نصــــائح منــــزليه مطبخية
نصــــائح منــــزليه مطبخية
خدوا بقي النصايح دي وادعولى
1 . كلنا عندنا مشكلة ان الخضرة و اليقدونس بيدبلو و يبوظوا بسرعة في التلاجة
الحل هو انك اول ما تيجي الخضرة .. اغسليها و نشفيها ,, و خاتى علبة متوسطة من علب التلاجة البلاستيك الي عندك .. و حطي في الارضية بتاعها ورق كلينيكس او ورق مناديل مطبخ السميكة دي ,, و حطي بعدها الخضرة او البقدونس .. و حطي بعد ما تخلصي وقبل ما تقفلى العلبه ورق فوق تامي غطي بيه باقي البقدونس .. كده هيعيش معاكي فترة اطول و يحتفظ بخضارة و ميصفرش ولا يبوظ
2 . لو جيتي تسلقى بيض .. خرشوف .. كرنب .. اي حاجة من الحاجات الي بتطفى شكل الحلة بعد السلق دي .. وعاوزة الحلة ترجع زي ما كانت .. حطي فيها ماية و حطيها عالنار .. وحطي في الماية قشور لمون .. وبعد ما تاخد غلوتين تلاتة .. اغسليها عادي هتلاقيها رجعت جديدة زي ما كانت
3 . لو عندك مكان معين متأكدة ان مصدر دخول وخروج النمل و عاوزة تتخلصى منه فعلا .. هتروحي تجيبي ورقة جرنال او ورقة كراسة او اي ورقة .. و تروحي عالبوتجاز وتحرقيها ,, و بعدين تلمي الرماد الي اتحرق ده برفق .. و روحي على المكان الي فيه تجمع النمل .. و حطي الرماد ده .. هتلاقي النمل اختفى تماما
4 . لو قلقانه من الخضروات و الفواكة و انتي بتغسليها انها برضو مش نضيفة .. اتعودي دايما تجيبي الحلة او الطبق الي هتغسلى فيه الفاكهة و الخظار و حطي معلقة واحدة كبيرة خل في الماية الي هتنضفى بيها الخضار و الفاكهة .. الخل هيتقتل اي جراثيم ممكن متموتش بالغسيل العادي
5 . لو عندك بيض بقاله مده في التلاجة و عاوزة تستعمليه و عندك شك ان كان بايظ ولا لاء .. هتجيبي البيضة و تجيبي كوباية ماية ساقعة مدوبة فيها معلقة ملح .. و حطي البيضة في الكوباية .. لو طفت على السطح .. تبقي باظت .. لو وقعت و سقطت تحت تبقي بنت حلال و اصيلة و لسة كويسة
6 . حذاااري ثم حذاااري انك تكوني ماسكة سكينة بتقطعي بيها لحمة او فراخ و تخلصى مهمتك و تجيبي نفس السكينة و تقطعي بيها خضار او فاكهة . لان الحركة دي ممكن تعمل تسمم غذائي .. كذلك القطاعة الخشي او البلاستيك اللي بنقطع عليها لحومنا و خضرواتنا .. متقطعيش عليها لحمة او فراخ و تشيليهم وتحطي خضار ولا فاكهة . برضو هتجيب تسمم غذائي
7 . لو عاوزة تسلقى بيض و وانتي بتحطيها في الحلة اتشرخت شرخ بسيط .. حطي في ماية السلق معلقة خل او شوية ملح في ماية السلق .. و بكدة هتستوي جوا قشرتها ومش هتبوظ ولا حاجة
8 . لو بتسلقى بقوليات .. زي الفاصوليا البيضا و اللوبيا . كذلك سلق اللحمة و الفراخ .. متحطيش الملح إلا في الاخر خالص بعد ما الاكل يستوي .. لان لما بتحطي الملح .. مدة السلق بتطول اوووووي بعكس لما متحطيش الملح و تستني لما تستوي
إظهار التوقيع
توقيع : زهرة الأوركيدا
التوقيع لا يظهر للزوار ..
رد: نصــــائح منــــزليه مطبخية
إظهار التوقيع
توقيع : الملكة نفرتيتي
التوقيع لا يظهر للزوار ..
رد: نصــــائح منــــزليه مطبخية
إظهار التوقيع
توقيع : ريموووو
التوقيع لا يظهر للزوار ..
رد: نصــــائح منــــزليه مطبخية
إظهار التوقيع
توقيع : زهرة الأوركيدا
التوقيع لا يظهر للزوار ..
قد تكوني مهتمة بالمواضيع التالية ايضاً
|
||||
| الموضوع | كاتب الموضوع | المنتدى | ||
| نصائح مطبخية من تصميمى2024 نصائح مطبخية مميزة 2024نصائح مطبخية جديدة لكل سيدة | ام سيف 22 | استشارات ونصائح مطبخية | ||
| نصائح مطبخية هامة من تصميمي . صور نصائح مطبخية خطيرة . نصائح مطبخية 2 | τнє τɪмє σf sυиsєτ | استشارات ونصائح مطبخية | ||
| نصائح مطبخية هامة من تصميمي . صور نصائح مطبخية خطيرة . نصائح مطبخية | τнє τɪмє σf sυиsєτ | استشارات ونصائح مطبخية | ||
| [من مطبخي] كروت نصائح مطبخية جديدة من تصميمى صور مطبخية الجزء السادس | ندى ام | استشارات ونصائح مطبخية | ||
| نصائح مطبخية تهمك نصائح مطبخية مهمه لست البيت نصائح مطبخية مفيدة جدا | مرمورة | من مطبخي | ||
الساعة الآن 01:07 AM
جميع المشاركات تمثل وجهة نظر كاتبها وليس بالضرورة وجهة نظر الموقع