أو

الدخول بواسطة حسابك بمواقع التواصل



https://adlat.net/showthread.php?t=22943
17713 21
#1

افتراضي زوجي جعلني أكره حماتي

مشكاتي عايزة لها حل غير الصبر أرجوووووووووكم تساعدوني
انا كنت باحب حماتي جدا لدرجة انها لما مرة زعلت مني بكيت رغم اني مكنتش أقصد وكنت باحب زيارتها لي جدا لحد ماأصبحت تقيم بمفردها وتتشبث ببقائي في منزلها مدد طويلة رغم مشقة ذلك علي لبعد المشوار وظروف حملي ومعي أطفال وزوجي كان يضجر عندما اعتذر عن الذهاب لها ويقول (هينفع أنا أخدمها) لازم أروح عشان أخدمها رغم ان لها خمس بنات حجتهم انهم متزوجات وعندهم أولاد وظروفهم مش سامحة ، وعندما اشتدت ظروفي صعوبة حيث أصبح هناك من يذهب للمدرسة من أطفالي اصبح زوجي وبعض اخوته يأخذونها الى منزلهم ولكن زوجي يتمسك بوجودها عندي أكثر ويرفض ذهابها الى اخوته البنات دون مراعاة ظروف حملي ومشقة خدمتها هي وهو وأطفالي لأنها تحتاج خدمة خاصة ومتعبة وفوق ذلك علي أن أتحمل أي سخافة تصدر منها وأحيانا يحدث ذلك فعلا حتى لاتخرج من بيتي غاضبة وتشكيني لجميع ابنائها ...هو يبرها ولكنه يظلمني عندما يجعلها تقيم عندي فترات طويلة فطول المدة يظهر عيوبها فأصبحت أراها لا تحبني قدر ما تستبيح صحتي ومجهودي في خدمتها وتلبية رغباتها رغم حملي وتحملي أعباء الأطفال الصغار رغم اني لا أراها تفعل ذلك مع بناتها فهي تراعي ظروفهن جدا وتخاف على صحتهن حتى ان محبتها لأبنائها ليست متساوية وتظلم منهم البعض وتغفر للبعض الآخر أي اساءة كما انها تتدخل في كل شيء وطول وجودها تبعد بيني وبين زوجي فلا نتحدث سويا بدونها ولا تنام بمفردها فتجعله ينام في غرفتها بحجة انها تخاف........ وتصبح هي سيدة البيت واتحول أنا وابنائي لخدم من الدرجة الثانية ولا يفكر زوجي الا فيم تحب ولا يهتم الا بها هل أكلت؟ هل تناولت الدواء ؟ ويغضب اذا لم تفطر ويعتبر ذلك تقصير مني مع انها هي التي ترد الي الطعام احيانا وتقول ماليش نفس
زوجي لايغفر تقصيري في وجودها رغم اني كثيرا أكون متعبة ومرهقة ولكنه لايشعربي و لايصدق ويعتبر ذلك تمثيل لأني لا أحب بقائها واريدها أن ترحل غير أني لا أستطيع أن أتزاور أنا وأهلي خلال وجودها عندي ليتوفر لها جو مريح عندي أصبحت زيارتها لي تسبب لي ضغطا على أعصابي وانتظارا لمشاكل جديدة مع زوجي
ويقوللي مسيرك هتبقي زيها في يوم من الايام ،وكمان يقول هاعامل والدتك زي مابتعامليها مع اني والله باخدمها اكتر من أمي وأمي هي اللي بتيجي عشان تساعدني في البيت لما باكون مش قادرة
رغم انه في غير وجودها يكون حنونا مشفقا علي ولا يكلفني بما يثقل علي ويرحب بأهلي ولكن لاأدري ماذا يصيبه في وجودها




ومما يثير خوفي وقلقي أنني أرى زوجي يعشمها بالاقامة معنا عند انتقالنا الى منزلنا الجديد يعني على طول هبقى خدامة وهاعيش في الضغط والهم والنكد ده ؟ ولما صارحته بان ده هيكون فيه ظلم لي وهي عندها ابناء كثير لازم يشاركوا في رعايتها خصوصا البنات مرة قاللي يعني ارميها ومرة تانية قاللي هي مش هترضى أصلا تفضل معانا على طول
لكن أنا أتوقع اني الاقي نفسي أمام أمر واقع وانها تبقي شريكتي في بيتي وتكون هي ست البيت كمان
أرجووووووووكم ساعدوني في ايجاد حل وياريت يكون حل غير الصبر لأني جربت الصبر لقيت ان المسألة بتزيد كل مرة عن اللي قبلها
واسفة على الاطالة



#2

افتراضي رد: زوجي جعلني أكره حماتي

أختى الحبيبة ماتزعليش كده ربنا يصلح حاالك ويسعدك يااارب

#3

افتراضي رد: زوجي جعلني أكره حماتي

ربنا يصلحلك الحال
استحملى مش هقولك حاجة غير كدة لانك بتخدمى مريض ومحتاج وحرام عليكى لما تشتكى لاى حد من الموضوع دة بالذات صلى وادعى ربنا يقويكى ويعينك ويصبرك انتى هتاخدى اكبر ثواب يابنتى استهدى بالله وارمى حمولك على ربنا وشوفى ربنا هيقف جانبك ازاى
وقولى الحمدلله هى لو كانت لاقدر والدتك ماكنتيش هتقولى كدة ولا هتعملى كدة
ربنا يهديكى ويصلح لكى الحال

إظهار التوقيع
توقيع : semsemahasan
#4

افتراضي رد: زوجي جعلني أكره حماتي

ربنا يصلح الحال ان شاء الله
#5

افتراضي رد: زوجي جعلني أكره حماتي

معليش حبيبتي اتحملي واصبري والله مفيش غير كدا دا جوزك ودي امه الله يعينك ياقلبي ويصبرك واحتسبي الاجر
إظهار التوقيع
توقيع : حنين الايام
#6

افتراضي رد: زوجي جعلني أكره حماتي

يا أخت (اتقي الله وثق به) والله لو مكنش ليها بنات مكنتش اشتكي لأن معتقدش ان فيه شيء يمنع الخمس بنات عن رعايتها وانا مش زعلانة منه قد ما زعلانة منهم ومن عدم النظر الا لظروفهم الشخصية فأين البرهنا وكمان زعلانة لأن زوجي بيتغير علي في وجودها واضح انك مش مصدقاني وحاسة اني بابالغ لكن والله دي الحقيقة وبقالها سنوات على كده وماشتكتش من الخدمة قد ما اشتكيت من توابع وجودها عندي اقرأي مشكلتي جيدا أختي وضعي نفسك في مثل ظروفي واحكمي
#7

افتراضي رد: زوجي جعلني أكره حماتي

ياحبيبتى انا مصدقاكى
لانى جدتى مريضة وجالسة فى السرير ويمكن حالتها اسوء من حالة حماتك وأمى هى اللى بتخدمها
جوزك بيتغير عليكى فى وجودها لانها مريضة وعايز يرضيها وبناتها دول مايعرفوش حاجة اسمها بر الوالدين وهيترد ليهم زى ما بيعملوا فيها
شوفى انتى بقى هما هيترد ليهم ازاى وأنتى ربنا هيردة ليكى ازاى اعملى مقارنة بينك وبينهم هتلاقى نفسك انتى الاحسن من ناحية حاجات كتير
ومن ناحية جوزك بالكلام الكويس وطبعا انتى ست وفاهمة قصدى هتجزبية ليكى واتكلمى معاه وقوليلوا انك بتحسى ان معاملتة بتتغير قدامها شوفى ردة هيكون أية؟
وربنا يصلحلك الحال
ومش تزعلى من كلامى ياقمر

إظهار التوقيع
توقيع : semsemahasan
#8

افتراضي رد: زوجي جعلني أكره حماتي

بصي حبيبتي دي امه وهو المسوءل عن رعايتها لانه الراجل انا كنت زيك كده وهو كان عنده اخوات رجاله وبنات وكنت بخدم والده وهو في صحته وفي مرضه وكان معايا في بيت واحد لمده 9سنوات والله بنته كانت ساكنه في در البيت وماكنتش بسال عليه اخواته كلهم محدش كان بيستحمله والحمد لله ربنا اعنا انا وزوجي عليه حتي فارق الحياه ومش هقولك اد ايه ربنا بيحبنا ولما اشوف حال اخواته كلهم بقول ده ذنب ابوهم لازم تستحملي وتصبري والله ربنا هيعوضك خير كتير علشنها وربنا معاكي ويقويكي علي رعايتها انا عارفه انها حاجه صعب اوي لني مجربه بس مفيش غير الصبر
إظهار التوقيع
توقيع : نوارا
#9

افتراضي رد: زوجي جعلني أكره حماتي

حبيبتى حاولى تستحملى وتتأقلمى على الوضع ده لان ده خلاص بقى امر واقع
وانتى بتقولى انك حاسه انها مش خايفه عليلكى ولا بتراعى ظروف حملك بس قولى لنفسك انها لو مش بتحبكومرتاحه عندك ماكنتش قعدت
حاولى تتعاملى مع الموضوع من ناحيه تانيه وريحى جوزك ومعدتيش تجيبى سيره مامته خالص الابكل خير وماتحسيسهوش انك مضايقه وصدقينى هيقدرك
معلهش فعلا مفيش قدامك غير الصبر
ربنا يصلح الحال

#10

افتراضي رد: زوجي جعلني أكره حماتي

أشكركم والله يا أخوات لأن كلامكم معايا ريحني وخفف عني كتير وجزاكم وجزانا الله كل خير وغفر الله لي ولها ولكم وللمسلمين جميعا ان شاء الله
#11

افتراضي رد: زوجي جعلني أكره حماتي

ربنا يصلحلك الحال يارب
والعدولات قامو بالواجب

إظهار التوقيع
توقيع : happy 5o5a
#12

افتراضي رد: زوجي جعلني أكره حماتي

بصراحة انا في نفس ظروفك وزيادة شويتينن بس صابرة ومتحملة ومابشكي لاني رب العالمين سميع عليم بخدم حماتي بكل امانة وجيت علي نفسي وقلت ربنا مش هيضيع تعبي وجهدي عالارض واعتبرت خدمتي لها صدقة جارية وزكاة عافيتي اناوزوجي وبناتي ودعوت الله ان يجعل برنا لها في ميزان حسناتناولن اخفيك سرا لقداختبرني ربي بنزيف في المخ ونجوت ولله المنة وذلك يااختاه بفضل مافعلته بها من خيروتغيرت معي بفضل الله واصبحت اقرب زوجات ابنائها لها ولواخبرك عن الخير الذي ادركنا ببفضل دعائها لي ولزوجي ولبناتي وبين ضيق الحال الذي احاط بابنائها وزوجاتهم وبناتها حتي شاءالله يخرج كلمة الحق من لسانها :قالت لهم باني لا اجعلها تحتاج لشئ منهم فلله الحمد اني نلت بركة دعائها.اقول لك شيئا هل ستحيا اكثرمما عاشت فما بقي من العمر اقل مماذهب تحملي واصبري وعامليهامثل اامك سيهدأ بالك ويثلج صدرك باذن الله وآمني بان في الكبر كل العبر ..وآسفة للاطالة.
#13

افتراضي رد: زوجي جعلني أكره حماتي

انا معبيه ولو اتفتت هنفجر من الحموات وقرفهم ربنا يصبرنا عليهم يا رب ويجعل اعمالنا لهم فى ميزان حسنتنا

#14

افتراضي رد: زوجي جعلني أكره حماتي


المشاركة الأصلية كتبت بواسطة همس@ساجد
انا معبيه ولو اتفتت هنفجر من الحموات وقرفهم ربنا يصبرنا عليهم يا رب ويجعل اعمالنا لهم فى ميزان حسنتنا
الله يصبرك ويصبرنا

إظهار التوقيع
توقيع : رحيق
#15

افتراضي رد: زوجي جعلني أكره حماتي


المشاركة الأصلية كتبت بواسطة طيبة
بصراحة انا في نفس ظروفك وزيادة شويتينن بس صابرة ومتحملة ومابشكي لاني رب العالمين سميع عليم بخدم حماتي بكل امانة وجيت علي نفسي وقلت ربنا مش هيضيع تعبي وجهدي عالارض واعتبرت خدمتي لها صدقة جارية وزكاة عافيتي اناوزوجي وبناتي ودعوت الله ان يجعل برنا لها في ميزان حسناتناولن اخفيك سرا لقداختبرني ربي بنزيف في المخ ونجوت ولله المنة وذلك يااختاه بفضل مافعلته بها من خيروتغيرت معي بفضل الله واصبحت اقرب زوجات ابنائها لها ولواخبرك عن الخير الذي ادركنا ببفضل دعائها لي ولزوجي ولبناتي وبين ضيق الحال الذي احاط بابنائها وزوجاتهم وبناتها حتي شاءالله يخرج كلمة الحق من لسانها :قالت لهم باني لا اجعلها تحتاج لشئ منهم فلله الحمد اني نلت بركة دعائها.اقول لك شيئا هل ستحيا اكثرمما عاشت فما بقي من العمر اقل مماذهب تحملي واصبري وعامليهامثل اامك سيهدأ بالك ويثلج صدرك باذن الله وآمني بان في الكبر كل العبر ..وآسفة للاطالة.
اشكرك يا أختي وأنا فعلا باقول لنفسي ان ربنا بيجازيني خير عن خدمتها واحيانا ازعل من نفسي لما باشتكي من كده لكن لو مكانش زوجي بيتهمني دايما بالتقصير واني مش بحبها واني باعمل نفسي تعبانة ويظلمني كتير بالاتهام وضغطه علي في وجودها مكانش يوصلني لكده
فعلا هو ده سبب ضيقي للأسف مش بلاقي تقدير من زوجي لكن بالاقي العكس
مع اني قلت له أكترمن مرة اني لو كنت وحشة معاها مكانتش تيجي عندي كتير
احنا بنبقى كويسين جدا لحد مابتجيلنا البيت
تعرفي ان آخر مرة كانت عندنا اتلكك لي عشان يتخانق معايا ويزعق لي ويحرجني قدامها ولما هدي وحاولت أعرف السبب لقيته
مش قادر يحدد سبب معين لكن كان عمال يقوللي انت بتتعمدي تهمليها عشان تزهق
كل ده عشان انا كنت عيانة قبل ماهي تيجي وكان هو اللي جايب لي العلاج بنفسه والعلاج مع العيا والمجهود كان مهبطني واثرعلي وكنت باشعر بدوخة ورغبة في النوم وكمان العيال بيعملولها دوشة طيب أعمل ايه لأطفال سن سنةونصف واربع سنين و8 سنين اوديهم فين اذا كانت هي بتقعد وتنام في الغرفة اللي فيها التليفزيون (غرفة المعيشة) ينفع أطفال زي دول يتحبسوا واكتم صوتهم لما يلعبوا والله اناكنت باسعد بزيارتها لي لكن أعمل ايه مع زوجي خلاها بالنسبة لي زي الشاربة وهي كمان اتعودت ع الوضع ده ومبقاش يهمها اللي تتعب مع ان لما واحدة من بناتها بتتعب بتخاف عليها قوي ومبتقدرش تيجي عليها وحاجات كتير مش عاوزة اوجع دماغك بيها لأني طولت عليكي
أقول ايه ربنا يصلح الحال والحمد لله على كل حال

إظهار التوقيع
توقيع : رحيق
#16

افتراضي رد: زوجي جعلني أكره حماتي

والله يا اختي ما ليك غير الصبر
بس برضه لازم تعرفي من زوجك ليه بيغير معاملته معك في وجودها
احكي معه
احكيله انه هوا الاساس يعني المفروض يدعمك معنويا
ويحاول يخفف عنك العبأ
و يحاول يريحك من الاولاد شوية

إظهار التوقيع
توقيع : BeSsAn
#17

افتراضي رد: زوجي جعلني أكره حماتي

[FONT=""][COLOR=""][SIZE=""]ربنا يصبرك ويخلصك على خير الحما كل متقرب منك تقرب منك المشاكل[/SIZE][/COLOR][/FONT]
#18

افتراضي رد: زوجي جعلني أكره حماتي

لا الله الا الله

#19

افتراضي رد: زوجي جعلني أكره حماتي

مش بيقولوا الصبر مفتاح الفرج انا كان عايش معايه حمايه وحماتى والاتنين متقعدين محدش بيقدلر يخدم نفسه اناحملى متعب طول فترة حملى بينزل عليا دم والمفروض افضل نايمه فى السرير بس ربنا كان بيعنى على خدمتهم همه وجوزى وعمرى ماقصرت مع حد فيهم وعلى فكره عندهم بنتهم التنين وهما الاتنين جوزتهم مسفرين يعنى ممكن يخدوهم عندهم بس محدش اتكلم وربنا عنى على خدمتهم وعلى خدمت جوزى وبنتى ولما حمايه كان بين ادين ربنا خلاص على ابواب الموت ماكنشى بيقول حاجه غير انو ا يدعيلى ودعاه قعدلى فى حيلى كليا وربنا يخليلى حماتى ويصبرك ويدلك على طريق الخير لان الى بيزرع خيربيلاقى خير وربنا يهدهالك ويهديلك جوزك
#20

افتراضي رد: زوجي جعلني أكره حماتي

اصبرى فالصبر مفتاح الفرج
وان شاء اللة يجعلة فى ميزان حسناتك
واى حاجة بتعمليها لها احتسبية عند ربنا

#21

افتراضي رد: زوجي جعلني أكره حماتي

حبيبتي والله حالتي مثل حالتك ولكن مالحل الحل الوحيد نرضخ للامر الواقع كل مايحصل لكي هو اجر كبير عند ربنا واذا صبرت فسيعوضكي الله خيرا
#22

افتراضي رد: زوجي جعلني أكره حماتي

اتكلمي مع زوجك انو مطالب ببر امه ومطالب بالوفاء لكي وحسن عشرتك لان الله لايرضى بالظلم والزمي الاستغفار ياحبيبة لعل الله يهدي زوجك
أدوات الموضوع


قد تكوني مهتمة بالمواضيع التالية ايضاً
الموضوع كاتب الموضوع المنتدى
[قصص وعبر] دخلت الشات,جارت شهواتها,فانظرواماذا حدث لها شقاوة آنثى قصص - حكايات - روايات
قصه بنت الشات,قصه مأساويه ترويها بنفسها يويو يويو قصص - حكايات - روايات
♥♥إليك يا زوجي ♥♥ نسيم آڸدکَريآت الحياة الزوجية والاسرية
ادعية للعروسة الاعلامية لينا الثقافة والتوجيهات الزوجية
احببت زوجي فزوجته اختي حنين الايام قصص - حكايات - روايات


الساعة الآن 05:32 PM


جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل