشاعر غالية صفاء الحياة قصص - حكايات - روايات


الساعة الآن 10:29 AM


جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل