أو

الدخول بواسطة حسابك بمواقع التواصل

#1

حصرياً تربية بنتي من اول يوم لسن 7 سنين ,تربيتي لبناتي

تربية بنتي من اول يوم لسن 7 سنين ,تربيتي لبناتي


الاولاد هما زينة الحياة الدنيا بس في نفس الوقت تربيتهم بتعتبر مسؤولية كبيرة وخصوصا لما تكون الواحدة مغتربة ومعندهاش خبرة فبتكتسب خبرتها من الكتب وكمان من التعود
وبالتالي بتواجه تحديات كبيرة .

انا من اللحظة اللي ولدت فيها بنتي واذن ابوها فوذانها ,تعاهدنا انو نربيها تربية دينية زي ماتربينا عليها
وانو نحميها من الانفتاح المجتمعي واننا نعلمها العربية كلغة اساسية,وخصوصا لما كنا بنشوف
اولاد عرب بس مبيفهموش كلمة بالعربي...

تربية بنتي من اول يوم لسن 7 سنين ,تربيتي لبناتي

الاشهر الاولى

من لما طلعت بنتي من المشفى واحنا بنشد الرقابة عليها يعني معنديناش شغل غير مراقبتها
كنت برضعها كل ساعتين, حتى لو كانت نايمة بقيمها وبرضعها هي كانت هادية
ومكنتش بديها حاجة ثانية غير الرضاعة الطبيعية .

لما دخلت بشهرها الرابع ,ابتديت اديها فواكه يعني تفاحة او موزة بس بخففهملها بالحليب بتاعي, يعني بشفطهولها بالشفاطة واديلها وجبة الفواكه الساعة 5 كل يوم.

اما بالشهر الخامس فابتديت اديها سيريلاك مخصص من غير كلوتين وكمان كنت بشفط الحليب من صدري واعملهولها بيه.

بالشهر السادس ابتديت اعملها الخضر مسلوقة ومطحونة وكل يوم اديلها شوية عشان تتعود عليهم وعلى طعمهم .

وابتديت اديلها الزيادي الطبيعي بجانب الرضاعة الطبيعية,وعصير البرتقال الطبيعي.
وبالشهر السابع ابتديت اديلها بسكويت مع الحليب وابتديت اضيف سمك وكمان دجاج مع الخضر المطحونة .

فترة تسنين بنتي كانت سهلة بس اشتريتلها عضاضة .ههههههه
وفي التسعة اشهر ابتدت بنتي تمشي وتخطي اولى خطواتها كنت مبسوطة اوي مع انها كانت مستعجلة اوي .
يوم ما كملت السنة رحنا للمغرب انا وهي بالطيارة,ولاني كنت متعودة اعرفها على عيلتها بالصور.
اول ما شافتهم في المطار,بقت تشاورلهم وراحت لعندهم وسلمت عليهم كلهم ,كانها متربية معاهم.
تربية بنتي من اول يوم لسن 7 سنين ,تربيتي لبناتي

لما بنتي كملت سنتين ابتدت تتكلم وابتديت اقولها الادعية كل يوم لدرجة اني لما كنت بنسى كانت تبقى تقولي ماما ربنا اتنا ....
يعني ربنا اتنا في الدنيا حسنة وبالاخرة حسنة وقنا عذاب النار .
ووقتها بديت احفظها الادعية والسور القصيرة وكانت بتحب اوي الحكايات ,انا وابوها كنا بنتكلم معاها بالعربي بس لما كانت تطلع من البيت تتكلم اسباني بالبارك والنادي.

بسن 3 سنوات دخلت بنتي المدرسة ,وهنا لازم تعودي الاولاد انهم يعتمدو على نفسهم بدخول الحمام وغيرو زي انهم يلبسو لوحدهم من غير مساعدة, اليوم الاول كنت بعيط وزعلانة ومقدرتش ارجع البيت,رحت للسكرتارية وقلتلها ممكن تشوفيلي بنتي ادا كانت بتعيط ,نزلت وبعد شوية طلعت حتفطس من الضحك قالتلي بنتك قاعدة ترقصلهم وتغني ,خجلت اوي وقتها ههههه
تربية بنتي من اول يوم لسن 7 سنين ,تربيتي لبناتي

بس بعد مدة ابتدت تتكلم بالكتالونية ولما بنسالها عن اي حاجة بترد علينا بيها,فقررنا انا وابوها اننا نخليها ترتبط اكثر بالعربي من غير ما نزعلها ,فابتدينا نعودها انو لما ندخل من باب البيت بنكون وصلنا للمغرب ولازم نتكلم عربي وفي البيت ده حتلاقي الحاجات اللي بتحبها
ولما تطلع حتتكلم بلغة ثانية ...

تربية بنتي من اول يوم لسن 7 سنين ,تربيتي لبناتي

ومن اول يوم ليها وهي مميزة واساتدتها مبسوطين منها ,وابتدت تعمل دورات سباحة .
بس السنة دي تعبت ابتدت تختنق بالليل فاخدتلها موعد,وبعدها بيومين طلعت حرارتها فجاة وخفت عليها اوي ,ولا اخدناها عالمستعجلات قالولنا انو هي لازملها عملية عشان عندها اللوز مصددين وجهة اكبر من الثانية,وكمان اتضح انو عندها اللحمية,فرحنا للاختصاصي وقال انو لازملها عملية مستعجلة,فحددولها يوم 2 بشهر 5 اللي هو كان الشهر اللي حولد فيه بنتي بيان...
يوم العملية رحنا وكنت خايفة عليها اوي ,بس هي كانت مبسوطة وبتلعب,مش خايفة من حاجة مع اني قلتلها انو حيعملولك عملية وفهمتها بس عبث ,هههههههه




دخلنا الاوضة المخصصة وجت الممرضة اداتها منوم شربتو ,بس منامتش ,قررو ينزلوها للعملية ركبوها بالسرير علقولها السيروم,ولا قالت اي ولا صرخت كمان لما وصلنا عالمصعد ,قالتلي:ماما تعالي ابوسك ,فباستني وقالتلي اوعي تخافي انا قوية وش خايفة لانو ربنا حيشفيني ,وشاورتلي بايديها
وراحت والممرضين اللي معاها بيقولولها انت بطلة .
تربية بنتي من اول يوم لسن 7 سنين ,تربيتي لبناتي

كلامها بصراحة كان ماثر علي وابتدت الاوهام تشتغل واقول يمكن حتموت بطريقة توديعها ,ازاي طفلة عندها 3 سنوات تكلمني بالطريقة دي.
تاخرو علينا اوي مع انم قالو مش حتطول واها حاجة سهلة انا وقتها ابتديت احس كاني حولد ,وبعد 3 ساعات طلعت الدكتورة والممرضة وقالتلنا مين اهل الاء انا فضلت قاعدة وجوزي اللي قام ,قالت العملية تمت بنجاح واحد فيكم يقدر يدخل معايا يشوفها فغرفة العمليات ,قمت بسرعة وقلت لجوزي انا اللي حروح,التلي بلاش انت حامل وكدة ,قلتلها ولو....
لما دخلت لقيتها نايمة وانبوبين فانفها وكمان في دم خفيف نازل منو وحطينلها جهاز نبضات القلب ,انا وقعت فجاة,قعدوني عالكرسي وقالولي بنتك دي بطلتنا دي مقدرناش نخدرها بطلوع الروح وصحيت في العملية وابتدت تحكيلهم قصص وهما بقيو جامدين وبيضحكو ..
وقالتلي دلوقتي تقدري تصحيها عشان نطلعها اوضتها ,نا
ناديتها مرتين وانا مسكالها اديها ,فجاة قامت واقفة عالسرير وقالتلي انت معاكي علكة ههههههههههه
والله العظيم ,قتلتني من الضحك انا والطاقم الطبي ,طلعناها لاوضتها ,وبعد ساعة قررنا نطلع عشان هي تعبت من الجري في الاوضة واللعب
تربية بنتي من اول يوم لسن 7 سنين ,تربيتي لبناتي


وفي الاربع سنوات كنت بعلمها بعد الحروف العربية وبقرالها قصص الانبياء ,بس ابتدت اسئلتها تكثر مثلا تقول ليه احنا مبنروحش الكنيسة؟
وليه مبنعملش شجرة عيد الميلاد ؟وليه انتي محجبة ؟واسئلة كثيرة ثانية كل يوم بتطلعلي بحاجة ..فكنت بحاول اجاوبها بطريقة مبسطة
مثلا بقولها لا ياماما الكنيسة كمان بيت ربنا ونقدر نصلي فيه احنا المسلمين,واحنا معنديناش في تقاليدنا اننا نعمل شجرة عيد الميلاد ,لانو عندنا عيد الفطر وعيد الاضحى بنشتري فيه لبس جديد وغيرو,لانو اي غلط في الشرح حتوصلو لاصحابها ومعلمتهاههههههههه.
تربية بنتي من اول يوم لسن 7 سنين ,تربيتي لبناتي
كملت بنتي الخمس سنوات وابتدت تتقن لغات كثير وزي ما قالتلي انستها ده بسبب اللغة العربية عشان كدة بتتقن مخارج الحروف في الكتالونية والاسبانية وكمان الانجليزية .
وكمان بتقرا الجريد والقصص بدون مساعدة مني ,وكمان هي هاوية للاعمال اليدوية وانا ديما بشجعها واصقل لها مواهبها,كمان اغلب العابها اجهزة حقيقية لعمل الايسكريم ,او العواصير او الشوكلاط ,التابلت وكمان nintendo 3d xl
بسن السادسة كمان نتيجتها كانت مشرفة وكل الاساتذة ادوها امتياز وكمان هي بتعلم اساتدتها فوقت الاستراحة عربي هههه.
والسنة دي كمان كانت كمان جابت اعلى المعدلات ولسة النهاردة جايبة نتيجتها والحمد لله مبسوطة اوي منها.
ودلوقتي عملنا برنامج مكثف عشان تتعلم تكتب وتقرا بالعربية الفصحى ان شاء الله وتحفظ القران ,واكيد بكرة ان شاء الله حشتريلها جايزة غير اللي اخدتها بالمدرسة.
نسيت اقولكم هي من مدة اتضح انو عندها حساسية من البيض ,وعلى هذا الاساس منعت عنها بسكويتات وحاجات كثيرة ,بس لانها واعية اتقبلت كل حاجة برحابة صدر,وكمان عندها نقص في الحديد وبتاخد دواها كل يوم من غير ما تهملو .
وبحاول اني مقصرش معاهم واني اعوضهم عن الفراغ العائلي اللي مش مكن لا الاصحاب ولا اي حد
يعبيه .

تربية بنتي من اول يوم لسن 7 سنين ,تربيتي لبناتي



إظهار التوقيع
توقيع : ام الاء وبيان2
#2

افتراضي رد: تربية بنتي من اول يوم لسن 7 سنين ,تربيتي لبناتي

ربنى يخليهملك حبيبتى قلبى ويجعل ايامك فرح وسعاده وراحت بال
#3

افتراضي رد: تربية بنتي من اول يوم لسن 7 سنين ,تربيتي لبناتي

ربي ايباركلك فيهم واتشوفينهم عروسات واتشوفين اولادهن واتساعدينهن عله تربيتهم
إظهار التوقيع
توقيع : عمة طلائي
#4

افتراضي رد: تربية بنتي من اول يوم لسن 7 سنين ,تربيتي لبناتي

جميل حبيبتى ربنا يباركلك فيهم وتشوفيهم احلى عرايس ياربالف مبروك التكريم
إظهار التوقيع
توقيع : هبه شلبي
#5

افتراضي رد: تربية بنتي من اول يوم لسن 7 سنين ,تربيتي لبناتي

ربي يحفظ بناتك و تشوفيهم عروسات و تشوفين اولادهم
مشكورة ي عسل

#6

افتراضي رد: تربية بنتي من اول يوم لسن 7 سنين ,تربيتي لبناتي

ربي يخليهم لك وتشوفيهم عرايس وتشوفي عيالهم وعيال عيالهم

إظهار التوقيع
توقيع : روزة
#7

افتراضي رد: تربية بنتي من اول يوم لسن 7 سنين ,تربيتي لبناتي

ما شاء الله
ربنا يباركلك فيهم يا حبيبتى ويفرحك بيهم
بنتك عسوله لو شوفتها وقت العمليه
كنت اكلتها اكل ههههههههههه

إظهار التوقيع
توقيع : Frawla
#8

افتراضي رد: تربية بنتي من اول يوم لسن 7 سنين ,تربيتي لبناتي

نورتوني يا قمرات

إظهار التوقيع
توقيع : ام الاء وبيان2
#9

افتراضي رد: تربية بنتي من اول يوم لسن 7 سنين ,تربيتي لبناتي

بسم الله ماشاء الله ربنا يخليهم لك ويبارك فيهم وتفرحى بيهم يارب.. وكويس انها بتعلم المدرسة العربى وحنمنحها لقب سفيرة العرب فى اسبانيا هههههههههه وعفبال ماتشفوفيهم عرايس ان شاء الله
إظهار التوقيع
توقيع : zozoweza
#10

افتراضي رد: تربية بنتي من اول يوم لسن 7 سنين ,تربيتي لبناتي

مشكورة

إظهار التوقيع
توقيع : رحيق
#11

افتراضي رد: تربية بنتي من اول يوم لسن 7 سنين ,تربيتي لبناتي

هوبة تسلمي على التكريم ونورتوني يا قمرات

إظهار التوقيع
توقيع : ام الاء وبيان2
أدوات الموضوع


قد تكوني مهتمة بالمواضيع التالية ايضاً
الموضوع كاتب الموضوع المنتدى
مدونتي ~إبتساامه~ تسنيم عادل مدونآت الاعضآء!
المرحلة الاولى من الحمل , اعراض الحمل,وظيفة الام خلال اول ثلاثة اشهر من الحمل العدولة هدير مرحلة الحمل والولاده
موعد اول يوم رمضان 2024_ متى اول يوم رمضان 2024 متى هلال اول ايام شهر رمضان 1445 ♥ احبك ربى ♥ عدلات في رمضان
اسباب تجعل حواء تتجنب الوقوع فى الحب من اول نظرة ربي رضاك والجنة فتيات تحت العشرين
كورسات ممارسة الانجليزى اونلاين للبنات + تجربة بعض المشتركات مع هبه عوض أمــانــدا مشاريع وافكار تجاريه


الساعة الآن 10:19 AM


جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل