أو

الدخول بواسطة حسابك بمواقع التواصل



https://adlat.net/showthread.php?t=26921
12999 48
#1

قصة قصة حب

يا صباح الخير/يامساء الخير عليكم
ان شاء الله تكونوا بخير جميعاً
دي اول قصة اكتبها اتمني انها تنال اعجباكم وتشجيعكم (بس دى مش أنا دى قصة)

الشخصيات
نور:فتاه جميله تميل الي البساطه والهدوء توفت والدتها منذ عده اعوام وليس لها اخوه والدها هو كل حياتها تخرجت في كليه الزراعه مثل والدها.
ادهم:شاب وسيم منضبط يعمل مع والده الذي يمتلك احدي الشركات الاستثماريه ولديه اخت تصغره بعامين.

حسن:والد نور يمتلك شركه لإستيراد المعدات الزراعيه
كامل:والد ادهم رجل اعمال ثري
هدي:والدة ادهم

الاحداث:
تعيش نور مع والدها في احد الاحياء الراقيه في القاهره ورغم المستوي المعيشي المرتفع لوالد نور الا ان نور انسانه متواضعه تحب الناس وتحب البساطه .




وقد تأثر والد نور كثيراً بوفاه والدتها فأصبح غير مهتم بعمله وتعرضت شركته لخساره كبيره وتراكمت عليه الديون
فما كان له الا ان يبيع الفيلا والشركه لسداد ديونه وينتقل للعيش هو وابنته في طنطا بلدته الاصليه حيث يمتلك فيلا وبعض الاراضي الزراعيه التي ورثها عن والده.
-منزل نور:
حسن:انا مش عارف اقولك ايه يانور صعب عليا ابيع البيت اللي قضينا فيه احلي سنين عمرنا من يوم مااتولدتي انتي وكل ركن في البيت ده فيه ذكري لوالدتك الله يرحمها
بس ما باليد حيله انا السبب انا اللي اهملت شغلي والشركه مقدرتش احافظ عليها.
قاطعت نور والدها قائله:
نور:عشان خاطري يا بابا متقولش كده اللي حصل حصل خلاص وده قدر ونصيب اهم حاجه انك بخير والفلوس بتيجي وتروح
والمهم اننا هنكون مع بعض في اي مكان.
قال حسن وعيناه مليئه بالدموع: ربنا يخليكي ليا يا حبيبتي انتي اللي باقيالي في الدنيا دي كلها.

احتضنت نور والدها وصعدت الي غرفتها كي تقوم بجمع اغراضها استعداداً للسفر



إظهار التوقيع
توقيع : نور سعيد
#2

افتراضي رد: قصة حب

منزل ادهم:
ادهم اعتاد هو ووالده قضاء اجازه صيفيه قصيره في بلده والده طنطا فقد كان كامل حريص علي زياره بلدته بين الحين والاخر.

ادهم:الواحد مبيحسش براحه الا في الجو الحلو ده في ايه احسن من الهوا النقي بعيد عن الدوشه والزحمه وتعب الشغل.

كامل: عندك حق ياادهم وخصوصا وامك مش معانا كان زمانها كل شويه تقول ايه الناموس ده ايه الحر ده.

ادهم:هههههههههه بقي كده طب هقولها بقي.

كامل:ماتقولها ياواد هخاف يعني.

ادهم: يا بابا راجع نفسك يعني اقول.

كامل:خلاص بقي ياواد خليك جدع المره دي.

ادهم:خلاص ياكبير سرك في بير.

-وصلت نور الي طنطا هي ووالدها وقامت بتفريغ حقائبها في غرفتها الجديده وقامت بتعليق صوره والدتها ونظرت اليها بحزن شديد وبدأت الدموع تتساقط من عيناها حتي سمعت طرقات الباب فقامت بتجفيف دموعها سريعاً.

نور:ايوه اتفضل ادخل يا بابا

دخلت الي الغرفه فتاه من عمر نور تقريباً كانت ترتدي عباءه وطرحه وهي الابنه الصغري لعم محمود الذي كان يعمل مزارعاً عند والد حسن من سنوات عديده ولديه مسكن صغير ملحق بالفيلا فهو يقوم ايضاً برعايه الفيلا.

ياسمين: الغدا جاهز ياانسه نور يالا علشان تاكلي مع والدك.
ردت نور ضاحكه:ايه انسه دي يا ياسمين ده احنا قد بعض تقريبا ولا انتي عايزه تكبريني بقي خليها نور بس.
ياسمين:خلاص نخليها نور بس والدك تحت مستنيكي
نور:حاضر انا نازله معاكي اهو

بعد ان تناولت نور طعامها صعدت الي غرفتها لتأخد قسطاً من النوم ولكنها لم تستطع النوم فهي لم تعتاد بعد علي سريرها الجديد

نور:ايه ده من اولها كده مش عارفه انام وبعدين بقي خلاص مش مهم اكيد هنام بليل من ارهاق السفر احسن حاجه اني معايا اللاب والفلاشه هقعد شويه علي النت
-بعد ذلك قامت نور بالذهاب ال ياسمين حتي تأخذها في جوله في البلده
كانت نور ترتدي زياً عصرياً وغير محجبه

ياسمين:نور انا عايزه اقولك حاجه بس خايفه تزعلي مني بس وانا واللي حبيتك من اول ماشوفتك ودي مجرد نصيحه.
نور:اكيد يا ياسمين مش هزعل منك خير في ايه.
ياسمين:انا مش قصدي انتقد لبسك بس انتي عارفه ان هنا الوضع مختلف عن المدينه
ويعني لبسك ده هيبقي ملفت لاي حد ومش هتبقي ماشيه براحتك.
نور:بس انا كلي لبسي كده ومعنديش غيره.
ياسمين:لو تقبلي تاخدي حاجه من عندي.
نور:خلاص اوك مفيش مشكله انا لازم احترم تقاليد الناس اللي هنا
ارتدت نور عباءه وطرحه من ملابس ياسمين وخرجوا سوياً
-في الطريق
كان ادهم يقود سيارته بسرعه كبيره فقد كان في عجله من امره لان والده تحدث اليه حتي يأتي لانه يريده في امره ضروري يخص عمله
وكانت نور وياسمين يسيران في نفس الطريق وكاد ادهم ان يصطدم بهما فأوقف ادهم سيارته
فصرخت نور قائله وهي تطرق علي السياره

نور:ايه ماتفتح ولا انت خلاص ماشي مش شايف قدامك.
ادهم:انا اسف ياانسه ماكنتش اقصد حصل خير.
نور:امال حضرتك كنت عايز تموتنا مثلا.
ادهم:انا اعتذرتلك وفعلا ماكنتش اقصد ايه اللي ممكن اعمله تاني.
نظرت اليه نور بغيظ قائله
نور:خلاص متعملش حاجه يالا بينا يا ياسمين

انتظروا الحلقه الجديده لو عجبتكم
اتمني تفاعلكم

إظهار التوقيع
توقيع : نور سعيد
#3

افتراضي رد: قصة حب

قصه رائعه شكرا لكِ وانا بنتظار الباقي بس لاطولي علينا
إظهار التوقيع
توقيع : عرين
#4

افتراضي رد: قصة حب

دى من تأليفك؟؟
#5

افتراضي رد: قصة حب

مشكورين كتير لمروركم وتقيمكم الجميل
ويارب يعجبكم تاأليفى بس دى ماخوزة من قصص حقيقية
يارب تنال أعجابكم مع خالص تحياتى لحسن متبعتكم
أسبكم وأرجع لكتابة باقى القصة
الاسماء ماخوذة من أسماء بنتى وأنا
لعدم أحراج أى حد لكم خالص تحياتى
الاحداث مثيرة ويارب تنال أعجبكم

إظهار التوقيع
توقيع : نور سعيد
#6

افتراضي رد: قصة حب

الحلقه الثانيه
جاء يوم جديد علي نور واستيقظت من نومها في حاله نشاط وذهبت الي ياسمين
فعلمت من والدتها انها ذهبت مع والدها الي الارض الزراعيه التي يمتلكها ويقوم عم محمود والد محمود بزراعتها وطلبت من والدة ياسمين ان ترسل معها من يدلها علي مكان الارض
ياسمين:ايه ده انتي جيتي هنا ازاي يانور
نور:امكانيات بقي يابنتي فاكراني هتوه يعني
ياسمين:لا بجد مين اللي جابك
نور:لما روحت سألت عليكي مامتك قالتلي انك هنا وبعتت معايا ولد صغير وصلني
ياسمين:نورتينا
نور:انا نفسي اتفرج علي الارض واشوف الزرع من النهارده هشتغل معاكم


اما ادهم فقد ظل يفكر فيما حدث وفي رد نور عليه
فهو كما رآها فتاه بسيطه من ابناء البلده ولكنها كانت تتحدث اليه بمنتهي القوه ولم تلتف الي مظهره ولا سيارته

وذهب ليتجول في البلده كما اعتاد كل يوم واثناء مروره رأي نور وياسمين وهما يعملان في الارض
وفي المساء طلبت نور من ياسمين ان تذهب معها لشراء بعض الملابس كما نصحتها ياسمين
وفي الطريق كان ادهم يسير بسيارته فعندما رأي نور وياسمين اوقف سيارته وذهب للتحدث معها
ادهم:مساء الخير
ياسمين:مساء النور
نور:خير في حاجه ايه زعلان انك مخبطناش بعربيتك النهارده
رد ادهم بغيظ:ليه كده بس ماانا اعتذرتلك امبارح انتي لسه شايله مني ليه
نور:وانا هشيل منك ليه يعني عموما حصل خير بعد اذنك لازم نمشي
ادهم:طب لو تحبوا اوصلكم لاي مكان
نور:لا متشكرين احنا نعرف نروح المكان اللي عايزينه
اغتاظ ادهم من الطريقه العدائيه التي تتعامل بها نور معه
ياسمين:انتي ليه بتتعاملي معاه بالطريقه دي يانور ماهو اعتذر وخلاص
نور:اصل تلاقيه شاب من بتوع اليومين دول المستهترين فرحان بنفسه وبعربيته ومش همه حد

إظهار التوقيع
توقيع : نور سعيد
#7

افتراضي رد: قصة حب

قصه حلوه ي نوور
لكن لو تسمحيلى انقلها
لأقلام عدلات يبقى افضل
رد: قصة حب

#8

افتراضي رد: قصة حب

رد: قصة حب

إظهار التوقيع
توقيع : همس الوجود
#9

افتراضي رد: قصة حب


المشاركة الأصلية كتبت بواسطة *(بسمة أمــل)*
قصه حلوه ي نوور
لكن لو تسمحيلى انقلها
لأقلام عدلات يبقى افضل
رد: قصة حب
اوك حبيبتى لو دة احسن اوك أنقليها اصل لسة معرفش كتير فى نظام عدلات
فا على ماخد باذن الله هحط كل حاجة مكنها
يسلملى متبعتك الجميلة ياااارب

إظهار التوقيع
توقيع : نور سعيد
#10

افتراضي رد: قصة حب


المشاركة الأصلية كتبت بواسطة همس الوجود
يسلملى مرورك الجميل وتقيمك الاجمل حبيبتى
ويسلملى المتابعة الجميلة

إظهار التوقيع
توقيع : نور سعيد
#11

افتراضي رد: قصة حب

الحلقه الثالثه
اصبح روتين يومي ان تذهب نور مع ياسمين الي الارض وكذلك اصبح روتين يومي ان يمر ادهم علي الارض ليري نور
ادهم يتحدث الي نفسه:انا مش عارف ايه اللي شدني للبنت دي اشمعني دي
ماكان قدامي البنات كتير عمر ما لفت انتباهي اي بنت بالشكل ده
يمكن عشان بحس ان معظم البنات اللي حواليا بيهمهم المظهر وبس وكل همه الخروح والفسح مش عارف بجد.
-اثناء عمل نور في الارض لمحت ادهم وهو يمر بجانب الارض وفي اليوم التالي رأته ايضاً وفي نفس الموعد وظل الموقف نفسه يتكرر لعدة ايام فقررت نور الذهاب للتحدث مع ادهم
نور:لو سمحت
ادهم:افندم خير في حاجه(قالها ادهم بنفس الطريقه التي اعتادت نور ان تتحدث بها معه حتي يستفزها)
نور:انا عايزه اعرف دلوقتي هو حضرتك ليه بتعدي كل يوم من هنا في نفس الميعاد
ادهم:محدش قالي قبل كده انه ممنوع حد يمشي من هنا
نور:واشمعني بقي بتعدي من هنا بالذات
ادهم:اظن دي حريه شخصيه ولاايه
ردت نور بغيظ:اكيد طبعا
عادت نور الي عملها وهي في شده الغيظ
اكمل ادهم طريقه وهو في شده السعاده
ادهم:ايوه كده هو ده الكلام يعني واخده بالها مني اهو ومركزه معايا
واحسن حاجه اني رديت عليها بالطريقه دي اشمعني هي يعني

ياسمين:في ايه يانور مالك
نور:ابدا مفيش حاجه بس مش عارفه الاخ ده ماله كل يوم يجي هنا ليه
ياسمين:طب ودي فيها ايه يمكن بيلف في البلد عادي
نور:بس ده بيجي كل يوم في نفس الميعاد
ردت ياسمين بخبث:يمكن معجب بقي
نور:معجب ايه وبتاع ايه ايه الكلام ده
-اراد ادهم ان يستفز نور فلم يذهب الي الارض في ذلك اليوم
وفي نفس الميعاد التي اعتاد ان يمر فيه ادهم اخذت نور تتطلع الي الطريق
منتظره مرور ادهم ولكنه لم يأتي وفي اليوم التالي لم يأتي ايضا ً
وبعد عوده نور من الارض صعدت الي غرفتها وظلت تفكر في سبب عدم مجئ ادهم
نور:الواد ده غريب بجد انا متأكده انه كان متعمد يجي كل يوم ده
زي مايكون قاصد يغيظني انا مش عارفه هو عايز ايه بالظبط وبعدين شايف نفسه كده ليه.
ادهم:انا مش عارف ازاي قدرت مروحش وازاي قدرت مشوفهاش ياتري هي لاحظت اني مروحتش بقالي تلت ايام
ولا مش في بالها خالص انا لازم اروح بكره واشوف رد فعلها ايه
وفي الصباح ذهب ادهم بالفعل ليري نور
ياسمين:الحقي الولد اياه جه
اتلفتت نور بلهفه لتري ادهم
ولكنها لم تحاول بالطبع الذهاب للتحدث معه

نور:ايه اللي حصل ده اول ما ياسمين قالت انه جه بصيت بلهفه كده ليه
ايه الهبل اللي انا فيه ده انا لازم ابطل افكر في الموضوع ده
ادهم:ايه ده دي حتي محاولتش تيجي تكلمني بس انا عايز اتكلم معاها
بس مش عارف اقولها ايه دي بيركبها ميت عفريت لما بكلمها انا حتي معرفش اسمهالحد دلوقتي انا لازم اعرف كل حاجه عنها كل اللي قدرت اعرفه انها بنت جميله وواثقه من نفسها
بس معرفش حاجه عن حياتها الخاصه انا لازم اكلمها بكره بس اقولها ايه بس انا جاتلي فكره
وبكره نشوف ادهم ناوي يعمل ايه

إظهار التوقيع
توقيع : نور سعيد
#12

2131 1168499165 رد: قصة حب


المشاركة الأصلية كتبت بواسطة نور سعيد
اوك حبيبتى لو دة احسن اوك أنقليها اصل لسة معرفش كتير فى نظام عدلات
فا على ماخد باذن الله هحط كل حاجة مكنها
يسلملى متبعتك الجميلة ياااارب

إن شاء الله إحنا معاكى يا قمر
وهوفعلا أقلام عدلات الذهبيه
هو الانسسب
لأن القصه أو المسلسل دا من تأليفك
سلمتى غاليتى وسلم لناقلمك

دمتى بكل حب وإحترام

#13

افتراضي رد: قصة حب

وليكى ولقصتك الجميله
أحلا تقييم

رد: قصة حب

#14

افتراضي رد: قصة حب

الحلقه الرابعه
في الحلقه اللي فاتت ادهم جاتله فكره عشان يعرف يكلم نور

وبالفعل ذهب ادهم الي الارض وذهب مباشره الي نور للتحدث معها
ادهم:صباح الخير
نور:صباح النور
ادهم:اظن انا جاي بدري النهارده عن كل مره
نور:يعني بتعترف اهو انك كنت متعمد تيجي
رد ادهم بإبتسامه خبيثه:انا قولت كده بردو
فإبتسمت نور وصمتت لعده دقائق ثم قطعت صمتها قائله:طب كنت بتيجي ليه بقي
ادهم:بصراحه كنت حاسس انك لسه شايله مني كل مااكلمك تردي عليا بقفش
نور:قفش!!
ادهم:قصدي يعني بتردي بعصبيه
نور:بصراحه اتضايقت منك من ساعه لما كنت هتخبطنا بالعربيه وكأن مش همك حد مش بحب الشباب المتهور
ادهم:متهور!! خلاص بقي دي كانت مره وكنت مستعجل بس ميبقاش قلبك اسود
نظرت اليه نور بإقتضاب
ادهم:مش اسود اوي يعني ده ابيض وزي الفل
نور:خلاص حصل خير
ادهم:نتكلم في الجد بقي
ردت نور بإستغراب:جد ايه
ادهم:نتكلم في الشغل
نور:شغل!! انهو شغل
ادهم: انا بصراحه لاحظت شغلك هنا وواضح انك مهتمه بالارض وبتحبي شغلك فيها لو تقبلي تشتغلي في الارض عندنا

نظرت اليه نور بعصبيه وقالت في بالها:بقي انت فاكرني بشتغل هنا عشان كده كنت بتيجي كل يوم عشان تشوف شغلي يعني ماكنتش بتيجي عشان تشوفني انا
انتظر ادهم رد نور التي طال صمتها
ادهم:ايه انتي نمتي ولاايه
انتبهت نور الي كلام ادهم
ردت نور بحده: بس انا مرتاحه في شغلي هنا ومش عايزه اشتغل في اي مكان تاني
ادهم:بس الشغل التاني هيبقي اريحلك
نور:والله انا ادري باللي يريحني
ادهم:انتي قلبتي فجأه كده ليه هو انا قولت حاجه غلط
نور:لا مفيش انا لازم امشي دلوقتي
ادهم:استني بس رايحه فين خلاص بلاش تردي دلوقتي فكري وهعدي عليكي بكره اخد رأيك
في هذه اللحظه جاءت ياسمين
ياسمين:نور انتي فين انا بدور عليكي
نور:يالا بينا يا ياسمين

ثم تركته نور وانصرفت دون حتي ان تلقي اليه السلام

ادهم:البت دي مجنونه ولا ايه يعني يوم مابنت تلفت نظري تطلع مجنونه بس اسمها حلو اوي وشكلها هتبقي نور حياتي

عادت نور الي منزلها وهي في شده الغضب

نور:هو ازاي يعرض عليا عرض زي ده انا لازم اوقفه عند حده

-في الحقيقه لم تكن نور غاضبه من عرض ادهم بل كان سبب غضبها هو انا هدف ادهم من المرور كل يوم علي الارض لرؤيه عملها فقط

-عاد ادهم الي منزله وقد تعجب من ردة فعل نور

ادهم:انا نفسي اعرف هي زعلت ليه بس انا كان كل هدفي من شغلها عندنا انها تبقي جنبي واقدر اشوفها كل يوم انا لازم اعرف السبب هكلم بكره ياسمين واعرف منها

في الصباح ذهب ادهم الي الارض واخذ يراقب نور وياسمين حتي ابتعدت نور

ادهم:انسه ياسمين

التفتت ياسمين الي ادهم

ادهم:لو سمحتي انا بس عايزك في كلمتين
ياسمين:خير اتفضل
ادهم:امبارح انا عرضت علي نور تشتغل في الارض عندنا بس ردت عليا بعنف هو انا كده قولت حاجه غلط
ياسمين:تشتغل!!تشتغل ايه بس دي بنت صاحب الارض دي يبقي تشتغل عندكم ازاي
امتقع وجه ادهم
ادهم:يانهار ابيض انا شكلي نيلت الدنيا بس والله ماكنت اعرف
ياسمين:مممممم يبقي عشان كده نور كانت متضايقه امبارح
ادهم:انا لازم اصلح الموقف ده

انتظر ادهم حتي جاءت نور وذهب للتحدث معها
ادهم:ياانسه نور
نظرت اليه نور بعصبيه
ادهم:انا عارف انك زعلانه مني بس في سوء تفاهم في الموضوع
انا كنت فاكر انك بتشتغلي هنا فقولت مش هيفرق بالنسبالك الشغل هنا عن هناك انا اسف بجد
نور:خلاص مفيش حاجه
ادهم:يعني انتي بجد مش زعلانه مني
نور:وانا ايه اللي يزعلني انت مقولتش حاجه تزعل يعني
ادهم:كده ريحتيني بجد كنت هبقي متضايق لو لسه زعلانه مني بس قوليلي ايه سر حبك للارض بالشكل ده
نور:عشان انا درست في كليه زراعه وكنت بحب دراستي جدا
ادهم:اكيد الانسان اللي بيحب حاجه بينجح فيها وشكلك كمان بتحبي بلدك اوي
نور:رغم اني لسه جايه هنا من قريب الا اني حبيت المكان هنا اوي
ادهم:قريب!! يعني انتي مش من هنا اصلا
نور:لا انا من القاهره وعيشت طول حياتي فيها بس خلاص هعيش هنا علي طول
ادهم:انا كمان من القاهره يعني نبقي احنا الاتنين عايشين طول حياتنا هناك ومنتقابلش الا هنا
نظر ادهم الي نور نظره طويله فإحمر وجه نورخجلاً
ظل ادهم يفكر في نور طوال الليل
ادهم:انا بجد اول مره اتعلق بحد للدرجه دي انا مبقاش ينفع يعدي يوم من غير مااشوفها
نور:الظاهر اني ظلمته شكله انسان كويس ومكانش يقصد حاجه
بس مش عارفه ليه بتعامل معاه بعصبيه كده انا لازم بعد كده اخد بالي من طريقتي معاه
بعد كده!!ليه هو انا هشوفه تاني انا اخدت عليها ولاايه

ونشوف الحلقه الجايه نور هتشوف ادهم بعد كده ولا لا

إظهار التوقيع
توقيع : نور سعيد
#15

افتراضي رد: قصة حب

في الانتظار...
إظهار التوقيع
توقيع : Belle Rose
#16

افتراضي رد: قصة حب

بانتظارك يا مبدعتنا
إظهار التوقيع
توقيع : الـمـتـألـقـة
#17

افتراضي رد: قصة حب

أشكركم من كل قلبى لمتبعتكم الجميلة ولوجودكم الاجمل
إظهار التوقيع
توقيع : نور سعيد
#18

افتراضي رد: قصة حب

وقفنا الحلقه اللي فاتت عند نور لما كانت بتفكر هتشوف ادهم تاني ولا لا

الحلقه الخامسه

من كثرة التفكير لم تستطعنور النوم طوال الليل وفي الصباح لم تستطع مقاومة النوم وبالتالي لم تذهب إلي الأرض

اما ادهم فالبطبع قد ذهب ولكنه لم يجد نور وشعر بقلق شديد عليها

ادهم:معقوله نور مش موجوده خير يارب ان شاء الله ميكونش في حاجه وحشه
ادهم:انسه ياسمين
التفتت ياسمين إلي ادهم
ادهم:هي فين نور مجاتش ليه النهارده
ياسمين:مش عارفه انا لما لاقيتها اتأخرت روحتلها باباها قالي انها نايمه
ادهم:نايمه ليه خير هي تعبانه ولا حاجه بعد الشر
ياسمين:مش عارفه والله انا جيت علي هنا علي طول اول مااروح هشوفها
ادهم:طب ممكن بعد اذنك تديني رقمها عشان اطمن عليها
ردت ياسمين في تردد:انا اسفه بس مينفعش اديهولك قبل ما اسألها
ادهم:خلاص مفيش مشكله انا كنت عايز اطمن عليها بس

وعندما عادت ياسمين ذهبت الي نور لتطمأن عليها واخبرتها بسؤال ادهم وانه اراد رقمها
وبالطبع شعرت نور بسعاده كبيره

وفي اليوم التالي وفي طريقها الي الارض وجدت ادهم ينتظر فإقتربت منه
نور:صباح الخير
ادهم:صباح النور ازيك يانور
نور:انا الحمد لله ازيك يا....
ادهم:اهو لحد دلوقتي متعرفيش اسمي انا ادهم
نور:جاي بدري يعني النهارده ياادهم
ادهم:انا قلقان عليكي من امبارح وكان لازم استناكي من بدري عشان اطمن عليكي
شعرت نور بمزيج من السعاده والخجل
نور:ياسمين قالتلي انك سألت عليا امبارح شكرا علي سؤالك
ادهم:ومقالتلكيش اني طلبت رقمك
نور:وانت عايز رقمي ليه بقي
ادهم:عشان اقدر اطمن عليكي دايما
نور: ماانت بتطمن عليا اهو
ادهم:خلاص مش هضغط عليكي في الموضوع ده بس انا تقريبا معرفش حاجه عنك
نور:وايه اللي عايز تعرفه عنك
ادهم:نفسي اعرف كل حاجه انتي ليه هتعيشي هنا معقول مش هترجعي القاهره تاني
نور: انا وبابا هنستقر هنا خلاص
ادهم:هو المكان هنا جميل فعلا وعندك اخوات قد ايه
نور:انا وحيده
ادهم:انا عندي بس اخت اصغر مني باربع سنين
نور:ربنا يخليكوا لبعض
ادهم:اعتبري ان بقي عندك اخت خلاص
نور:اخت بس ده بقي عندي كمان اخ
رد ادهم بغيظ:اخ اه طبعا

في منزل نور
نور:ايه يا بابا مالك شكلك متغير كده ليه
حسن:زعلان علي عمك ابراهيم تعبان اوي يانور ده صديق عمري الوحيد
نور:ليه بس ماله الف سلامه عليه
حسن:حالته صعبه والله يانور ونفسي اشوفه
نور:خلاص يابابا روح زوره واطمن عليه
حسن:واسيبك هنا لوحدك يابنتي
نور:وفيها ايه يا بابا متخافش عليا هنا عم محمود وياسمين يعني مفيش قلق
حسن:خلاص بكره اروحله ان شاء الله اقعد معاه يومين لحد مايتحسن
نور:ان شاء الله صحته تتحسن يا بابا


-ظل ادهم يذهب الي نور يومياً ويقضي معها ساعات طويله في الحديث
حتي اصبح قريباً جداً منها فقد اصبحت نور حياته وقرر ان يتحدث مع والده عنها
وبالفعل تحدث ادهم الي والده وانه يأخذ الموضوع بطريقه جديه فطلب منه والده ان يعرفه علي نور
فذهب ادهم الي نور علي الفور


نور:انت ايه اللي جابك تاني يابني انت مش لسه ماشي من ساعه
ادهم:زهقتي مني ولاايه مش عايزه تشوفيني
ردت نور في عناد:بصراحه اه كل يوم في وشي كده
ادهم:طب بطلي لماضه بقي وتعالي معايا
نور:اجي معاك فين؟!
ادهم:تعالي بس هو مفيش مره اقولك حاجه وتسمعي الكلام علي طول
نور:طيب اما نشوف اخرتها ايه

وبالفعل ذهبت نور مع ادهم فقد اخذها الي الفيلا لكي يعرفها علي والده
وعندما دخل ادهم الي الفيلا وجد ما لم يكن يتوقعه ولا يريده علي الإطلاق


إظهار التوقيع
توقيع : نور سعيد
#19

افتراضي رد: قصة حب

رااااااائعه غاليتى

بجد قصه جميله

وانا حتابعها معاكم

واحلى تقييم لكاتبتنا الجديدة نور

إظهار التوقيع
توقيع : ريموووو
#20

افتراضي رد: قصة حب

في الانتظااااار..........
إظهار التوقيع
توقيع : Belle Rose
#21

افتراضي رد: قصة حب

يسلملى متبعتكم الجميلة وتقيمكم الاجمل
الذى يسعدنى ويعطى لى أمل لكم كل الحب والانحناء
لكم بكل الحب لاقلامكم الجميلة التى دائما تبهرنى
ولازلت لا أنطق بغير أنى مهما كتبت فانى أتعلم منكم
أحبتى الكرام لكم كل الحب لمتبعتكم الجميلة ونبدا مع بعض النهاردة
مع نور وأدهم وأسبكم مع القصة لكم كل الحب

إظهار التوقيع
توقيع : نور سعيد
#22

افتراضي رد: قصة حب

الحلقه السادسه
عندما دخل ادهم الي الفيلا وجد والدته ومعها خالته وابنتها يجلسان في الحديقه وهذا ما لم يكن يتوقعه ولا يريده علي الاطلاق

هدي(والده ادهم):ادهم حبيبي ايه رأيك في المفاجأه دي بقي
ادهم:طبعا ياماما مفاجأه حلوه حمد الله علي السلامه
هدي:تعالي سلمي علي طنط مني ونانسي دي نانسي صممت تيجي مخصوص علشان تشوفك
شعرت نور بغيره شديده

ادهم:ازيك ياخالتو ازيك يانانسي حمد الله علي السلامه

نظرت هدي الي نور نظره متفحصه ثم اشارت اليها
هدي:مين دي ياادهم
ادهم:دي نور
هدي:نور مين يعني
ادهم:بعدين ياماما مش وقته دلوقتي هو فين بابا
هدي:جاله ضيوف اخدهم ودخل المكتب
ادهم:هستأذنكم انا هدخل لبابا عايزه ضروري في حاجه يالا يانور
نانسي:ايه ده علي طول كده ياادهومه مش تقعد معايا شويه
ادهم:معلش وقت تاني

ودخل ادهم هو ونور الي الفيلا
ادهم:انا اسف بجد يانور اني حطيتك في الموقف ده بس والله ماكنتش اعرف انهم جايين انا اتفاجئت بوجودهم مش عارف ايه اللي جابهم دلوقتي بس

ردت نور بغيظ وغيره:ما مامتك قالتلك جايين ليه عشان نانسي تشوفك واقدر افهم انت كنت جايبني هنا ليه بقي

ادهم:انا كلمت بابا عنك كتير وكان حابب يتعرف عليكي وعشان خاطري يانور عدي اللي حصل ده علي الاقل دلوقتي
نور:حاضر ياادهم بس انا لازم امشي
ادهم:تمشي تروحي فين مش لما تشوفي بابا الاول
نور:لا معلش خليها مره تانيه

في هذه اللحظه تظهر فتاه تصغر نور بحوالي عام وقامت بإحتضان ادهم
ادهم:سوسو انتي جيتي معاهم وحشاني جدا
ساره:انت كمان وحشتني موت
شعرت نور بغيره شديده ولكن هذه المره بدرجه اكبر بكثير
ودي تطلع مين هي كمان ان شاء الله كل دول ياسي ادهم اما نشوف اخرتها ايه
نظرت ساره الي نور:مش هتعرفني ياادهم
ادهم:دي بقي نور اللي حكيتلك عنها
ساره:اااه قول كده بقي اهلا بيكي يانور انا ساره
نور:اهلا بيكي ياساره انتي تبقي بنت خالت ادهم بردو
ردت ساره ضاحكه:مممممممم لا اكتر شويه تقدري تقولي كده اكتر من اخته
ادهم:بطلي يابت شويه هتخليها تفهم غلط كده دي بقي ياستي اختي الوحيده قدري بقي هعمل ايه
ساره:بقي كده وماله قدرك بقي ياخويا
ادهم:مالوش ياختي محدش بياخد اكتر من نصيبه الظاهر عليا ذنب وربنا بيخلصه مني
ساره:عاجبك كده يانور هو هيلاقي اخت زيي فين

ارتاحت نور لمعرفتها ان ساره هي اخت ادهم
نور:حرام عليك دي ساره باين عليها عسوله ودمها زي السكر
اخرجت ساره لسانها لادهم:انا لو منك اسكت خالص
نور:هههههههههه بصراحه عندها حق
ادهم:بقي كده انتوا هتتفقوا عليا من دلوقتي
نور:طب انا لازم امشي دلوقتي
ساره:ماتخليكي شويه لو مشيتي هتدبس في الخنقه اللي اسمها نانسي
نور:معلش مره تانيه ان شاء الله اكيد هنتقابل تاني
ساره:طبعا خلاص احنا بقينا صحاب
نور:اكيد طبعا
اثناء خروج ادهم ونور قامت والدته بالنداء عليه
هدي:ادهم
ادهم:ايوه ياماما
هدي:انت رايح فين
ادهم:هوصل نور
هدي:ياسلام ماتخلي اي حد يوصلها
ادهم:مينفعش ياماما لازم اوصلها بنفسي
نانسي:ليه يعني تطلع مين نور دي عشان توصلها بنفسك مش بتشتغل عندكوا بردو
نور:انا مش بشتغل عند حد
نانسي:انا مش بكلمك انتي انا بكلم ادهم
رد ادهم بنفاذ صبر:نور مش بتشتغل عند حد يالا بينا يانور من هنا انا جبت اخري خلاص
في الطريق
ادهم بعصبيه:انا مش عارف ايه اللي جابهم دلوقتي ما كنت قاعد مرتاح
استغفر الله العظيم
نور:هدي نفسك شويه ياادهم
ادهم:اهدي نفسي ازاي بس كده كل حاجه هتبوظ وكفايه طريقتهم معاكي
نور انا مش عايزك تضايقي مني مهما حصل نور انتي مش عارفه انتي ايه بالنسبالي
شعرت نور بخجل من كلام ادهم فصممت حتي اقتربت من منزلها
ادهم:نور انا عايز اقولك حاجه مهمه.......
ونشوف الحلقه الجايه ادهم هيقول ايه لنور

إظهار التوقيع
توقيع : نور سعيد
#23

افتراضي رد: قصة حب

الحلقه السابعه

كنا وقفنا الحلقه اللي فاتت وادهم بيقول لنور حاجه

ادهم:نور تتجوزيني
ظلت نور صامته فقد تفاجئت بكلام ادهم ولم تستطع ان تنطق بكلمه
عندما طال صمت نور قطع ادهم الصمت قائلاً:مش هاخد منك رد دلوقتي يانور هسيبك تفكري علي مهلك واشوفك بكره الصبح
ظلت نور تفكر طوال الليل
نور:انا حاسه اني تايهه مش عارفه افكر ولااخد قرار ومينفعش في الامور دي
احكم قلبي بس ده جواز يعني ارتباط طول العمر صحيح انا مبقاش ينفع استغني عن ادهم
حاسه انه بقي كل حياتي بس بردو انا معرفوش الا من فتره قريبه بس عمري ماشوفت منه حاجه وحشه
وبعدين لو هو انسان مش كويس هيطلب مني الطلب ده ازاي بس انا خايفه بردو
وبعدين حاسه ان مامته مش قابلاني خالص يمكن عشان زي ادهم ماقال لسه متعرفنيش كويس
وظلت نور تفكر كثيراً حتي جاء الصباح وذهبت الي الارض فوجدت ادهم بإنتظارها
ادهم:صباح الخير يانور
نور:صباح النور ياادهم انت هنا من امتي
ادهم:انا هنا من ساعه
نور:ياااااه من ساعه بدري كده ليه انت جاي تبيع لبن يابني
رد ادهم بإبتسامه خافته:انا مستعد ابيع اي حاجه بس اعرف ردك
نور:للدرجه دي
ادهم:وفوق ماتتخيلي
ابتسمت نور في خجل:وانا مينفعش اخليك مستني اكتر من كده
الجواز مش هيبقي ارتباط بيني وبينك بس هيبقي ارتباط بين عيلتين يعني لازم مامتك تقبل
اني اكون جزء من عيلتكوا ولو مقبلتش يبقي مش هينفع اكيد هيحصل مشاكل كتير بعد كده
وانا بتمني اعيش حياه هاديه وسعيده عشان اقدر اسعدك لان سعادتك اهم حاجه بالنسبالي
ادهم:افهم من كده ان لو ماما موافقتش انتي مش هتوافقي
نور:حاول معاها الاول ياادهم وحاول تقنعها ودي ام يعني اكيد هيهمها في الاخر سعادتك
ادهم:ده حسب مفهوم السعاده بالنسبالها بس انا يانور ماليش ذنب في ده كله انا بحبك وعايز اعيش معاكي عمري كله
نور:ومامتك عارفه كل ده
ادهم:اكيد لا انا متكلمتش معاها في الموضوع ده بس بابا عارف وقالي اللي تشوفه صح اعمله
نور:مينفعش مامتك تتفاجئ بقرارك ده هتعاند اكتر روح اتكلم معاها الاول ياادهم

انصرف ادهم وهو يشعر بإحباط شديد وذهب ليتحدث مع والدته
ساره:ايه ياادهم مالك شكلك متوتر كده ليه
ادهم:مستني ماما لما تصحي
ساره:لا يبقي هتستني كتير انت عارف ان ماما مش بتصحي الا متأخر
ادهم:وبعدين بقي هفضل علي اعصابي كده
ساره:ليه بس حصل ايه لده كله فهمني
ادهم:دلوقتي لما ماما تصحي هتفهمي كل حاجه
وبعد فتره طويله استيقظت والده ادهم
هدي:صباح الخير
ادهم:ماما انا عايزك في موضوع مهم
هدي:مفيش حتي صباح النور موضوع ايه اللي علي الصبح كده
ادهم:انا قررت اتجوز
ابتسمت هدي ابتسامه كبيره:بجد اخيرا ياحبيبي هتسمع كلامي وتتجوز نانسي
ادهم:لا ياماما انا قررت اتجوز نور
عقدت هدي حاجبيها:نور مين دي اللي عايز تتجوزها
ادهم:نور اللي شوفتيها معايا امبارح
هدي:انت اتجننت ولا ايه بقي تسيب نانسي وتبص لدي
ادهم:دي الانسانه اللي حبتها واخترتها تكمل معايا حياتي
هدي:يبقي انت مش عارف مصلحتك كويس وانا وامك وادري بمصلحتك
ادهم:لو نانسي دي اخر بنت في الدنيا مش هتجوزها بردو ومش هتجوز غير نور
وانصرف ادهم غاضباً
صاحتهدي:ابقي شوف مين اللي هيجوزهالك
ساره:ليه بس ياماما دي نور بنت كويسه
هدي:اسكتي انتي كمان مش عايزه حد يتكلم في الموضوع ده تاني

انتظرت نور اتصال ادهم ليخبرها ماحدث مع والدته
نور:هو ادهم متصلش لحد دلوقتي اكيد حصل حاجه انا مش عايزاه يتخانق مع مامته بسببي ربنا يستر وطبعا مينفعش اكلمه انا في الظروف دي يارب طمني عليه

وفي اليوم التالي انتظرت نور حتي جاء ادهم ولكنه تأخر عن موعده
ادهم ويبدو علي ملامحه وصوته الحزن:ازيك يانور
نور:ازيك انت ياادهم قلقتني عليك
ادهم:اطمني انا بخير
نور:مش باين عليك خالص حصل ايه
ادهم:اسمعيني كويس يانور انا هتجوزك حتي لو الدنيا كلها وقفت ضدي
نور:يبقي زي ماتوقعت مامتك اكيد موافقتش
ادهم بعصبيه:انا مش هستني موافقه من حد دي حياتي وانا اللي اختار اعيشها ازاي ومع مين
نور:اهدي بس ياادهم الامور متتاخدش كده
ادهم:انا عملت اللي عليا وقولتلها وخلاص
وفجأه..........

إظهار التوقيع
توقيع : نور سعيد
#24

افتراضي رد: قصة حب

ههه

دلوقتى حسيت بقيمه كلمه وفجأه دى

لما كنت بصبر البنات بكلمه فجأه

فى الانتظار يا بطه

إظهار التوقيع
توقيع : ريموووو
#25

افتراضي رد: قصة حب

هههههه
و فجــــــــــــــــأة

إظهار التوقيع
توقيع : الـمـتـألـقـة
#26

افتراضي رد: قصة حب

يسلملى مروركم الجميل وتقيمكم الاجمل
وردودكم الرائعة
لكم خالص التحيات والامانى القلبية
مع باقى الفصل من القصة

إظهار التوقيع
توقيع : نور سعيد
#27

افتراضي رد: قصة حب

الحلقه الثامنه
اخر حاجه انتهينا ان فجأه ظهر....

وفجأه ظهر حسن والد نور
حسن:نور
ردت نور بإرتباك:بابا انت جيت امتي من السفر حمد الله علي سلامتك
-حسن كان قد سافر لزياره صديقه ولكن حالته الصحيه كانت غير مستقره فإضطر للبقاء معه عده ايام
حسن:الله يسلمك يانور
ونظر الي ادهم
حسن:مش هتعرفيني
نور:ده الاستاذ ادهم كان جاي يسأل علي حاجه بخصوص ارضه
ادهم:اهلا وسهلا بحضرتك
حسن:اهلا بيك احسن اكون عطلتكوا
نور:ابدا يابابا الاستاذ ادهم كان لسه هيمشي دلوقتي
حسن:طب يالا بينا علي البيت
نور:بس انا لسه وريا شغل اتفضل انت يابابا هخلص اللي وريا واجي علي طول
حسن:لا انا عايزك دلوقتي في موضوع مهم


عاد حسن ونور الي البيت
قالت نور بتردد:خير يا بابا في ايه واخبار عمو ابراهيم ايه
حسن:الحمد لله بدأ يتحسن
صمتت نور عده دقائق ووالدها ينظر اليها نظرات تشعرها بالقلق
وفي هذه الاثناء كان ادهم قلقاً علي نور فقد كان يشعر بان هناك شئ ما من نظرات حسن اليهما
ساره:ايه ياادهم مالك
ادهم:قلقان اوي علي نور
ساره:ليه بس مالها نور
ادهم:مش عارف بس فجأه وانا معاها والدها جه ونظراته مريحتنيش
ساره:طب ماتكلمها تطمن عليها
ادهم:خايف اكلمها يكون والدها موجود واعملها مشكله
ساره:هات رقمها وانا هكلمها

ودق هاتف نور فوجدت رقم غريب
نظر حسن الي نور بتشكك: ماتردي علي موبايلك
نور:ده رقم غريب معرفوش
حسن:هاتي وانا ارد عليه
نور في بالها:ربنا يستر خايفه يكون ادهم وبيتصل من رقم تاني عشان بابا
حسن:الو
ساره:الو
حسن:مين معايا
ساره:مش ده رقم نور
حسن:ايوه يابنتي نور معاكي
نور:الو
ساره:ايوه يانور انا ساره اخت ادهم اوعي تكوني نسيتيني
نور:لا طبعا ازاي بس ازيك ياساره عامله ايه
ساره:انا الحمد لله بس ادهم كان عايز يطمن عليكي
نور:انا الحمد لله كويسه طب ياساره خلاص انا هسيف
رقمك هكلمك بليل ان شاء الله
ادهم في لهفه:قالتلك ايه
ساره:واضح انها مش عارفه تتكلم قالتلي هتكلمني بليل
ادهم:وبعدين في القلق ده بس

بعد انتهاء نور من المكالمه نظر اليها حسن
حسن:بس مقولتليش يانور مين اللي كان معاكي
نور:ما انا قولتلك يابابا وعرفتك عليه
حسن:وكان بيعمل ايه معاكي
نور:كان بيسأل علي حاجات خاصه بالزراعه ماهو عارف اني مهندسه زراعيه
حسن:وبس
نور:وبس ايه
حسن:ده كل الموضوع اللي بينكم
نور
:موضوع ايه بس مفيش مواضيع ولاحاجه
حسن:ولما مفيش مواضيع ولا حاجه روحتي معاه بيته ليه

شعرت نور بصدمه وبدأت دموعها تتساقط
حسن:دي تربيتي ليكي يانور انتي خنتي ثقتي فيكي يرضيكي ان الناس يتكلموا عليكي انا عمر ماحد اتكلم في حقي نص كلمه
ردت نور وهي في شده البكاء:انت فاهم غلط ادهم عايز يرتبط بيا وكنت معاه بيعرفني علي باباه
حسن:واللي عايز يرتبط بيكي يجي بيتنا مش ياخدك بيتهم
نور:اكيد التصرف كان غلط بس مش مقصود ومكانش في سوء نيه والله
حسن:الولد ده من النهارده مش هتشوفيه تاني ولا تكلميه والارض دي مش هتروحيها بعد كده

نور:بس يا بابا
حسن:مفيش بس الموضوع ده انتهي خلاص ومش عايز اتكلم فيه تاني

صعدت نور الي غرفتها وهي في حاله يصعب وصفها
نور:اعمل ايه ياربي الامور كلها اتلخبطت انا اول مره بابا يزعل مني بالشكل ده اعمل ايه بس ولا اقول ايه لادهم بابا خلاص بقي واخد موقف من ادهم وصعب موقفه ده يتغير غير مامت ادهم اللي رافضه الموضوع من البدايه
كده كل حاجه بايظه من كل ناحيه خلاص مفيش اي امل انا لازم اكلم ادهم

نور:........
ادهم:الو ايوه يانور في ايه طمنيني
نور وصوتها يكاد لا يخرج من حلقها:ايوه ياادهم
ادهم:ايه ده نور انتي بتعيطي في ايه ابوس ايدك طمنيني
نور:بابا عرف كل حاجه
ادهم: مفيش مشكله كده كده كان هيعرف لما اتقدملك
نور:بابا عرف اني روحت معاك بيتكم وكل الناس بدأت تتكلم انت مش متخيل بابا قالي ايه ياادهم عارف يعني ايه لما الناس تتكلم عن بنته
ادهم:انا مش عارف اقولك ايه انا والله بحبك وعمري مااقصد اعرضك لاي موقف وحش ولا ان حد يتكلم عليكي انا لازم اقابل باباكي وافهمه كل حاجه
نور:لالا اوعي تعمل كده ياادهم بابا واخد موقف صعب استحاله يتراجع عنه
ادهم:طب والحل ايه يانور
نور:الحل.........

ونكمل الحلقه الجايه ان شاء الله

إظهار التوقيع
توقيع : نور سعيد
#28

افتراضي رد: قصة حب

هههههههههه شوقتينى

فى انتظارك يا عسل

إظهار التوقيع
توقيع : ريموووو
#29

افتراضي رد: قصة حب

عيونى ليكى ياروح قلبى
وأنشاء الله هنعرف أية جرا
ليهم نورتينى وسعدت كتير بمتبعتك
يانوارة المنتدى

إظهار التوقيع
توقيع : نور سعيد
#30

افتراضي رد: قصة حب

الحلقه التاسعه
وقفنا الحلقه اللي فاتت عند نور وادهم لما كانوا بيتكلموا عن حل مشكلتهم

نور:انا مش ممكن ازعل بابا مني ياادهم انا مش لاقيه اي حل خلاص كل حاجه ضاعت
ادهم بعدم تصديق:ايه اللي بتقوليه ده يانور
نور:انت عارف كويس ياادهم ان مفيش في ايدي حاجه اعملها
ادهم:لا في ايدك يانور في ايدك تبقي معايا
نور وهي لا تقوي علي الكلام:الدنيا كلها ضدنا ياادهم
ادهم:انا بجد مش قادر اصدق اللي بتقوليه ده يانور انتي كده بتبيعيني
نور:متقولش حاجه مش حقيقيه ياادهم
ادهم:خلاص يانور مالوش لازمه الكلام انا لازم اقفل سلام

وترك ادهم نور وهي في حاله انهيار تام وقرر ادهم العوده الي القاهره لمتابعه عمله
وقبل سفره مر علي الارض رغم علمه بانه لن يجد نور
ياسمين:استاذ ادهم
ادهم:ازيك ياانسه ياسمين
ياسمين:الحمد لله انت جاي عشان نور
ادهم:نور هي فين نور انا عارف انها مش هتيجي
ياسمين:هو ايه اللي حصل بس
ادهم:مالوش لازمه الكلام اللي حصل حصل خلاص انا هرجع القاهره وارجوكي خدي بالك من نور وخليكي معاها دايما

وعلمت نور بسفر ادهم وزاد حزنها بعد رحيله

نور:بالسرعه دي ياادهم قدرت تبعد وتسيبني ماكنت عايشه في حالي
من غير حب وكنت مرتاحه ليه بعد مادخلت حياتي تخرج منها ليه ليه محاولتش تقاوم ليه لما انت بتحبني وحتي مهما اقولك كنت استنيت بردو آآآه يارب ارحمني


مرت ايام ونور علي نفس حالتها ولم يكن ادهم احسن حالاً منها
نور:ايوه مين
حسن:افتحي يانور
نور:اتفضل يابابا
حسن:ايه يانور هتفضلي حابسه نفسك كده كتير
نور:ابدا يابابا مش حابسه نفسي ولا حاجه هنزل بس اعمل ايه
حسن:تقعدي معايا طب اقولك فكره حلوه ايه رأيك نسافر اي مكان نغير جو
نور:لا بلاش يابابا عشان خاطري
حسن:مش عاجبني حالتك دي يابنتي لازم تخرجي من الحاله دي
نور:ان شاء الله يا بابا

وبعد عده ايام
نور:مالك يا بابا شكلك تعبان كده ليه
حسن:عمك ابراهيم الله يرحمه
نور: لا حول ولا قوه الا بالله ربنا يرحمه
حسن:ربنا رحمه كانت حالته صعبه

ولم يستطع حسن النهوض من مكانه
نور:بابا في ايه مالك
حسن:حاسس اني مش قادر اتحرك
نور: انا لازم اشوف دكتور

وخرجت نور مسرعه
نور:ياسمين ياسمين
ياسمين:ايوه يانور مالك في ايه؟
نور:بابا تعبان عايزه دكتور حالا
ياسمين:الف سلامه عليك حاضر هجيب دكتور
نور:خير يادكتور بابا ماله
عمر:متقلقيش عليه يا انسه ضغطه مرتفع شويه واضح ان في حاجه زعلته
نور:هو سمع خبر زعله
عمر:لازم يرتاح واعصابه تهدي وخليه ياخد الدوا ده وان شاء الله يتحسن
نور:شكرا يادكتور تعبناك معانا
عمر:بالشفا ان شاء الله بعد اذنكم

وبدأت حاله حسن تتحسن تدريجياً

نور:اخبارك ايه يا بابا النهارده
حسن:الحمد لله يابنتي احسن كتير بس زهقت من القعده
نور:بس انت لسه محتاج راحه يا بابا
حسن:ما انا اتحسنت يابنتي خلاص ايه رأيك نخرج نتمشي شويه اهو نغير جو
نور في تردد:خلاص يا بابا زي ماتحب
وفي الطريق وجدت نور...

إظهار التوقيع
توقيع : نور سعيد
#31

افتراضي رد: قصة حب

في الانتظار
إظهار التوقيع
توقيع : Belle Rose
#32

افتراضي رد: قصة حب

اكيد وجدت ادهم

مستنييين يا قمممر

إظهار التوقيع
توقيع : ريموووو
#33

افتراضي رد: قصة حب

الحلقه العاشره
اثناء خروج نور مع والدها وجدت عمر
عمر:مساء الخير حضرتك عامل ايه دلوقتي
حسن بإستغراب:الحمد لله انا بخير بس حضرتك تبقي مين
نور:ده الدكتور اللي كشف عليك يا بابا
حسن:معلش يابني يومها ماكنتش مركز في حاجه
عمر:لالا ابدا حضرتك بقيت احسن الحمد لله
حسن:الحمد لله يابني كتر خيرك

وبعد اسبوع من لقاء نور وحسن بعمر
في واحد عايز يقابل حضرتك
حسن:خليه يتفضل
عمر:مساء الخير
حسن:مساء النور اهلا دكتور عمر اتفضل
عمر:حضرتك عامل ايه
حسن:انا بخير يابني الحمد لله
عمربإرتباك:واخبار الانسه نور ايه
حسن:الحمد لله خير يابني مالك متوتر كده ليه
عمر:لا ابدا مفيش
حسن:تحب تشرب ايه
عمر:لا مالوش لزوم
حسن:لا طبعا مينفعش ياام مصطفي هاتيلنا اتنين قهوه
وبعد فتره من الصمت قال عمر:انا كنت عايز اطلب من حضرتك طلب
حسن:اتفضل يابني خير
عمر وبدأ ارتباكه يزيد:ان شاء الله خير
حسن:خير يابني قلقتني
عمر:كنت عايز اطلب ايد الانسه نور
ابتسم حسن :ده انت خضتني يابني
عمر:انا كنت بس مرتبك شويه
عمر:ولا يهمك يابني طلبك ده يسعدني بس طبعا القرار مش ليا انا
عمر:اكيد طبعا وانا هقول لحضرتك علي ظروفي كلها انا عندي 30سنه ودلوقتي عندي
عياده والحمد لله وعندي شقه وكام حته ارض ورثتهم عن والدي الله يرحمه
حسن:يابني انا ميهمنيش المستوي المادي في الاساس اهم حاجه التربيه والاخلاق
عمر:حضرتك تقدر تسأل عني وطبعا خد وقتك ومنتظر رد حضرتك
واكيد يسعدني لو كان بالقبول بصراحه مش هلاقي زي حضرتك ولا الانسه نور
حسن:ربنا يقدم اللي فيه الخير يابني

وفي اليوم التالي بدأ حسن في تجميع المعلومات عن عمر
حسن:ها يانور بتعملي ايه ياحبيبتي
نور:ابدا يا بابا قاعده شويه علي النت
حسن:كنت عايزك في موضوع مهم
نور:خير يا بابا
حسن:فاكره الدكتور عمر
نور:ماله
حسن:اتقدملك عشان يخطبك
ردت نور بإنزعاج:ايـــــــــه
حسن:ايه يابنتي اتخضيتي ليه كده ده عايز يخطبك
صمتت نور
حسن:هو شاب كويس ومحترم ومستواه كويس
نور:بس انا مش بفكر في الموضوع ده دلوقتي
حسن:امال كان الولد ده هيتقدملك ازاي مش بتقولي كان عايز يخطبك
نور:الموضوع ده انتهي خلاص يا بابا ومش مستعده لموضوع غيره دلوقتي
حسن:انا عايز اطمن عليكي يابنتي انا مش هعيشلك العمر كله
نور:متقولش كده يا بابا ربنا يخليك ليا
حسن:نفسي افرح بيكي يانور عشان خاطري خدي وقتك وفكري واتمني بجد انك توافقي
وتركها حسن وانصرف
نور:اعمل ايه دلوقتي دي حاجه ماكنتش اتوقعها ولا عامله حسابها
طب وادهم..ادهم هو فين ادهم ماخلاص سابني وبعد وزمانه ارتبط بنانسي ولا غيرها
ويمكن اكون مجرد ايام حلوه في حياته وانتهت وانا نفسي افرح بابا حتي لو ده مش هيفرحني واهو عمر ده هيبقي زيه زي اي واحد مش فارقه
وفي صباح اليوم التالي
نور:صباح الخير يا بابا
حسن:صباح الخير ياحبيبتي
نور:بابا انا موافقه علي دكتور عمر خليه يتفضل يجي
حسن:عين العقل يا بنتي واهو قدامكو فرصه تتعرفوا علي بعض
نور:ان شاء الله يا بابا
وفي المساء
هدي:بعد بكره عيد ميلاد نانسي
ادهم:وايه المشكله
هدي:لازم تحضر العيد ميلاد وتجبلها هديه
ادهم:واجيب ولااروح ليه كفايه ساره
هدي بعصبيه:هو ايه اللي كفايه ساره انت لازم تروح
كامل:ايه الدوشه والصوت العالي ده في ايه
هدي:اتفضل شوف ابنك مش عايز يروح عيد ميلاد نانسي
كامل:خلاص سبيه علي راحته وبعدين احنا ورانا شغل مش فاضيين لاعياد الميلاد
صاحت هدي:ده بدل ما تقوله لازم تروح بتقويه عليا
ادهم:ماما شيلي موضوع نانسي ده من دماغك مش هتجوزها لا هي ولا غيرها
هدي:خلاص بلاش نانسي هتلاقي في عيد الميلاد بنات كتير اختار اللي تعجبك
ادهم:اللي تعجبني اختارتها خلاص وعشان ترتاحي كل حاجه خلاص
هدي:انت لسه بتفكر في البنت دي مش هتعقل بقي
ادهم:انا ماشي
وخرج ادهم وتركهم
ساره:مينفعش اللي بيحصل ده لازم الاقي حل ادهم بيحب نور وهي كمان حرام يبعدوا عن بعض

وقررت ساره ان تحدث نور
نور:ايه ده ده رقم ساره خير يارب يارب ادهم يكون بخير
نور:الو
ساره:الو ازيك يانور عامله ايه
نور:الحمد لله ازيك ياساره اخبارك ايه
ساره:الحمد لله وحشاني خالص بقي كده متسأليش حتي ولا مره
نور:معلش ياساره كان عندي شويه ظروف كده
ساره:خير في ايه
نور:بابا كان تعبان شويه
ساره:لا الف سلامه عليه واخباره ايه دلوقتي
نور:الحمد لله احسن كتير
ساره:انا مش عارفه اقولك ايه بس انتي صعبانه عليا انتي وادهم ومينفعش الموضوع ينتهي كده لازم الموضوع ده يتحل
نور:خلاص ياساره مالوش لازمه الكلام انا خلاص هتخطب
ساره:ايــــــــــه تتخطبي بالسرعه دي
نور:هتفرق ايه ياساره ماكل حاجه ضاعت خلاص
ساره:وانتي موافقه علي الخطوبه دي
نور:صدقيني مش هتفرق
ساره:مش عارفه اقولك ايه غير ان ربنا يسعدك في حياتك
نور:وادهم عامل ايه
ساره:ادهم ربنا يكون في عونه بقي
بدأت دموع نور تتساقط
نور:معلش ياساره انا مضطره اقفل دلوقتي
وانهت نور المكاله واكملت بكاءها
اما ساره ف.........

إظهار التوقيع
توقيع : نور سعيد
#34

افتراضي رد: قصة حب

ف.......ماذا؟؟؟؟؟؟











اكمليييييي

إظهار التوقيع
توقيع : الـمـتـألـقـة
#35

افتراضي رد: قصة حب

الحلقه الحاديه عشر
التفت ساره لتجد ادهم
ساره بإرتباك:ادهم انت هنا من امتي
ادهم:انا سمعت كل حاجه
ساره:ايـــــه سمعت ايه بالظبط
ادهم بعصبيه شديده:انتي ماكنتيش ناويه تقوليلي بقي نور هتتخطب ومش عايزاني اعرف
ساره:خلاص ياادهم انسي الموضوع ده مفيش في ايدك حاجه تعملها
ادهم:الخطوبه دي امتي
ساره:ليه
ادهم:مش وقت ليه ومش ليه ياساره
ساره:النهارده
ادهم:ايـــــــــــه
وانطلق ادهم مسرعاً
ساره:استني بس ياادهم
هدي:كنتي بتنادي علي ادهم ليه هو راح فين
ساره:معرفش
ساره في بالها:ربنا يستر اكيد هيروح لنور اعمل ايه اتصل بيها اقولها بس حتي لو قولتلها ايه اللي في ايديها تعمله وخايفه يحصل مشكله بين ادهم وباباها يارب عديها علي خير
-في منزل ساره
جاء عمر ومعه بعض الحلوي
عمر:مساء الخير
حسن:مساء النور اتفضل يابني تاعب نفسك ليه بس
عمر:دي حاجه بسيطه
حسن:منورنا يابني
عمر:ده نور حضرتك
حسن:ندخل في الجد بقي دلوقتي في موافقه مبدئيه وطبعا في فرصه تتعرفوا علي بعض اكتر
عمر:اهم حاجه ان في موافقه مبدئيه وان شاء الله كل حاجه تتم علي خير
حسن:ان شاء الله يابني
حسن:ياام مصطفي خلي نور تيجي
نور:مساء الخير
حسن وعمر:مساء النور
حسن:تعالي اقعدي يانور
جلست نور في المقعد المقابل لعمر
حسن:طب اسيبكوا مع بعض شويه وانا خارج بره في الجنينه اعمل تليفون
نظرت نور الي والدها فلم تكن تتوقع ان يتركها
انصرف حسن وتركهما معاً
عمر:ازيك ياانسه نور
نور:الحمد لله
عمر:عرفت انك خريجه زراعه
نور:ايوه
صمت عمر فلم يجد كلام ليقوله
ثم قطع صمته قائلاً:ومبسوطه هنا في البلد
نور:اكيد طبعا البلد هنا حلوه اوي
عمر:طب الحمد لله وان شاء الله لما نرتبط هوريكي اماكن جميله فيها
وحاول عمر ان يتجاذب اطراف الحديث مع نور
وفجأه سمعت نور صوت آتي من الخارج
حسن:انت ايه اللي جابك هنا
ادهم:لازم اشوف نور
حسن:بالذوق كده اتفضل من هنا
ادهم:مش همشي من هنا الا اما اشوف نور
وخرجت نور مسرعه فور سماعاه الاصوات الآتيه من الخارج
لم تصدق نور انها تري ادهم امامها كانت تشعر بمزيج من الدهشه والإشتياق
نور:ادهم
ادهم بإنفعال شديد:صحيح اللي سمعته ده
نظرت اليه نور دون ان تحرك شفتيها
حسن:ايوه صح نور هتتخطب للدكتور عمر في حاجه تاني يالا اتفضل من هنا
ادهم:مش همشي من هنا الا لو نور قالتلي كده بنفسها انت اكيد غصبت عليها بالخطوبه دي
معقوله يانور تبقي لحد غيري انتي موافقه علي كده ارجوكي ردي عليا متسبنيش كده قولي ان كل كده انتي مغصوبه عليه
لم تستطع نور الرد علي ادهم من شده بكاءها
حسن:اظن كفايه كده بقي
ادهم:مش ممكن امشي من هنا حتي لو حصل ايه
حسن:وبعدين معاك بقي انا طولت بالي عليك للأخر
نور:ارجوك ياادهم امشي دلوقتي
ادهم:معقول بتبعيني للمره التانيه
نور:ادهم ارجوك بلاش الكلام ده عشان خاطري امشي دلوقتي
ادهم:انا ماشي يانور واوعدك مش هضايقك تاني
حسن:انا اسف يابني علي اللي حصل ده مش عارف اقولك ايه والله
عمر:مين ده وايه الكلام ده

حسن:معلش يابني هفهمك بعدين
عمر:استأذن انا دلوقتي
حسن:يالا يانور ندخل جوه
وصعدت نور الي غرفتها وهي في حاله انهيار شديد
وبعد نصف ساعه وجدت هاتفها يدق.......

إظهار التوقيع
توقيع : نور سعيد
#36

افتراضي رد: قصة حب

بانتظارك مبدعتنا
إظهار التوقيع
توقيع : الـمـتـألـقـة
#37

افتراضي رد: قصة حب

هو ادهم و لا سارة اللي اتصل؟
إظهار التوقيع
توقيع : الـمـتـألـقـة
#38

افتراضي رد: قصة حب

روووووعه

انتظظظرك بفارغ الصبر

إظهار التوقيع
توقيع : ريموووو
#39

افتراضي رد: قصة حب


المشاركة الأصلية كتبت بواسطة المـــــتـــألـــــقــــة
هو ادهم و لا سارة اللي اتصل؟

حبيبتى ردك أسعدنى كثيرا
وأضاء صفحتى
بس لو رجعتى لورة شوية صغيرة كنتى عرفتى أن سارة هى الى أتصلت وأدهم هو الى سمع المكلمة من غير قصد سعدت كتير بمرورك الجميل ولكى
ولكل من يتابع القصة
له منى كل حب وتقدير وأحترام
تشجعكم حافز كبير ليا
تسلم الايادى لمات خطط يداكم الكريمة
وأسبكم مع أحداث هامة فى قصتنا

إظهار التوقيع
توقيع : نور سعيد
#40

افتراضي رد: قصة حب

الحلقه الثانيه عشر
دق هاتف نور وكانت ساره هي المتصله
نور:الو
ساره وهي تبكي بكاء شديد:الو ايوه يانور
نور:ساره في ايه بتعيطي كده ليه
ساره:ادهم يانور
نور بقلق شديد:ادهم ماله يا ساره
ساره:ادهم عمل حادثه
نور:ايـــــــه
ساره:عمل حادثه علي الطريق في البلد وهو في المستشفي دلوقتي
ارجوكي يانور روحي شوفيه وطمنيني علي مانوصل

وانطلقت نور مسرعه وجسدها كله يهتز ودموعها تتساقط بغزاره
حسن بقلق:في ايه يانور نازله جري كده ليه
نور:ادهـ....
وسقطت نور مغشياً عليها
حسن:نور فوقي يانور حد يجي يساعدني حد يجيب دكتور ايه اللي حصل بس يابنتي
وبعد فتره بدأت نور تستعيد وعيها
نور:هو في ايه آآه دماغي تقيله اوي
حسن:ايه ياحبيبتي اللي حصل فجأه اغمي عليكي
نور بإنزعاج:ادهم انا لازم اروح لادهم
حسن:ايه اللي بتقوليه ده انتي اتجننتي
نور:ادهم عمل حادثه بعد ما مشي من هنا انا السبب انا لازم اروح المستشفي
حسن:حادثه ياساتر يارب وانتي عرفتي ازاي
نور:اخته كلمتنمي ارجوك يا بابا انا لازم اكون جنبه ده لوحده محدش معاه
حسن:خلاص يابنتي هدي نفسك بس هنروحله متقلقيش
وذهب حسن ونور الي ادهم
حسن:لو سمحت انا عايز اسأل عن واحد عمل حادثه ونقلوه هنا من شويه
موظف الاستقبال:حضرتك اطلع فوق قسم الحوادث اسأل هناك
حسن:متشكر اوي
اسرع حسن ونور الي الطابق العلوي
حسن:ياانسه لو سمحتي
الممرضه:افندم
حسن:في واحد عمل حادثه وقالولي اسأل عليه هنا
الممرضه:اسمه ايه
حسن:ادهم كامل
الممرضه:ده في العنايه المركزه
نور:ايه عنايه مركزه ليه هو حالته خطيره كده
الممرضه:تقدروا تسألوا الدكتور المسئول عن الحاله هتلاقوه في الاوضه دي
وطرق حسن باب غرفه الطبيب فوجد......
وعلي الجانب الآخر
هدي:بسرعه شويه ياكامل عايزه اشوف ابني
كامل:انا ماشي علي اقصي سرعه ممكنه مينفعش ازود عن كده
وانتي ياساره اهدي شويه يابنتي ان شاء الله اخوكي يبقي بخير
هدي:ايه البرود اللي انت فيه ده
صاح كامل:يعني عايزاني افقد اعصابي انا كمان واعمل بيكوا حادثه
هدي:انا مش عارفه ايه اللي خلاه يروح هناك بس اكيد البنت اللي اسمها نور دي هي السبب
ساره بإنفعال:حرام عليكي بقي ارحميه وارحميها اهي هتتخطب عشان تريحك
هدي:انتي ازاي تكلميني بالطريقه دي صحيح بنت قليله الادب
ساره:ادب ايه اللي بتدوري عليه وابنك هيضيع بسببك
هدي:ليه هو انا اللي كنت قولتله يروح هناك انتي اكيد عارفه هو راح ليه

لم تجب ساره علي والدتها وامسكت الهاتف لتحدث نور فلم تجب
عندما طرق حسن باب غرفه الطبيب
عمر:اهلا بحضرتك اتفضل
حسن:هـ..و انت الدكتور اللي متابع حاله ادهم
عمر:بعد مامشيت من عندكوا بنص ساعه كلموني عشان في حاله جت مصابه في حادثه وطبعا جيت علي طول واتعرفت علي المصاب بس ملحقتش اتصل بحضرتك اعرفك وعرفت منهم في الاستقبال انهم جابوا رقم اهله عن طريق موبايله وبلغوهم
حسن:وحالته عامله ايه
عمر:الحادثه كانت جامده شويه وهو دلوقتي في العنايه المركزه
عنده شويه كسور غير الجروح والكدمات وللاسف نزف كتير وخايفين يكون في ارتجاج في المخ وهو لسه فاقد الوعي وربنا يستر وحالته تستقر

استمرت نور في بكاءها الشديد
حسن:لا حول ولاقوه الا بالله
وبعد فتره وصل كامل وهدي وساره وذهبوا الي غرفه الدكتور عمر
ساره:نور في ايه بتصل بيكي مش بتردي ليه ادهم حصله حاجه
نور:انا اسفه ياساره اول ماقولتيلي اللي حصل دماغي مبقتش فيا ونسيت الموبايل في البيت
هدي:وانتي هنا بتعملي ايه مش كفايه اللي عملتيه في ابني
كامل:بس بقي انتي شايفه ان ده وقته ده كل اللي يهمك مش في بالك تطمني علي ابنك ارجوك يادكتور طمني ابني عامل ايه
عمر:اطمن حضرتك
وبدأ عمر يشرح حاله ادهم
عمر:واحنا مستنيين انه يفوق وحالته تستقر
كامل:ربنا يستر
عمر:اتفضلوا استنوا هنا لحد مايفوق
وظلوا في انتظار ادهم
وفجأه جاءت الممرضه مسرعه
الممرضه:يادكتور المريض اللي في العنايه المركزه........

إظهار التوقيع
توقيع : نور سعيد
#41

افتراضي رد: قصة حب

لالالالالالالالالا
لا تقولي حاجة تفزع قولي استيقظ صح؟
لكن اكملي بسرعة خليتينا معلقين هههههههه

إظهار التوقيع
توقيع : الـمـتـألـقـة
#42

افتراضي رد: قصة حب


المشاركة الأصلية كتبت بواسطة المـــــتـــألـــــقــــة
لالالالالالالالالا
لا تقولي حاجة تفزع قولي استيقظ صح؟
لكن اكملي بسرعة خليتينا معلقين هههههههه

من عيونى ياقمر أنشاء الله خير

إظهار التوقيع
توقيع : نور سعيد
#43

افتراضي رد: قصة حب

الحلقه الثالثه عشر
الممرضه:يادكتور المريض اللي في العنايه المركزه حالته بقت اسوأ من الاول ومحتاج نقل دم
انصرف عمر مسرعاً
عمر:محتاج كيسين دم بسرعه

وفي الخارج انتظر الجميع في حاله من الانهيار التام
وخرج عمر بعد فتره من غرفه العنايه المركزه
الجميع:خير يادكتور
عمر:مش عارف اقولكم ايه ادعوله ان حالته تستقر
نور:ارجوك يادكتور انا عايزه اشوفه
عمر:مينفعش ياانسه نور طول ماهو في العنايه المركزه
ازداد بكاء نور:هشوفه من بعيد بس
عمر:صدقيني لو ينفع ماكنتش همنعك
هدي:ياسلام وانتي تشوفيه بصفتك ايه
ساره:كل ده ومش عارفه بصفتها ايه حرام كده بقي
هدي:بس انتي اسكتي خالص
عمر:ارجوكم ياجماعه ياريت يبقي في هدوء احنا في مستشفي وفي مرضي
هدي:ممكن يادكتور ننقل ادهم لاي مستشفي خاص
عمر:حالته دلوقتي متنفعش انه يتنقل لاي مكان واحنا هنا بنعمل كل اللي علينا ادعوله بس

وانصرف عمروتركهم جميعاً ونظرات الغيظ تتطاير من عيني هدي تجاه نور
انتقلت ساره للجلوس بجوار نور
ساره:متزعليش من ماما معلش هي بس متضايقه عشان ادهم
نور:انا مبفكرش في حاجه دلوقتي الا ادهم كل اللي يهمني انه يقوم بالسلامه بس
ساره:ان شاء الله ياحبيبتي اهدي انتي بس وربنا يستجيب لدعواتنا
مش عارفه بس ايه اللي حصله هو سمعني وانا بكلمك ومشي زي المجنون اكيد وهو جايلك عمل الحادثه
نور:ادهم جالي ياساره
ساره:ايــــه جالك ازاي وايه اللي حصل
نور:جه وعمر عندنا وطبعا اتخانق هو وبابا وانا وقفت في النص بينهم
مش عارفه اعمل اي حاجه كنت خايفه الموضوع يكبر ومعملتش حاجه غير اني وقفت ساكته
ياريتني كنت عملت اي حاجه بس حتي لو اتكلمت بابا مكانش هيعمل اعتبار لكلامي خصوصا في الموقف ده غير انه شايف ان عمر انسان كويس ومناسب
ساره:عمر ده اللي كان هيخطبك
نور:يبقي الدكتور عمر اللي متابع حاله ادهم
ساره:ايــه معقوله طب ممكن يعمل اي حاجه تأذي ادهم
نور:لالا عمر انسان كويس ومحترم وقبل كل شئ هو دكتور وبيأدي عمله

واستمر حديث ساره ونور لبعض الوقت
كامل:مساء الخير
حسن:مساء النور
كامل:كان نفسي نتقابل في ظروف احسن من كده بس النصيب
حسن:ربنا يطمنكوا علي ادهم ان شاء الله خير
كامل:يارب اتفضل حضرتك خد نور ورحوا استريحوا شويه انتوا تعبتوا معانا النهارده
حسن:لا مفيش اي تعب واكيد نور مش هترضي تمشي

التفت كامل الي نور:نور روحي مع بابا ارتاحوا شويه واحنا هنطمنك بالتليفون
ردت نور بإصرار:لا انا مش همشي من هنا الا ما ادهم يفوق واطمن عليه
كامل:بس كده تعب عليكي
نور:لا انا مرتاحه كده
كامل:خلاص يابنتي اللي يريحك

وبعد فتره من الإنتظار خرج عمر من العنايه المركزه
عمر:ادهم بدأ يتحسن الحمد لله
هدي:بجد انا عايزه اشوفه
عمر:مش هينفع دلوقتي
نور:ارجوك يادكتور عمر اشوفه بس من بعيد

وخرجت الممرضه من الغرفه
الممرضه:يادكتور المريض بدأ يفوق وكل اللي بيقوله نور
نور في بالها:ياحبيبي ياادهم
نور:عشان خاطري يادكتور دخلني عنده
عمر:خلاص اتفضلي بس بلاش تتعبيه
نور:حاضروالله
ودخلت نور الي غرفه ادهم
هدي:يعني ايه هي تدخل وانا لا انا عايزه اشوف ابني فين مدير المستشفي
عمر:لو حضرتك خايفه علي ابنك ياريت تهدي شويه دخول نور عنده في مصلحته
جلست نور علي مقعد مجاور لفراش ادهم وحاولت منع دموعها من السقوط
بدأ ادهم يحرك عيناه فوجد نور بجانبه وسقطت دمعه علي يده فرفع يده ومسح دموعها
نور:ادهم
ابتسم ادهم ابتسامه شاحبه
نور:ادهم انت حاسس بايه انت كويس دلوقتي
ادهم بصوت خافت:اهدي بس انا كويس مادام انتي جنبي
نور ودموعها مازالت مستمره:انا كنت هموت لو حصلك حاجه
ادهم:بعد الشر عليكي
نور:هنادي الدكتور يشوفك
ادهم:لا خليكي معايا انا كده هبقي احسن

وجلست نور بجوار ادهم وظل ادهم ينظر اليها
نور بخجل:بتبصلي كده ليه كأنك اول مره تشوفني
ادهم:كان واحشني اوي اني ابصلك وكان نفسي اشوف خوفك عليا
نور:انا اسفه ياادهم علي كل اللي حصلك بسببي
قاطعها ادهم:بلاش نتكلم في اللي فات المهم اننا مع بعض دلوقتي بس باباكي عارف انك جايه هنا
نور:بابا هو اللي جابني هنا
ادهم:ياريتني عملت الحادثه دي من زمان عشان تبقي معايا
نور:بعد الشر عليك متقولش كده
ادهم:لو ده اللي كان هيخليكي معايا يبقي خير
وطرق عمر باب الغرفه
نظر اليه ادهم بدهشه وغضب ولاحظت نور نظرات ادهم
نور:الدكتور عمر هو اللي متابع حالتك
عمر:اخبارك ايه دلوقتي
رد ادهم بإقتضاب:الحمد لله
عمر:كان عندك كسر في الساق ورجليك اتجبست دلوقتي هقيس ضغطك وحرارتك وهيبقي مطلوب بس شويه اشعه وان شاء الله تبقي احسن بس اهلك عايزين يطمنوا عليك ثواني اندهلهم
ادهم:هو مفيش الا الدكتور ده
نور:مش وقته ياادهم وعمر انسان محترم وبعدين انت مش قولت ننسي اللي فات
ودخل اهل ادهم للإطمئنان عليه وكان بين الحين لاخر ينظر خلسه الي نور ويبتسم
وظل ادهم عده ايام تحت الملاحظه والعلاج وبالطبع كانت نور تقوم بزيارته يومياً
حسن:ياه يابنتي انا ماكنتش اعرف انك تبحبي ادهم للدرجه دي وهو كمان شكله بيحبك بجد
الظاهر اني ظلمت الولد ده واتسرعت لما رفضته من البدايه بس اللي قالقني موقف والدته منك
نور:مش مهم اي حاجه دلوقتي المهم ان ادهم يقوم بالسلامه
ممكن يابابا اروح اطمن عليه شويه ولو تجب تيجي معايا

حسن:خلاص يابنتي روحي بس متتأخريش
احتضنت نور والدها:ربنا يخليك ليا يابابا
ووصلت نور الي المستشفي
ساره:ازيك يانور عامله ايه
نور:الحمد لله ادهم عامل ايه
ساره:ايوه بقي من لقي احبابه راحت علينا خلاص
ابتسمت نور بخجل:لا طبعا انا اقدر بردو
ساره:طب ادخلي هو مستنيكي
دخلت نور الي الغرفه
نور:صباح الخير
لم يجب ادهم
نور:ادهم انت نايم ولا ايه
فلم يجب وقامت نور بتحريك ادهم
فلم يجب وبدأ صوت نور يرتفع ودموعها تتساقط
نور:ادهم ادهم

إظهار التوقيع
توقيع : نور سعيد
#44

افتراضي رد: قصة حب

الحلقه الأخيره
اخر حاجه وقفنا الحلقه اللي فاتت لما نور راحت لادهم ومكانش بيرد عليها

نور:ادهم ادهم
ادهم:هههههههههه خلاص بس بس
نور بغيظ:حرااااام عليك ايه اللي انت عملته فيا ده
ادهم:كان نفسي اشوف اللهفه دي في عنيكي
نور:انت كنت هتموتني من القلق
ادهم:بعد الشر عليكي خلاص بقي متزعليش عشان خاطري
نور:طب انا ماشيه
ادهم:هنتأمص بقي زي العيال الصغيره
نور:انا كنت جايه اشوفك وماشيه علي طول عشان متأخرش علي بابا
ادهم:خلاص عشان باباكي ميزعلش
وبعد عده ايام تقرر خروج ادهم من المشفي

هدي:مادام خرجت من المستشفي الحمد لله يالا عشان نسافر
ادهم:نسافر ليه لازم اخطب نور الاول
هدي:بعد كل اللي عملته فيك مش قولتلك تنساها خالص انا مش ممكن اوافق عليها
ادهم:يووووووووه انا تعبت بقي حرام كده انا همشي من هنا
هدي:ادهم استني انت رايح فين
ادهم:رايح في اي مكان اكيد هيبقي احسن من هنا وبردو مش هتجوز الا نور
هدي:تتجوزها وتغضبني
ادهم:انا كنت هروح منك وبردو كل ده مش عايزه تصدقي ان نور بتحبني وانا مقدرش استغني عنها
هدي:بس انا مش قادره اقبلها ولا عارفه اتعامل معاها
ادهم:المفروض تبقي محبتها من محبتي عندك وحتي لو مقدرتيش تقبليها وانا وهي طبيعي هنعيش بعيد عنكوا والمفروض ساعدتي تبقي اهم عندك من اي حاجه
هدي بعصبيه:خلاص اللي عايزه اعمله
وانصرف هدي فامسك ادهم بيدها وقبلها:انا عايز ارضيكي والله
هدي:خلاص ياادهم اللي يريحك
ادهم:ربنا يخليكي ليا ياست الحبايب
وانصرف ادهم ليحدث نور
ادهم:الو
نور:الو
ادهم:لو سمحتي ياانسه ممكن اكلم الاستاذ حسن
نور:الرقم غلط مش تتأكدوا الاول من الرقم قبل ماتتصلوا
ادهم:ياساتر يارب بتفكريني باول يوم اتقابلنا
نور:ههههههههه انت لسه فاكر
ادهم:وهي دي حاجه تتنسي ويالا بقي اديني باباكي اكلمه
نور:وعايزه في ايه بقي
ادهم:عايز اشكره علي اللي عمله معايا
نور:طب ثانيه واحده
نور:بابا ادهم عايز يكلمك
حسن:الو
ادهم:الو مساء الخير
حسن:مساء النور حمد الله علي سلامتك يابني
ادهم:الله يسلم حضرتك ممكن لو حضرتك تسمحلي اجيلكم النهارده
حسن:طبعا يابني
ادهم:متشكر اوي هنكون عندكم ان شاء الله بعد المغرب
وانهي ادهم المكالمه وذهب للتحدث مع والده للاتفاق معه علي الذهاب الي والد نور لخطبتها واقناع والدته بالذهاب معهما

وفي المساء وصل ادهم الي منزل نور
حسن:اهلا وسهلا اتفضلوا
ادهم:اهلا بحضرتك
حسن:حمد الله علي سلامه ادهم
كامل:الله يسلمك
ادهم:انا هدخل في الموضوع علي طول لاني بجد كنت اتمني ارتبط بنور من اول ماعرفتها ولو حضرتك توافق هبقي اسعد انسان في الدنيا
حسن:وانا يابني اكيد يهمني ساعده بنتي مادام سعادتها هتبقي معاك وده عندي بالدنيا
ادهم:يعني حضرتك موافق بجد
حسن:ايوه يابني
ادهم:بجد والله
حسن:هههههههه ايه يابني هكدب عليك يعني
ادهم:طب فين نور
حسن:طلع اناديلها
وذهب حسن الي نور
نور:اتفضل يابابا
حسن:ممكن تنزلي معايا في ناس عايزه تشوفك
نور:ناس مين
حسن:حبيت اعملهالك مفاجأه ادهم تحت واتقدملك وانا وافقت في مانع
نور:بجد يا بابا
حسن:انتي كمان هتقوليلي بجد انتوا مش عايزين تصدقوني ليه
ابتسمت نور:ربنا يخليك ليا يا بابا ياحبيبي
حسن:وكمان والدته معاه يعني اكيد اقتنعت الف مبروك ياحبيبتي
وبدأت دموعه تتساقط
نور:ايه ده انت بتعيط يا بابا
حسن:لا ابدا ياحبيبتي انا فرحان عشان انتي هتبقي فرحانه ومبسوطه يالا بقي عشان منتأخرش علي الناس

وتمت خطبه ادهم ونور
ادهم:انا مش مصدق اننا خلاص هنبقي لبعض
نور:ممممممم اوعي بس تندم بعدين خلاص بقي انت اتدبست
ادهم:هههههههه امري لله بقي
نور:بقي كده
ادهم:ايوه كده بقي دي احلي تدبيسه وعلي فكره انا اتفقت مع باباكي ان الفرح هيبقي كمان اسبوعين
نور:ايه اسبوعين ازاي لالا مينفعش خالص انا مش هلحق اعمل حاجه
ادهم:لا دي مفيهاش لا خلاص انا لاقيت شقه مناسبه وكمان في مكان كويس جدا
نور:يعني ايه احنا مش هنعيش في البلد طب وبابا
ادهم:انا اتفقت معاه علي كل حاجه عرضت عليه يعيش معانا رفض طبعا
بس هو حل الموضوع بانه هيبيع جزء من الارض وياخد شقه صغيره كده جنبنا وهيبدأ شغل جديد يعني مفيش مشكله واعملي حسابك بكره هننزل نجيب العفش علي ذوقك طبعا
وتم تجهيز كل شئ خلال اسبوعين وتم حجز قاعه الزفاف
يوم الفرح

ادهم:الو ياحبيبتي خلصتي ولا لسه
نور:خلصت تقريبا لسه بس الكوافيره هتعملي لفه الحجاب
ادهم:وانا خلصت هبتدي اجهز العربيه عشان اجي اخد احلي عروسه في الدنيا
وذهب ادهم الي نور ليأخذها وذهب الي ستوديو التصوير ثم الي قاعه الفرح

وتم الزفاف كما كان يتمني ادهم ونور

وبعد انتهاء الزفاف ذهب ادهم ونور الي شقتيهما الجديده
ادهم:يااااااه اخيراً بقينا في بيتنا ومفيش حاجه ممكن تفرقنا
نور:ان شاء الله ياحبيبي نفضل مع بعض طول العمر
ادهم:اخيرا قولتيها
نور:هي ايه دي
ادهم:ياحبيبي
ابتسمت نور في خجل:ايه ده هو انا عمري ماقولتها
امسك ادهم يد نور وقبلها:اول مره اسمعها منك بس دايما كنت بشوفها في عنيكي بس من النهارده هسمعها علي طول
قالت نور بعناد:طبعا يا.....ادهم
ادهم:بقي كده لو تبطلي بس العند ده
وضحكا سويا وهنا انتهت حكايتنا

لكم كل حب وتقدير لحسن
متبعدكم مع خالص حبى
وتقديرى

إظهار التوقيع
توقيع : نور سعيد
#45

افتراضي رد: قصة حب

جمييييييييييله جميييييله جمييييييله


نهايه سعيده

شكراااا غاليتى

يلا بقى

عاوزين القصه الجديده القادمه

إظهار التوقيع
توقيع : ريموووو
#46

129878 رد: قصة حب


المشاركة الأصلية كتبت بواسطة ريموووو
جمييييييييييله جميييييله جمييييييله


نهايه سعيده

شكراااا غاليتى

يلا بقى

عاوزين القصه الجديده القادمه
أسعدنى كثيرا مرورك الجميل مبدعتى الجميلة
وأضاء صفحاتى المنتهية
لكى كل الحب والتقدير لتشجيعك الجميل
وباذن الله يكون فية أخرى ويارب تنال أعجبكم

إظهار التوقيع
توقيع : نور سعيد
#47

افتراضي رد: قصة حب

ليييييييييييه كده
خلصتيها بسرعة
اعملي جزء ثاني منها بقة

إظهار التوقيع
توقيع : Belle Rose
#48

2131 1168499165 رد: قصة حب


المشاركة الأصلية كتبت بواسطة belle rose
ليييييييييييه كده
خلصتيها بسرعة
اعملي جزء ثاني منها بقة
نورتينى ياقمراية بجد وجودك أسعدنى كتير
بس كدا النهاية سعيدة بعد أحدثها
وكمان علشان محدش يزهق من قرائتها
وانا كمان لسة على قدى وبأذن الله
يكون فية قصة أخرى باحلام أخرى
لكى كل حب وتقدير حبيبتى

إظهار التوقيع
توقيع : نور سعيد
#49

افتراضي رد: قصة حب

قصة روووووووووعة
و النهااااااية ملهاش مثيييل
تسلمي
بانتظار جديدك..

إظهار التوقيع
توقيع : الـمـتـألـقـة
أدوات الموضوع


قد تكوني مهتمة بالمواضيع التالية ايضاً
الموضوع كاتب الموضوع المنتدى
قصة الجمل الأعرج قصة الجمل والسباق قصه للأطفال جويريه حواديت وقصص الاطفال
قصة المدرسة المسكونة,قصة مرعبة,قصة2024 ربي رضاك والجنة قصص - حكايات - روايات
اشهر 20 قصة حب في التاريخ مختصرة البرنسيسة2000 قصص - حكايات - روايات
قصة النبي إلياس في القرآن ضــي القمــر قصص الانبياء والرسل والصحابه
قصة حب / قصة حب والم / قصة حب حزينة / قصة حب الاكابر منال عبد الفتاح فضفضة وحل المشاكل


الساعة الآن 01:30 AM


جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل