أو

الدخول بواسطة حسابك بمواقع التواصل

#1

عايزة أبكى من انهارده للسنة إللى جاية ومش عايزة حد يقولى مالك..

عايزة أبكى من انهارده للسنة إللى جاية ومش عايزة حد يقولى مالك .....
حياتى ماشوفتش فيها يوم عدل ، كله هم ونكد
محدش مهتم لأمرى أب آسى وأنانى أمى مش محسسانى إن هى أمى ، دايما بتهزفيا ثقتى بنفسى ، عمرها مادعمتنى فى أى حاجة ،
مرة مراة عمى قللت من أخويا قدامها سكتت وعملت مش واخدة بالها ، لكن أنا مسكتش لأنها مش أول مرة هى غلاطة بطبعها ، قولت لعمى الموقف وقولتلة خليها تاخد بالها من كلامها بعد كدة والله بكل ذوق .. ألاقى أمى داخلة عليا الأوضة وبتكدبنى قدامة فى كل كلمة مع إن هى اللى حكيالى الموقف ... تخيلو الموقف ..
مش هقدر أنسى أبدا يوم مااتقدملى اتنين قالت قدام الكل أنا ماليش دعوة ماتدخلش فى جوازة بنت ولا ولد ....
والله مع إنها طيبة أوى فى جاجات تانية ومع كل الناس
وكتييير أوى أكتر من ميت مرة ...... وبابا مش هجيب سيرته لأنى مش مستنية منه حاجة أصلاً ...




دلوقتى أنا المفروض كتب كتابى وخطوبتى على وشك .... وهيكونوا بإذن الله أول يوم العيد
سبت أمى وأختى بعد ما سدوا نفسى عن الخطوبة والفرحة وكل حاجة فى الدنيا ، أنا قراية الفاتحة استمرت قرب سنتين والناس عمالة كانت تتكلم وتذل فيا ع التأخير .. فعلاً أنا أول واحدة إتخطبت فى الشارع بتاعنا .. وكل اللى إتخطبوا بعدى يإما اتجوزوا أو افراحهم قربت .،، بإختصار يعنى بتمنى من ربنا يوم أفرح فيه زى مخاليق ربنا .. وعلشان الناس ترحمنى شوية من السؤال هو العريس فين ؟.. مع إنه والله قريبى ومن عيلة كويسة ومرتاحين إحنا وهما مادياً ...
ولما اليوم دة قرب .. الكل إتفقوا وحلفوا إنى ما أفرح .. بابا بيتلكك فى الجهاز وأمى بتقولى يوم العيد هى الناس فضيالك محدش هيجيلك .. وأختى بتقولى إفرحى بفرحك لوحدك وهو فاضى عليكى ..
طب أنا أعمل إيه ظروف شغل خطيبى صعبة ...
يا جماعة الكلام مش مترتب وممكن ماتتخيلوش حجم المشكلة لكن والله قربت أنهار كل ما أكلم خطيبى بيوصلة من صوتى النكد اللى أنا فيه لحد ما قرب يكرهنى ومن حقة .......
تخيلوا عمرى مافرحت ولما جيت أفرح مش عارفة ...
أيوة عندى 22 سنة مش كبيرة ،، لكن أهرب فين من قريبتى اللى أصغر منى ومتجوزة وبتعايرنى إنى ماليش فرحة ومحدش فرح بيا ... وعمتى اللى ذلانى بإنى متعلقة لا مخطوبة ولا ينفع حد يخطبنى .. طبعا بعد ما رفضت إبنها .(يعن ألاقيه من القريب ولا من البعيد )
الكلام مش مترتب لكن إعذرونى أنا قربت أموت بجد من كتر الاكتئاب والقرف وكتب كتابى بعد أيام حد يحلهالى ربنا يكرمكم ......



#2

افتراضي رد: عايزة أبكى من انهارده للسنة إللى جاية ومش عايزة حد يقولى مالك..

لا اله الا الله

غاليتى

تعالى نحلها وحده وحده

اولا امك

انتى عندك 22

ليه ماقعدتيش مع امك قعدت فتح قلب

ليه ما اخدتيها كده على جنب واقعدتى معاها وفتحتى لها قلبك

اسئليها انا مش بنتك؟؟

بهدوؤء كده وبصدق مشاعر

طلعى كل اللى جواكى من الم وفقدان للحنان والحب بس بشويش من غير صريخ

ابكى قدامها بهدوء وصمت

اتمسكنى

حسسيها بحاجتك لها

لانه مفتاح كل مشكلتك لما امك تحس بيكى وتقف جنبك

الام هى كل شئ

لما امك تشيل همك ومشكلتك صدقينى راح تنفتح قدامك ابواب

كلميها يا بنتى
افتحى قلبك ليها

احكى لها كل اللى مزعلك

قوليلها مثلا

بيرضيكى يا ماما حد يتكلم على بنتك؟؟

يرضيكى انى عروسه وامى مش جنبى ولا بتشيل همى؟؟

كل البنات لما تفرح امهم هى اللى بتجهز معاهم وتساعدهم وانتى مش جنبى ليه؟؟؟

إظهار التوقيع
توقيع : ريموووو
#3

افتراضي رد: عايزة أبكى من انهارده للسنة إللى جاية ومش عايزة حد يقولى مالك..

ده بشان امك

نيجى لاختك

الاخت دائما بتهتم لاختها وبتفرح ليها ومعاها

يمكن فى فجوه بينك وبين اختك

ليه تعتقدى اختك بعيده عنك؟؟

ليه تعتقدى انها ما بتاخد وتدى معاكى

ليه مش حابه تساعدك وتفرح لك؟؟

إظهار التوقيع
توقيع : ريموووو
#4

افتراضي رد: عايزة أبكى من انهارده للسنة إللى جاية ومش عايزة حد يقولى مالك..

خطيبك

ليه تنقلى له كل الهم اللى انتى فيه؟؟

مش كفايه ظروفه الصعبه اللى هو فيها زى ما انتى تقولى؟؟

يا بنتى الست تتحمل بس الرجل لا

بسرعه بيقرف وبيتملل

متخلهوش يقول اللى حولك عندهم حق وانه اختار غلط

بالعكس خليه يعتقد انه اختار صح وانك ممكن تتحملى معاه كل حاجه

وانك تنسيه كل المشاكل وكل المر اللى انتوا شايفينه

لا تذكرى له اى مشاكل لما تكلميه الا اذا هو سالك

ما تقولى له عن اى حاجه او كلام اتقال عنك لانه الرجل عقله بيسجل وبكره حيشيله لك

مع كل مشكله حيفكرك بالكلام ده وحيكون كلام ضدك مش لصالحك حتى لو ناس قالته حيعيده على مسمعك كل ما تحصل مشكله بينكم

اهتمى له اوى اوى وبينى له انك فعلا الست اللى قلبه اختارها صح

إظهار التوقيع
توقيع : ريموووو
#5

افتراضي رد: عايزة أبكى من انهارده للسنة إللى جاية ومش عايزة حد يقولى مالك..

اختى

لو محدش اهتم لك ولا حد ساعدك ولا حد فرح لك

اهتمى انتى بنفسك

عيشى لنفسك لحد ما تتجوزى وترتاحى

اهتمى بجهازك انتى

حاولى تشوفى قريبه لك او صديقه تساعدك

كلمى امك اول شئ ولو ما شفتى منها نتيجه لا تستسلمى

اعملى لنفسك انتى كل حاجه

بس اول شئ فجرى مابداخلك مع امك بالروقان

خليها تشوف النار اللى جواكى من بدها عنك

خليها تنتبه لك ولوجودك وولدمار اللى جواكى

إظهار التوقيع
توقيع : ريموووو
#6

افتراضي رد: عايزة أبكى من انهارده للسنة إللى جاية ومش عايزة حد يقولى مالك..

واى مساعده غاليتى راسلينى على الخاص وانا احاول اساعدك واسمع لك

فضفضى زى ما انتى عاوزه فى رساله خاصه لى

إظهار التوقيع
توقيع : ريموووو
#7

افتراضي رد: عايزة أبكى من انهارده للسنة إللى جاية ومش عايزة حد يقولى مالك..

لا حول و لا قوة الا بالله
ربنا يسعدك دايما
و يهدي لك زوج المستقبل و يقدره انه يعوضك
هو و اهله عن اللي شوفتيه
و ادعي لأهلك بالهداية دايما
بكرة يندموا

إظهار التوقيع
توقيع : ام هنا
#8

افتراضي رد: عايزة أبكى من انهارده للسنة إللى جاية ومش عايزة حد يقولى مالك..

ربنا يوفقك في حياتك و ينجحك من غير ما تحتاجي لهم
يا رب .. و بارك الله لكما و بارك عليكما و جمع بينكما في خير
آآمين

إظهار التوقيع
توقيع : ام هنا
#9

افتراضي رد: عايزة أبكى من انهارده للسنة إللى جاية ومش عايزة حد يقولى مالك..

الصراحه كلام ريمووو عقلانى وحل كويس جداً ماشاءالله
وربنا يتقبل دعاء ام هنا ليكى
بس حقيقى حاولى تعملى زى ما ريمو قالتلك وادعى ربنا انه يكون جنبك
واشكى همك لله وان شاء الله يفرج كربك ايا كان اوعى تخلى الشيطان يتملك منك
وتستسلمى وان شاء الله .. وعيشى فرحتك ايا كانت الظروف حواليكى متحرميش نفسك
من الفرحه اللى من حقك وحق خطيبك
وربنا يتمملك بخير يارب ونباركلك يارب ع الفرح قريب ان شاء الله ياحبيبتى
ربنا معاكى يارب

#10

افتراضي رد: عايزة أبكى من انهارده للسنة إللى جاية ومش عايزة حد يقولى مالك..

بصراحه ريمووا قالت اللى احنا عوزين نئولو انتى فرحى نفسك واعملى كل حاجه لنفسك بكره تسبيهم وتستقلى فى بيتك وتتهنى انتى وجوزك انشاء الله وربنا يهديلك الحال ويتمملك على خير واهم حاجه خطيبك ميحسش بحاجه فرحيه وافرحى معاه انتم مشهتتجوزو كل يوم ربنا يوفئك
#11

افتراضي رد: عايزة أبكى من انهارده للسنة إللى جاية ومش عايزة حد يقولى مالك..

والله يا حبيبتي ربنا يهديلك الحال ويدخل عليكي الفرحة
بصراحة اخواتي اللي سبقوا بالرد قالوا كل حاجة
بس حبيبتي عليكي باللجوء لله هو وحده
يفرج عنك ويفرح قلبك
<ومن يتق الله يجعل له مخرجا ويرزقه من حيث لا يحتسب>
وبعدين احنا هنا مع بعض نفرحلك ونعملك احلى فرح
خدي دي........
لولولولولولولولولولولي
ربنا يوفقك

إظهار التوقيع
توقيع : ام مهند 2009
#12

افتراضي رد: عايزة أبكى من انهارده للسنة إللى جاية ومش عايزة حد يقولى مالك..

حبيبتي ليه كل الحزن ده وانتى خلاص قربتي تبقي في بيتك سيسي اومرك معاهم لغاية مل تبقى في بيتك وسعتها هتكوني في مملكتك اسعدي نفسك وزوجك وابتكري وقتها اللي يسعدكم وزي ما فهمتك ريمو افصلي ما بين البيت وخطيبك مهما كان الزعل في البيت اعتبريه هو الفرحه ليكي علشان كده هياخد فكره عنك انك نكديه وربنا يسعدك ياقمر بس برضوا حولي معاهم ممكن يكون طبعهم قاسي شويه لكن الكلمة الحلوة ممكن تلين الحجر واستعيني بالله واطلبي ليهم الهدايه وربنا يعوضك خير في زوجك مستقبا ان شاء الله وادعي ربنا وقولى (اللهم يا مبدل الأحوال حول حالي الى احسن الأحوال)ما خاب من قال يارب واحنا ملناش غيره وروقي كده ياأحلى عروسه وابقي طمنيننا
#13

افتراضي رد: عايزة أبكى من انهارده للسنة إللى جاية ومش عايزة حد يقولى مالك..

مش هقول اكتر من اللى اتقال ربنا يسعدك ويكرمك فى حياتك
إظهار التوقيع
توقيع : حبيبة قلب بودى
#14

افتراضي رد: عايزة أبكى من انهارده للسنة إللى جاية ومش عايزة حد يقولى مالك..

ياعروسه اولا افصلي بين اهلك وخطيبك لانه له حق غليكي بانه يسمع كلمه حلوه وكمان ما تنكديش عليه علشان ما يبعدش عنك لانه املك الوحيد وكمان هو اللي باقيلك مش ابوكي او امك ثانيا لما تكوني مخنوقه اكتبي اللي عايزه تقولي في ورقه اوتحكي لاقرب حد لكي ثالثا وده الاهم كبري دماغك على الاخر وعاملى ابوكي وامك كويس حتى ولو كانوا يعملوكي وحش لكن اهم حد في الدنيا خطيبك اللي هيكون جوزك وربنا يسعدك
#15

افتراضي رد: عايزة أبكى من انهارده للسنة إللى جاية ومش عايزة حد يقولى مالك..

استغفر الله العظيم

#16

افتراضي رد: عايزة أبكى من انهارده للسنة إللى جاية ومش عايزة حد يقولى مالك..

رد: عايزة أبكى من انهارده للسنة إللى جاية ومش عايزة حد يقولى مالك..اللهم انك عفو تحب العفو فاعف عنا

إظهار التوقيع
توقيع : قوت القلوب 2
#17

افتراضي رد: عايزة أبكى من انهارده للسنة إللى جاية ومش عايزة حد يقولى مالك..

اول حاجة افتحى قلبك لربنا واقرأى كل يوم قرأن لغاية ما تحسى بان قلبك انشرح ممكن تقرأى جزأين من القران وصدقينى بمجرد ما تدعى لربنا بالحاح وهتفرج انشاءالله لكن مش هتستغى عن قراءة القرءان ...فالقرءان فية شفاء ورحمة وكل حاجة حلوة فى حياتنا سواء ظاهرة او باطنة هى من رحمة الله
إظهار التوقيع
توقيع : &محبة الرحمن&
#18

افتراضي رد: عايزة أبكى من انهارده للسنة إللى جاية ومش عايزة حد يقولى مالك..

ربنا يوفقك وييسرلك الامور ويتم زواجك على خير وتفرحى وتكون احلى عروسة يا قمر ربنا يسعدك وحاولى تجربى زى ما ريمو قالتلك وربنا معاكى يارب

#19

افتراضي رد: عايزة أبكى من انهارده للسنة إللى جاية ومش عايزة حد يقولى مالك..


المشاركة الأصلية كتبت بواسطة ريموووو
خطيبك

ليه تنقلى له كل الهم اللى انتى فيه؟؟

مش كفايه ظروفه الصعبه اللى هو فيها زى ما انتى تقولى؟؟

يا بنتى الست تتحمل بس الرجل لا

بسرعه بيقرف وبيتملل

متخلهوش يقول اللى حولك عندهم حق وانه اختار غلط

بالعكس خليه يعتقد انه اختار صح وانك ممكن تتحملى معاه كل حاجه

وانك تنسيه كل المشاكل وكل المر اللى انتوا شايفينه

لا تذكرى له اى مشاكل لما تكلميه الا اذا هو سالك

ما تقولى له عن اى حاجه او كلام اتقال عنك لانه الرجل عقله بيسجل وبكره حيشيله لك

مع كل مشكله حيفكرك بالكلام ده وحيكون كلام ضدك مش لصالحك حتى لو ناس قالته حيعيده على مسمعك كل ما تحصل مشكله بينكم

اهتمى له اوى اوى وبينى له انك فعلا الست اللى قلبه اختارها صح
انا مع كل كلمة قالتهالك ريموو وخصوصا الجزء ده
والله يوفقك

إظهار التوقيع
توقيع : نيڨين
أدوات الموضوع


قد تكوني مهتمة بالمواضيع التالية ايضاً
الموضوع كاتب الموضوع المنتدى
قصة الصحابي البراء بن مالك رضي الله عنه حڸآۉة آڸرۉح قصص الانبياء والرسل والصحابه
قصة الصحابي انس بن مالك بنت الموصل ام مريم قصص الانبياء والرسل والصحابه


الساعة الآن 07:06 PM


جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل