أو

الدخول بواسطة حسابك بمواقع التواصل



https://adlat.net/showthread.php?t=204054
6603 23
#1

5 98 هتجنن ومش عارفة اعمل ايه

حبيباتى دلوقتى
انا فى مشكلة مش عارفة ااعمل اايه
بداية مشكلتى انا متجوزة دلوقتى بقالى 3سنين
بس ربنا مكرمنيش لسه باطفال
اتعالجت كتير وحصل حمل وسقطت
وعملت منظار ودخلت فى متاهات كتير مع الدكاترة
وفى الاخر لقيت ان جوزى عنده مشكلة اه بسيطة لكن محتاج علاج فترة
دلوقتى جوزى كان بيسافر لقيته قبل السفر بيوم قطع جواز السفر
وقالى انا مخنوق مش عايز اسافر تانى
وهديته ووافقته لحد ماهدى
ومااعترضتش بس بقه الى هيجننى انه بنت عمه بقالها فترة عمالة تبعت له طلب
صداقة على الفيس بوك ومامتها بتكلم جوزى كتير
وانا مش بحبها لاهى ولا امها لانها قريبتى بس طول عمرها مؤذية
بتعمل اعمال وبتضر ناس
كتير وشوفت بعينى
حتى هو فى اول جوازانا لقينا مية مرشوشة قدام شقتى استغربنا وحسبنا
ان قطة وعديناها واكتشفنا بعدها
ان الست دى الى هى مرات عمه
معاها مفتاح بيتنا تحت
واخت جوزى لما بحكى لها قالت لى انها
كانت بتستغل البيت قبل ماحد يسكنه وبتقابل جوزها الى كانوا متجوزين فى
السر وحوارات كتير ناس كتير جدا اكدوهالى
االمهم ماليش دعوة بيها غيرت مفاتيح بيتى وخلاص دلوقتى بقه شغالة تكلم جوزى وتقوله مش تسال على مرات عمك وولاد عمك
هى عندها 3رجالة كبار وبنتين
واحد متجوز منهم قريب
وواحدة متجوزة كمان
المهم انا زهقت مش حاباها تتدخل فى حياتى لانها مش كويسة وهو كل كلامه ليا مرات عمى هعمل ايه
اهملنى بطريقة غبية الفترة الى فاتت دى
انا اعترف انى انا قصرت فى بيتى
بصراحة تعبت هو بقه قطعة جليد
مقصر اوى فى حقى وحق البيت
وانا كمان قصرت انا مش هقدر اتكلم مع اى حد فى العيلة لانى حالفة انى عمرى ماهخلى حد من عندى ولامن عنده يتدخل فى حياتنا
اهملت البيت بطريقة خلتنى قرفانة من نفسي ومنه ومن البيت
لانى مش متعودة على الاهمال ورجعت اطلع غلى فى الشقة
وهو لاتعليق
على اى حاجة تماما
بقيت اخرج البلكونة بشعرى قدامه (عندى ستاير مفيش حاجة بتبان وحاطة طرحة فى السبت بس هو)
لاتعليق
اقعد قدام اخواته بشورت وبديهات مفيش تعليق اه هما كلهم ستات ومعاهم بنات
بس كان بيغير عليا جدا
دلوقتى لاتعليق




هتجنن دلوقتى النهاردة مرات عمه كلمته بتقوله هاجى لك بكرة
وكمان قالت له ان مرات ابنها حملت ومعرفش قالت ايه بس هو كان بيقولها
ربنا يكرم
ففهمت ان بتتكلم عليا
وفتحت الفيس بوك بتاعه النهاردة لقيت بنت عمه عملت ايميل جديد وبعتاله هو كان مانعنى من الفيس بوك بس بقيت افتح حسابه لانى مديرة صفحة فيها وهو موافق
انا دلوقتى مش عارفة اعمل ايه هو عيد ميلاده بكرة بس ماليش نفس اشوفه حتى
قولوا لى اعمل ايه
اقسم بالله العظيم انا عندى استعداد
اجوزه بس مش من دى
فيدونى مش عارفة هتجنن بقالى يومين



إظهار التوقيع
توقيع : شقاوة آنثى
#2

افتراضي رد: هتجنن ومش عارفة اعمل ايه

ياعمرى
لا اله الا الله
مش عارفه اقولك ايه؟
اصلا حالك وحاله هو السبب
انتى وهو تعبانين نفسيا
وبعدين بما انك بتقولى ان مرات عمه بتاعت طب وكده يعنى مش بعيده ابدا تكون عامله لكم خاجه مخلياكم كارهين بعض او الفتور فى علاقتكم او النفور
حبيبتى انتى لازم تنتبهى على علاقتكم اكثر من كده تحاولى تحاربى اى تدخل فى مابينكم
انتى لازم تصبرى وتقربى من جوزك وتحاولى تفتحى عينه على اللى بيجرى فى حياتكم مش تستسلمى وتقولى مش طايقه ومقصره ومش عارفه ايه

إظهار التوقيع
توقيع : ريموووو
#3

افتراضي رد: هتجنن ومش عارفة اعمل ايه

كان الله فى عونك حبيبتى بس هو لو فيه حاجه بينه وبين بنت عمه مكانش خلاكى تشوفى صفحته وكان حيغير كلمة السر .. وتذكرى قل لن يصيبنا الا ما كتب الله لنا. وكلميه بهدوء وشوفى ايه اللى تاعبه وربنا يصلح احوالكم يارب.
اما بالنسبه للاطفال فانتى بتقولى ان كان فيه حمل ومكملش فباذن الله يكون فيه امل وكمان علشان هو على مسافر على طول فده اللى ماخر موضوع الحمل وكلميه يتعالج وشجعيه على كده وربنا يكرمكم باذن الله بالذريه الصالحه.

إظهار التوقيع
توقيع : zozoweza
#4

افتراضي رد: هتجنن ومش عارفة اعمل ايه

حبيبتي المفروض تتنازلي شوية وتروحيله وتشوفي هو ايه اللي مغيره وتهتمي بنفسك وبالبيت
وبعدين بالنسبة لمرات عمه المفروض تروحي لشيخ لإنها ممكن كون عمللكم عمل لان الناس ديه بتفرق مابين الزوج والزوجة
وممكن لاقدر الله بتوصل للطلاق
وكويس ان انتي مابتحكيش لالأهلك ولا هو بيحكي لأهله

إظهار التوقيع
توقيع : τнє τɪмє σf sυиsєτ
#5

افتراضي رد: هتجنن ومش عارفة اعمل ايه

لا حول ولا قوة الابالله
شوفى حبيبتى انا حتكلم معاكى بصراحه انتى زى ما فهمت منك ان الست دى بتاعة مقالب يعنى مش بعيد تكون عامله حاجه والله اعلم
شوفى بقى انتى مش لازم تديها فرصه ولا لغيرها يتعبوا حياتك ابدا وجوزك لازم تقربى منه مش تبعدى عنه كده لانك عارفه السبب
وهو لازم عارفها
انتى بقى تعالى على نفسك وجيبله حاجه بسيطه بكره وشيكى نفسك جدا واحتفلى معاه بعيد ميلاده وافتكرى انتى وهو لحظات جميله مع بعض
وصدقينى كل التعب النفسى اللى بينكم حيروح
لكن تسبى نفسك وتستسلمى بالشكل ده جوزك حبيبتى حتبعديه عنك اكتر وحيسمع لهم
فهمانى
وربنا يهديلك الحال
وتاكدى كل واحد بيعمل شر حينقلب عليه بس قولى دايما حسبى الله ونعم الوكيل وفوضى امرك لله يا غاليه

إظهار التوقيع
توقيع : هبه شلبي
#6

افتراضي رد: هتجنن ومش عارفة اعمل ايه

وكمان شوفى ممكن يكون مسالة علاجه دى تعباه لان الراجل بطبعه فى مسالة الخلفه دى دايما شايف انه ميه ميه ومش بيقدر يتفهم بسهوله ان العيب او التاخير منه
فده برده اكيد تاعب نفسيته حبيبتى

إظهار التوقيع
توقيع : هبه شلبي
#7

5 98 رد: هتجنن ومش عارفة اعمل ايه


المشاركة الأصلية كتبت بواسطة ريموووو
ياعمرى
لا اله الا الله
مش عارفه اقولك ايه؟
اصلا حالك وحاله هو السبب
انتى وهو تعبانين نفسيا
وبعدين بما انك بتقولى ان مرات عمه بتاعت طب وكده يعنى مش بعيده ابدا تكون عامله لكم خاجه مخلياكم كارهين بعض او الفتور فى علاقتكم او النفور
حبيبتى انتى لازم تنتبهى على علاقتكم اكثر من كده تحاولى تحاربى اى تدخل فى مابينكم
انتى لازم تصبرى وتقربى من جوزك وتحاولى تفتحى عينه على اللى بيجرى فى حياتكم مش تستسلمى وتقولى مش طايقه ومقصره ومش عارفه ايه
والله ياريموو تعبت من كتر التفكير
هى المشكلة بعد ماقطع باسبوره تانى يوم كلمته قال ايه اخوها قالها وبتطمن عليه انا جوزى دلوقتى غريب مش عارفة وبفكر اروح لشيخ كويس بس مش عارفة لانى عمرى ماحد عندنا عمل كدة وانا زهقت من نفسي عشان كدة كلمتكم انا عنيدة ومكنتش ناوية افتكر حتى عيد ميلاده
بس ضميرى بيئنبنى فقلت اخد رايكم

المشاركة الأصلية كتبت بواسطة zozoweza
كان الله فى عونك حبيبتى بس هو لو فيه حاجه بينه وبين بنت عمه مكانش خلاكى تشوفى صفحته وكان حيغير كلمة السر .. وتذكرى قل لن يصيبنا الا ما كتب الله لنا. وكلميه بهدوء وشوفى ايه اللى تاعبه وربنا يصلح احوالكم يارب.
اما بالنسبه للاطفال فانتى بتقولى ان كان فيه حمل ومكملش فباذن الله يكون فيه امل وكمان علشان هو على مسافر على طول فده اللى ماخر موضوع الحمل وكلميه يتعالج وشجعيه على كده وربنا يكرمكم باذن الله بالذريه الصالحه.
ماهو المشكلة ياامى مش انه ميال ليها بس المشكلة ان مامتها مش سهلة وانا واثقة فيه بس الانسانة دى مالهاش امان
وانا بشجعه بس كلامها جرحنى مع انى عمرى مافكرت فى حاجة وبتمنى الخير لكل الناس والله العظيم وانا عارفة ان رزقى فى الاطفال لسة ربنا شايله حتى لو ماخدتوش فى دنيتى الحمدلله كفاية عليا جوزى بس مستغربة اوى فتوره ناحيتى انا مقصرتش ولا اتغيرت الامن يومين هو بقاله حوالى 20يوم ربنا يهدى الحال يارب

المشاركة الأصلية كتبت بواسطة الزهرة المنسية
حبيبتي المفروض تتنازلي شوية وتروحيله وتشوفي هو ايه اللي مغيره وتهتمي بنفسك وبالبيت
وبعدين بالنسبة لمرات عمه المفروض تروحي لشيخ لإنها ممكن كون عمللكم عمل لان الناس ديه بتفرق مابين الزوج والزوجة
وممكن لاقدر الله بتوصل للطلاق
وكويس ان انتي مابتحكيش لالأهلك ولا هو بيحكي لأهله
حبيبتى انا مش بتعالى وبرفض اكلمه انا يعتبر جوزى كل دنيتى ولما بحب اشتكى منه بشتكى ليه
وكلمته كتير اوى الفترة الى فاتت لكنه بينكر انه متغير او ان فى حاجة ربنا يهدى والله نفسي اجيب شيخ يرقى جوزى والبيت بس معرفش حاجة ولاحد ممكن يفيدنى

المشاركة الأصلية كتبت بواسطة هبه شلبى
لا حول ولا قوة الابالله
شوفى حبيبتى انا حتكلم معاكى بصراحه انتى زى ما فهمت منك ان الست دى بتاعة مقالب يعنى مش بعيد تكون عامله حاجه والله اعلم
شوفى بقى انتى مش لازم تديها فرصه ولا لغيرها يتعبوا حياتك ابدا وجوزك لازم تقربى منه مش تبعدى عنه كده لانك عارفه السبب
وهو لازم عارفها
انتى بقى تعالى على نفسك وجيبله حاجه بسيطه بكره وشيكى نفسك جدا واحتفلى معاه بعيد ميلاده وافتكرى انتى وهو لحظات جميله مع بعض
وصدقينى كل التعب النفسى اللى بينكم حيروح
لكن تسبى نفسك وتستسلمى بالشكل ده جوزك حبيبتى حتبعديه عنك اكتر وحيسمع لهم
فهمانى
وربنا يهديلك الحال
وتاكدى كل واحد بيعمل شر حينقلب عليه بس قولى دايما حسبى الله ونعم الوكيل وفوضى امرك لله يا غاليه
حسبى الله ونعم الوكيل فى كل حد مؤذى وفى كل واحدة مستعدة تهدم بيت عشان خاطر نفسها ياهبة بقالى 20يوم بدادى وادلع مفيش عملت حاجة متناقدة تماما مع حياتى مافيش تعليق خالص ده الى جننى وان شاء الله بكرة اعرف اجيب له حاجة وربنا يسهل

المشاركة الأصلية كتبت بواسطة هبه شلبى
وكمان شوفى ممكن يكون مسالة علاجه دى تعباه لان الراجل بطبعه فى مسالة الخلفه دى دايما شايف انه ميه ميه ومش بيقدر يتفهم بسهوله ان العيب او التاخير منه
فده برده اكيد تاعب نفسيته حبيبتى
والله ياهبة قلت له مش لازم علاج عشان نفسيته وكفاية هو عليا انا راضية بنصيبى الحمدلله
بس التغير ده من يوم ماكان هيسافر وقطع الجواز
ربنا يهديه يارب ويهدينى ليه ويرزقنا ذرية صالحة

إظهار التوقيع
توقيع : شقاوة آنثى
#8

افتراضي رد: هتجنن ومش عارفة اعمل ايه

ممكن جوزك يكون عنده مشاكل فى شغله هى اللى مغيره شويه من نحيتك
انتى شيلى الافكار دى من دماغك وحاولى تقربى منه وتهتمى بيه اكتر من كده انما موضوع بنت عمه ومرات عمه ده انتى اعترفتى وقولتى انه مش ميال ليهايعنى مجرد كلام عادى ودى بنت عمه مش جاره ولا صديقه عمل بمعنى انه مش هيقدر يقطع علاقه بيها
لما تحسى انه هادى ومش مدايق حاولى تتكلمى معاه براحه وتعرفى منه ايه اللى مغيره من نحيتك وعرفيه الحاجات اللى مديقاكى
بالتفاهم والهدوء كل حاجه تتحل
وعيد ميلاده دى احسن مناسبه تقربى منه اكتر جبيله هديه وخليه يشوفك فى احسن صوره واعملي اكتر اكله بيحبها
ربنا يهديلكم الحال يارب ويرزقكم الذريه الصالحه


إظهار التوقيع
توقيع : ام طاطو
#9

افتراضي رد: هتجنن ومش عارفة اعمل ايه

صديقني حبيبتي انا حاسة بيك لانه مر عليا اكثر منكده بكثيييير لكن اليوم الحمدلله اتصلح الحال لكن بالصبر
ماتخلي الشكوك تخرب عليك انتي نفسيا مش مرتاحة وهذا يخليك تتوهمي حاجات لانه ياعمري مرت عليا لكن ام تتجاهلي الموضوع وتهتمي ببيتك وزوجك وتستعيني بالصبر والصلاة والدعاء وقيام الليل اكيد راح يتغير الحال الى الافضل
وابقي طمنينا عليك حبيبتي

إظهار التوقيع
توقيع : طُمُوحي الجنّة
#10

افتراضي رد: هتجنن ومش عارفة اعمل ايه

ربنا يهديلك الحال ياقلبى ويهديلك زوجك
"إن الله لايغيرمابقوم حتى يغيروا مابانفسهم"
إرجعى احسن ماكنتى هتلاقى الدنيا بترجع احلى
واحده واحده حافظى على بيتك ياقمر
متخليش شيطانه تاخده منك بالساهل

#11

افتراضي رد: هتجنن ومش عارفة اعمل ايه

حبيبة قلبي يانورا ربنا يستر يارب انتي عارفة ان ظروفنا واحدة والي بتحكيه كانك بتحكي عني بس الفرق ان جوزي عارف انهم مؤذيين واخر فترة كانت بتكلمه كتير لدرجة اني كنت هموت من الغيظ بس هو لانه عارف انهم وحشين فاتخانق معاهم بس واللهع برضه يانورا لسه بييجو البيت عندي من غير سبب وحجججججججججججج فاضية ففعلا جوزك ممكن يكون معذور لاني مجربه خانقهم وطردهم من البيت وبرضه بييجو
الحل ياحبي استعيني بالله وربنا معاكي يارب
وشوفي شيخ كويس يانورا وشغلي قرءان في بيتك علي طول
والحالة الغريبة الي بتوصفيها دي هما اكيد والله اعلم عاملين حاجة حاولي مع نفسك تهدي وترجعي نورا بتاعه زمان علشان خاطري يانورا حاولي
انا بنت خالته وبنت خالو تخيلي بقي انا عامله ايه يارب يانورا يصلحلك الحال وتعيشي مبسوطة يارب بس خيل بالك من نفسك وتحاولي تقربي منه علشان خاطري يانورا خديها عند ان محدش ياخد منك جوزك وياستي حتي لو مش متحملاه اعصري علي نفسك ليمونه واعملي له عيد ميلاد حلو ومهما كان رد فعله استحملي واقري سورة البقرة ضروري يانورا النهاردة بالذات ولو تعرفي تقريها كل 3 ايام يبقي فضل من الله

ربنا معاكي ياقلبي ويحميكي يارب ويوفقك ياقلبي معلش ياحبي استحملي متخليش حد يسرق منك جوزك ابدا دايما قولي لنفسك علي جثتك ان حد يخطف جوزك منك وحاولي ترجعي نورا حبيبتي بتاعة زمان

إظهار التوقيع
توقيع : لولو حبيب روحي
#12

افتراضي رد: هتجنن ومش عارفة اعمل ايه

معلش حبيبتى استحملى ربنا يهدى الحال عليكى بسورة البقرة قراءة او سمعاها فى البيت كله لانه ممكن اللى انتوا فيه ده يكون اذى والله اعلم استغفرى وادعى ربنا كتير وان شاء الله ربنا يهدلكم الحال ويرزقكم الذرية الصالحة ومفيش حاجة بعيدة على ربنا بس انتى لحى فى الدعاء وخلى عندك حسن ظن بالله وكله بامره
إظهار التوقيع
توقيع : محبه لله
#13

افتراضي رد: هتجنن ومش عارفة اعمل ايه

سيبك من كل اللى بتعمليه ده مش هيجيب نتيجه لان انت فى مرحله خطر ركزى شوى معاه وفرصه عيد ميلاده استغليها وغيرى من شكلك شويه وهاتى قمصان نوم جديده ودلعيه شويتين وماتجيبيش سيره الناس دى خالص عشان ما يعندش وقبل كل ده الدعاء ادع ربنا يهديه لك ويديكى خيره ويكفيكى شره ويجملك فى عينه وعلى فكره الرجاله كل فتره بيقلبوا

إظهار التوقيع
توقيع : لولو lolo
#14

افتراضي رد: هتجنن ومش عارفة اعمل ايه

مش عارفة اقولك ايه يانورا بس انتي كدة لازم تبدأي بنفسك وترجعي نورا زي اول الجواز ولازم تهتمي بنفسك وماتديهوش فرصه يبص او حتى يفكر يبص لغيرك
وبصراحه افضل حل يريحكم انكم تسافروا انتم الاتنين مع بعض وتبعدوا عن جو الاهل كلهم

إظهار التوقيع
توقيع : الملكة نفرتيتي
#15

افتراضي رد: هتجنن ومش عارفة اعمل ايه

السلام عليكم
اختى نورا ربنا يهديلك الحال ويصلحه بس انتو ال2 فى حالة نفسية سيئة
وبما ان انك انتى النص الاقدر ع الصبر فلازم انتى اللى تحتويه مش بالحب بس ولاانك تكونى زوجة وبس دانتى لازم تبقى اخت وصحبة يفضفضلك ويرتاح لكلامه معاكى وام تنصح من القلب تخليه زى الطفل اللى مش يستغنا عن ديل مامته
وشغلى سورة البقرة وقران مستمر ف البيت
وممكن كده فى الرايق تقرأو البقرة سوا طبعا حيكون احسن واما تلاقى مرات عمه دى او حتى اى حد اتنتى حاسة انه شر اقرأى اول يس لحد اية 9 وقولى اللهم انا نجعلك فى نحورهم وان ترد عليهم كيدهم وان تكفينا شرورهم اللهم اكفينا اياهم بما شئت وكيف شئت من حيث شئت
ودى ادعية للاصلاح بين الازواج
دعاء قبل الدعاء للقبول ان شاء الله(ما شاء الله توجها الى الله, ماشاء الله تعبدا الى الله, ماشاء الله تذللا الى الله, ماشاء الله استنصارا بالله, ماشاء الله استكانة بالله, ماشاء الله تضرعا الى الله, ماشاء الله استعانة بالله, ماشاء الله استغاثة بالله, ماشاء الله ولا حول ولا قوة الا بالله)
(ياودود الف مرة) ,,,,, (بلاحول ولاقوة الا بالله اصلح بينى وبين زوجى مائة مرة)
(الهى بحق يس والقرءان الحكيم وبحق طه والقرءان العظيم يامن يقدر على حوائج السائلين يا من يعلم ما فى الضمير يا منفسا عن المكروبين يا مفرجا عن المغمومين ياراحم الشيخ الكبير يارازق الطفل الصغير يا من لاتحتاج الى تفسير صل اللهم وسلم على سيدنا محمد صلى الله عليه وسلم وافعل بى ............... وتذكر الحاجة )
(اللهم انى اسألك باسمك الحبيب الكافى ان تكفينى كل امورى مع زوجى مما يشوش خاطرى ويسهر ناظرى)
(اللهم الف بين قلبى وقلبه كما الفت بين قلوب عبادك اللهم سخره لى كما سخرت البحر لموسى وارضه بى وارضنى به)
صل اللهم وسلم ع سيدنا محمد وع اله وصحبه وسلم
وبالنسبة للذرية ما تنسيش دعاء سيدنا ايوب عليه السلام (رب لا تذرنى فردا .....
وكثرة الاستفار والدعاء واكيد انتى عارفة انك ما تنسيش اوقات الا ستجابة وافضلها وقت السحر وياريت تعتبرو صلاة ركعتين ليل جزء من الترفيه ف حياتكم انتو ال2 وربنا يهديلكم الحال ويهدى سركم
واوعى تضيعى فرصة عيد ميلاة واعتبريها بداية حياتكم من اول وجديد وربنا يسعدك حبيتى وكل النساء المسلمين امين

#16

افتراضي رد: هتجنن ومش عارفة اعمل ايه

واسفة على الاطالة
#17

افتراضي رد: هتجنن ومش عارفة اعمل ايه

انا مش عارفة اقولك ايه والله انا اتقهرت من اللي قريتو فما بالك انت
انا كمان مرات عم ومرات خال وماما وغيرو بس انا مبتكلمش او حتى بسلم او اهزر مع ولاد اخوان زوجي
لما كانو صغار كنت بلعب معاهم بس لما كبرو لا كل الكلام اللي بينا السلام عليكم
والحمد لله على سلامتك يا مرات عمي مبقوش ينادوني باسمي حاف زي ماكانو
يعني جوزك لازم يعرف انو في الشرع حتى لوكانت مرات عمو فلازم يكون في حد
يعني ميردش عليها,وازاي تقبل على نفسها تخرب البيوت شوفي انا حصل اللي حصل معاكي مع عمتي وفرقو بينها وبين
جوزها على قد حبهم لبعض انقلب لكراهية وبعدها كمان تجننو واول ما اطلقو رجعو لعقلهم وعمتي تجوزت وجوزها تجوز بس
كانت اكبر ماساة وخصوصا لانهم قرايب
فارجوك متديهاش فرصة ولو صادف وجت قولي لحد من قرايبك يكون معاكي كانو جاي بالصدفة عشان يحط عينو عليها
واي حاجة لمستها اقري عليها وبالنسبة لعيد ميلاد جوزك جيبيلو هدية وافرحي بيه
ومتديش لحد فرصة انو يفرقكم وربنا حيكرمكم بالدرية الصالحة عاجلا غير اجل وانت لسة فعز شبابك فعيشي كل لحظة بلحظة
فهماني كوني اقوى بايمانك وحطي ديما سورة البقرة في البيت عشان البيت اللي بتتقري فيه السورة دي مبيدخلوش شيطان
واقريها انت كمان

إظهار التوقيع
توقيع : ام الاء وبيان2
#18

افتراضي رد: هتجنن ومش عارفة اعمل ايه

حبيبتي انا مريت بنفس حالتك ولنفس الاسباب لكن تغلبت عليها بالصبر وبأشغال وقت الفراغ بما ينفعني وتابعت حالتي الصحية مع افضل الاطباء الموثوقين وجات النتيجة بأحمد ابني البكر وبعده اخواته والحمد لله لكن السلاح الاول هو الدعاء الصادق الى الله وسترين العجب فهو ارحم الراحمين اما عن زوجة عمه فراقبيها من بعيد وحاولي تعرفي مدى تحركها اتجاه زوجك المهم ترسمي خطة مع نفسك دفاعية لكن مبطنة وماتتركيش زوجك يروح عندها وحده ابدا رجلك على رجلو عشان تحس انكم متحابين ومش ممكن تتركوا بعض مهما كان السبب وربنا يرزقكم الذرية الصالحة
إظهار التوقيع
توقيع : حبيبي ياعراق
#19

افتراضي رد: هتجنن ومش عارفة اعمل ايه

الله يهديكو اسمعي حبيبتي لمى تكونوا قعدين ظلي ولعي بخور وافتحي القران ونزلي عن النت رقيه شرعيه وظلي شغليها واسمعي في خلطه جربيها جيبي فنجان قهوة ملح ونفس الفنجان حبه لبركه وجيبي كم ورقه تين ونشفيها ولازم يكون يعبي الفنجان وحطيهم بطنجره تيفال وحركيهم بمعلقه خشب ولازم يكون جوزك بالبيت بقولوا بتقيم لعين والسحر وبتجيب الرزقه ومجربه وفي حديث عن الرسول صلى الله عليه وسلم عن تبخير الدر بحبه البركه والملح
إظهار التوقيع
توقيع : عرين
#20

افتراضي رد: هتجنن ومش عارفة اعمل ايه

شغلى سوره البقره دايما فى شقتك
تبعد عنكم الشر وكل اللى انتى شاكه فيه
وربنا ييسرلك اموره
وهاتيله هديه وابدأى انتى وتنازلى شويه
معلش كلنا بنيجى على نفسنا عشان نعيش
مرتاحين
ومتنسيش ان المشكله اللى عنده حتى ولو كانت بسيطه بتأثر على نفسيته
وربنا يهديلك الحال ويروق بالكم

إظهار التوقيع
توقيع : Frawla
#21

افتراضي رد: هتجنن ومش عارفة اعمل ايه

حبيبتي الله يكون في عونك بس انا رأي انك تقربي من جوزك وتحاولي تغير مجرى حياتك لصالحك ومتعطيش فرصة لغيرك انها يفوز بقلب زوجك حبيبتي اهتمي بنفسك وبشقتك وقبلها اهتمي بجوزك عشان متعطهوش فرصة يفكر بغيرك وعادي حبيبتي انا مرات اخوية سقطت ثلاث مرات وبعدها ربنا كرمها حبيبتي الذرية رزق من عند ربنا واكيد رزقك حيجيلك بس ربنا يأخره عشان يختبر صبركم وان شاء الله يعوضكم خير
إظهار التوقيع
توقيع : روزة
#22

افتراضي رد: هتجنن ومش عارفة اعمل ايه

انت بتقولي هي وبنتها بيلفو عليه
وانت اهملتي الايام دي ومقصره
يعني انتي كده بتستسلمي
بسهوله
انت المفروص تكون قريبه منه وتساليه ايه الي مغيره
وربنا يصلحلك الحال يارب

#23

افتراضي رد: هتجنن ومش عارفة اعمل ايه

حبيبتي مفيش واحدة عندها استعداد تفرط في زوجها وحتى لو حدث فتور في العلاقة لفترة وقت ما تحس الواحدة ان زوجها ممكن يروح منها بركان الغيرة بينفجر من داخلها
ممكن تكوني مالكيش نفس انك تحتفلي معاه بعيد ميلاده عشان الفتور اللي بينكم بس اعتبريها فرصة ممكن تصلح العلاقة ما بينك وبينه ولو النتيجة جات ايجابية هتكوني سعيدة
ابدأي انت ومش هتندمي ان شاء الله
انتم مشكلتكم نفسية ولازم تاخدوا بإيد بعض مش ضروري كل واحد ينتظر المبادرة من التاني والا هيزيد الفتور مابينكم
ودايما خللي القرآن في البيت عشان لو فيه حاجة وحشة من عمايل زوجة عمك
ربنا يبعد عنكم الشر ويصلح لكم الأحوال بإذن الله

إظهار التوقيع
توقيع : رحيق
#24

افتراضي رد: هتجنن ومش عارفة اعمل ايه

الصبر واجب
أدوات الموضوع


قد تكوني مهتمة بالمواضيع التالية ايضاً
الموضوع كاتب الموضوع المنتدى
عوزة اتجوز مانوlove قصص - حكايات - روايات
الحقوووووووني مش عارفة اعمل ايه amira alzlam سؤال وجواب
بالله عليكم حد يقولى اعمل ايه انا محتاره جدا Ana Abeer فضفضة وحل المشاكل
تمزق قميصك ومش عارفة تعملي ايه ادخلي وشوفي ! rose23 الخياطة والكروشية والتريكو


الساعة الآن 01:37 PM


جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل