أو

الدخول بواسطة حسابك بمواقع التواصل



عدلات

> منتديات عامه وثقافيه

> المنتدي الادبي

> مدونآت الاعضآء!

قصتى بسيطه

إضافة رد  أضف للمفضلة
https://adlat.net/showthread.php?t=38218
14479 50
#1

قصتى بسيطه

بسم الله الرحمن الرحيم




مدونتى بتاريخ 7/2/2012
انا قصتى بسيطه جدا لان فى ناس حكايتها صعبه وده اللى صبرنى والحمد لله
من يوم ما وعيت على نفسى ابعد حاجه افتكرها اولى ابتدائى دخلت المدرسه صغيره جدا خمس سنين ونصف انا اساسا من قريه المهم انهم مقبلونيش فى مدرسه القريه بتاعتى فرحت مدرسه بعيده جدا عن قريتنا كانت فوق الجبل كنت بروح فيها ايام الامتحانات بس لكن كنت بروح فى مدرسه القريه مستمعه وكان اول مايكون فى تفتيش كانو بيطرودنى من المدرسه واروح اعيط واخرب الدنيا واقول انا عايزه اروح المدرسه كنت صغيره جدا وجسمى صغير جدا عشان كده البنات كانو يضربونى ويرجعونى اخر كرسى فى الفصل ومكنتش اشوف اى حاجه من السبوره عشان هما كانو اطول منى بكتير المهم قعت السنه وحولت لمدرسه القريه فى سنه تانيه ابتدائى كنت شاطره جدا كانو بيسمونى شطه وكنت احب اضرب الاولاد واتحولت بدال ما كنت بنضرب بقيت بضرب وكان كل المدرسه يخافو منى حتى الاكبر منى طلعت مسابقات كتتتير جدا ومعظمها دينيه وكنت بحب القصص والشعر ده مره موقف حصل وانا فى اولى ابتداءى كنت عايزه اقرئ قصه فرحت جبتها واديت لمشرف المكتبه فقعد يقراهالى وانا سبت القصه وبصيت على بقه (شفايفه ) ورحت قلت له يا استاذ انت ليه بقك عامل زى العصفوره قال لى عيب ياحسناء رحت قولت له متزعلش وقعد يكمل القصه رحت قلته يا استاذ انت زعلت طب متزعلش بس والله بقك عامل زى العصفوره راح طردنى من المكتبه وقال مفيش قصص وبعده بحوالى سنتين تقريبا فى سنه تالته كنت فى مسابقه البرلمان الصغير وكان نفس المدرس كاتبلى ورقه على اساس اقراها فى البرلمان رحت نقلتها بخطى ولما خدها منى معرفش يقراها راح كتبها بخطه هو تانى رحت انا غيرتها تانى فقالى انتى خطك وحش مش عارف اقراه رحت انا رديت عليه ههههههههههههه وانت كمان خطك وحش وانا مش عارفه اقراه هو مين دلوقت اللى هيقوم يقول فى البرلمان انا ولاانت راح سبنى ومشى ومردش خالص كنت شقيه جداااااااااااا وبحب الضحك واللعب كتيييير لكن فى رابعه ابتدائى رحت عشت مع جدتى اللى كانت مريضه وبداءت اشيل الهم كان بيتها كبير جداااكنت كل يوم اكنس وامسح واروح للفراخ واطبخ واغسل كل ده وانا فى رابع ابتدائى وفى خامسه ابتدائى حصل لجدتى جلطه فى المخ ومكانتش بتقوم من على السرير وانا الحمد لله على قد ماجسمى صغير جدا لكن كنت بقدر اشيلها واوديها الحمام وكنت ببقى سهرانه طول الليل عشان معاد الدواء وامى كانت بتيجى تزرونى كل يوم احيانا كل اسبوع كل ماتكون فاضيه تيجى اعملها الشاى وتحكى شويه مع تيتا وتمشى زيها زى اى ضيفه وبعدها جدتى خفت شويه وبقيت تمشى وتتحرك ورجعت زى الاول وكانت حنينه جدااا لغايه مارجع لها المرض تانى وده وانا فى اولى اعدادى واكمل لكم بقى المره الجايه


إظهار التوقيع
توقيع : حسناء أحمد
#2

افتراضي رد: قصتى بسيطه

ها مستنين باقى الحكاية رحتى فين يالا تعالى بسرعة
#3

افتراضي رد: قصتى بسيطه

ههههههههه حلوة اوى
#4

افتراضي رد: قصتى بسيطه

بكره بقى ان شاء الله دى لسه اعدادى والخ الخ طويله هعملها حلقات هتضحكو وهتزعلو بس شويه الحمد لله
إظهار التوقيع
توقيع : حسناء أحمد
#5

افتراضي رد: قصتى بسيطه

حكايتك حلوة مستنيين التكملة
#6

افتراضي رد: قصتى بسيطه

ايه رايكم انا رجعت تانى نكمل صحيح لسه بكره مجاش لكن انتو شجعتونى اكمل
إظهار التوقيع
توقيع : حسناء أحمد
#7

افتراضي رد: قصتى بسيطه

واللة انتى حكاية ياحسناء والظاهر كدا انى بقيت مغرمة بيكم وبدمكم الخفيف
#8

افتراضي رد: قصتى بسيطه

منتظرين الباقى يا حسناء
#9

افتراضي رد: قصتى بسيطه

احنا المره اللى فاتت وصلن الاعدادى بس نسيت بعض الطرائف فى السكه زى مثلا قبل ما ادخل المدرسه اكسرت رجلى كنت راكبه العجله (الدراجه ) ورا اخويا ورجلى اكسرت من الجنزير لف عليها وبعد ما دخلت مدرسه دراعى اكسر ودخلت الامتحان مجبسه شقاوه عيال تقولو ايه بقى يلا الحمد لله اللى حصل ههههههههههههه كنت ركبت الحماره ورا بنت بنت عمتى وهى تخينه جدا وقعت وهى وقعت عليا كسرت دراعى وحاجه كمان بجد كل ما افتكرها احس بشئ غريب كنت صغيره وكانت تيتا دايما تقول هجوزك لابن خالك كانت كل ماتتعب تقول حسناء لمحمد محمد لحسناء هو كان على طول مسافر سلطنه عمان وكان بيرجع فى الاجازه بس فكان يجى دايما يلف على كل القرايب وانا منين مايروح وراه وانا فى ابتدائى اوعو دماغكم تروح لبعيد هههههههههه المهم مره اخويا ضربنى اخويا ده اكبر منى بخمس سنين لكن ابن خالى اكبر منى بسنه واحده يعنى برضه هو كان صغير المهم ان ابن خالى اول ماشاف اخويا ضربنى راح نازل ضرب فيه لغايه مافتح دماغه كل ده عشان ضربنى تصورو بقى البطل فى نظرى كان ازاى لكن دى كانت ايام دلوقت طبعا مفيش حاجه
نرجع بقى لاعدادى تيتا رجع لها المرض تانى كنت انا فى ليله صاحيه ومش قادره انام ومخنوقه جدا راحت تيتا قامت من السرير وجت خدتنى فى حضنها وقالتلى مالك قلت لها مخنوقه واحنا بنتكلم لقينا عربيه اسعاف جايبه واحد جيارنا متوفى كان شاب صغير وكان مسافر ورجع لاهله متوفى الله يرحمه فضلن احنا الاتنين نعيط عليه وبعدين رحنا نمنا وكنا طبعنا زعلانين وجه علينا الصبح صحيت على صوت جيرانا وهى بتقولى الحقى ستك مش بترد وواقعه عند الباب اتريها صحيت الصبح وراحت للفراخ وعملت الفطار وسابته على السفره وبعد ما راحت للفراخ وهى راجعه وقعت مقدرتش تقوم شفتها جيرنا فجت تقولى المهم انا رحتلها لقيتها مش بترد رحت جريت على بيتنا حافيه وشعرى منكوش لاقيت ماما بتخبز عيش قلتلها راحت سابت العيش لاختى اللى اكبر منى وجت خده بابا وماما وطلعو على اسيوط راحو القصر طلع ان حصلها جلطه تانى فى المخ لكن للاسف المره دى اقوى بكتيييييييير من اللى فاتت رجعت تيتا بعد حوالى شهر من المستشفى وبقت مش بتعرف تتكلم ولاحتى تعرف تأكل نفسها والاكتر من كده بقى يتهيالها حاجات كتير وحشه يعنى ممكن تفتكرنى حرامى وجاى يسرفها تفضل تصوت واى حاجه فى وشها ترميها عليا ومكنتش ترضى تأكل حاجه من ايدى وحاجات كتير غير كده وانا كنت بفضل طول اليوم اعيط عليه مفيش فى اكتر من كده فضلت كده كتير لغايه ما بداءت تخف شويه بقت تتحرك بمشايه بداء كلامها شويه يتفسر وانا كنت دايما بعمل لها التمرينات اللى الدكتور قال عليه كعلاج طبيعى لغايه مابقت تمشى على عصايه لكن جينا لمشكله النسيان بقت تنسى انا مين ومامتى مين واحيانا تقوم من النوم تفتكرنى مش معاها فتروح تكلم بابا تقوله بنتك مش فى البيت وبقت تضربنى وتطردنى من البيت فى نص الليل واروح انا ارجع تانى بس من سطوح الجيران والصبح عادى جدا كأن مفيش اى حاجه حصلت واما اقولها يا تيتا انتى عملتى كده فيا تعيط وتدعى على نفسها وتقول مش فاكره محصلش لغايه ماان كنت هتجنن ومحدش كان يعرف اى حاجه من انها بتنسى او بتعمل كده فيا وكانت تقول لماما وبابا حاجات محصلتش منى فكنت اول ما اروح بيتنا انضرب وارجع عند تيتا تانى بس مكنتش قادره اقول على اللى بيحصل لتيتا لغايه اما الكل عرف وده حصل لانى انا بداءت اتعب ويغمى عليا من كتر الضرب وبان عليا التعب جامد ومن كتر تفكير بقيت تحصلى حالات عصبيه وفى تالته اعدادى رحت كشفت لاول مره فى حياتى وعرفت ان عندى عندى نشاط زايد فى المخ وبقت تحصلى حالات تشنج عصبى كنت شاطره فى المدرسه رغم ان كان معظم الوقت فى اجازه مرضى وتصدقو انى برضه كنت لسه عايشه مع جدتى كنت اما اتعب وياخدونى المستشفى تيتا تفضل تعيط وتطلع الشارع وتجيب تراب وتحطه على دماغها وتقول البنت ماتت ومش عايزين يوروهانى لغايه مخلصت اعدادى وكان نفسى ادخل ثانوى عام لكن للاسف اهلى مرضيوش رغم انى كنت جايبه درجات عاليه تدخلنى ثانوى عام لكن للاسف والى لقاء فى المرحله الثانويه
إظهار التوقيع
توقيع : حسناء أحمد
#10

اعدادى

احنا المره اللى فاتت وصلن الاعدادى بس نسيت بعض الطرائف فى السكه زى مثلا قبل ما ادخل المدرسه اكسرت رجلى كنت راكبه العجله (الدراجه ) ورا اخويا ورجلى اكسرت من الجنزير لف عليها وبعد ما دخلت مدرسه دراعى اكسر ودخلت الامتحان مجبسه شقاوه عيال تقولو ايه بقى يلا الحمد لله اللى حصل ههههههههههههه كنت ركبت الحماره ورا بنت بنت عمتى وهى تخينه جدا وقعت وهى وقعت عليا كسرت دراعى وحاجه كمان بجد كل ما افتكرها احس بشئ غريب كنت صغيره وكانت تيتا دايما تقول هجوزك لابن خالك كانت كل ماتتعب تقول حسناء لمحمد محمد لحسناء هو كان على طول مسافر سلطنه عمان وكان بيرجع فى الاجازه بس فكان يجى دايما يلف على كل القرايب وانا منين مايروح وراه وانا فى ابتدائى اوعو دماغكم تروح لبعيد هههههههههه المهم مره اخويا ضربنى اخويا ده اكبر منى بخمس سنين لكن ابن خالى اكبر منى بسنه واحده يعنى برضه هو كان صغير المهم ان ابن خالى اول ماشاف اخويا ضربنى راح نازل ضرب فيه لغايه مافتح دماغه كل ده عشان ضربنى تصورو بقى البطل فى نظرى كان ازاى لكن دى كانت ايام دلوقت طبعا مفيش حاجه
نرجع بقى لاعدادى تيتا رجع لها المرض تانى كنت انا فى ليله صاحيه ومش قادره انام ومخنوقه جدا راحت تيتا قامت من السرير وجت خدتنى فى حضنها وقالتلى مالك قلت لها مخنوقه واحنا بنتكلم لقينا عربيه اسعاف جايبه واحد جيارنا متوفى كان شاب صغير وكان مسافر ورجع لاهله متوفى الله يرحمه فضلن احنا الاتنين نعيط عليه وبعدين رحنا نمنا وكنا طبعنا زعلانين وجه علينا الصبح صحيت على صوت جيرانا وهى بتقولى الحقى ستك مش بترد وواقعه عند الباب اتريها صحيت الصبح وراحت للفراخ وعملت الفطار وسابته على السفره وبعد ما راحت للفراخ وهى راجعه وقعت مقدرتش تقوم شفتها جيرنا فجت تقولى المهم انا رحتلها لقيتها مش بترد رحت جريت على بيتنا حافيه وشعرى منكوش لاقيت ماما بتخبز عيش قلتلها راحت سابت العيش لاختى اللى اكبر منى وجت خده بابا وماما وطلعو على اسيوط راحو القصر طلع ان حصلها جلطه تانى فى المخ لكن للاسف المره دى اقوى بكتيييييييير من اللى فاتت رجعت تيتا بعد حوالى شهر من المستشفى وبقت مش بتعرف تتكلم ولاحتى تعرف تأكل نفسها والاكتر من كده بقى يتهيالها حاجات كتير وحشه يعنى ممكن تفتكرنى حرامى وجاى يسرفها تفضل تصوت واى حاجه فى وشها ترميها عليا ومكنتش ترضى تأكل حاجه من ايدى وحاجات كتير غير كده وانا كنت بفضل طول اليوم اعيط عليه مفيش فى اكتر من كده فضلت كده كتير لغايه ما بداءت تخف شويه بقت تتحرك بمشايه بداء كلامها شويه يتفسر وانا كنت دايما بعمل لها التمرينات اللى الدكتور قال عليه كعلاج طبيعى لغايه مابقت تمشى على عصايه لكن جينا لمشكله النسيان بقت تنسى انا مين ومامتى مين واحيانا تقوم من النوم تفتكرنى مش معاها فتروح تكلم بابا تقوله بنتك مش فى البيت وبقت تضربنى وتطردنى من البيت فى نص الليل واروح انا ارجع تانى بس من سطوح الجيران والصبح عادى جدا كأن مفيش اى حاجه حصلت واما اقولها يا تيتا انتى عملتى كده فيا تعيط وتدعى على نفسها وتقول مش فاكره محصلش لغايه ماان كنت هتجنن ومحدش كان يعرف اى حاجه من انها بتنسى او بتعمل كده فيا وكانت تقول لماما وبابا حاجات محصلتش منى فكنت اول ما اروح بيتنا انضرب وارجع عند تيتا تانى بس مكنتش قادره اقول على اللى بيحصل لتيتا لغايه اما الكل عرف وده حصل لانى انا بداءت اتعب ويغمى عليا من كتر الضرب وبان عليا التعب جامد ومن كتر تفكير بقيت تحصلى حالات عصبيه وفى تالته اعدادى رحت كشفت لاول مره فى حياتى وعرفت ان عندى عندى نشاط زايد فى المخ وبقت تحصلى حالات تشنج عصبى كنت شاطره فى المدرسه رغم ان كان معظم الوقت فى اجازه مرضى وتصدقو انى برضه كنت لسه عايشه مع جدتى كنت اما اتعب وياخدونى المستشفى تيتا تفضل تعيط وتطلع الشارع وتجيب تراب وتحطه على دماغها وتقول البنت ماتت ومش عايزين يوروهانى لغايه مخلصت اعدادى وكان نفسى ادخل ثانوى عام لكن للاسف اهلى مرضيوش رغم انى كنت جايبه درجات عاليه تدخلنى ثانوى عام لكن للاسف والى لقاء فى المرحله الثانويه
إظهار التوقيع
توقيع : حسناء أحمد
#11

افتراضي رد: قصتى بسيطه

ايه رايكم فى المرحله الاولى اكيد ضحكتو كتير لكن المرحله دى ايه رايكم فيها صدقونى وانا بكتب حاسه كانى بعمل عمليه جراحيه من غير بنج فتح قلب وفتش اسراره ااااااااااه اجمل شئ فى الدنيا انك تتكلم وحد يسمعك يارب حنن قلوب كل البشر على بعض
إظهار التوقيع
توقيع : حسناء أحمد
#12

افتراضي رد: اعدادى

دا انتى يا بنتى بقيتى خبرة فى كل حاجة دا انتى جبل ربنا يعينك وانا لما قريت انك طالبة فى المجاستير فرحت اوى عشان تعرفى ان ربنا بيحبك
#13

افتراضي رد: اعدادى

الله يبارك فيك يارب يامنال ويكرمك العمر على فكره مش بالسنين اللى عشناها
إظهار التوقيع
توقيع : حسناء أحمد
#14

افتراضي رد: اعدادى

طبعاً يا حسناء العمر مش بالسنين لكن بالتجارب والعلم
بارك الله فيكِ وبنتظار باقي قصتك
إظهار التوقيع
توقيع : لؤلؤة الايمان
#15

افتراضي رد: اعدادى

بطلة خبرة تجارب حوادث كل حاجة جربتيها
هههه بانتظاار الباقي
#16

افتراضي رد: قصتى بسيطه

ربنا معاكى يا حسناء
فى انتظار الباقى يا جميل
إظهار التوقيع
توقيع : حسناء
#17

افتراضي رد: قصتى بسيطه

شكرا على مروركم الكريم ياتره عايزينى اكمل قصتى ولا ايه رايكم
إظهار التوقيع
توقيع : حسناء أحمد
#18

افتراضي رد: قصتى بسيطه

مــتـــابعين
كملى يَ عُمرى
#19

افتراضي رد: قصتى بسيطه

معلش يابنات النت فصل امبارح ولسه شغال دلوقتى
إظهار التوقيع
توقيع : حسناء أحمد
#20

افتراضي رد: قصتى بسيطه

كنا وصلنا لاخر المرحله الاعداديه كان فى حاجات فيها لسه مخلصتش كتبت الشعر بدايه من المرحله هو مش شعر بالمعنى الصحيح لكنه كان خواطر بكتبها افضفض فيها عن نفسى لانى مكنتش بتكلم مع حد نهائى لا مع اختى ولاامى ولااى حد فكنت اما اكون مدايقه اكتب واما اكون مبسوطه اكتب وفى يوم قعدت اقراهم لاقيت نفسى كتير مدايقه وقليل جدا مبسوطه رحت قطعتهم وحرقتهم كنت بجد تعابنه ورغم كده كان نفسى اطلع من اللى انا فيه فكنت بذاكر كتيير جدا وللاسف اهلى رفضويدخلونى ثانويه عامه بحجه انى مش هقدر على مذاكره ثانويه عامه وكمان عشان تيتا ازاى هدخل ثانوى واخد بالى من تيتا وقدمت فى مدرسه (زراعه ) ساعتها اتحطمت وحسيت حياتى كلها انهارت وتعبت نفسيا جدا وزادت نوبات التشنج عندى لدرجه انى كنت كل يوم اتعب واروح المسستشفى واتحجزت فتره طويله فى المستشفى لكن قلت لنفسى لازم اكون اقوى من كده ورجعت اذاكر من تانى وكنت شاطره جدا فى المدرسه وكنت بسئل واستفسر عن كل شيئ عشان كنت عايزه اكمل جامعه لكن كان كل المدرسين يقولولى انتى شاطره ليه مدخلتيش ثانوى وانا اول ما اسمع الكلام ده افضل ابكى واتعب جامد لكن هما بسرعه عرفو ايه السبب اللى خلانى مرحتش ثانوى كان معظم الوقت واخده اجازات مرضى تعبت جامد من كل يوم لدكتور وقرفت قوى من نفسى واتمنيت انى اموت والاكتر من كده انى كنت دايما مرهقه زياده عن اللازم رحت اكشف فتخصص تانى المره دى تخصص قلب وعرفت انى عندى ارتخاء فى صمامات القلب الحمد لله مش حاجه خطيره للدرجه بس كنت بتألم جامد نفسا وعضويا بس انا اللى جبته لنفسى عشان كنت بعمل مجهود جامد جدا كنت تصورو كنت بشيل حاجات ثقيله جدا زى مثلا الثلاجه اطلع بيها دورين وانا فى ثانوى وكنت بشيل انبوبه البوتجاز واطلع بيها ست ادوار لفوق على السلم اكيد طبعا مش فاضيه هههههههههه كان لازم اعمل كده لانى كنت وحدى كان لازم اعمل كل شيئ لنفسى الحمد لله لكن فى الفتره دى بعد ماعرفت انى عندى ارتخاء كنت الاول فاكره انها حاجه كبيره وخطيره نفسيتى تعبت اكتر وقلت انا مش هاخد دواء ولا علاج تعبت من الادويه فكنت برميها واكذب على ماما واقولها انى اخذت الدواء وفى مره ماما كانت عندى فى بيت جدى وطلعت على السطوح وشافت الدواء مرمى واتخانقت معايا يومها قلت لها كلام انا مش مسامحه نفسى بجد انى قلته (سامحينى ياامى )هى قالت لى برضه كده الناس كلت وشى بيقولو حسناء كل يوم تقع ويودوها المستشفى حرام عليكى رحت انا رديت عليها وقلت كل ما افتكر الكلام اللى قلته بحتقر نفسى قوى قلت لها انتى مش هامك غير كلام الناس وانا مش مهم انا ممكن ماخدش دواء واخف لو مره ختينى فى حضنك زى اى ام مبتحضن بنتها انا حاسه لاانتى امى ولاهو ابويا حرام عليكم ان فين منكم ادعولى اموت وارتاح لقيت امى دمعت ودى كانت اول مره فى حياتى اشوف امى تبكى كرهت نفسى قوى وقعدت اعيط واقولها سامحينى انا اسفه انا معرفش قلت كده ازاى ومشيت زعلانه انا خت ثلاث ايام منتش نهائى وعلى عياط ومش قادره اروح البيت وحاسه انها عمرها ماهتسامحنى وحاولت انتحر وشربت علبه الدواء بتاعت النشاط الزايد وكمان دواء القلب وقتها قلبى وقف ودخلت عنايه مركزه وسبحان الله انكتبلى عمر جديد وبقيت اذاكر اكتر من الاول ومبقاش يهمنى كلام اى حد وفعلا نجحت لكنى اتظلمت لانى كنت بحل كل كلمه فى الامتحان اجابه نموذجيه والاخر اتظلمت فى الدرجات جايز لان كل زميلاتى كانو بيغشو وفى الاخر اتسوينا وخدونى بينهم لكن عمرى ماغشيت فى حياتى ده مره من سنه ثالثه ثانوى فى ماده اسمها ادراه اعمال كان فى سؤال حليته غلط المراقب قلى انتى حاله ده غلط قلت له عارفه عشان انا مذكراتش السؤال ده ومش فاكراه فراح جبلى الكتاب وفتحه قدامى على الاجابه واقسم بالله مسكت الكتاب ورميته بعيد راح المدرس قال عليا مجنونه رديت عليه مجنونه اه لكنى مش حراميه وقال رسول الله صلى الله عليه وسلم من غش امتى فليس منى لكن فى الاخر برضه مختش حقى الحمد لله على كل حال
جبت درجات قليله اتخنقت ويأست وقلت خلاص مش فارقه اى حاجه خالص ورحت قدمت معهد خطوط عشان بس مبقأش زهاقنه وعشان متعبش اكتر نفسيا لكن خالو زعل منى وقال لا فى معهد تعاون وارشاد زراعى وقدمت فيه فعلا وهنا بقى بداءت حسناء تانيه خااااالص المره الجايه بقى نتعرف على حسناء الجديده
إظهار التوقيع
توقيع : حسناء أحمد
#21

افتراضي رد: قصتى بسيطه

يااااه اتحملتى كتير اوى
ربنا يجازيكى كل خير حبيبتى
وان شاء الله تكونى فى احسن حال
فى انتظارك
إظهار التوقيع
توقيع : حسناء
#22

افتراضي رد: قصتى بسيطه

ايه يابنات قصتى معجبتكمش اكيد قصه غريبه شويه ياتره عايزينى اكمل ولا بلاش وكفايه كده
إظهار التوقيع
توقيع : حسناء أحمد
#23

ايام الجامعه

كنا وصلنا لغايه الثانوى ( مدرسه الزراعه )على فكره انا مش بستقل بزراعه لكن مكنتش طموحى رغم انها نصيبى والحمد لله المهم انى قدمت على معهد تعاون وارشاد زراعى ودخلت المعهد وكانت اختى الاكبر منى بسنتين فى المعهد ودى كمان كانت بالنسبالى حاجه مهمه جدا لانها هتاخد بالها منى لانى ممكن اتعب فى اى وقت لكن عشان ادخل الجامعه حصلت حاجات كتير جدا زى ان كل اهلى غلطو بابا وقالو له بلاش دى عيانه حسسونى انى مريضه بمرض ميؤس منه والامر من كده ان الكلام ده كان بيتقال لى مباشرا زى مثلا عمتى جت تقولى ابن عمتك عايز يرتبط بيكى قلت لها ده متجوز قالت هو مصمم عليكى قلت لها مينفعش ردت احنا قلنا له دى مريضه ومتنفعكش قال انها هخدها واسافر بيها اى مكان عشان تخف ليه القسوه دى ياعمتى جرحتينى قوى بس معلش انا نصيبى كده ولازم ارضئ بيه ودى مش اول واحد تقولى كده ماعلينا المهم انى دخلت جامعه حتى لو كان معهد تخصصت فى المعهد شعبه تربويه عشان اكمل فى دراستى والدى حول مدارس اختى واخويا الاصغر منى لاسيوط وجينا كلنا نعيش فى اسيوط المحافظه وضحى بحاجات كتيره يومها ندمت على الكلمه اللى قولتها لماما قبل كده بابا كان خايف عليا جدا واهم شئ كان عنده انى مصاحبش حد لا يطلع مش كويس وطبعاااا مليش دعوه بالاولاد نهائى لان مفيش ولد بيكلم بنت فى اى حاجه الا اذا كان عايز حاجه مش كويسه وطبعا انا اقتنعت بكل كلامه وكانت معايا واحده بس من زميلاتى ايام المدرسه الوحيده اللى كنت بتكلم معاها لكن ربنا يسامحها المهم انى كنت ببقى خايفه جدا لما هى تكون غايبه واول ما اكون فى مكان ويدخله اولاد اقوم بسرعه ولو حد كلمنى مردش عليه وكنت على لوحدى وماليش دعوه بحد خالص لغايه فى يوم حصلت حاجه اقسم لكم بالله ماكان لى يد فيها ولغايه دلوقتى مش فاهماها اقولكم على الحاجه دى المره الجايه
إظهار التوقيع
توقيع : حسناء أحمد
#24

حاجه غريبه

المره الي فاتت قلت ان فى حاجه حصلت مكنش ليا يد فيها معرفش هتصدقونى ولا لا انا بجد محرجه اقولها انا كنت بخاف جدا من الاولاد وكنت اول ما اشوف ولد فى المكان اسيب المكان وامشى لكن فى يوم كنت قاعده انا واتنين صحباتى اللى كانت معايا من ايام المدرسه وواحده تانيه اتعرفت عليها من الوادى الجديد المهم عدا ولد من قدامى كان بعيد بمسافه مهياش قريبه ولا بعيده قوى المهم انى مش عارفه ايه اللى حصل عارفين اما يكون فى حد تعرفوه ومسافر وبقاله زمن طويل ويرجع فجأه احساسكم بيكون ازاى حتى لو متكلمتوش معاه مش عارفه بقى صدقونى هو شكله مش حلو يعنى مجذبنيش شكله ولا حتى سمعت صوته ولااعرفه اساسا عادى قلت لنفسى خلاص ده مجرد حاجه عابره ومتشغليش بالك دخلت المحاضره لقيته فى وشى ماشى يعنى زميلى جه ميعاد السكشن العملى وده بنتقسم فيه مجموعات لقيته برضه ومحاضره التخصص برضه معلش وانا مروحه بيتى ركبنا نفس الاوتوبيس الله ايه اللى بيحصل ده معلش برضه نزلنا سوا ساكن قصادى فى نفس الشارع صدفه وفى يوم واقفه انا والبنت اللى اتعرفت عليها دى لقيته جى بيكلمها اتحرجت وسبتهم ومشيت طلع ابن عمها واسمه حسن صدفه جامده معلش لكن ايه الاحساس اللى جوايا اللى كل يوم بيزيد مع الوقت عرفت انه خاطب بس كده ارتحت يعنى فى حاجه تمنعنى من انى افكر فيه فى يوم عرفت انه ساب خطيبته لانها مش هتستناه اما يخلص دراسه المهم مرت الايام والبنت اللى اتعرفت عليها سابت المعهد لكن اخينا ده موجود انا كنت لسه للاسف بيحصلى دور الاغماء كنت كل اما اتعب هو يجى معايا طبعا انا مش بشوفه اصلا لانه كان بيجي معاياهو والبنات واول ما يجى والدى كان بيمشى قبل حتى ماانا افوق وفى يوم جه يتكلم معايا السلام عليكم يا مهندسه حسناء وعليكم السلام يا استاذ حسن معلش ممكن اطلب من حضرتك خدمه خير فى ايه لا عادى مفيش كنت بس عاوز المحاضرات اللى فاتت طب حضرتك فى زميلانا الاولاد حضرو ممكن تاخدها منهم لانى مش معايا دلوقت لا ما انا سئلتهم قالو هما مفهموش المحاضره لكن حضرتك يعنى بسم الله ما شاء الله يعنى كنتى بتجاوبى مع الدكتور وواضح ان حضرتك فهمتيها معلش اصلى بتأخر عشان السفر يعنى انا متأسف جدا خلاص ماشى حضرتك لا عادى هجيبها لحضرتك بكره ان شاء الله جبتها له وخدها وصورها بعد فتره جه يكلمنى فى حاجه تانيه خير فاتن بتسلم عليكى الله يسلمها شكرا الله ايه ده بقى
ربنا يستر جه فى يوم تليفونى رن رقم الو مين معايا انا فاتن يا حسناء ده رقم مين يا فاتن ده رقم حسن ازاى انت ى اتجننتى امسحيه وابقى ابعتيلى من تليفونك كلمنى وانا اتصل بيكى ردت حاضر حاضر وبعده فى الاجازه رن رقم تانى رديت مين معايا انا حسن حسن مين انا ابن عم فاتن خير يا استاذ حسن وهو حضرتك جبت الرقم منين رد معلش انا اسف اصلى خته من فاتن هى النتيجه ظهرت والله يا استاذ حسن حضرتك كان ممكن تكلم اى حد من زملائنا الاولاد عشان تعرف النتيجه وعموما هى لسه مظهرتش واما رجعنا تانى الجامعه وشفته جه قالى انا اسف خالص مكنتش اعرف ان حضرتك هتدايقى كده بعده تقريبا بسنه حصل موقف مش قادره انساه او بمعنى اصح اتحكالى وهو انى اما تعبت وخرج الدكتور بيقول قلبها وقف خالص شوفو حد من اهلها بسرعه هو افتكر انى مت فضل يعيط واغمى عليه معرفش بقى ده كذب ولا حقيقه لكن وقتها طلع علينا كلام مش كويس وكان كل اللى يتكلم يقول حسن بيحب حسناء وحسناء مكبره دماغها عنه لحد ما فى يوم اتجرا وجه قالى انه معجب بيا يومه انا قلت له انا محبش الكلام ده وعموما سيب كل شئ للنصيب واما رجع تانى عشان يقولى نفس الكلام غلطت فيه جامد وقلت له عشان انا اتعاملت معاك الاول كويس يبقى انت ماصدقت عموما انا مينفعش ارتبط بعيل لسه بياخد المصروف جه تانى تيرم ووقف وسط البنات وراح قالى لو سمحتى يا استاذه انا مبقتش عيل وباخد المصروف انا اشتغلت وراح مشى وقفوا البنات وفضلو يضحكو عليا وانا اتحرجت جدا وفضلو يقولو انتى معنديكيش قلب يعملك ايه اكتر من كده انا سبتهم ومشيت روحت بيتى ومكملتش محاضرات وجه فى يوم كنت برضه تعابنه ورحت المستشفى المره دى هو استنى والدى واتكلم معاه وفضل يحكى له عن حياته ويقوله هو منين وعنده كام اخ واخت وانه اكبر واحد فى اخوانه لدرجه بابا اما روحت البيا سئلنى عنه فحكيت له كل اللى حصل ورد عليا عموما هو لو ابن حلال اهلا وسهلا يجئ ونسئل عليه لكن انا فضلت افكر هو ليه مصمم كده مع انى بعامله مش كويس ازاى واحد يحب واحده وهى كل يوم والتانى يغمئ عليها وهو ميعرفش عندها ايه ده يبقى اسمه ايه شفقه ولا ايه المهم جه فى سنه رابعه اول تيرم قالى قولى لبابا انا جى بالكتير الترم التانى رحت انا قلت لبابا وبابا اكلم اخويا واخويا بالفعل سئل عليه ولقيه من عيله بسيطه جدا ومستواهم الاجتماعى اقل منا بكتير ورد على بابا وقاله الواد ده لو جه ارفضه احسن بابا سئله ليه قال له عشان مستواه قليل لكن بابا مكنش هامه المستوى الاجتماعى خالص بابا كان معجب بشخصيه حسن المهم فى الاخر محصلش نصيب لكن مش بسبب اهلى بسبب تانى خالص ابقى احكيه المره الجايه
إظهار التوقيع
توقيع : حسناء أحمد
#25

باقى الحكايه ارجو المساعده

المره اللى فاتت قلت لكم ان محصلش نصيب بينى وبين حسن اكيد افتركتو ان السبب رفض اخويا لكن مكنش السبب ده السبب جرحنى قوى اللى حصل انه جه التيرم التانى والمفروض كان يجى فيه لكن اتاخر جدا مجاش غير على الامتحان واما جه متكلمش معايا خالص وانا كان نفسى اعرف ايه السبب اللى خلاه اتاخر وايه اللى خلاه مش بيكلمنى وفؤجت انه بيقول لزميلانا انه خطب لكن فى الواقع انه كان بيكذب عشان انا ازعل وانساه او بمعنى اصح اكرهه انا مشيت وروحت بيتى ومنزلتش تانى ورحت على الامتحان بس ومشيت على طول عشان مكنتش عايزه اشوفه لكن بابا سئلنى عن حسن ليه مجاش زى ماقال قلت له معرفش يا بابا هو جه على الامتحانات بس ومعرفش عنه اى حاجه وخلاص يابابا انسى الموضوع ده خالص لكن انا كنت متأثره جدا ومدايقه راحو زميلاتى البنات سئلوه عن موضوع خطوبته دى حقيقه ولا كذب وليه قالى انه جى ومجاش وقالو له انى انا موقفى مش كويس قدام اهلى وطلع انه مش خاطب ولاحاجه وانه لما اتكلم مع اهله بخصوصى رفضونى من غير مايسمعوه اساسا افتكرو انى مش كويسه عشان بس انا زميلته فى الجامعه يعنى من وجهه نظرهم مش متربيه وبتكلم واحب وهما مش عايزين كده رغم انه ربنا وحده اعلم انى مكنتش بتكلم معاه فى اى حاجه ومش بس رفضونى ده كمان لما اصر عليا اتخانقو معاه وساب البيت ومشى وهما مكانوش يعرفو مكانه وانه جه على الامتحانات بس والله اعلم الكلام ده كذب ولا حقيقه سكت وسلمت امرى لله مع انى كنت مجروحه قوى ومجبتش تقدير اخر السنه لانى مكنتش قادره اذاكر لكن هو شال مواد لكن الاصعب من كده انه بعد ماخلصنا دراسه خطب فعلا ومش بس كده هو اللى اتصل بيا وقالى انه خطب وقتها انا حصلى شلل مؤقت مش عارفه ليه كل اللى بيحصلى ده وبعدها بفتره قليله كان فرح اختى الاكبر منى وفى نفس الاسبوع اتقدملى ناس كتير وافقت على ابن عمى وخلاص او بمعنى اصح اتحطيت فى الامر الواقع لان بابا مخدش رايئ اصلا وانا كنش ينفع اصغر بابا وسط الناس لكن كان كل طلبى اكمل دراسات عليا وده كان اخر حلم ليا لانى كنت كل مااحلم باى حاجه للاسف متكملش الحمد لله على كل شئ المهم انهم وافقو وقدمت فعلا وكان اول مره اكلم ابن عمى الى كان خطيبى بعد قرايه الفاتحه بسبعه اشهر والفاتحه لاانا حضرتها ولاهو وكان اول مره اتكلم معاه كان اخر يوم فى خطوبتنا لانه كان كل مايشوفنى ادخل البيت كان يخرج منه وكان بيتجاهلنى تماما واكنت ببقى مخنوقه قوى لكن قلت لنفسى اكيد ده ذنب عشان انا سبت مشاعرى لحد قبل كده وده حرام لكن اان مكنتش بتكلم معاه خالص نادر جدا ماكان يجى يكلمنى وكان بيكلمنى للدراسه بس معقوله يكون الذنب ده بيخلص منى بالطريقه دى سكت واتحملت سبع شهور ومكنش حد مصدق خالص انى عمرى ماكلمت خطيبى ده المهم ان اول يوم كلمته كان اخر يوم وده كان يوم خطوبه اخته على اخويا راح سئلنى صحيح انتى هتكملى دراسه قلت له ان شاء الله قالى مش مهم قلت له ده كان طلبى الوحيد وانت وافقت عليه قال رجعت فى كلامى قلت له انا الطلب ده طالباه قبل ما انت او غيرك تتقدم ومليش اى طلبات خالص قالى كبرى دماغك المهم انتى عرفتى اننا هنعمل كتب كتاب اخر الشهر ده وبعد شهرين الفرح قلت له معرفش حاجه وبعدين ولا فى فرح ولا كتابه قبل مانتفق قال خلاص كملى فى بيت ابوكى قلت مش مشكله اكمل قال بس سنتين لو اكتر من كده يبقى اما تيجى بيتى تسيبى الدراسه قلت له مينفعش قال ليه قلت له انا مش مستعده للطلاق وخلاص كل شئ قسمه ونصيب انا منفعكش شوف واحده تنفعك لاقيته ما صدق وقال خلاص براحتك وانا على اخر السنه هتجوز قلت له ربنا يرزقك باللى تناسبك خلاص وخلاص كل شئ راح لحاله بس انا ارتحت وحسيت ان كان حبل ملفوف حوالين رقبتى واتفك لكن المشكله ان حسن رجع يتصل بيا وهو لسه خاطب وانا مش قادره انساه ومش عارفه اعمل ايه انا حاليا معظم وقتى فى المذاكره ومشغوله خالص لكن ده مش بيشغلنى عن التفكير فيه حتى لو كانت اتصالاته قليله جدا واكتر من مره طلب منه ميتصلش تانى ويقولى حاضر والاقيه يتصل تانى انه عايز يطمن عليا انا بجد تعبت جدا ومش عارفه اعمل مع العلم فضلت اكتر من تسعه شهور مكلمتوش ولا كلمنى وكل مره بقوله متتصلش وبحاول اشغل نفسى بيه وبرضه مش قادره انساه لدرجه انى بسمع صوته واعرف انه فى اسيوط من غير مااشوفه اصلا بصراحه تعبت ومش عارفه اعمل ايه ده اول مااجيب سيرته الاقيه يتصل او اشوفه قدامى فجأه ازاى معرفش حاسه انى هتجنن انا عارفه ان ده غلط لكن مش عايزه اكرر موضوع خطوبه تانيه وافشل فيها بسبب الموضوع ده اصعب شئ انك تكونى مع حد بجسمك وقلبك وعقلك مع غيره انا عندى اموت ولا ابقى كده انا مش خاينه نفسى ربنا يسامحنى ويهدينى قولولى اعمل ايه
إظهار التوقيع
توقيع : حسناء أحمد
#26

حاجات منسيه

اختى الاصغر منى جت معايا عند جدتى وانا فى اعدادى بعد ما بداءت اتعب
جدتى وهى فى تعابنه مفتكرتش حد غيرى وكانت دايما تنده عليا
جدتى جت عاشت معانا فى اسيوط وبقت مسئوله من اختى الاصغر منى وانا كنت بديها الدواء واغير لها على قرح الفراش واروح معاها للدكتور
جدتى اتوفت وانا فى تالته جامعه كان عندى امتحان نصف العام وملحقتش اودعها
اخر حاجه قالتها تيتا فين حسناء لكن للاسف انا كنت فى امتحان ورجعت لقاتها اتوفت
كل حياتى محصوره بين اتنين تيتا وحسن والاتنين سابونى واحده بالموت والتانى بالبعد
إظهار التوقيع
توقيع : حسناء أحمد
#27

افتراضي رد: قصتى بسيطه

ربنا يصلحلك الحال يا حسناء
بصى انا من رايى انك تنسيه خالص وهو لو عايزك يبقى يجى يتقدم لبباكى
هو شكله متعلق بيكى جامد
بس ما ينفعش غير انه يتقدم رسمى
وكمان متتكلميش معاه لما يرن عليكى
ولو فيه نصيب بينكم هيكون بأمر الله
وانا من رايى كمان انك تطرحى المشكلة فى قسم عدولة محتارة فى منتدى منوعات فى منوعات
هتلاقى كتير وعندهم خبرة يساعدوكى باذن الله
إظهار التوقيع
توقيع : حسناء
#28

افتراضي رد: قصتى بسيطه

اللهم ارحمنى واغفر لى وعافنى واعفو عنى فأنت ارحم الراحمين
إظهار التوقيع
توقيع : حسناء أحمد
#29

افتراضي رد: قصتى بسيطه

بسم الله الرحمن الرحيم بسم الله الشافى العافى اللهم عافنى فى بصرى وبصيرتى وانر لى طريقى للخير يارب العالمين يارب اهدينى وبرحمتك احمينى يارب ارحمنى برحمتك يارب فك كربى وكربه المسلمين كافه
إظهار التوقيع
توقيع : حسناء أحمد
#30

افتراضي رد: قصتى بسيطه

يارب اهدينى ويسر لى امرى يارب
إظهار التوقيع
توقيع : حسناء أحمد
#31

رد: قصتى بسيطه

يارب رحمتك بعبدك الضعيف على ارض الدنيا ضيف
يارب ارحمنى حاسه الدنيا كلها فوق دماغى تعبت جدا من كل شئ شكلى كده هفضل طول عمرى حياتى كده متلخبطه كل ما اطلع من حفره اقع فى بير الحمد لله على كل حال يارب صبرنى يارب اللهم لا اسئلك رد القضاء ولكنى اسئلك اللطف فيه يارب ارحمنى نفسى ارتاح سبحان الله الانسان ده غريب ومن الصعب ارضاؤه زمان كانت مشكلتى انى لوحدى دلوقتى مشكلتى انى عندى مسئوليات كتير وحاجات كتير مسئوله عنها وبرضه مش قادره افرح لنا مش مدايقه بس تعبانه يمكن المسئوليه اللى حطيت نفسى فيها اكبر من قدرتى عليها يمكن ويمكن يكون ده اختبار من ربنا سبحانه وتعالى يارب ثبتنى على دينك
دلوقت سمعت كلام حسناء فى موضوع حسن والحمد لله انا دلوقتى متأكده انه لو فيه خير هيرجع ولو مليش فيه خير يبقى عمرى ما هزعل لانى ببساطه استودعته الله فلو كانلى فيه نصيب اكيد هيجى لو مليش يبقى ده نصيبى والحمد لله انا راضيه بيه
لكن شغل الحضانه والبيت والجامعه واختى وابنها والمحل هما دلوقتى قلق فى حياتى كل مشكلتى دلوقتى مش عارفه ارتب وقتى اعمل ايه قبل ايه ربنا يستر خايف اقصر فى حاجه على حساب حاجه تانيه ربنا يستر الحمد لله على كل حال
إظهار التوقيع
توقيع : حسناء أحمد
#32

افتراضي رد: قصتى بسيطه

حسناء حبيبتى متحمليش نفسك اكتر من طاقتها
هدى نفسك شوية عشان تعرفى تفكرى
دراستك اولا وبعدين الباقى ومترهقيش نفسك كتير كده عشان تقدرى تواصلى حياتك بشكل طبيعى
وان شاء الله ربنا معاكى ييسرلك الاحوال ويهديكى للصواب يارب

بالمناسبة الجملة دى غلط متقوليهاش تانى
اللهم لا اسئلك رد القضاء ولكنى اسئلك اللطف فيه
لانى اسلوبها مش مرغوب فيه
إظهار التوقيع
توقيع : حسناء
#33

افتراضي رد: قصتى بسيطه

احنا دايما يبقي في ايدنا الحل لكن بنعمل مش واخدين بالنا يعني لو غيرتي نمرتك وفكرتي في الارتباط من اي حد من اللي تقدمولك هتنسيه خالص واعصابك هتهدي لما تفكري في نفسك شويه
#34

افتراضي رد: قصتى بسيطه

على فكره يا سناء انا غيرت نمرتى 3 مرات وبرضه بيعرفها معرفش ازاى واتخطبت مره وفكيت خطوبتى واكتر من 3او 4 مرات يحصل مواضيع خطوبه وكده وعند الكلام ما يبقى رسمى مبقدرش وعلى فكره مش بطريق انى اتعرف على حد ويطلب ايدى لالالا ده عن طريق صحباتى او زميلاتى فى الشغل او حتى لمجرد مكان رحته مره واعرف فيه حد لكن مش بقدر اقبل الموضوع بحس انى مخنوقه وروحى بتطلع صدقينى والله ما ببالغ واتمنى انك منتظرليش بنظره اتهام
إظهار التوقيع
توقيع : حسناء أحمد
#35

افتراضي رد: قصتى بسيطه

انا ما اقدرش ابص لك بصه وحشه او اتهك وموضوع نمرتك اللي بيعرفها اكيد في حد قريب منك بيديها له خلي بالك من صحابك لان كتير من اصحابنا سبب قرفنا واحنا ما نعرفش واسقفه علي اللفظ واستعيني بالله وحاولي تتفاهمي مع اللي بيتقدمو لك وربنا يوفقك
#36

افتراضي رد: قصتى بسيطه

شكرا يا سناء ربنا يكرمك يارب
إظهار التوقيع
توقيع : حسناء أحمد
#37

افتراضي رد: قصتى بسيطه

الهى عظمتك مغرفتك يارب ساعدنى خايفه قوووووى من كل شئ حواليا يارب اهدينى يارب يسرلى الخير يارب يااااااااااارب يا مجيب الدعاء اجب دعائى ياالهى اقبل رجائى نفسى ارتاح حاسه الدنيا دى زى الدوامه نفسى افرح بجد من قلبى يارب ساعدنى يارب الحمد لله الذى لايحمد على مكروه سواه سامحينى يارب و اهدينى واعفو عنى وعافينى يارب
إظهار التوقيع
توقيع : حسناء أحمد
#38

افتراضي رد: قصتى بسيطه

احسن حاجة اعملي استخارة بس حاسة ان ربنا مقدر لك الالتقاء او الزواج به
ربنا يفرج همك ويسعدك
عندي شهور وانا ابحث عن هذه المدونة والحمد لله وجدها انصحك ان تكتبي فاسلوبك جميل
إظهار التوقيع
توقيع : bassouma
#39

افتراضي رد: قصتى بسيطه

حاضر يا حبيبتى ان شاء الله دلوقت حالا
إظهار التوقيع
توقيع : حسناء أحمد
#40

افتراضي رد: قصتى بسيطه

لا اله الا انت سبحانك انى كنت من الظالمين انا النهارده مبسوطه عشان حاسه انى خليت حد مبسوط بنت خالى دايما محبوسه فى البيت عشان ماماتها شديده قوى النهارده رحت عندها وباعجوبه اقنعتهم تيجى عندى كانت الحجه بالمذاكره عشان انا ماجستير اقتصاد وهى عندها مادتين فى الاقتصاد هى لسه فى اولى جامعه كنت بذاكرلها وعندى احساس انى ممكن اخرجها من اللى هى فيه عشان هى نفسيتها تعبانه جدااااااا ربنا يارب يفرج همها ويفك كربها امين يا ارحم الراحمين
إظهار التوقيع
توقيع : حسناء أحمد
#41

افتراضي رد: قصتى بسيطه

يارب ياعالم بالغيب استر عيبى وانر دربى وباعد بينى وبين ذنبى كما باعدت بين المشرق والمغرب يا ساتر ياغافر يا واهب يارازق لا تحرمنى من لذه النظر الى وجهك الكريم ارحمنا برحمتك التى وسعت كل شئ يارب اهدينى يارب
إظهار التوقيع
توقيع : حسناء أحمد
#42

افتراضي رد: قصتى بسيطه

يااارب اهدينى وارحمنى واستر طريقى يا كريم مش عارفه ايه اخر اللى انا فيه ربنا يستر
إظهار التوقيع
توقيع : حسناء أحمد
#43

افتراضي رد: قصتى بسيطه

الهى ضاقت بيا الارجاء ومن لى سواك منه الرجاء الهى اختنقت روحى فى عنق زجاجه والدنيا براح تحولت للثقب ابره الهى لا تتركنى فى حيرتى ثقلت ذنوبى واوزارى واقعتدنى على الارض شليله واعيتنى واقد صرت عليله
إظهار التوقيع
توقيع : حسناء أحمد
#44

12 رد: قصتى بسيطه

يا سبحانك يا رب
يارب اهدينى نفسى ارتاح الدنيا دى سبحان الله غريبه جدااااااا
اليومين دول فى ناس كتير بتتقدملى والغريب اللى فيهم انهم اما شبه حسن او اسمهم حسن
والاغرب وراء بعض يعنى اول امبارح اتقدملى واحد اسمه سامح شبه حسن بالضبط بس خلاص مفيش نصيب لانه اول ما عرف انى قدامى حوالى اربع سنين دراسه تانى راح ومرجعش
وتانى يوم بعد ما خلاص موضوع سامح انتهى انا قلت الحمد لله لانه كان شبه حسن جامد وبصراحه كنت خايفه اشيل ذنب بانى لما ابص عليه ياتره هبقى شايفه مين حسن ولا سامح المهم انى امبارح اتقدملى واحد اسمح حسن يا خبر اعمل ايه انا عايزه اهرب من اللى فات نفسى حد يصدقنى انا مش قادره انساه اعمل ايه مش عارفه
ولسه مردتيش على موضوع حسن بصراحه هو اول شئ موافق على دراستى وكمان مش ممانع لو كملت دكتوراه كمان لانه هو كمان بيعمل دراسات عليا وشكله حلو ومركزه الاجتماعى حلو واسلوبه فى الكلام تحسو انه مثقف ومهذب وبيقولو انه متدين لانى معرفش فى حد بجد اليومين دول متدين بجد ولا لا لانى مبقتش مصدقه حد من كتر اللى بيجرا حواليا يعنى من الاخر هو ميتعيبش بس مش عارفه ارد باه ولا لا وخصوصا انى اليومين دول مش هتقدر اصلى استخاره بس بصراحه خايفه من الاسم ياتره انا كده هبقى خاينه ما لو ندهت عليا هفتكر حسن صدقونى انا اول ما بسمع اسم حسن قلبى بيتخطف مش عارفه اعمل ايه ادعولى ربنا يهدينى

إظهار التوقيع
توقيع : حسناء أحمد
#45

افتراضي رد: قصتى بسيطه

حكايتك مؤسرة ياحسناء
إظهار التوقيع
توقيع : اوزاريس
#46

افتراضي رد: قصتى بسيطه

شكرا لمرورك ورائيك يا سوسو بس دى حكياتك من بين الالالالالاف الحكايات اكيد فى ناس حكايتها مؤثره اكتر منى الحمد لله الذى لايحمد على مكروه سواه
إظهار التوقيع
توقيع : حسناء أحمد
#47

افتراضي رد: قصتى بسيطه

يارب اهدينى يارب نفسى اعرف انا لسه مش قادره انسى حسن دى يمكن عاشر مره حد يتقدملى وارفض من غير سبب واضح وكل الاسباب انى بجد مش قادره ارتبط بحد عشان لسه منستش حسن يارب اهدينى يارب نفسى افوق بجد تعبت اكتر من سنتين لا شوفته ولا شافنى ولسه برضه مش قادره انساه طب واخرتها هفضل كده طب هو خطب وخلاص هيعيش حياته انا اعمل ايه مش قادره بجد كل ما حد يجى يتقدم احس روحى بتتسحب وابقى مخنوقه ومش مستحمله اى حاجه اعمل ايه ادعولى ربنا يصلح حالى يارب انت القادر على كل شئ سبحانك يا مقلب القلوب يارب اهدينى يارب
حاسه انى متلخبطه والدنيا بتخبط فيا يمين وشمال ومشاكل كتير كل يوم اولها مشكله التار هم جديد ونار انقادت ومش عارفها اخرتها ايه ربنا يستر واخويا اللى اتحبس شهرين عشان قضيه طلاق مراته وامتحاناتى اللى لازم اجيب 3 امتياز عشان اعدى السنه دى وظروفى انا اللى محبكش العرسان يتقدموا ورا بعض الا الايام دى وفوق ده كله تعبى الجسمانى والنوم والنسيان اللى انا فيه مش قادره اركز فى اى شئ لو الراحه فى الموت كنت موت نفسى لكن حرام اروح من عقاب ربنا فين استغفر الله العظيم
إظهار التوقيع
توقيع : حسناء أحمد
#48

افتراضي ياااااارب

يارب اهدينى يارب الظاهر كده والله اعلم ان عمرى ما هرتاح يارب استر من فتره قريبه بداء ناس كتير يتقدمو لخطبتى واقفت على واحد فيهم بس بعد تفكير اكتر من شهر هو محامى وبيعمل دراسات عليا ومرتاح جدا ومؤدب جدااااااا وخجول خالص خالص واول واحد من زملائى فى الدراسه كلمنى بلغته بخبر خطوبتى عشان يبلغ حسن واخد فتره طويله حسن ما اتصلش لكن جه اول يوم رمضان رن رقم ورديت وزهلت انه حسن معرفتش ارد غير اول ما جابلى سيره خطيبى رحت بسرعه قولتله كويس وكان عندنا امبارح وحددنا ميعاد الفرح وبدال ما انا اللى كنت ساكته اصبح حسن اللى ساكت خالص وبعد ما قفلت فضلت اعيط واقول لنفسى هو اتصل ليه تانى عايز منى ايه لكن الظاهر كده ان الخطوبه دى كمان مش هتم النهارده نزلت اشتريت فستان الشبكه لكن بابا اتكلم معايا وقلى متعلقيش نفسك بالعريس ده قوى سئلته خير قالى فى مشاكل وكده والله اعلم الخطوبه دى هتم ولا لا الاصعب انه اول ما قالى الكلام ده انا مزعلتش بالعكس وجه فى بالى حسن هو ايه انا هفضل عمرى كله مش هنسى حسن مش عارفه ادعولولى انا خايفه من نفسى على نفسى يااااارب اهدينى
إظهار التوقيع
توقيع : حسناء أحمد
#49

افتراضي رد: قصتى بسيطه

يلا ياقمر كملي مسنياكي
إظهار التوقيع
توقيع : لولو حبيب روحي
#50

افتراضي رد: قصتى بسيطه

يلا ياقمر روحتى فيييييين
إظهار التوقيع
توقيع : بائعه الورد
#51

افتراضي رد: قصتى بسيطه

كملى قصتك ياقمر
إظهار التوقيع
توقيع : yasmen ali


قد تكوني مهتمة بالمواضيع التالية ايضاً
الموضوع كاتب الموضوع المنتدى
تسريحات عريس بسيطه وانيقه 2024,تسريحات عرايس ,تسريحات بسيطه وانيقه للس ريموووو تسريحات الشعر
تسريحات بسيطه خطوه بخطوه بالصور2024, تسريحات جميله للمنزل بسيطه وعمليه بالصور تسريحات ريموووو تسريحات الشعر
تسريحات منزليه بسيطه 2024 بالصور,خطوات عمل تسريحه منزليه بالصور,طريقه عمل تسريحه منزل ريموووو تسريحات الشعر
فساتين بسيطه للمحجبات.فساتين طويله للمحجبات.فساتين سهره بسيطه للمحجبات ريموووو ازياء وملابس المحجبات
فساتين منزليه بسيطه للصيف , فساتين صيفيه انيقه , فساتين بسيطه لصيف رائع وانيق ريموووو ازياء وملابس صيفية


الساعة الآن 11:43 AM

الاتصال بنا - عدلات - الأرشيف - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل