أو

الدخول بواسطة حسابك بمواقع التواصل



عدلات

> الاقسام الأسرية

> فضفضة وحل المشاكل

بوبتى تطلب رائيكم

إضافة رد  أضف للمفضلة
https://adlat.net/showthread.php?t=20985
7232 20
#1

افتراضي بوبتى تطلب رائيكم

تجربتى المريرة
انا عايزه احكى لكم حكايتى واعرف رايكم انا اعمل فى مكان مرموق والحمد لله ملتزمه واتقى الله قدر استطاعتى وزى كل البنات كان نفسى ارتبط بانسان يتقى الله فيه المهم علشان القصه لسه كبيرة اتجوزت ومن اول ليله فى الجواز لقيته شكاك جدا وقال انه بيشك فى امه وصوابع ايده ودى كانت البداية اللى عرفت سببها فيما بعد وهو فى الاول كان رافض شغلى جدا وفى الخطوبه كنا هانسيب بعض علشان عايزنى استقيل لكن بابا الله يكرمه صمم على الشغل بعدها سافرنا 4 ايام فى فندق 7 نجوم على حساب شغلى وكانت المصاريف كمان على حسابى يعنى الرحلة كلها انا اللى اتحملتها وهو كان مسافر من غير ولا قرش !




ولما رجعنا بعدها بعدة اشهر كنت حملت فى ابنى الاول وفجأه وانا عند الدكتوره كان هو معايا قاللى انت غدا هاتروحى الشغل وتستقيلى طبعا انا رفضت رفض تام وقلتله ممكن اخذ اجازة لكن استقاله لأ وعلشان احسسه بقيمة شغلى طلعت انا وهو وماما عمره وسافر معايا برضه من غير ولا ريال وكان بياخذ ريالات من شنطتى يروح ياكل ويجيبلى انا وماما بواقى الاكل وبعدين كان معاه ورقه كاتب فيها اسماء الناس اللى مواصيينه بالدعاء وضاعت منى واحنا فى المدينه المنوره ولما رحنا مكه سابنى انا وامى نعمل العمره لواحدينا وانا حامل طبعا كان مجهود عليا جامد جدا وكنت فى الشهر السادس ويسيبنى وينام فى الفندق وياكل بفلوسى وطبعا انا كنت منهاره لانى كنت بتمنى اول عمرة دى تكون مع جوزى وانا كمان منتقبه يعنى كنت مسدلة النقاب ونظرى ضعيف وحامل
ودا كان تانى موقف
ودا كله غير انى باصرف على البيت فى كل حاجة وهو كل اللى عليه اللبن والبيض والبامبرز والزبادى وبعدين فى اخر السنه الاولى لقيته زعلان اوى ولما سألته قال ان عليه دين 15 الف جنيه وطول السنه دى لم يدخر ولا جنيه لهذا الدين وطبعا كالعاده انا كلمت صديقه ليا وقولتلها انى عايزه المبلغ دا واديتهولهه وقلتله يسد دينه وفعلا حصل ولما لقيته مش بيسأل احنا هانسد الدين ازاى لصديقتى دخلت جمعية فى الشغل عندى ودخلته فيها وبقى يدفع شهر وانا اكمل الباقى لما طلع عينى والجمعية كانت اقل من دينه بـ3 الاف جنيه وخلال فترة حملى كانت اى مشكله صغيرة يقوللى الولد اللى فى بطنك دا هايتربى بعيد عنى زى ما انا اتربيت بعيد عن ابويا ويمكن ربنا يرزقه باب افضل منى(لان امه انفصلت عن ابوه وهى حامل فيه ) وكل مشكله يقول بربيكى علشان لما تتجوزى حد بعدى تعرفى تتعاملى معاه وانا لما لقيته عنده فكرة الطلاق اوى اقنعته انى اشترى شقة جنب اهلى وفعلا اشتريتها لاننا كنا فى مكان شعبو وحش اوى وانا من منطقه راقيه واتجوزته باقل التكاليف من ناحيته عملا بحديث النبى صلى الله عليه وسلم (اقلهن مهرا اكرثهن بركة) ولما كان ابنى عنده سنه ظهرت انفلوانزا الخنازير وقلقت واقترحت عليه نعزل من شقته (ايجار قديم ) لشقتى وفعلا ذهبت عند اهلى علشان اوضب الشقه لانها كانت على المحاره وبعدها لم يسأل عليا انا وابنى وحسيت ان فيه واحده تانية ووقفت مع العمال لوحدى وكنت حامل فى حملى التانى فى الشهر الرابع وبعدها اتصلت بأمه وقلتلها ابنك على علاقه بواحده لم تصدقنى فى الاول ثم اتصلت بى وقالت لى انها سمعته بيتكلم مع واحدة فى التليفون طبعا انا رجعت البيت تانى وسبت الشقه والعمال ولما شافنى اتغم وقاللى انا وافقت انك تروحى شقتك علشان يبقى فى بيت هناك وبيت هنا وانا ما كنتش عايز اخلف منك تانى وعلى فكرة احنا كنا ساكنين بعيد عن امه وهو ابن وحيد وكنت بروح بعد الشغل اعما الاكل فى البيت واوديه لامه من غير ما يطلب منى وكان بيخاصمنى بالشهر وكانت امه بتحبنى لدرجة انهها قالتلى انتى بنتى اللى انا ما خلفتها ولما كترت قسوته عليا بعتله رساله فيها دعاء عليه راح لامه وقالها انى بدعى عليه طبعا الست منها لله ادتنى من المنقى وهو قاعد بيتفرج ويتشفى فيا
ولما رجعت البيت تانى امه حضرت علشان المشكله وانه عايز يتجوز وقعدت تسأله هو بيعاملنى وحش ليه وعايز يتجوز ليه ولما جيت اسأله ضربنى بالقلم جدا وبعدها سابنى فى السرير تعبانه وانا حامل 6 ساعات واهلى فضلوا يتصلوا بيا لما قلقوا جم شافونى بسأله ليه ما جتش تشوفنى وبعتلى الجيران قال لانك ما تستهليش الا المعامله دى مع انى سددتله كل ديونه من غير اى مقابل ومهتميه بنفسى جدا وكان لما ييجى يشوفنى حاطة مكياج يقوللى ادخلى امسحى القرف دا
المهم بابا قاله لوعايز يابنى تتجوز طلقها راح بصلى وقاللى انتى طالق طالق طالق وسألت الشيخ قاللى لازم تقضى فترة العدة فى البيت وفعلا كنت حامل كنت باروح لاهلى بالنهار واروح فى الليل المهم رجعنى تانى لكننى كنت بلاقى الرسائل لغاية الساعة 3 بليل مع حبيبته وكان عامل باسورد للموبايل لان كان عليه صور حبيبته طبعا انا لم استطيع التحمل ودخلت المستشفى وحصلى انفجار بالزائدة وظللت شهر بين الحياة والموت الى ان فقدت الجنين وكانت بنت ولما افقت من المخدر وجدته يتعارك مع امى واخذته حضن وفضل يبكى ويقول سامحينى وقلتله مسمحاك المهم نحافظ على بيتنا واببنا وربنا يعوضنا
وفضل مسلسل السحب من فلوسى وانا بدأت امسك ايدى شوية لغاية لما لقيته متغير خالص ولما سألته طلع انه كان بيسجلى مكالماتى كلها ويقعد يسمعها بليل لما انام ببرنامج هو وضعه على موبايلى وسمع كل التفاصيل المالية وشكوتى منه لصديقتى وانه اخذ فلوسى كلها وانه حارمنى من حقوقى الشرعيه وطبعا كان مصمم يطلقنى تانى لانى مااستهلشى ابقى حرمه المصون طبعا انا انهرت جدا واستسمحته لكنه رفض وبعدين اعتزلنى فترة انا خلالها فكرت اصالحه كان قايلى انه مستلف فلوس من واحدة ست كبيرة انا جبت رقم تليفونها واتصلت بيها وقلتلها انى مراته وابوس ايدك انا عامله جمعيه من مصروف البيت اللى هو بيدهولى وعايزه اعمله مفاجأة واسدد دينه لكن الست دى ردت رد غير متوقع وقالت والله دى مشاكلك انتى وجوزك وانا ما ليش علاقه بيها وقالتلى سيبينى افكر وارد عليكى واخذت منها وعد الا تبلغ زوجى بالمفاجأه بعدها اتصلت بيا وقالتلى انها اتكلمت مع الحاج جوزها وقالها مادامت حاجه فيها خير خلاص وفضلت اتصل بعده عليها كتير لم ترد بعدها وجاء زوجى واخبرنى بكل شىء وقالى ان زوج هذه الست اتصل بيه واخبره وطبعا انا استغربت جدا وحذرته من هذه السيده وانى غير مرتاحه ليها لانها لماذا ترفض تأخذ فلوسها وتعطينى ايصال الامانه اللى على زوجى وتكون سبب فى الاصلاح بيننا وسألته هى عندها بنات لم يتزوجوا ؟ فقال لأ ونظر نظره غريبه لم افهمها الا فيما بعد ثم سافرنا اللعمرة للمرة الثانية وايضا على حسابى ولكن هذه المره كان معاه مصاريفه الشخصيه ولكنه لم يخبرنى اول ثلاث ايام حتى يختبرنى اصرف عليه ولا لأ! والحمد لله نجحت فى الاختبار وكان بيعاملنى اسوأ معامله فى العمرة لدرجة انى وقفت امام الكعبه وحسبنت الله عليه وهو يقول امين وكل شويه يشحن كارت تليفون ولما رجعنا مصر اكتشفت من خلال برنامج التسجيل على تليفونه انه بيحب نفس البنت اللى دخلت بسببها المستشفى وهى دى الست الحاجه اللى كان مستلف منها الفلوس وهو الحاج اللى قال لها ما دامت حاجه فيها خير خلاص ولما واجهته قاللى انا طلبتها من اهلها ولما انتى تعبتى سحبت كلامى منهم واتفقنا نفضل اصدقاء بس وان فى غيرها ثلاثة سيدات كمان هى ماتعرفش بيهم وهما ما يعرفوش بيها شفتوا الهنا اللى انا فيه؟ طبعا ساعتها كانت صدمة كبيرة جدا وقاللى ان فكرة الجواز التانى هاتفضل معاه لغاية سن سبعين سنه (مع انى والله انا اللى شايله مصاريف البيت كله والولد ) وكنا فى العمرة امركانى مرة على حسابى ومرة على حسابه فى الاكل وبعدها صمم اسد دين البنت دى ولما رفضت قلب الحياة راسا على عقب وهى اصلا مقلوبه لغاية ماطهقت منه وطلبت الطلاق ووافق بكل سهوله لانه خلال الاربع سنوات الجواز كان بيقنعنى بالطلاق وانه اسهل حل لاى مشكله الى الان لى عنده 16 الف جنيه بخلاف المؤخر واعيش واخد غيرها
يا ريت اعرف رايكم ايه


#2

افتراضي بوبتى تطلب رائيكم

تعالوا نساعد اختنا بوبتى
إظهار التوقيع
توقيع : ريموووو
#3

افتراضي رد: بوبتى تطلب رائيكم

انا من رائيي انك كنتى غلطانه اوى اوى

انتى عطيتيه اكثر من حقه

اتحملايه وصرفتى عليه

لما شفتيه انسان خاين وبايعك بيعيه

ليه تنتظرى تخسرى تفسك وصحتك عشانه

ده ماقدر حتى تضحياتك هشانه وباعك عند اول طلب

ربنا يعوضك عنه كل خير

وفلوسك لا اسيبيها

اطلبيها منه ولو بالمحاكم
إظهار التوقيع
توقيع : ريموووو
#4

افتراضي رد: بوبتى تطلب رائيكم

والله انا مش عارفه اقولك ايه ربنا معاكى وتاخدى حقك
#5

افتراضي رد: بوبتى تطلب رائيكم

ربنا يجازيكى كل خير ع اللى عملتيه معاه بس هو فعلا ميستاهلش كل دا
ورأيى اطلبى فلوسك بالزوق ولو مرضاش خلاص متعمليش مشاكل
وان شاء الله ربنا يعوضك خير
إظهار التوقيع
توقيع : happy 5o5a
#6

افتراضي رد: بوبتى تطلب رائيكم

-0-
#7

افتراضي رد: بوبتى تطلب رائيكم

يا اختي ما احب الومك لكن اعتقد انك عالجتي الغلط بغلط اكبر منه المفروض انك لما حسيتي انه يستغل مالك وفي نفس الوقت يطلب منك ترك عملك كان تختبريه وتتركي العمل وتشوفي شو راح يتصرف وعرفتي بخيانته وتقبلتي العذر ورجع يكرر ويكذب طيب ليش نسيتي حديث الرسول آية المنافق ثلاث اذا حدث كذب واذا وعد اخلف واذا اؤتمن خان وهذه كلها متوفرة لديه اتركيه لله يأخذ الحق اولا وللقانون ولا تتركي له شئ من حقك ابدا لانه لايعتبر واعتقد انه صديقتك راح تشهد بانك اقرضتيه مبلغ وحسبي الله ونعم الوكيل لكل من لايخاف الله
إظهار التوقيع
توقيع : حبيبي ياعراق
#8

افتراضي رد: بوبتى تطلب رائيكم

ده ملوش حل غير البتر نهائيا من حياتك
#9

افتراضي رد: بوبتى تطلب رائيكم

اي والله انا اوافق كلام العدولات
الا فوق وانا من رايي هاذا مايستاهلك
عيشي حياتك ياقلبي ولاتضيعين عمرك
عشانه وهو مايسوى
ربي يكون بعونك
#10

افتراضي رد: بوبتى تطلب رائيكم

والله يا بنتى الستات دول اغلب من الغلب نفسه
يعنى كل ده ومش عجبه امال عايز ايه
استعينى بالله واحمدى ربنا انك خلصتى منه ده غيير مؤتمن انسان هوائى ومش بيطمر فيه
واحد غيره كان صانك وحفظك
بس بردك انتى غلاطانه دينا قال ان المراه مسؤوله من الزوج فى كل حاجه وليها زمه ماليه
واذا كنتنى عايزه تساعدى ساعدى بس مش بطرقتك ديه انتى عودتيه انه ياخد بس مش يدى
عشان كده علمتيه انه ياخد فى كلب حاجه مش الفلوسب
وعلى فكره المثل الى قال جوزك على ما تعوديه صح ميه فى الميه
عموما ربنا يخلى بنتك ويفرحك بيها ويعوضك خير يارب
بس اعتقد انك اتعلمتى
إظهار التوقيع
توقيع : امة الله
#11

افتراضي رد: بوبتى تطلب رائيكم

انا مع كلام العدولات ربنا يفرج همك و يفك كربك
إظهار التوقيع
توقيع : hannan
#12

افتراضي رد: بوبتى تطلب رائيكم

يا اختي الراجل ده ما يستهلش كل الي عملتيه عشانو

والمفروض سبتيه من البداية لانه واضح انه طماع وبخيل

سبيه و ماتندميش عليه لانه ما بيستاهل

وربنا يوفقك
#13

افتراضي رد: بوبتى تطلب رائيكم

على فكرة انا صاحبة القصه مش بوبتى بس هى صديقتى وانا دخلت كتبتها من عندها فطلعت بأسمها وهو مش بخيل خالص بس هو كان بيستخسر في اى حاجه وانا متشكرة جدا لكل عدوله قالت رأيها ونفسى ربنا يأخذ لى بحقى وينتقم منه وحسبى الله ونعم الوكيل فيه
#14

افتراضي رد: بوبتى تطلب رائيكم

يا جماعه انا صاحبة القصه بس انا دخلت من عند بوبتى صديقتى وكتبتها وانا متشكرة جدا على ردودكم وكل اللى عملتع ده لانى كنت بحبه جدا بس هو فعلا ما يستاهلش الحب ده
#15

افتراضي رد: بوبتى تطلب رائيكم

انا عايزة خدمه منكم لوجه الله
انا صاحبة قصة بوبتى وانا دخلت من عندها وكتبتها لان الميل عندى كان مقفول وكنت قبل جوازتى دى اللى انتم قرأتم قصتها تقدم لى شاب تركى شافنى واعجب بى جدا وتقدم لوالدى ولكن والدى رفضه وظل هذا الشاب يتقدم لابى كل سنه لمدة 4سنوات ولما والدى وجدنى متعلقه بيه جدا وباخلاصه وافق بشرط انه يشترى شقه بأسمى فى مصر والولد فعلا احضر والده من تركيا الى مصر بالسفر البرى واحضر واحد صاحبه لبابا علشان يترجم لبابا لان حبيبى ده كان خجول جدا ولا يستطيع ان يتكلم امام والده لكن بابا صمم على الشقه ووالده اخبر بابا انه اشترى شقه لى فى تركيا وجهزها بكل حاجه يعنى انا هاسافر بشنطة هدومى فقط وهايحجز لبابا علشان يشوف المكان اللى انا هاعيش فيه لكن بابا رفض وصمم على رأيه بعدها سافروا وشويه ورجعنا لبعض تانى وكنت كلما رأيته فى منامى وصحيت اتحقق الحلم بالضبط لدرجة انى مرة حلمت انه تعبان اوى اتصلت بيه لقيته تعبان اوى فعلا لان والده طرده من البيت علشان رافض يتجوز اى واحده غيرى وامه احضرت له عروسه على اسمى ورفض وتعب ودخل المستشفى وبعدين انا صممت ووقفت امام والدى واقنعته لكن بالعافيه وامى كانت غضبانة علي جدا وهجرتنى ورفض بابا انه يشترى لى اى شيء وكنت بشتغل من الساعه 7 صباحا حتى الساعه 9 مساء وبعت ذهبى الخاص من وراء اهلى حتى اشترى احتياجاتى واحضر شنطة سفرى وفى اخر لحظه اتخانقنا بسبب تافه لانى كنت خايفه من عدم رضا بابا وماما عن الجوازه وكان بابا دائما يقول انا مش خايف منه يطلقك انا خايف انه يموت ويسيبك فى بلد غريبه بعدها بفترة اتوافق على قانون اعطاء ابناء الام المصريه الجنسيه المصريه فوجدت والدى هو بنفسه اللى بيقولى اتصل بيه واقوله ييجى ونتجوز وفعلا اتصلت بيه ولكن للاسف وجدته تزوج واخذت ارجوه ان يتزوجنى ولن اخبر اهلى انه متزوج ولا اريد ان يخبر زوجته حتى لو اراه مره كل شهر ولكنه اخبرنى ان هذا غير موجود فى بلده وان لا اتصل به مره اخرى ثم مرت بعد ذلك سنتات وكنت تزوجت هذا الزوج الذى حكيت لكم عنه ففوجئت بحبيبى هذا يتصل ويخبرنى انه اجبر على زيجته هذه وانه لا يستطيع ان ينسانى فقابلته بالرفض وانى قد تزوجت وان كل شيء نصيب وسبحان الله العظيم حدث ما حكيته لكم مع زوجى هذا وبعد طلاقى اتصلت بحبيبى لكن للاسف غير رقم جواله وانا ايضا بعد زواجى غيرت رقم هاتفى واتمنى من الله ان يجمعنى به ولو اى عدوله تعرف حد فى تركيا تقولى لانى عارفه اسمه بالكامل ومنطقته وعرفت انى ممكن اجيب رقم البيت من الدليل عندهم زى عندنا فى مصر وجزاكم الله خيرا
#16

افتراضي رد: بوبتى تطلب رائيكم

انا زعلانة منكم جدا انا طلبت مساعدة منكم ومفيش اى عرض للموضوع بتاعى
#17

افتراضي رد: بوبتى تطلب رائيكم

انا قريت قصتك ومعنديش فكره لانى معرفش حد فى تركيا بس يمكن حد يفيدك

بس رايى الخاص ان ربنا لم يرد انه يجمعكم فهو مش نصيبك انتظرى نصيبك اللى ربنا قاسمهولك وربنا يباركلك فى ابنك ويعوضك خير يا سكاسك
#18

افتراضي رد: بوبتى تطلب رائيكم

انا كتبت مشاركة و كل يوم ابحث عنها بس مش لاقياها محدش يعرف راحت فين ؟
فى مشاركة تايهة يا ولاد الحلال مفيش عدولة بنت حلال شافتها؟
#19

افتراضي رد: بوبتى تطلب رائيكم

مفيش ليكى مواضيع لو تقصدى بس لو كتبتى حاجه واتحذفت ممكن تكونى كتبتى حاجه مش مناسبه فيها
#20

5 98 رد: بوبتى تطلب رائيكم

لسلام عليكم اختى الغاليه$$$ احمدى ربك اولا## يوسفنى ان اقولك الانفصال هو الحل الامثل لهذه المشكله هذا الشخص معقد نفسيا وخاين على اساس اللى عرفتيه والا قاله ولا يستهل ان تضحى وتتحملى من اجله من اجله وربنا دلك على الحل بس انتى مااخدتى بالك اكيد الزعل شغلك والاجهاض كمان لما ربنا ابتلاكى بفقدان الحنين يعنى اما تكونى مطلقه ومعاكى طفل واحد احسن من طفلين وانتى موظفه وظروف اهللك ميسوره والحمد لله ونتى تحملتى مسئولية بيت كامل مش هتغلبى فى مصاريفك انتى وابنك بس انا راى ان تاخدى حقك عشان بتعلم ويعرف ان الله حق بس صدقنى احمدى ربك اللى يشوف بلوى الناس بتهون عليه بلوته الحمدلله على كل شى قل لن يصيبنا الا ما كتب الله لنا [] صدق الله العظيم
#21

افتراضي رد: بوبتى تطلب رائيكم

اختي هذا الرجل ميستاهل كل شئ الافضل ان تهملي الى ان هو يحس ويصحا على نفسه


قد تكوني مهتمة بالمواضيع التالية ايضاً
الموضوع كاتب الموضوع المنتدى
[تصميمي] طقم سلام وختام رائع وحصرى على عدلات رائيكم يهمنى الامورة برى فواصل واكسسورات
جامعة كامبريدج البريطانية تطلب اضافة الاهلى لموادها الدراسية سارة سرسور اخبار رياضية
السلام عليكم ايه رائيكم لو.... yasmen ali منوعات x منوعات - مواضيع مختلفة
تحميل كتاب كيف تطلب العلم للدكتور عائض القرني ريموووو مكتبة عدلات
تابع قصة بوبتى تطلب رأيكم سكاسك فضفضة وحل المشاكل


الساعة الآن 06:32 PM

الاتصال بنا - عدلات - الأرشيف - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل