امه الله ع كرسى الاعتراف

عدد الأسئلة لكل عضو محددة في 5 حتى يتسنى للأعضاء الآخرين طرح أسئلتهم وكذلك لعدم إرهاق الضيف بالأجوبة ولكن لايسمح له العوده مره اخرى .


لو وضع أكثر من خمسه أسئلة

السلام عليكم
انا فرحانه انى معاكم والله
ومتشكره اوى للمشرفه ولكل العضوات
وان شاء الله اجاوب على كل الاسئله بصراحه على اد مقدر
متشكره تانى ليكم كلكم

بس استاذنكم ابدء الاجابات من بكره
عشان انهرده اجازه وزوجى قاعد فى البيت ومش هقدر اعد على النت اكتر من 10 دقائق
ان شاء الله بكره هجاوب وهعد على الكرسى مش هتحرك
ههههههههه

ههههههههه
شكرا يا ريمو يا قمر
انارجعت اهو اخدت افراج بدرى شويه

انا متشكره ليكى يا لينا على الاستضافه الحلوه ديه
وبجد الكرسى مريح وجميل خصوصا مع احلى اخوات فى الدنيا العدولات القمرات
اما بخصوص اشتراكى فى المنتدى
انا كنت ببحث فى جوجل على موضوع مش فاكره ايه بصراحه وكان من ضمن النتائج منتدى عدلات
لفت نظرى الاسم فدخلت وسجلت فى الاول عشان المنتدى نسائى وديه كانت اهم حاجه عندى
بس مكنتش بدخل كتير فى الاول بس بعد كده المنتدى بقى اول اختيار لى اول لما افتح النت
والسبب العضوات القمرات الى مشفتش منهم الا كل خير وتقدير بجد
ومن غير ما نعرف بعض خالص
وبجد كانت كمان من الاسباب الى حببتنى فى عدلات المسابقات لانى من الناس الى تحب البحث والمنافسه جداااا
فكانت عنصر جذب ليا
بس معاملة العضوات والمشرفات كانت اهم حاجه بالنسبه ليا
وعرفت ناس كتير من عدلات وكلهم فى منتهى الذوق والجمال والله

اما سؤالك التانى
انا ام ريناد
خريجة ليسانس اداب
عايشه فى القاهره
واهم هواياتى الطبخ والشعر

بجد انا كنت فرحانه اوى لانى حسيت ان فى تقدير
وفرحت اكتر لما فزت بنسبه عاليه من الاصوات وحسيت ان فيه تقدير كمان من اخواتى العضوات رغم ان كل البنات كانو يستهلو كل الخير والله
وديه فرصه اشكر كل العدولات الى صوتولى والى مش صوتولى بجد كلهم قمرات

ده من زوقك بس يا قمر

نورتى الكرسى يا امه
اسفه انها جات متأخر
وانتى من اكتر العضوات اللى بموووووووت فيها بجد
بس مش هسألك النهارده
استنى اسئلتى

ربنا يكرمك ويبارك فيكى يا ملك
متشكره اوى يا قمر
وربنا يعلم القلوب عند بعضها
وانا منتظره يا جميل

قوليلى بقى يا ست امه
ايه اكتر حاجه ممكن تضايقك وتنرفزك
ومين اكتر شخص قلبك بيرقله
وطمعانه اعرف اسمك لو ما يضايقكيش يا قمر
وانتى خريجة ايه
وكان نفسك تشتغلى ايه

يارب الاسئله تكون خفيفه

منورانى يا ملك
بصى حجات كتير اوى ممكن تنرفزنى مع انى مش من السهل ابين عصبيتى وببان هاديه اوى
لكن اطقى شر الحليم بقى لما ازعل بيكون زعلى صعب اوى
بس اكتر حاجه تضيقنى بجد الكدب بعيد عنك وعن السمعين مطقش الكدب ابداااااااا
اكتر حد فى الدنيا بحبه هما امى وابويا ربنا يخليهم يااااااارب
وبناتى دول بقا انا بحبهم اكتر من نفسى والله
واخواتى حبايبى ربنا يخليهم ويوسعها عليهم يارب
وطبعا زوجى ربنا يخليه
اسمى خليه بقا بينى وبينك مش على الهوا كده
انا كان نفسى اشتغل مدرسه تعليم اساسى
سبحان الله ليا تاثير على الاطفال وبخليهم يحبو الدراسه
انا اشتغلن فتره بسيطه قبل الجواز وكان نفسى اكمل بس يلا
انا خريجة ليسانس اداب
ومتشكره يا حببتى على الاسئله الجميله

شكرا يا امه على الردود الجميله

نورتينى يا قمره

هههههههههه
انتى عسل ودمك زى السكر
وربنا بارك فيكى وفى مهند يارب
وربنا يكرمك على الكلام الجميل يا قمره
بصى بقا انا كنت هسمى بنتى ماسى ومعناه الماس عادى
بس زوجى موفقش وقلى لا ده اسم مدلع اوى
اختارى واحد تانى واخترت ريناد كنت سمعته مره وعجبنى وكمان لاقيت معناه حلو اوى
وهو اسم شجره بتتزرع فى ارض الحجاز
وكمان معناه البخور الممتاز ذو الرائحه الذكيه
وعندى كمان روان بس ربنا يخليهم والحمد لله عليهم
الحمد لله من زمان وانا بنت وانا بصلى التراويح والتهجد فى المسجد كمان بس للاسف بعد ما تزوجت فى القاهره
زوجى مكنش بيوافق انزل المسجد وكمان عشان البنات مش هينفع اسبهم لانى مليش حد هنا غير حماتى وهى ست كبيره مش بحب اتعبها
فبصلى فى البيت الحمد لله
انا بتعامل فى حكاية الاكل ديه عادى كانى فى الايام العاديه بالظبط محنا طول السنه بنعمل اكل بس فى رمضان الناس لازم تعمل اكل ويترمى اه والله بحس ان الناس لو مرمتش الاكل كل يوم ميحسوش برمضان
لا عادى والله وانا كمان غاويه طبخ بس فى رمضان ببقى اققل من الايام العاديه بكتير فى المطبخ
وربنا يعنا جميعا على الطاعه فى الشهر الجميل يارب
اما حكاية الكحك والبسكويت والكلام ده ربنا يخلى امى حببتى والله بتعملى انا واختى وتجبهلنا لحد عندنا جاهز
ومشاء الله استاذه ربنا يخليها ويديها الصحه يارب
والله يا اختى مش هكدب وقول مش بتفرج لا بتفرج وانا فى المطبخ
واصلا بنتى طول النهار فتحه على نيكالودين ومشفش حاجه وانا بطبعى مش غاويه افلام اكاد اكون مش بتفرج على الافلام بس بشوف لبرامج الحواريه لان بحب اعرف الاحداث ووجهات النظر فيها يعنى مش غاويه افلام ومسلسلات اوى
بس فى رمضان ان شاء الله بستغل الوقت فى القران لان ديه العهباده الى قريبه من قلبى اوى
وكمان التسبيح والاستغفار
اللهم لك الحمد على نعمة الاسلام وكفا بيها نعمه
انا نفسى ربنا يرضى عنى وعن كل الى بحبهم
ونفسى اشوف بناتى احسن بنات فى الدنيا وربتا يخليهم ويبارك فيهم
واربيهم بما يرضى الله وربنا يعنا ويقدرنا يارب
انا راى ان النقاب جميل جداا
وفى نفس الوقت مسئوليه
وربنا يهدينا الى خير السبيل جميعا يارب

ومتشكره يا حببتى على الاسئله الجميله
وكل سنه وانتى بالف خير يارب
ونورتينى جدااا
اموه

يا حببتى والله القلوب عند بعضها وانا كمان بحبك والله وبحس انك انسانه محترمه ويشرفنى انك تكونى اخت ليا والله
ربنا يكرمك ويديم المحبه يارب
هو فى مواقف كتير لكن اكثرهم صعوبه يوم وفاة جدتى رحمها الله
لو قعدت احكى عنها سنين مش ممكن اوفيها حقها
كانت ست جميله فى الشكل وفى الطبع طيبه وحنينه
كل من ليه مشكله كانت تفتحله قلبها وبيتها
كانت محبوبه جدااااا وكانت معايا كانها صحبتى
وفى المواقف الكبيره بميت راجل ربنا يرحمها يارب هى وجدى
واموات المسلمين
بامانه ومن غير مبالغه كلهم كل العدولات محترمات جدا واتمنى اقبلهم كلهم
بس اكتر عضوه قريبه ليا وبجد جدعه جدااا هى سجما ديما تسال عليا وبحبها فى الله والله
وطبعا ملك قلبى وعاشقة اولادى وهمس لا فى عضوات كتير فى عدلات قريبن منى اوى
ارشح ريموووو
انا بحبها وبحس انها طيوبه اوى
اهم هواياتى هى الشعر انا بكتب شعر وانا فى 5 ابتدائى
وكمان الطبخ وبدات اطبخ من اولى ثانوى والفضل بعد ربنا لامى حببتى كانت ديما تقولى عكى وانا راضيه وكانت بتشجعنى اوى لحد مبقيت بشهادة الكل شاطره فى المطبخ من كله

انا متشكره اوى يا قمره انك اهتماتى
واسئلتك جميله زيك

يا حببتى والله القلوب عند بعضها وانا كمان بحبك والله وبحس انك انسانه محترمه ويشرفنى انك تكونى اخت ليا والله
ربنا يكرمك ويديم المحبه يارب
هو فى مواقف كتير لكن اكثرهم صعوبه يوم وفاة جدتى رحمها الله
لو قعدت احكى عنها سنين مش ممكن اوفيها حقها
كانت ست جميله فى الشكل وفى الطبع طيبه وحنينه
كل من ليه مشكله كانت تفتحله قلبها وبيتها
كانت محبوبه جدااااا وكانت معايا كانها صحبتى
وفى المواقف الكبيره بميت راجل ربنا يرحمها يارب هى وجدى
واموات المسلمين
بامانه ومن غير مبالغه كلهم كل العدولات محترمات جدا واتمنى اقبلهم كلهم
بس اكتر عضوه قريبه ليا وبجد جدعه جدااا هى سجما ديما تسال عليا وبحبها فى الله والله
وطبعا ملك قلبى وعاشقة اولادى وهمس لا فى عضوات كتير فى عدلات قريبن منى اوى
ارشح ريموووو
انا بحبها وبحس انها طيوبه اوى
اهم هواياتى هى الشعر انا بكتب شعر وانا فى 5 ابتدائى
وكمان الطبخ وبدات اطبخ من اولى ثانوى والفضل بعد ربنا لامى حببتى كانت ديما تقولى عكى وانا راضيه وكانت بتشجعنى اوى لحد مبقيت بشهادة الكل شاطره فى المطبخ من كله

انا متشكره اوى يا قمره انك اهتماتى
واسئلتك جميله زيك

انتى الى جميله ربنا يكرمك ويديم المحبه يارب

ازيك انتى يا قمره وحشانى
هوايتىالشعر والطبخ
بحب القراءه جداااااا
هروح ايطاليا او اسبانيا


وانتى بصحه وخير وهنا نورتى يا قمر