خطوبتك فى البيت . هتكون احلى من اى خطوبه فى اى قاعه !
دايما احنا بنعمل الخطوبه او الفتحه فى البيت وديما بنعملها عاديه جدا
طيب ليه منعملش حاجه جميله وجامده وكل الناس تحكى عنها
انا عندى شويه افكار هقولكوا عليها وانتوا كمان اللى عندها فكره تقولنها عليها
اول حاجه
سلم العماره يعنى لو تقدرى زوقى سلم الدور بتاعك حطى عليه فرح اخضر على الترفزين او حطى بلالين على السلم وقدام باب البيت وارمى فى الارض برونز وورده
باب البيت
هنحط من بره البيت ورد بوكيه او اتنين
وممكن بدل الورد نحط بلالين
كمان باب البيت ممكن نحط عليه بلالين او نجيب الزينه ونحدد بيها باب البيت وممكن نجيب الزينه المنعكشه دى ونقطعها حتت صغيره ونلزقها على الباب
ده برضه ممكن يكون الباب
اول اما بندخل من الباب اكتر البيوت بيكون فيها كونسول او الحاجات الىبتتحط عند الباب دى اللى انا مش فاكره اسمها ممكن نعمل ايه بقى
بصوا هنغطى الترابيزه دى او الكوسول بقماش ساتانى وعليه تول بلون فوستانيك مثلا وبعدين نحط عليه شمع شمع شمع وورد ورد و نحط صوره ليكى انتى وخطيبك ونحط جمبها الجيس بوك وممكن نرمى ورد ناش على الطربيزه والورد الناش ده بيتباع فى محلات اتنين ونص ممكن كمان نجيب قلوب صغنونه نحطها على الترابيزه كمان
المدخل بقى اللى بيودى على المكان اللى هنقعد فى ممكن نملى الارض بلالين وزينه اللى هى الصغنونه خلاص دى ولو المدخل طرقه طويله ممكن نجيب الزينه بتاعت رمضان دى اللى هى لمبات صغنونه على شكل قلب ونوصلهم ببعض ونخليها بطول المدخل مممم ايه تانى .. اه ممكن كمان نرشرش برونز على الارض وعلى الكونسول كمان
دخلنا بقى على المكان اللى هنقضى فى الليله الحلوه ده
ياريت لو يكون كرسى الخطيبه والخطيب شكلهم مش زى الباقى
لو معرفناش نجيب كنبه او كرسين مختلفين
بصوا هنعمل ايه
هنجيب ستان ونخطى بيه لو عندنا كنبه صغنونه او لو كرسين نغطيهم بالستان وممكن لو وحده شطره بقى تجيب ورد صغنن اللى بنحطه على الهدوم او الطرح ده ونحطه على الستان ده وممكن نحط حوالين الكرسين دول بلالين كده
طيب ممكن نعمل ترابيزه فى الركن كده نحط عليها شوكولاته وكانزات كده
يعنى دى تسليه كده لحد ما ياكلوا
ترابيزه السفره هتكون طبعا كلها اكل اكل ماهى الناس بتيجى تاكل بقى بس ممكن نحط فازه كبيره فى النص وخلاص كده
ممكن نشغل موسيقى هادئه طول الخطوبه ماعدا وقت تلبيس الدبل نشغل يادبلت الخطوبه
وممكن كمان طول الخطوبه نشغل اغانى وظيته
يعنى الاغانى ده الموسيقى كل واحد ومزاجه
نيجى بقى للكاستا اللى البيه والهانم هيشربوا فيها
والصوانى بقى لازم تكون من نفس زواف الكاسات بلاش عك وحيات ابوكى
كمان الصنيه ليها شغلانه كمان وهى هنقدم عليها الشبكه
طبعا مش نفس الصنيه ممكن نزوقها بتول وستانى وورد وررد ناش وقلوب من اللى بتتلزق دى وبرونز يعنى اللى يريحك
ممكن كمان نعمل حاجه جديده فى تقديم العصي للمخطوبين
نعمل ايه بقى ؟
نجيب انانستين صغيرتين ونحفرهم لاخرهم وحط فيهم عصير وقطع اناناس
كمان فى فكره نازله جديد ودى لو مفيش شبكه كبيره او هيقدم خاتم ودبله ومحبس مثلا بس وهى المخدات
ودى ممكن نختار اللون على حسب لون فستانك
الشقه كلها تكون ملايانه بلالين على الارض ولو فى بلالين هليوم ممكن نخليهم فى الهوا فى ناس بيعملوا الصور على البلالين هاتى صورتك انتى والمحروس واعملها على كام بولنه وحده عن الباب وحده عند الكوشه
ممكن كمان نعمل على السقف بلالين ملفوفه بتول وهو بيلبسها الشبكه حد يفك التول ده وبلالين تنزل من السقف
بصوا هو ده اللى جايه فى بالى دلوقتى
انتوا كمان اللى عندها فكره تقولنا عليها
وياريت يا بنات تقيموا الموضوع عشان يفضل موجود وكمان كلنا نستفيد منوا
يا رب اكون ادتكوا افكار لذيذه
منقوووووووووول
إظهار التوقيع
توقيع : بسكوته بالشوكولا
التوقيع لا يظهر للزوار ..
رد: خطوبتك فى البيت . هتكون احلى من اى خطوبه فى اى قاعه !
إظهار التوقيع
توقيع : ام طاطو
التوقيع لا يظهر للزوار ..
رد: خطوبتك فى البيت . هتكون احلى من اى خطوبه فى اى قاعه !
إظهار التوقيع
توقيع : مورا موكا الطيبة
التوقيع لا يظهر للزوار ..
رد: خطوبتك فى البيت . هتكون احلى من اى خطوبه فى اى قاعه !
إظهار التوقيع
توقيع : Frawla
التوقيع لا يظهر للزوار ..
رد: خطوبتك فى البيت . هتكون احلى من اى خطوبه فى اى قاعه !
إظهار التوقيع
توقيع : بسكوته بالشوكولا
التوقيع لا يظهر للزوار ..
رد: خطوبتك فى البيت . هتكون احلى من اى خطوبه فى اى قاعه !
إظهار التوقيع
توقيع : زهرة الأوركيدا
التوقيع لا يظهر للزوار ..
قد تكوني مهتمة بالمواضيع التالية ايضاً
|
||||
| الموضوع | كاتب الموضوع | المنتدى | ||
| كيف يكون بيتك سعيدا | درة مكنونة | الحياة الزوجية والاسرية | ||
| ازاى تخلى شغل البيت رياضة وتعميه بكل سعادة | ام نونا | التمارين الرياضية | ||
| صور فساتين خطوبه 2024, فساتين خطوبه 2024, فساتين خطوبه جديده, فساتين خطوبه | ريموووو | فساتين زفاف وخطوبة 2022 | ||
| دبل خطوبه 2024 ,محابس خطوبه 2024 خواتم خطوبه وزفاف دبل خطوبة وزفاف دبل نيو مديرن | ريموووو | اكسسوارات العروس | ||
| فساتين خطوبه 2024 , صور فساتين خطوبه روعه , فساتين خطوبه سمبل , فساتين خطوبه مميزه | ام طاطو | فساتين زفاف وخطوبة 2022 | ||
الساعة الآن 03:08 PM
جميع المشاركات تمثل وجهة نظر كاتبها وليس بالضرورة وجهة نظر الموقع