عندك انجليزي كويس؟ عايز تشتغل من البيت؟ تعالى أقولك تعمل ايه

بصو يا جماعة
أنا بقالي حوالي 10 شهور بدور وأجرب في موضوع الشغل من البيت
وعملت محاولات كتير وجربت وكسبت وخسرت لحد ما وصلت للمختصر المفيد والحمد لله من حوالي اسبوع مسكت في ايدي أول 100 جنيه وبصراحة مكونتش مصدقة نفسي من الفرحة وكنت مقررة من مده ان الموضوع لو نفع واستلمت فلوس فعلا هعمل موضوع فيه كل التفاصيل عشان اللي عايز يستفيد بس أهم حاجة يكون عندك انجليزي كويس جدا
المهم عشان مطولش عليكو الموضوع وما فيه اني وصلت لمجموعة من مواقع الشغل من البيت يعني مثلا واحد عايز يصمم موقع بيدخل على موقع من دول ويحط طلباته ومواصفات الموقع والميزانيه اللي عامل حسابه عليها (بالدولار طبعا)
يبدأ بقى الناس اللي عايزة تشتغل زيينا يقدمو عروضهم
واحد يدخل يقوله مثلا 50 دولار والتسليم بعد 5 أيام
واحد تاني يقوله 100 دولار والتسليم بعد 10 أيام
وهكذا
والراجل يختار اللي يعجبه وبعد انتهاء الوظيفة والتسليم والدفع وكله بيحط تقييم واللي اشتغل معاه هو كمان بيحط تقييم
طبعا اللي معاه تقييمات قبل كده بتبقى فرصته أعلى بكتيير
الموقع فكرته سهلة جدا بس ناس كتير هتقول ايه اللي يضمن انه هيدفع بعد ما يستلم؟
الاجابه انه فيه حاجة على الموقع ده اسمها Millstone دي عبارة عن مبلغ تحت حساب بيحطه الراجل في الموقع (مش في حسابك لأ في الموقع) والموقع بيبقى هو الرقيب على المبلغ ده ولو الراجل مدفعش مع انك سلمت الشغل تمام بتعمل شكوى ولو الحق معاك بتستلم المبلغ ويبقى في رصيدك
بصراحة أنا ولا مره احتجت أعمل شكوى
ليه بقى؟ لأني مش بتعامل غير مع أصحاب الوظايف اللي عندهم تقييمات عاليه دول بيبقو عايزين يحافظو على تقييماتهم زي بالظبط ما أنا كمان عايزة أحافظ على التقييم بتاعي الخلاصة ان الموقع ده التقييم فيه شئ مهم جدا.
نيجي بقى للسؤال الأهم أستلم الفلوس في ايدي ازاي؟
طبعا زي ما قولتلكو بقالي 10 شهور بحاول في كل الطرق مش هوجع دماغكو بكل ده أسهل وأضمن طريقة استخدام الماستر كارد
الموقع بعد ما تشتغل عليه ورصيدك يعدي 30 دولار بيديلك امكانيه تتطلع ماستر كارد توصلك بالبريد في بلدك لحد البيت وبتسحب بيها، هي دي أسهل طريقة وأنا بستعملها دلوقتي في مصر ومفيهاش مشاكل خالص.
خلاصة الرغي ده كله محتاجين ايه:
انجليزي كويس ده قبل أي شئ
أي حاجه تانيه جنبه مثلا برمجة او تصميم مواقع أو ترجمه أو حاجات كتير ممكن تتدخلو تشوفوها على الموقع
اللي معاه انجليزي بس ممكن يشتغل في الترجمة أو في وظايف تانيه سهلة زي وظايف ال SEO مثلا
نيه حقيقية للشغل بجد الناس دي أغلبها أجانب يعني مفيش هزار عندهم في الشغل بس زي ما هتشتغل بجد هتلاقي عائد محترم
طيب دي الحاجات اللي محتاجينها تعالو بقى أقلكو شويه نصايح وده بعد تجارب كتير ليا على الموقع لحد ما فهمت الدنيا ماشيه ازاي
قبل أي تقديم لازم تعمل بوفايل جاااااامد
طول ما انت معندكش تقييم لازم تطلب الحد الأدنى لميزانيه الراجل اللي هتقدم عنده وكمان ال Millstone تبقى نسبة صغيرة يعني مثلا 20 في الميه كفايه أوي
نصيحة لوجه الله متقدمش عند واحد معندوش تقييم هتضيع وقتك على الفاضي
أي تقديم تعمل معاه Attach لنماذج شغلك من غير نماذج محدش هيقولك صباح الخير
التقييم التقييم التقييم ركز اوي عشان أول تقييم ليك هيتبني عليه شغلك كله بعد كده
دي الأساسيات بتاعت الشغل أنا سجلت في كذا موقع بس اللي فعلا اتعاملت معاه وقبضت منه واحد بس وهو ده اللي هشرحه الباقي مجربتوش بس لو قبضت من واحد تاني هعمل برضو موضوع لشرحه
وعموما كل المواقع دي شغاله على نفس الماستر كارد يعني هي هتطلع مره واحده بس وهتستخدمها في كل المواقع
نيجي بقى للشرح
التسجيل من هنا

بعد كده روح للايميل بتاعك هتلاقي رساله فيها لينك التأكيد دوس عليه وكمل










طبعا لأن لسه مش معاك رصيد مش هيظهر اختيار الماستر كارد بس بعد ما رصيدك يعدي ال 30 دولار بيفتحلك الماستر كارد عموما بيبقى هنا وممكن يطلب منك تأكيد رقم الموبايل هيبعتلك رسالة فيها كود تدخله على الموقع


ملحوظة مهمة
التسجيل للماستر كارد سهل جدا جدا بس أهم حاجة عشان ميضعش في البريد وانت بتكتب العنوان اكتب الرمز البريدي صح وده بتجيبه من مكتب البريد اللي انت تبعه اتصل بيه وخده منه عشان هو ده اللي بيساعد بنسبه 95% ان الجواب ميضعش وعموما هو بيوصل بعد حوالي شهر
أنا جربت الماستر كارد هنا في مصر ومفيهوش مشاكل خالص شغال مع كل مكن السحب تقريبا ولو عايز تعرف مكن السحب اللي قريب منك وشغال مع الكارت خش هنا واكتب اسم الدوله والمدينه
https://www.mastercard.us/cardholder...m-locator.html
لما الماستر كارد يوصللك ادخل على الموقع بتاع الكارت
https://www.payoneer.com/




اعمل log in
دخل الرقم اللى على الكارت من قدام
وهتلاقي خانه للـ Pin Code
ده عبارة عن الـ 4 أرقام اللي هتستخدمهم وانت بتسحب من المكنه
اختار أي 4 أرقام
بس كده
أصبح الكارت Active
تدخل على موقع الشغل وتحول الرصيد بتاعك على الكارت
التحويل بياخد حوالي 3-5 أيام
أول مره بيخصم منك 25 دولار مصاريف الكارت السنوية
بالتوفيق ليكو ان شاء الله ويارب أكون أفدتكم