أو

الدخول بواسطة حسابك بمواقع التواصل



https://adlat.net/showthread.php?t=24470
9544 23
#1

افتراضي حسبى الله ونعم الوكيل

انا جوزى مسافر من سبع شهور وولدت اول طفله لينا بعدسفره باسبوعين المهم بداية ماساتى جات من الولاده حمايا رفض يولدنى فى مستشفى خاصه ورفض يودى اولد عند الدكتوره اللى بتابع معاها وصمم يودينى اولد فى الجامعه الحكومى وهناك شفت البهدله اللى مفيش حد يتخيلها من ساعت مدخل وكل شويه حد شكل يجى يبص عليا ويحط ايده فيا كلهم لسة طلبه فى الكليه وامتياز انا دخله الجامعه بعد المغرب وولدت الساعه 1الصبح كل ده معاناه ربنا ما يكتبها على حد المهم ولدت قيصرى بس ماكلهم داخوا معايا طبيعى ونقلونى بين 5حجرات ولدت والحمد لله وجبت لوجين وفضلت هناك 3ايام اسوا ايام عمرى كله كنت بخاف اتكلم مع امى او مع حد عشان الصراصير متدخلش فى فمى وقطط تعدى من على السرير وانا تعبانه وميته من الرعب صراصير بكمه رهيبه وحاجه ضخمه جدا جدا جوزى كان بيتصل مش بعرف ارد عليه واخلى مام تقوله هيا نايمه دلوقتى من خوفى افتح فمى للصراصير وزبالة ايه بقى تحت السرير و روحت البيت باباى هو اللى صرف عليا رغم انى فى بيت جوزى واهله هما اللى المفروض يتكفلوا بيا عشان انا فى عيله والله العظيم قعدت فى شقتى اسبوعين اهل جوزى مغرموش حاجه ممكن يطلعوا طبق ارز ممكن فوول جبنه حاجات بسيطه من اكلهم تحت مفيش حاجه كانت مخصوص علشانى بما ان انا والده والى زاد وغطى رفضوا يعملوا سبوع للبيبى بحجة ان جوزى مش موجود رغم ان ده كان اتفاقنا فبل سفر جوزى ان هنعمل سبوع صغير نفرح بيه العيال ورغم ان جوزى بعت له فلوس بعد الولاده حمايا رفض حتى ان اهلى يعملوه على حسابهم وكرش اهلى من البيت وقال لبابا انا مش عايز حد يخش بيتى عشان انتوا بتوسخوا الشقه بابا بقى صمم انى اروح اعيش عنده لان جوزى كان رافض كده لما اتناقشنا فى الموضوع قبل السفر وروحت عند بابا وجوزى سلم بالامر الواقع المهم حمايا بعت على مفتاح الشقه عشان يبقى معاه ومعرفش ادخل الشقه غير لما اخد الاذن منه ويكون موجود وانا رفضت اتحجججججججججججج ان حماتى عايزه تنشر الغسيل وانا شقتى فى التالت بعت ماما تسال حماتى قالت لها والله مش بعوز حاجه من الشقه وبنشر تحت انا مقدرش اصلا اطلع فوووق هو عايز المفتاح بس يكون معاه مش عايز حد يتحكم فى بيته رغم ان بعد سفر جوزى بيومين خدوا منى مفتاح البوابه ومفتاح الدور الارضى للبيت اللى الدخول والخروج منه واللى كانوا مع جوزى قبل السفر ولما صممت على رفضى فى انى اديله مفتاح شقتى قام حط على بابا الشقه قفل المشكله بقى انه اتصل بجوزى وقاله ان حماتى عازت تحط حاجات فى التلاجه وانا رفضت المهم بعد مناقشات كتير بينى وبين جوزى كان مصمم انى ارجع الشقه تانى وبررلى هو واعمامه عمايل باباه انه بتجيله حالات كده واستحمليه شويه بس استحمل واحد كرش اهلى ازاى واعيش من غير ماما واخواتى اللى بيراعوا بنتى ازاى ومين هيراعيلى بنتى وانا هناك؟وخصوصا انى والده قيصرى ؟؟؟؟؟؟؟ وكمان كانت شروطه مستفزه قووى لوجودى هناك والشروط دى هيا
:1
ابات فى اوضة سلفى العازب وسلفى يبات فى شقتى
2
:اختار يوم واحد فى الاسبوع اروح فيه لامى من المغرب للعشا البيت اللى هو ورايا فى نفس الشارع والحمد لله اقنعت جوزى انى افضل عند بابا لحد ما يرجع من السفر بس حمايا بقى كسر كالون الشقه وبقوا بيستعملو حاجتى وكل يوم الاقى نور الشقه متقاد لحد الساعه 1-2بليل وبقيت الاقى ملاياتى مغسوله ومطلعين بطاطينى ومفارشى والسجاد حتى لما طلبت اروح الشقه اخد بقيت هدومى رفضوا انهم يدخلونى الشقه وكرشونى من هناك 3مرات ولما صممت عليهم رميوهملى فى الشارع اصلنا عايشين فى شارع واحد ونزلو كل حاجتى تحت التلفزيون حتى كوبايات الشاى والخلاط والكشاف وكمان ايه عايزين يحرموا عليا اعدى من الشارع مره لقيت جوزى بيقولى بلاش تعدى من الشارع وروحى من شارع تانى لما تيجى تخرجى بقوله ليه بيقولى كده وخلاص اصل الجماعه بيتضايقوا لما بيشوفوا شايله البنت وهما مش شايفينها حصل موقف بقى كنت بشترى لبس العيد وانا رجعه اخته قابلتنى فى الشارع وسلمت عليا عادى جدا كنا قدام بيت ابوها ولقيت خالتها بصت من الباب وقامت دخلت تانى من غير ما تقول اى حاجه ولا حتى تسلم وانا طبعا انكرشت قبل كده عمرى ما هدخل تانى غير مثلا لما ينادو او حتى حماتى تطلع اسلم عليها المهم مطلعتش ولا اى حاجه برده صعبوا عليا وقولت لاخت جوزى خودى البنت اديها لامك دخلت بيها ولقيتها طلعت تقولى يلا يلا خديها ومشى عشان الحر ومشيت وبعدين طلبت انى اروح اعيد عليهم فى العيد بعتولى عيال من عندهم يقولولى بتقولك(حماتى )لو عامله حسابك تيجى متجيش عشان محدش هيقابلك فى الدار وبرده عمته قابلتنى مقابله مش تمام خالص ومش عارفه اعمل ايه ارفض ابعتلهم البنت تانى هو جوزى قالى اعتبرى انك مش فى البلد وان حماكى وحماتك ماتوا اللى يعوز البنت يبقى يبعت ياخدها وقالى متوديهاش غير لما يبعتوا عليا وبصراحه انا عايزه امنعها منهم خالص زى ما هما محرمين عليا شقتى ومنعنى منها وكمان انا محتاره فى حاجه كده




1:اروح شقتى واحبس نفسى فيها عشان احافظ على حاجتى ودا هتكون نتيجته انى هقفل عليا باب شقتى وطلباتى هخلى امى تناولهالى من البلكونه سرقه يعنى فى الدرا وعيش الكام شهر الباقين محبوسه ببنتى عشان مجبش اى تعامل مع اهله تحت نهائى لان المدخل هو شقت حماتى مفيش مدخل مستقل للبيت
2:افضل عند بابا واستعوض ربنا فى الحاجه وانا برده معايا قايمة جهاز جوزى واهله ملزمين بيها
وفى الاخر حسبى الله ونعم الوكيل



#2

افتراضي رد: حسبى الله ونعم الوكيل

والله منا عارفه اقولك ايه ربنا يجبلك حقك منهم بس جوزك لازم يكون له موقف احسن من كده
#3

افتراضي رد: حسبى الله ونعم الوكيل

ربنا يصبرك وبصراحه انا مش عارفه اتكلم سامحينى
وربنا معاكى بس عليكى بالدعاء اعذرينى حبيبتى اول
مره يكون ردى كدا بس فعلا مش قادره اقول حاجه

#4

افتراضي رد: حسبى الله ونعم الوكيل

ربنا ياخد كل مفترى والحميان بلاخص انا بجد اتفرست جدا من اللى بتحكيه بس نصيحه منى ما ترجعيش الا لما جوزك يجى وتشهديه على حاجتك اللى اتبهدلت جايز ياخد موقف معاهم ولو انتى عايزه ترجعى مش هتعرفى تاخدى حريتك نهائى وهتتحبسى غير بقى تلقيح الكلام وعليكى من ده بكام يا بنتى خليكى عند باباكى احسن وما تضايقيش نفسك من اللى بيعملوه معاكى يكشى يولعوا بجاز ربنا ياخدهم خلى بالك من نفسك وبنتك
#5

افتراضي رد: حسبى الله ونعم الوكيل

ياحبيبتى جوزك لازم يكون لية موقف شديد مع اهلة انما كدة مش ينفع
وشوفى ياستى روحى شقتك واقفلى على نفسك كويس اوى من جوة بالمفتاح وهاتى الترباس اللى فية السلسة هاتى ليكى 3 او 4 وركبيهم فى الباب وادام انتى بتقولى ان اهلك معاكى فى نفس البيت خلاص اعملى زى ما قولتى وخلى مامتك تديكى الحاجة واديكى هتشوفيهم من البلكونة وهتطمنى عليهم وهيطمنوا عليكى واشترى نفسك وحاجتك لحد ما جوزك يجى

إظهار التوقيع
توقيع : semsemahasan
#6

افتراضي رد: حسبى الله ونعم الوكيل

اطلبي من زوجك يرجع يحل المشكلة وتنفصلي في بيت بمفردك ويستحسن انك تسافري معاه وجودك وسطهم هيخليهم يخلقولك مشاكل انت في غنى عنها وربنا يصلح لك الحال
إظهار التوقيع
توقيع : رحيق
#7

افتراضي رد: حسبى الله ونعم الوكيل

بصى انا دمى اتحرق دلوقتى بجد
ليا رجعه ان شاء الله

إظهار التوقيع
توقيع : امة الله
#8

افتراضي رد: حسبى الله ونعم الوكيل

لا اله الا الله

حرام والله اللى عمله حماكى فيكى

معلش جوزك معزور عشان هو بيعيد وده ابوه ومش عاوز يزعله وهو بالغربه

حبيبتى انا من رائيي تروحى شقتك تاخدى حجاتك الثمينه وترجعى عند اهلك وخبرى زوجك بكل شئ وقوليله انا خايفه على نفسى وبنتى ومستحيل ارجع

هناك وهم خلاص اخدوا كل شئ بالشقه

وهو يشوف لك حل مجدى مش اى كلام

وربنا يعينك اختى

إظهار التوقيع
توقيع : ريموووو
#9

افتراضي رد: حسبى الله ونعم الوكيل

الله يعينك ويصبرك حبيبتى
ومش هاقول غير حسبى الله ونعم الوكيل والله كفيل يا خدلك حقك لان زوجك اكيد مش ها يقف قصاد اهله مهما كانت الظروف وها يجى عليكى لانه مش عايز مشاكل معاهم اصبرى واحتسبى عند ربنا وربنا يباركلك فى بنتك ويعوضك فيها خير ويرجعلك زوجك بالسلامه وطبعا الافضل انك تقعدى فى مكان منفصل عنهم
او ترجعى شقتك بس زوجك يحط حدود للبهدله دى والله المستعان
انا كتير حاسه بيكى وعارفه قد ايه انتى موجوعه بس كفايه نظرتك لبنتك وانك تاخديها فى حضنك
ده بالدنيا وما فيها ما تنظريش للشقه والعفش والحاجه اللى ضاعت خلى كل تفكيرك انك تنجمعى انتى وبنتك وزوجك فى مكان بعيد عنهم وعن مشاكلهم
ودعواتى ليكى بكل خير و يارب يصلحلك الحال ويسرلك امورك

إظهار التوقيع
توقيع : ♥ احبك ربى ♥
#10

افتراضي رد: حسبى الله ونعم الوكيل

لا حول و لا قوة الا بالله
لازم جوزك يتدخل حبيبتي

إظهار التوقيع
توقيع : ام هنا
#11

افتراضي رد: حسبى الله ونعم الوكيل

اللى حارقنى اووووى انى مبقدرش ابعد نفسى او امنعها انى ابص على شقتى لانها قدامى مباشرة
وكمان كرامتى وجعانى اووووى حاسه انى مليش حاجه فى بيتى غير هدومى هيا دى اللى كانت تربطنى بيه
لكن لعب بنتى اللى جبتهالها قبل ما تيجى على الدنيا وشرايط فرحى وصورى والبوماتى والحاجات اللى مقدرش ارجعها او اعوضها او اعوض زكرياتى معاها باى تمن

#12

افتراضي رد: حسبى الله ونعم الوكيل

يا ريت تساعدونى يا بنات وتشورو عليا الصح فين
#13

افتراضي رد: حسبى الله ونعم الوكيل

انا حقيقى محتجالكم
#14

افتراضي رد: حسبى الله ونعم الوكيل

الله يعينك على ابتلائك واحتسبى عند الله
جوزك بين نارين دلوقتى من اهله وزوجته وغربته فالله يكون فى عونه بس لالالالازم
لما يرجع يأخذ لكى شقة برة وعلى رأى المثل ابعد تحلى
بالنسبة رجعوعك للشقة الافضل لما يرجع زوجك لانهم مش حايسبوكى وحايحتكوا بيكى اكثر وانتى حاتضايقى اكثر
وبكده حاتزيد المشاكل اكثر خليكى عند اهلك واوعى تغلطى فيهم وتتكلمى عليهم بسوء خليكى فى صمت حتى رجوع زوجك
واما زكرياتك واشيائك الخاصة مش حا يكونوا احسن من كرامتك استعوضى الله وعليكى بالدعاء لله كثيرا
بأن يهديهم لكى ويهدى زوجك لكى ويجعلك من الصابرين

إظهار التوقيع
توقيع : مصريه اكيد
#15

افتراضي رد: حسبى الله ونعم الوكيل

وانا كمان ومن رائي مصريه مترجعيش الشقه حماكي هيبهدلك وانتي لوحدك من غير زوجك استني عند بباكي لحد زوجك مايرجعلك بالسلامه ومش مهم شقه وذكريات دلوقتي اهم حاجه نفسك وصحتك دول ممكن يحرقو دمك وانتي لسه غيره وبترضعي وده غلط عليكي وعلي البنت ربنا يعوضك خير واحتسبي عند ربنا كل حاجه وربنا معاكي حبيبتي
إظهار التوقيع
توقيع : نوارا
#16

افتراضي رد: حسبى الله ونعم الوكيل

طب مافيش حد كويس يدخل بنكم ويخاول يهدى من الاموره يعنى يكون ليه كلمه عليهم
ربنا معاكى

إظهار التوقيع
توقيع : ♥ احبك ربى ♥
#17

افتراضي رد: حسبى الله ونعم الوكيل

الحل الوحيد انك تفضلي عند باباكي وتخلى بالك من بنتك وان شاء الله اما جوزك يرجع يبقى فيه كلام تاني
#18

افتراضي رد: حسبى الله ونعم الوكيل

حسبي الله ونعم الوكيل اختي الله يصبرك ويعينك يرجعلك حقك حبيبتي اختي ليس لدي ما اقوله لك سوى أن تصبري وتتحملي من أجل زوجك ولإبنتك
أنا لا اعرف غن كان كلامك سيعجبك لكن نصيحتي لك حتى لو كانت معاملتهم معك قاسية لا تدخلي ابنتك في هذه القصص ولا تحرميهم من رؤيتها وكوني احسن منهم

إظهار التوقيع
توقيع : rasouma
#19

افتراضي رد: حسبى الله ونعم الوكيل

حبيتي اهم حاجه اذا جوزك سمح لك تجلسي عند اهلك لحد مايرجع من السفر روحي عند باباك ولا عليك من البيت بس اهم حاجه في البيت حطي ملا بسك في شنطه والاشياء الثمينه واللي بتحبيها واذا قدرتي تقفلي غرفه نومك افضل وخلي البيت يعملو فيه اللي هم عاوزينه ويشربو من ميه البحر اهم شي راحتك وانا متأكده انو راحتك عند باباك وان شاء الله لمن يرجع زوجك حيعوضك وعليك بقيام الليل والدعاء ولاتنسي بنتك حاولي توديها لهم يشوفوها من وقت لتاني وزوريهم وخدي لهم حاجات معاك بس لاتطولي وربنا معاك يارب
إظهار التوقيع
توقيع : حنين الايام
#20

افتراضي رد: حسبى الله ونعم الوكيل

لا حول ولا قوة إلا بالله
يا ختي ما عليك إلا أن تصبري ربي يجازيك على صبرك و يفرج عليك
ربي يجيرك في محنتك و مصيبتك و يبدلك خيرا منها
زوجك بعيد عنك ما تزيديش تشغليلو بالو خليه لما يرجع بالسلامة ان شا الله يجيبلك حقك بدون مشاكل
ولما يشوفك انك كنتي صابرة على هذا الظلم أكيد رح تكبري في عينو اكثر وأكثر
ربي يفرج عليك و يهدي بالك


#21

افتراضي رد: حسبى الله ونعم الوكيل


المشاركة الأصلية كتبت بواسطة ام تركي
حبيتي اهم حاجه اذا جوزك سمح لك تجلسي عند اهلك لحد مايرجع من السفر روحي عند باباك ولا عليك من البيت بس اهم حاجه في البيت حطي ملا بسك في شنطه والاشياء الثمينه واللي بتحبيها واذا قدرتي تقفلي غرفه نومك افضل وخلي البيت يعملو فيه اللي هم عاوزينه ويشربو من ميه البحر اهم شي راحتك وانا متأكده انو راحتك عند باباك وان شاء الله لمن يرجع زوجك حيعوضك وعليك بقيام الليل والدعاء ولاتنسي بنتك حاولي توديها لهم يشوفوها من وقت لتاني وزوريهم وخدي لهم حاجات معاك بس لاتطولي وربنا معاك يارب


بالنسبه للبنت حصل كام موقف مش هتصدقيه وهحكيهم قريب ان شاء الله وبعديها جوزى قالى اللى يعوز البنت يجيلها او يبعتوا حد ياخدها مبعتوش عليها متوديهاش هناك
وانا بعمل كده هما بيجوا يا خدوها مجوش خلاص

بالنسبه للشقهانا كنت طالعه على اساس انى هرجع تانى بعد ما اخف من القيصرى وجم هما رفضوا رجوعى وحمايا حلف انى مدخلش البيتغير لما عمى اللى يرجعنى وبالشروط اللى زكرتها اللى تتلخص فى الاقامه تحت 24ساعه
وانا رفضت وقولت لحماتى لما قالتلى كده (جوزى اللى يقولى ارجعى او مترجعيش اما اشوف رايه ايه وتانى حاجه اما يبقى بابا بيموت وجوزى يموت ابقى اخلى عمى يرجعنى بيتى

#22

افتراضي رد: حسبى الله ونعم الوكيل

بجد الله يكون فى عونك
بس انا راى انك تفضلى قاعده عن والدك ولو قدرتى تدخلى حد كبير من عليتهم يكون حد حقانى وحكيم والاهم ان حماكى يكون بيعمله حساب خلى ولدك يروح معاكى ليه وتحكيله على عميلهم ديه وتخليه يدخل
ولو مفيش نتيجه خليكى عند اهلك لحد ما جوزيك يجى بالسلامه وهو يحط حد لكل ده
وعليكى بالدعاء والاستغفار الكتير جداااا
وربنا يصلحلك حالك يارب

إظهار التوقيع
توقيع : امة الله
#23

افتراضي رد: حسبى الله ونعم الوكيل

م
ش عارفه اقولك ايه
بس الله يعينك بجد عليهم
احسن شي تفضلي في بيت اهلك
ولازم اهلك يتكلموا مع زوجك مش انت الي تتكلمي
لازم والدك يكون ليه موقف

إظهار التوقيع
توقيع : BeSsAn
#24

افتراضي رد: حسبى الله ونعم الوكيل

مش دة حماكى الى جوزك
سافر بسببة انا قولتلك متسبيش
شقتك علشان مش
هتعرفى تخدى حقك
ارجعى واقفلى عليكى دى شقت عيالك
اظاهر راسم عليها لسلفك العازب
ارجعى ارجعى ارجعى
واستحملى علشان حق عيالك

أدوات الموضوع


قد تكوني مهتمة بالمواضيع التالية ايضاً
الموضوع كاتب الموضوع المنتدى
فوائد قول حسبي الله ونعم الوكيل.... الكلمة الطيبة القرآن الكريم
شوفو الصلاه (حسبى الله ونعم الوكيل ) ايمان المقصبي منوعات x منوعات - مواضيع مختلفة
فضل دعاء(حسبي الله ونعم الوكيل).. الكلمة الطيبة المنتدي الاسلامي العام
حسبى الله ونعم الوكيل لافالانتينا المنتدي الاسلامي العام
شرح معنى حسبى الله ونعم الوكيل أميرة القصر المنتدي الاسلامي العام


الساعة الآن 02:06 PM


جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل