أو

الدخول بواسطة حسابك بمواقع التواصل

#1

افتراضي يالهوى الحقونى ارجوكم العريس رجع تانى بيقول ايه

لسلام عليكم يابنات
انا يابنات جديده معاكم ارجوكم بلاش تكسفونى وقوليلى الراى النهائى
ياريت يابنات تفيدونى وتقوليلى على راى النهائى لانى قلقانه اوى وانا عملت استخاره كذا مره واكتر من 10 مرات وعمى كان موافق فى الاول بس بعد لم سال رافض موضوع نهائى بعد لم سال عن العريس وعمى قال انه مش هيحضر ولا هيتفق معاهم ....... ايه رايكم يابنات اخلى خالى هو يحضر ويتفق معاهم هو واخويا الكبير واعمل خطوبه واشوف العريس ده كويس ولالا لانى قلقانه جدا وحيرانه وخايفه يكون كويس

انا يابنات ماشيه فى 31 والحمدلله ظروفى الماديه مرتاحه جدا وانا ما بشتغلش خالص بس بيدخلى دخل شهرى كويس وده عن طريق ميراثى من ابويا اشتريت عقارات وكده المهم يابنات انننى اتجوزت جواز طمع وشفت ايام سوده ايام مايعلم بها الا ربنا وكان بيسرقنى وبيشرب وبهدلنى اخر بهدله وكان بيخونى ودى اكتر حاجه جرحتنى لانى بكره الخيانه جدااا واتظلمت ظلم عظيم ورفعت خلع بعد شهرين وبقالى 3 سنين وماخدتش منه عفشى ولا حتى هدومى وكانت تجربه قاسيه جدا ونفسيتى تعبت جداااااااااا لدرجه ان اتعقدت جدا
المهم اننى اتقدملى شاب عن طريق خالى هو لسه ماتجوزش وسيم واصغر منى وشغله كويس جدااااااااااااا وهما ماشاء الله

المهم جه اتقدملى وشافنى وعجبته وخالى قال لهم اننى موافقه يابنات بعته اخوه لنا ومعاه زوجته وزوجه اخوه التانيه واخوه قعد معاناا وكان محترم جدا بس قال ان العيشه واحده والاكل مع بعض وان كل واحده من السلايف بتطبخ وكله ياكل مع بعض وهو ابوهم عايش لكن والدته متوفيه واخوه حدد ماعدا ان اول لم العريس ينزل من السفر كمان 3 ايام هايجى يتفق معانا على كل حاجه وقال اان العريس ظروفه صعبه وان خسران فى مشروع كده كان معمول لهم كلهم وان اخوهم خسرهم فيه مبلغ كبير وان هو الابيسدد عن اخوه الاهو العريس امى قالت له الاتفاق هيكون مع عمها بدل باباه لان ابوها ميت وكده قال ماشى
المهم بعد 3 ايام اخته جت لوحدها تشوفنى وماحدش جه عشان يتفق المهم مر اسبواع بعد لم اخته شافتنى وماحدش اتصل ولا اتكلم فجاء لاقينه العريس بيتصل بيقول والله انا مسافر اول لم انزل من السفر هجيب ابويا ونجى عشان نتفق مع عمها امى قالت له ماشى
المهم جه العريس وابوه وعمى كان بيصلى والد العريس قال للامى معلش هتكلم معاك قبل ماعمها يجى ابنى ظروفه صعبه واحنا هنجيب الخشب وحاجات الا على العريس وانتم هاتوا الحاجات التانيه الا على عروسه وقولى لعمهاوشوفى راى عمها ايه اصل انا محروج اتكلم معاه فى حاجه دى امى قالت له عادى قول لعمها مفهاش حاجه وكده المهم جه عمى قعد معاهم الراجل فضل يتكلم عن الشبكه وكده وماتكلمش عن االعفش خالص عمى فضل يتكلم معاه على موضوع العفش ويلمح له وعمى قال له احنا مش هنختلف على اى حاجه وانتم ناس طيبين الراجل رفض خالص يقول الكلام الا قالوا للامى وفى الاخر قال لعمى لم ينزل ابنى الكبير هنبقى نتكلم كده وهنجى يوم كذا لم ينزل ابنى ونتكلم فى موضوع ده ونتفق عمى قال له ماشى المهم انا قلت طيب ياعمى معلش انا عاوزه اسال عن حاجه كده انا سمعت انكم حياتكم واحده وكده والاكل مع بعض وكده فانا عايزه اكون لوحدى رد ابوا العريس وقال ومالوا يابنتى عادى احنا حياتنا واحده والاكل مع بعض بس يابنتى لو انتى عايزه تبقى لوحدك عادى العريس اتنرفز اوى وقال لا الامر ده عشان والدى وماينفعش حد ينعزل لوحده لان والدى عايش واحنا ماشرفنش طبعا ان والدى يتجوز هنزعل طبعا لو والدى اتجوز ومفهاش حاجه لم ناكل مع بعض رد ابوه وقال يابنتى كل واحده بتطبخ فى شقتها وبتنزل الاكل وكلناااااااااا بناكل مع بعض ومفيش احسن من اللمه ووهما مرتاحين اوى يابنتى والله وزوجات عيالى مبسوطين جدااااااااااا بوضع ده رد العريس وقال لو انا مليش خير فى ابويا مش هيبقى لى خير فيكى
المهم عمى الكبير قال عادى مفهاش حاجه انتم ناس طيبين واحنا مش هنختلف وكذا بنت اصول وهى موافقه ومش هنختلف معاكم على حاجه انتم ناس طيبين
المهم بعد لم مشوا علطوال العريس ااتصل على اخويااااااااااا وقال له انا جاى بكره وخد لى ماعدا لانى ماعرفتش اقعد مع العروسه اخويا قفل وكبر دماغه لاقينه العريس بيتصل تانى يوم بيقول انا جاى النهارده اقعد مع العروسه الساعه كذا اخويا قال له خليها بكره قال لا النهارده
المهم جه العريس وقعد معايا قلى على فكره انا زعلت منك اوى المره الافاتت عشان قلتى لبابا كلمه جرحته قلت له ايه هى قلى بتقولى بتاكلوا مع بعض وكده انا مشعاوز منك الا كلمه حلوه تقوليها لبويا وابويا انسان طيب وياستى اطبخى فوق وابقى نزلى الاكل وكلنا ناكل مع بعض هى كل واحده بتطبخ يوم فى شقتها وكلنا ننزل ناكل مع ابونا وانا واخواتى ايد واحده بنحب بعض اواى وانا لم بكون مزنوق باخد من اخويا عادى واخويا لم بيكون مزنوق بياخد منى امى علمتنا كده اننا نحب بعض ونخاف على بعض وبعدين قلى انتى مريت بظروف صعبه جدا جدا وانا نفسى اعرف ايه الحاجات الا خلتك تسيبه عشانها عشان انا ماعملش معاكى الحاجات دى قلت له كاان بخيل جدا وخاين ودى اكتر حاجه بكرهها فى الراجل ساب موضوع الخيانه ماتكلمش فيه قال لا الحمدلله انا كريم بس ظروفى صعبه وخسرت فى مشروع بينى وبين اخواتى قلت له انت مديون او حاجه قال لا خالص واكتشفت انهم كسبوا فى مشروع وعوضوا الخساره الا بيحكى عليها وهو مرتبه كويس جدا وبعدين يابنات الكلام جر بعضه على موضوع التليفون وكده فهو مش بيمسك تليفون فى ايده خالص جه لنا مرتين من غير موبايل بتاعه خايفه ليكون فى حاجه خايف اشوفها على موبايل فانا سالته قلت له انت مش بتمسك تليفونك فى ايدك ليه رد وقال لا اصل انا سايبه فى البيت علشان اقعد براحتى وعشان الدوشه وبعدين قال انا ماينفعش اجى كتير هنا علشان الناس ماتتكلمش من ان داخل وطلع عليكم وبعدين فتح موضوع الشبكه وقال انتم هتعملوا شبكه قلت له طبعا ماوالدك قال لازم شبكه عشان الناس تعرف وكده قال ايوه بس ملهاش لازم الشبكه نخلى كله كله مع بعضه قلت له لا هنعمل شبكه قال طيب وهتعملوا الشبكه اازاى بقه ده شبكه اختى كنا عاملين وعاملين وفضل يحكى على الاكل الا كان فى شبكه اخته
امى قالت له ما احنا هنعمل كده برضووووووووووو قال طيب والفستان هتعملوا فيه ايه امى قالت هنجبيلها احسن فستان رديت انا وقلت لالالا ياماما الفستان على العريس ياماما هو سكت كده وانا بصيت له كده وقلت له انت هتجى معايا تجبيلى فستان رد وقال طبعا ماشى هجبيلك فستان بس لازم لازم تعملى ريجيم قاسى جداااااااا قلت له ليه هو جسمى مش عاجبك قال لا بس كل تخسى يكون احسن قلت له مش هاعمل ريجيم وضحكت وقلت وان ماكنش عاجب وبعدين فضل كل شويه يردد ويقول هجيب الفستان
فى الضحك ويضحك وبعدين يرجع ويقول خلى كله مع بعضه احسن بلاش تعملوا شبكه وانا اقول له لازم شبكه يقول طيب خلاص
وبعدين رجع تانى يضحك ويقول طب الجذمه على العريس ولا العروسه ويضحك وبعدين رجع تانى قال بس الصايغ بيحسب على تمن الدبله الفضه لالازم يحسب عليها وبعدين انا بصيت كده وحسيت ان بخيل قلت لخويا الحق وجبيتها فى ضحك كده رد وقال لالا عادى بهزر وبعدين قعد يتكلم فى حاجات تانيه ويقول ان اى كلمه حلوه بترضينى ونفسى كده لم نتجوز تدلعنى يعنى لم يكون عندى 30 سنه تخلينى 20 اصغر من سنى وبعدين فتح موضوع الفرح قلت له لو انت عاوز فرح مش مشكله عادى قال لا نسافر احسن بره
بس ظروفى لو ماكنتش وحشه بس وبعدين قلت له هو انت مديون او حاجه قال لالا خالص قلت له طب انت مرتبك كام قال كذا وبعدين قال انتتى مبلغ كذا يكفيك وقال على نص مرتبه قلت له عادى وبعدين فضل يتكلم كلام كتييير ويقول ياعينى تحب الفرح يكون بعد العيد ولا قبل العيد قلت له مشعارفه ربنا يسهل وبعدين فضل قاعد كتير وقال للامى اصل انا مش هشوفها تانى و انتى لكى عندى 3 جيات مره على الشبكه وهاجى على الفرح وهاجى يوم ما اشترى الفستان فقط رغم ان هو يابنات بيسافر وبيرجع علطوال بس ماعرفش ليه بيقول كده وهو يابنات لم جه كان داخل فااااااااااااااضى ماجبش حاجه معاه بس لم جه مع ابوها جايبوا اريسه مشعارفه بقه خايف اكتشف ان بخيل عشان كده مشعاوز يجى كتير ولا ايه وخايفه اوى برضو من موضوع ان بيخبى التليفون بس هو قال ان بيصلى وقلى على الاكونت بتاعه على الفيس بوك
المهم يابنات انا اتصلت على عمى وطلبت منه ان يسال عنه قلى طيب هسال وانتى كمان اسالى وماتتسرعش المهم يابنات امى سالت قريبها قال لها اوعى دى هتبقى جوزها سوده سالته عن السبب رفض يقول وبعدها الراجل ده قابل عمى وفضل يقول لعمى اوع توافق على العريس ده وبعدها الراجل ده جه يزورنا وعاوز يجوزنى ابنه وابنه مطلق ومعاه 4 عيال
بعدها يابنات سالت خالى الكبير قلى اوعى ده ابوه صعب جداااااااااا وتعب زوجات اخواته اوى سالنا عن عايشه السلايف زوجات اخوات العريس لاقينهم عايشن ومرتاحين جدا ومفيش عندهم اى مشاكل وسعداء مع اخوات العريس جدا
خالتى كانت متجوزه قريب العريس ا قالت ده العريس ده اخد فلوس من واحده وقلها عشان اشغل ابنك بيهم وضحك عليها وماشغلش ابنها واخد الفلوس وبعد خناقات الست بتاخد منه كل شهر مبلغ من مراتبه لحد لم تخلص الفلوس الا عليه وخدوا كمان رقم الست واسالوها وهو نصاب وبينصب فى شغله وكان هيتحبس مرتين وطلع عن طريق واسطه وابوه واخواته ضربوا وكسروا له دراعه بسبب ان نصاب وخالتى قلتلى هما مش عايشين عشه عائلات زى ما قالوا لكى هو كل واحده من السلايف عايشه لوحدها بس انتى الا هتبقى ساكنه فوق ابوه علطوال فيمكن عايزين النظام دى يمشى عليكى انتى ] وقالت ان عليه اكتر من مليون جنيه وكلام كتير
سالنا واحد تانى قال ابوه صعب اوى اوى وماحدش يستحمله والعريس عصبى جداااااااااااااا وسالنا ناس تانيه قالوا ان كويس ومحترم جدا




اتصلنا على خالى الا هو جيبهولى قلى مش عليه اى ديون ولا مشاكل وهما مش عايشين عشه عا ئلات كل واحد عايش لوحده فى شقته وكل واحد بياكل لوحده انا اول مره اسمع الكلام ده منك انهم بياكلوا مع بعض قلت له ان العريس وابوه هما الا قالوا ان الا كل واحد خالى قال والله يابنتى مفيش الكلام ده خالص طب ليه هما قالوا لى كده ان الاكل واحد والعيشه واحده []سالنا ناس تانيه شكرت فى العريس وقالوا ان محترم وكويس وابوه غلبان جدا وناس شتمت عنه وناس قالوا مانعرفش حاجه عنه بس اخواته محترمين جدا وانا حيرانه خالى راح قال لخوا العريس اننا مش موافقين بسبب كلام الا سمعناه من بره اخوا العريس اتصل على امى واخوه محترم جدا ومتدين وقال للامى اخويا مزنوق فعلا وده بسبب حاجه خسر فيها بس هو مش عليه حاجه لحد واحنا مش بناخد حاجه من حد ولا بنطمع فى حد واحنا والله اخترنا كذا عشان محترمه ومؤدبه واحنا شرينكم والا اخويا يقصر فيه انا سداد
المهم عمى اتصل علينا قال سالتم عن العريس قولنا له على الا حصل قال انا برضو سمعت نفس الكلام ده ويابنتى بلاش تظلمى نفسك تانى دى هتبقى افظع من الجوازه الاولى وانا مش موافق يابنتى قلت له طيب ياعمى نعمل خطوبه بس قلى هو انتى هتستحملى صدمات تانى كفايه الا حصل لكى المهم العريس اتصل على عمى هو وابوه وعمى قال لهم نصيب والبنت غيرت رايهااااااا وهى مش موافقه المهم بعد كل ده خالى اتصل عليه النهارده بيقولى العريس كان عندى فى الشغل و دوشنى وهيتجنن عليكى وبيقول الا هى عيزانى اعمله هاعمله لها وخالى بيقولى انتى بتكدبى وبتقولى ان العريس قال عيشه عائلات والاكل مع بعض العريس قال انا ماقلتش كده قلت لخالى لا هو قال كده وانا مابكدبش وغير كده الكلام الا سمعته عنه قال مفيش الكلام وهو مش نصاب ولا حاجه وهو طيب جدا ومايتعوضش وهيعمل الا انتى عيزاه وماتسمعش كلام حد وانا مشعارفه اعمل ايه يابنات انا حيرانه وعمى كمان مش موافق خالص عليه والكلام الا سمعته عنه ده مش شويه ياريت تقوليلى اعمل ايه ولا اتصرف ازاى هل اعمل شبكه واخلى اخويا وخالى يتفقوا معاهم واجرب اشوف كويس ولالا



#2

افتراضي رد: يالهوى الحقونى ارجوكم العريس رجع تانى بيقول ايه

ياااااااه
كل ده؟؟
هههههههههههه
واضح جدا انك مش مقتنعه بالعريس وخايفه جدت عشان جوازك الاول فشل وخايفه يكون التانى طمعان فيكى او حياخدك وهو بيعرف غيرك..
اسمعى يا اختى
تروى شوى فى موضوع جوازك ده لانه حتى انتى حاسه انك متعقده من زوجك الاول وبتشكى فى كل حاجه وخايفه م كل حاجه وده حقك بعد اللى حصل لك انتى استخيرى ربنا تانى
وياريت تسالى ناس مقربين جدا للعريس زى جيرانهم عشره سنين واهل سلايفك وكده
اسألى ناس موثوق فى كلامهم وحكمهم
وربنا يقدم لك اللى فيه الخير

إظهار التوقيع
توقيع : ريموووو
#3

افتراضي رد: يالهوى الحقونى ارجوكم العريس رجع تانى بيقول ايه

انا هقولك نصيحه لله بلاش
الجوازه دى خصوصا انك
كنت متجوزه قبل كده
يعنى مش هتقعدى تجربى
وبعدين الكلام كتير عليه
يعنى احتمال كبير يكون مش
كويس واكتر حاجه مخوفانى
بيت العيله لان وراه مصايب
واسالينى انا احنا لا بناكل
مع بعض وعملنا مشاكل مالهاش عد
وبعدين بعد ماقالك بناكل مع بعض
كذب على خالك ده معناه ان كلام
الناس صحيح ان باباه شديد
عشان كده خاف وكدب لغايه
مايتجوزك ده غير كلام باباه
مع مامتك من ورا عمك
ده معناه انهم بيخبوا لغايه ماتبقى
عندهم ويستفردوا بيكى
وانا شكه والله اعلم انه عارف
انه ليكى ميراث عشان كده
جالك لانه مصر عليكى
وبدا يغير كلامه ويكدب
لغايه مايوصل لهدفه
وربنا يقدملك اللى فيه الخير

إظهار التوقيع
توقيع : لولو lolo
#4

افتراضي رد: يالهوى الحقونى ارجوكم العريس رجع تانى بيقول ايه

حبيبتى والله انا مش مرتاحه للشخص ده وخصوصا بعد ما غير كلامه
وثقى ان الشخص اللى حواليه كلام كتير يبقى مش مظبوط
يعنى مثلا فى جوازات اخواتى لما سالنا الكل اجمع انهم كويسين مش نا وناس عشا كده اتطمنا
وانتى مش ناقصه تجارب

إظهار التوقيع
توقيع : هبه شلبي
#5

افتراضي رد: يالهوى الحقونى ارجوكم العريس رجع تانى بيقول ايه

البنات مقصروش
ربنا يقدملك اللى فيه الخير

#6

افتراضي رد: يالهوى الحقونى ارجوكم العريس رجع تانى بيقول ايه

يارب يكونو البنات افادوكى
وربنا يقددملك الخير

إظهار التوقيع
توقيع : Frawla
#7

افتراضي رد: يالهوى الحقونى ارجوكم العريس رجع تانى بيقول ايه

حبيبتي انت جربتي الفشل مرة ولازم تدققققققققييييييي كويس في الاختيار هي مش جوازة والسلام اكبر منك لسة ماتجوزوش خالص اصبري لحد مايجيلك العدل وأقصد بكلمة العدل يعني العدل مش اي حاجة وخلاص
ربنا يعوضك خير ان شاء الله ويقف جنبك حبيبتي

إظهار التوقيع
توقيع : رحيق
#8

افتراضي رد: يالهوى الحقونى ارجوكم العريس رجع تانى بيقول ايه

انا كنت هقول الى لولو قالتة

راى من رايها ربنا يسرلك الخير يا قمر

#9

افتراضي رد: يالهوى الحقونى ارجوكم العريس رجع تانى بيقول ايه

حبيبت قلبي أنا مش مرتاحة خالص للموضوع وشكلة طمعان فيكي واللي بيغير كلامة كل شوية دة بلاسة متتسرعيش خالص انتي جربتي الجواز فبلاش تحسي بالفشل تأني ودة شكلة نصاب وبخيل جدا جدا وربنا يرزقك أحسن منة
#10

افتراضي رد: يالهوى الحقونى ارجوكم العريس رجع تانى بيقول ايه

انتي ممكن تعملي حركة تتأكدي منها ان كان طمعان فيكي ولا لأ
في اقرب فرصة عرفيه بطريق غير مباشر انك عملتي توكيل عام لاخوكي ( كدة و كدة يعني )
ومش لازم تعرفيه ان التوكيل ده بسبب الميراث لانه ممكن مايكونش عارف ان معاكي ميراث
انتي عرفيه انه توكيل عام للادارة بس
بس المهم انك تخلي الكلام يجيب بعضه و في نص الكلام تقوليله على التوكيل علشان ما يحسش انك بتوصلي له رسالة معينة
وركزي في تعابير وشه قبل رده
و حركة التوكيل دي هي اللي حتكشفه
وممكن لو عايزة تكتشفي بخله ممكن تطلب انك تزوريهم انتي و مامتك بس بشرط ان هو اللي يجي ياخدكم و يوصلكم لبيت ابوه
وفي الطريق حتعرفي ان كان بخيل او لأ
يارب اكون افدتك

#11

افتراضي رد: يالهوى الحقونى ارجوكم العريس رجع تانى بيقول ايه

رد: يالهوى الحقونى ارجوكم العريس رجع تانى بيقول ايه
إظهار التوقيع
توقيع : fatma7072
#12

افتراضي رد: يالهوى الحقونى ارجوكم العريس رجع تانى بيقول ايه

انا مش مرتاحة للجوازة دي بلاش استعجال ولا حتي خطوبة هاتخسري
وربنا يوفقك بس بجد قلبي اتقبض من كلامك وانا بعرف احكم علي الناس من الكلام هو مش مريح
وشكله طمعان فيكي حد في الدنيايتكلم علي الفستان والجزمة ويقول هاتعملو الخطوبة ازاي ايه ده
ربنا معاكي بس انا مش مرتاحة وكذبه ده مش مريحني

إظهار التوقيع
توقيع : لولو حبيب روحي
#13

افتراضي رد: يالهوى الحقونى ارجوكم العريس رجع تانى بيقول ايه

باين اوى ان فى حاجة غلط فى الناس دى فعلا كلام عمك صح وشكلة خايف عليكى وانتى مش حمل صدمات تانى استخيرى وفكرى كويس اوى ونصيبك مستنيكى وانتى مستنياة بس متظلميش نفسك

#14

افتراضي رد: يالهوى الحقونى ارجوكم العريس رجع تانى بيقول ايه

بسم الله الرحمن الرحيم
أولا : يا أختى أياكى والأستعجال وبعدين سنك مش كبير
ثانيا : ده بنى أدم طماع وكذاب مره يقول أنا ظروفى وحشه وفى نفس الوقت يقول مش مديون وكمان قال على موضوع الأكل وأنه كله بياكل مع بعضه ورجع قال لأ أنا ماقلتش كده يعنى كداب وكمان من أداب الزياره أنه يدخل وهو شايل حاجه قيمه معاه وبالذات لأنه داخل عند عروسه لأن الأنطباع الأول بيدوم وبعدين أكل أيه أللى كان فى فرح أخته هو مالوه بكلام الستات ده وبعدين أيه العشم أللى هو فيه ده من قبل الأرتباط بيقولك تعيشى بنصف مرتبه الرجل ده لو شاريكى بجد ومش طمعان كان يعمل المستحيل علشان تكونى معاه وبعدين يقولك أنا مرتبى كذا وعلى ألتزام بكذا معلش فتره وتعدى ويرمى كل مشكله قدامك ويطلب منك رأيك فى حلها وبعدين أنتى سألتيه وقالك أنه مش مديون طب النصف الأخر من مرتبه حيروح فين وكمان ده لو أنسان محترم مايسألش عن سبب أنفصالك لأن ده موضوع يخصك لوحدك حتى لوأنتى حاولتى تتكلمى فى الموضوع هو المفروض يرفض بشده لأنه المفروض أنه عوضك عن أيامك الصعبه مش هو أللى بيفكرك بيها وبعدين أيه معنى كلامه أنا عايز أعرف سبب أنفصالك علشان ماعملش ذيه لأ هو عايز يعرف علشان بعد الجواز وفى أقرب أعتراض منك على أىشيئ يفكرك بالماضى ويقول ويذيد ويعيد وكمان بخصوص التليفون لو أنسان واضح ومش بيخبى حاجه كان يجى ومعاه التليفون ويرض عادى على المكالمات قدامك وكمان فيه عاريس يقول لعروسته خسى من قبل أى أرتباط ده أيه قلت الذوق دى دا الواحد مادام أعجب بعروسته بيشوفها قدامه قمر 14
يبقى الموضوع فى النهايه رده يكون لأ وألف لأ أوعى تقعى فى نفس الغلط مرتين ربنا نجاكى مره وحياتك مش حمل صدمات تانى


إظهار التوقيع
توقيع : klivemoon
#15

افتراضي رد: يالهوى الحقونى ارجوكم العريس رجع تانى بيقول ايه

حبيبتى مش عشان جربتى حظك مرة ترمى نفسك وخلاص الواحد لو كويس كل الناس حتشكر فيه لكن لو نص نص ومش حقولك وحش الناس حتتكلم عنه وانتوا سمعتوا كلام وحش حطى احتمال كبييييييير انه صح
وطالما كدب على خالك فواضح ان الكدب عندة عادى ودة مش انسان تثقى فيه وتبدأى حياتك معاه
وربنا يصلح لك الامور

#16

افتراضي رد: يالهوى الحقونى ارجوكم العريس رجع تانى بيقول ايه

نصيحة منى بلاش انامريت بتجربتى دة انا بردة خطيبىلما جة اول مرة مجبش معه فاى حاجة وكان على طول بيجيب هريسة حتى الجاتوة جابة من الفرن بلاش صدقينى هيطلع بخيل وهوا عارف ان عندك ورث او مبسوطة وطمعان خلى بالك وادرسى الموضع كويس
#17

افتراضي رد: يالهوى الحقونى ارجوكم العريس رجع تانى بيقول ايه

موضوع رائع والصور جميلة
#18

افتراضي رد: يالهوى الحقونى ارجوكم العريس رجع تانى بيقول ايه

حبيبتى بالله عليك ابعدى عن اى جوازة فى عيلة او انه يكون بيغير كلامه اوفاتح ودانه لاهله او غيرهم صدقينى عن تجربه
وبلاش يكون وراه مشاكل انت مش ناقصه .....واصبرى حبيبتى لعل الله يرسل اليك فرجه بالزوج الصالح ولا تتعجلى فى اى شيء فى حياتك الدنيا امامنا لناخذ احلى ما فيها برضا الله فصبرا جميلا

أدوات الموضوع


قد تكوني مهتمة بالمواضيع التالية ايضاً
الموضوع كاتب الموضوع المنتدى
روايتي الثانيه ...( في خطوتك .. سكتي) عندما تعشق الشوكولاته أقلام عدلات الذهبية
والآن قصة>>مين قال اللي فات مات؟؟<< للكاتبة رفيف الخميسي yasmen ali قصص - حكايات - روايات
يوميات عدلات ومحروس كاملة هـــدوء قصص - حكايات - روايات
رواية ظلمتني ولكن عشقتك كاملة بدون تقطيع \ بقلمي ربي رضاك والجنة أقلام عدلات الذهبية
قصة سارة ورهف شقاوة آنثى أقلام عدلات الذهبية


الساعة الآن 03:29 PM


جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل