لسة مش قادرة تحبي خطيبك .. تعالوا ندي لنفسنا فرصة
السلام عليكم ورحمة الله وبركاته
يااارب تكونوا يخيــر وياارب يرزق اللي متخطبتش الزوج الصالح
وييسر زواج كل المخطوبات ويسعدالمتزوجات ياارب
منستش حد مش كده
ندخل في الموضوع علطول
انا جيت النهاردة عشان احكي معاكوا شوية اعتبروها فضفضة وموضوع للمناقشة
او اعتبروني بفكر بصوت عالي شوية
شوفت كذا موضوع هنا او كذا حد يدخل يقول بقالي قد ايه مخطوبة ومبحبش خطيبي
لسة كام شهر علي الفرح ومش حاسة ناحية خطيبي باي حاجة
مع انه كويس معايا وبيحبني جداا .. لا واللي يخلي الواحد يستعجب ان كذا واحدة ترد
تقولها ( كانك بتحكي عني بالظبط ) خطيبي بيحبني ونا مش بحبه زي ما بيحبني وهو ميعرفش كده
من مكاني هذا يسعدني ويشرفني ان اضم صوتي لصوتكم واقوول انا كمان مش ببادل خطيبي نفس شعوره ليا وهو برده ميعرفش كده
مش جاية احبط حد بكلامي والله ابدا بس حابة نتكلم مع بعض لاني قعدت مع نفسي وفكرت بجد
اغلب الناس هيجي في دماغها اني اسيب خطيبي
لأ بالعكس هو ذنبه ايه طيب .. اغلب الردود اللي شوفتها سيبييه .. هتعذبي نفسك ليه وانتي مبتحبهوش .. اريحلك يا بنت الحلال تسيبيه
ده مش حل خالص والعلاقات مش سهلة اووي كده
اصل انتي مترضيش تبقي مخطوبة لواحد وبتحبيه ويجي من غير سابق مقدمات بعد فترة من خطوبتكم يقولك معلش يا فلانة كل شيء نصيب والمبرر اصل مش حاسس من ناحيتك باي حاجة .. هيكون موقفك ايه ساعتها
تعالوا نفكر بواقعية شوية
اي بنت نفسها تحب خطيبها وتعيش جو الخطوبة اللي بنسمع عنه
كل واحد فينا بيختلف عن التاني في ده
في ناس تلاقيها ماشاء الله بتحب خطيبها من قبل ما تشوفه اساسا
عندها كده مخزون عاطفي مستنية صاحب النصيب وتفجره فيه
وفي ناس تاخد وقت شوية علي ما تتعود علي خطيبها وهو بصفاته وبمواقفه بيحببها فيه
وفي ناس الموضوع صعب معاها شوية رغم ان خطيبها عاملها من البحر طحينة ومفكرها بتموت فيه بس هيا مش مبيناله غير كده
مع انها من جواها نفسها تحبه بحق وحقيقي زي ما بيقولوا
ورجعنا للنقطة اللي بتكلم عليها من تاني
جربتي تدي لنفسك فرصة تحبي خطيبك بيها
ازااااي !!! ؟؟؟
اول حاجة هتكلم فيها .. خطيبك اختارك انتي وبس ..
حطي ديما في بالك انه اختارك انتي دونا عن اي حد
حتي في خطوبات الصالونات والله .. ما هو فيه قعدة تعارف مش كده
لو مكنتيش عجبتيه او مرتحش ليكي مكانش وافق
اذن اختارك انتي .. وكان ممكن يدخل اي بيت تاني ..
تاني حاجة : كل شيء نصيب وكل حاجة مكتوبة
متفسديش علي نفسك فرحتك .. وسيبيها لله
وثقي تماما ان لو ده مش نصيبك كان هتتفكرش من الاول . مكنتيش هتحسي بارتياح
او لو لسة مش ليكي نصيب فيه وانتي مخطوبة هيحصل اي حاجة والموضوع ينتهي
ومكنتيش تتخيلي ان في يوم من الايام ينتهي بالشكل ده والكلمة ساعتها بتكون الحمد لله محصلش نصيب
بصي لجهازك الوقتي ولبسك وشقتك والجو الجديد اللي غيرك يتمناه
فعيشي حياتك واحمدي ربنا علي نعمة الخطوبة اللي غيرك كتيير بيحلم بحاجة زي كده
تالت حاجة .. بصي علي الحاجات الحلوة اللي في خطيبك
فيه حاجة يا فتوكات اسمها المجمل العام .. اللي هو ايه بقا
ان انا ابص كده خطيبي كريم معاياا ؟ محترم ؟ بيحبي ؟ بيحترم اهلي ؟ ..... وهكذا
من هنا هتبدأي تحبي خطيبك اما تشوفي مميزاته اللي غالبا بتفوق العيوب لان اي حد فينا مش خالي من العيوب
بصي علي الحاجات الحلوة اللي بيعملهالك .. موقف مكنتيش لاقية حد تحكي معاه فيه .. هو اللي وقف جمبك بعد ربنا سبحانه وتعالي فيه
لحظة حلوة كنتي فيها سعيدة اووي وحسيتي ساعتها فرق ما بين الخطوبة وغيرها
رابع حاجة .. متقارنيش نفسك بحد
كنت ساعات بسمع ناس ماشاء الله ربنا يزيدها تقول دنا اموت لو خطيبي مكلمنيش
دنا بعشق التراب اللي بيمشي عليه .. ده انا ضغطي يوطي لو نام يوم زعلان . وهكذا
كنت اسأل نفسي هو في حب كده .. اه فيه وهتحسيه باذن الله لو مش في الخطوبة هيبقي بعد الجواز
متبصيش لحد لان مش كل الناس زي بعضها .. يمكن انتي فيكي حاجات مش زي صحبتك والعكس
يمكن اللي بتحب اووي دي متعذبة وده كتيير بنشوفه .. ويمكن انتي بهدوءك الي حد ما في مشاعرك نعمة في بعض الاحيان
كفاية انك متقبلة خطيبك وان شاء الله مشاعرك هتتطور
خامس حاجة .. في نصيحة بتقول خدي اللي يحبك متاخديش اللي تحبيه
بما ان خطيبك بيحبك فاحنا كده قطعنا تلت اربع الشوط .. طبعا لازم يكون الحب متبادل ماهو ان شاء الله هتحبيه
طبيعي هتحبي البني ادم اللي هتكملي معاه حياتك لو كان تقبل بس وارتياح في الخطوبة
هيكون تعلق وعشرة ولفلفة بعد الجواز لفلفة دي من Love يعني اصل يمكن نتنيل ونحب اما ندلعها حبيتن
اصل متقنعنيش ان انتي هتكوني مع واحد بعد الجواز بتاكلو سوا وتشربوا سوا وتناموا علي سرير واحد
ومشاكلكوا بقت واحدة وتفكريكم بقا شبه واحد .. مش هتتعلقي بيه وهتاخدي علي وجودوا ديما معاكي
سادسا .. احنا البنات بنحب الحنبة والمعاملة الحلوة ومبنعرفش نحب بسرعة او بودانا بس
بنحب بالافعال والاسلوب
الرجالة غيرنا .. ممكن يبقي اول مرة يعد معاكي ويحبك ويموت فيكي
هما بيحبوا بعنيهم وبعدين بودانهم
خلاصة النقطة دي ممكن مشاعره تسبق مشاعرك شوية وده وارد .. فاصبري شوية وادي لنفسك فرصة تحبيه
سابعا ... الوضع بعد الجواز هيختلف كتير
واسالي اي واحدة متجوزة الوقتي
تقولك الجواز ده حاجة تانية وتالتة ورابعة
انا اي نعم لسة متجوزتش بس مؤمنة بحاجة زي كده
ربنا سبحانه وتعالي قال
وَمِنْ آيَاتِهِ أَنْ خَلَقَ لَكُمْ مِنْ أَنْفُسِكُمْ أَزْوَاجًا لِتَسْكُنُوا إِلَيْهَا وَجَعَلَ بَيْنَكُمْ مَوَدَّةً وَرَحْمَةً إِنَّ فِي ذَلِكَ لَآيَاتٍ لِقَوْمٍ يَتَفَكَّرُونَ
مودة ورحمة .. يعني متقلقيش لو ربنا كاتبلك الشخص ده نصيبك بعد الجواز هتحبيه وهتموتي فيه كمان ..
ثامنا وده فوقهم كلهم
ديما ادعي ربنا سبحانه وتعالي
انه يحببك في خطيبك ويحبب خطيبك فيكي كمان وكمان
ربنا مقلب القلوب
يعني هو اللي بايده يخليكي تحبي خطيبك وتموتي فيه وبايده يخليكي مش طايقاه
ادعي ديما وقولي ** اللهم اصلحه لي زوجا واصلحني له زوجة **
قولي كمان ** اللهم اجعــله لي كما أحب
واجعلنــي له كما يحـــب
واجعلنا لك كما تحـــب ** ياااارب
اخر حاجة بقا هيا مواقف عملية لناس اعرفهم
كان ليا صحبتي ( الانتيم ) فضلت مخطوبة 3 سنين وخطيبيها بيحبها جداا
وكانت تقعد تقولي انا مش حاسة ناحيته باي حاجة .. 3 سنين ها متخيلن مش كام شهر مش سنة
لحد يوم الحنة تقولي مش عوزة اتجوز .. هتقوليلي ده وايه اللي غاصبها عليه اوي كده
هقولك هو بيحبها ومعملش فيها اي حاجة وحشة وهيا رضت بالقدر وسابتها لله اللي مبيخذلش حد ابدا
والحمد لله اتجوزت والوقتي الوضع اختلف تماما .. ربنا يرزقنا جميعا
تاني واحدة دي بقه قريبتي
كانت مخطوبة وخطيبها بيحبها اوي وكانت موافقة عليه ف الاساس
جالها فترة مش عرفة تحبه بس لانها كانت بتحب حد تاني يعني الوضع مختلف حبتين شوية
لدرجة انها كانت بتخترع مواضيع عشان تفركش الخطوبة باي طريقة
بس مامتها مكانتش مشجعاها في الموضوع لان عرفة مصلحتها وان اللي بتحبه ده واد بيضحك عليها وخلاص
واتجوزت والحمد لله بتقولي الجواز حاجة تانية خاالص ومعاها طفلة الحمد لله الوقتي
وفي قصص كتير اكيد كلنا بنشوفها وبنعايشها مع قرايبنا وصحابنا .. فنصيبك هتشوفيه لو كان مع الشخص ده او غيره فمتقلقيش وسيبيه لله
يااارب تكونوا يخيــر وياارب يرزق اللي متخطبتش الزوج الصالح
وييسر زواج كل المخطوبات ويسعدالمتزوجات ياارب
منستش حد مش كده
ندخل في الموضوع علطول
انا جيت النهاردة عشان احكي معاكوا شوية اعتبروها فضفضة وموضوع للمناقشة
او اعتبروني بفكر بصوت عالي شوية
شوفت كذا موضوع هنا او كذا حد يدخل يقول بقالي قد ايه مخطوبة ومبحبش خطيبي
لسة كام شهر علي الفرح ومش حاسة ناحية خطيبي باي حاجة
مع انه كويس معايا وبيحبني جداا .. لا واللي يخلي الواحد يستعجب ان كذا واحدة ترد
تقولها ( كانك بتحكي عني بالظبط ) خطيبي بيحبني ونا مش بحبه زي ما بيحبني وهو ميعرفش كده
من مكاني هذا يسعدني ويشرفني ان اضم صوتي لصوتكم واقوول انا كمان مش ببادل خطيبي نفس شعوره ليا وهو برده ميعرفش كده
مش جاية احبط حد بكلامي والله ابدا بس حابة نتكلم مع بعض لاني قعدت مع نفسي وفكرت بجد
اغلب الناس هيجي في دماغها اني اسيب خطيبي
لأ بالعكس هو ذنبه ايه طيب .. اغلب الردود اللي شوفتها سيبييه .. هتعذبي نفسك ليه وانتي مبتحبهوش .. اريحلك يا بنت الحلال تسيبيه
ده مش حل خالص والعلاقات مش سهلة اووي كده
اصل انتي مترضيش تبقي مخطوبة لواحد وبتحبيه ويجي من غير سابق مقدمات بعد فترة من خطوبتكم يقولك معلش يا فلانة كل شيء نصيب والمبرر اصل مش حاسس من ناحيتك باي حاجة .. هيكون موقفك ايه ساعتها
تعالوا نفكر بواقعية شوية
اي بنت نفسها تحب خطيبها وتعيش جو الخطوبة اللي بنسمع عنه
كل واحد فينا بيختلف عن التاني في ده
في ناس تلاقيها ماشاء الله بتحب خطيبها من قبل ما تشوفه اساسا
عندها كده مخزون عاطفي مستنية صاحب النصيب وتفجره فيه
وفي ناس تاخد وقت شوية علي ما تتعود علي خطيبها وهو بصفاته وبمواقفه بيحببها فيه
وفي ناس الموضوع صعب معاها شوية رغم ان خطيبها عاملها من البحر طحينة ومفكرها بتموت فيه بس هيا مش مبيناله غير كده
مع انها من جواها نفسها تحبه بحق وحقيقي زي ما بيقولوا
ورجعنا للنقطة اللي بتكلم عليها من تاني
جربتي تدي لنفسك فرصة تحبي خطيبك بيها
ازااااي !!! ؟؟؟
اول حاجة هتكلم فيها .. خطيبك اختارك انتي وبس ..
حطي ديما في بالك انه اختارك انتي دونا عن اي حد
حتي في خطوبات الصالونات والله .. ما هو فيه قعدة تعارف مش كده
لو مكنتيش عجبتيه او مرتحش ليكي مكانش وافق
اذن اختارك انتي .. وكان ممكن يدخل اي بيت تاني ..
تاني حاجة : كل شيء نصيب وكل حاجة مكتوبة
متفسديش علي نفسك فرحتك .. وسيبيها لله
وثقي تماما ان لو ده مش نصيبك كان هتتفكرش من الاول . مكنتيش هتحسي بارتياح
او لو لسة مش ليكي نصيب فيه وانتي مخطوبة هيحصل اي حاجة والموضوع ينتهي
ومكنتيش تتخيلي ان في يوم من الايام ينتهي بالشكل ده والكلمة ساعتها بتكون الحمد لله محصلش نصيب
بصي لجهازك الوقتي ولبسك وشقتك والجو الجديد اللي غيرك يتمناه
فعيشي حياتك واحمدي ربنا علي نعمة الخطوبة اللي غيرك كتيير بيحلم بحاجة زي كده
تالت حاجة .. بصي علي الحاجات الحلوة اللي في خطيبك
فيه حاجة يا فتوكات اسمها المجمل العام .. اللي هو ايه بقا
ان انا ابص كده خطيبي كريم معاياا ؟ محترم ؟ بيحبي ؟ بيحترم اهلي ؟ ..... وهكذا
من هنا هتبدأي تحبي خطيبك اما تشوفي مميزاته اللي غالبا بتفوق العيوب لان اي حد فينا مش خالي من العيوب
بصي علي الحاجات الحلوة اللي بيعملهالك .. موقف مكنتيش لاقية حد تحكي معاه فيه .. هو اللي وقف جمبك بعد ربنا سبحانه وتعالي فيه
لحظة حلوة كنتي فيها سعيدة اووي وحسيتي ساعتها فرق ما بين الخطوبة وغيرها
رابع حاجة .. متقارنيش نفسك بحد
كنت ساعات بسمع ناس ماشاء الله ربنا يزيدها تقول دنا اموت لو خطيبي مكلمنيش
دنا بعشق التراب اللي بيمشي عليه .. ده انا ضغطي يوطي لو نام يوم زعلان . وهكذا
كنت اسأل نفسي هو في حب كده .. اه فيه وهتحسيه باذن الله لو مش في الخطوبة هيبقي بعد الجواز
متبصيش لحد لان مش كل الناس زي بعضها .. يمكن انتي فيكي حاجات مش زي صحبتك والعكس
يمكن اللي بتحب اووي دي متعذبة وده كتيير بنشوفه .. ويمكن انتي بهدوءك الي حد ما في مشاعرك نعمة في بعض الاحيان
كفاية انك متقبلة خطيبك وان شاء الله مشاعرك هتتطور
خامس حاجة .. في نصيحة بتقول خدي اللي يحبك متاخديش اللي تحبيه
بما ان خطيبك بيحبك فاحنا كده قطعنا تلت اربع الشوط .. طبعا لازم يكون الحب متبادل ماهو ان شاء الله هتحبيه
طبيعي هتحبي البني ادم اللي هتكملي معاه حياتك لو كان تقبل بس وارتياح في الخطوبة
هيكون تعلق وعشرة ولفلفة بعد الجواز لفلفة دي من Love يعني اصل يمكن نتنيل ونحب اما ندلعها حبيتن
اصل متقنعنيش ان انتي هتكوني مع واحد بعد الجواز بتاكلو سوا وتشربوا سوا وتناموا علي سرير واحد
ومشاكلكوا بقت واحدة وتفكريكم بقا شبه واحد .. مش هتتعلقي بيه وهتاخدي علي وجودوا ديما معاكي
سادسا .. احنا البنات بنحب الحنبة والمعاملة الحلوة ومبنعرفش نحب بسرعة او بودانا بس
بنحب بالافعال والاسلوب
الرجالة غيرنا .. ممكن يبقي اول مرة يعد معاكي ويحبك ويموت فيكي
هما بيحبوا بعنيهم وبعدين بودانهم
خلاصة النقطة دي ممكن مشاعره تسبق مشاعرك شوية وده وارد .. فاصبري شوية وادي لنفسك فرصة تحبيه
سابعا ... الوضع بعد الجواز هيختلف كتير
واسالي اي واحدة متجوزة الوقتي
تقولك الجواز ده حاجة تانية وتالتة ورابعة
انا اي نعم لسة متجوزتش بس مؤمنة بحاجة زي كده
ربنا سبحانه وتعالي قال
وَمِنْ آيَاتِهِ أَنْ خَلَقَ لَكُمْ مِنْ أَنْفُسِكُمْ أَزْوَاجًا لِتَسْكُنُوا إِلَيْهَا وَجَعَلَ بَيْنَكُمْ مَوَدَّةً وَرَحْمَةً إِنَّ فِي ذَلِكَ لَآيَاتٍ لِقَوْمٍ يَتَفَكَّرُونَ
مودة ورحمة .. يعني متقلقيش لو ربنا كاتبلك الشخص ده نصيبك بعد الجواز هتحبيه وهتموتي فيه كمان ..
ثامنا وده فوقهم كلهم
ديما ادعي ربنا سبحانه وتعالي
انه يحببك في خطيبك ويحبب خطيبك فيكي كمان وكمان
ربنا مقلب القلوب
يعني هو اللي بايده يخليكي تحبي خطيبك وتموتي فيه وبايده يخليكي مش طايقاه
ادعي ديما وقولي ** اللهم اصلحه لي زوجا واصلحني له زوجة **
قولي كمان ** اللهم اجعــله لي كما أحب
واجعلنــي له كما يحـــب
واجعلنا لك كما تحـــب ** ياااارب
اخر حاجة بقا هيا مواقف عملية لناس اعرفهم
كان ليا صحبتي ( الانتيم ) فضلت مخطوبة 3 سنين وخطيبيها بيحبها جداا
وكانت تقعد تقولي انا مش حاسة ناحيته باي حاجة .. 3 سنين ها متخيلن مش كام شهر مش سنة
لحد يوم الحنة تقولي مش عوزة اتجوز .. هتقوليلي ده وايه اللي غاصبها عليه اوي كده
هقولك هو بيحبها ومعملش فيها اي حاجة وحشة وهيا رضت بالقدر وسابتها لله اللي مبيخذلش حد ابدا
والحمد لله اتجوزت والوقتي الوضع اختلف تماما .. ربنا يرزقنا جميعا
تاني واحدة دي بقه قريبتي
كانت مخطوبة وخطيبها بيحبها اوي وكانت موافقة عليه ف الاساس
جالها فترة مش عرفة تحبه بس لانها كانت بتحب حد تاني يعني الوضع مختلف حبتين شوية
لدرجة انها كانت بتخترع مواضيع عشان تفركش الخطوبة باي طريقة
بس مامتها مكانتش مشجعاها في الموضوع لان عرفة مصلحتها وان اللي بتحبه ده واد بيضحك عليها وخلاص
واتجوزت والحمد لله بتقولي الجواز حاجة تانية خاالص ومعاها طفلة الحمد لله الوقتي
وفي قصص كتير اكيد كلنا بنشوفها وبنعايشها مع قرايبنا وصحابنا .. فنصيبك هتشوفيه لو كان مع الشخص ده او غيره فمتقلقيش وسيبيه لله
إظهار التوقيع
توقيع : حنين الروح123
التوقيع لا يظهر للزوار ..
رد: لسة مش قادرة تحبي خطيبك .. تعالوا ندي لنفسنا فرصة
إظهار التوقيع
توقيع : sara paxton
التوقيع لا يظهر للزوار ..
رد: لسة مش قادرة تحبي خطيبك .. تعالوا ندي لنفسنا فرصة
إظهار التوقيع
توقيع : حياه الروح 5
التوقيع لا يظهر للزوار ..
رد: لسة مش قادرة تحبي خطيبك .. تعالوا ندي لنفسنا فرصة
إظهار التوقيع
توقيع : حنين الروح123
التوقيع لا يظهر للزوار ..
رد: لسة مش قادرة تحبي خطيبك .. تعالوا ندي لنفسنا فرصة
إظهار التوقيع
توقيع : نجمةk
التوقيع لا يظهر للزوار ..
رد: لسة مش قادرة تحبي خطيبك .. تعالوا ندي لنفسنا فرصة
إظهار التوقيع
توقيع : الملكة نفرتيتي
التوقيع لا يظهر للزوار ..
قد تكوني مهتمة بالمواضيع التالية ايضاً
|
||||
| الموضوع | كاتب الموضوع | المنتدى | ||
| 20 علامة تشير ان خطيبك ليس الزوج المناسب لك | نايلية وفخر ليا | الحياة الزوجية والاسرية | ||
| مريم ..أنا بنتكس ☼☼ مسلسل جديد تابعونا | خديجة فى قلبى | قصص - حكايات - روايات | ||
| بتغيرى اوى على خطيبك لا وايه هو بيستفزك طيب ورايا انا ام جنى وبس | ام جنى وبس | فتيات تحت العشرين | ||
الساعة الآن 12:14 PM
جميع المشاركات تمثل وجهة نظر كاتبها وليس بالضرورة وجهة نظر الموقع