أو

الدخول بواسطة حسابك بمواقع التواصل



https://adlat.net/showthread.php?t=6999
5311 13
#1

يارب الاقي حل

السلام عليكم ورحمة الله وبركاته
انا عندى مشكلة وواثقة بعون الله انكم هتساعدونى..




بسم الله الرحمن الرحيم,,,
انا متزوجة من سنة ونص وقعدنا في بيت بالايجار المهم مرتحناش بسبب صاحبة البيت فقرر أبي انه يعطينا شقه في عمارته ببلاش, وهنا المشكلة ,لما حمايا سمع اننا مبندفعش ايجار طلب من زوجى اننا نعطيه مبلغ كل شهر حصل واعطاه ولكن مدالوش تانى بسبب حملي والمصاريف المهم قعدنا في بيت والدى كام شهر ..وعرفنا ان في زياده جاية من الشغل عالمرتب -امسكو الخشب- هنا المشكلة برضو حمايا عرف من اخو حماتي يعني خال زوجى لأنه كان السبب في شغل زوجى وعارف كل كبيرة وصغيرة المهم حمايا برضو طلب نعطيه كل شهر مبلغ معين وزوجى ممانعش قلتله ارفض قال لأ دا والدى وده من باب البر بوالدى واحنا لما نكبر اولادنا هيعاملونا كده وكلام زى كده المهم يا جماعه انا بسألكو:
1-هل فعلا كلامه صحيح وانه من باب البر بأبيه؟؟علما بأنه مش ساعده في زواجه ابدا
2-هل اقول لأبي يكلم حمايا؟انه كده ميصحش؟لأنهم اصحاب وهو بيخاف من والدى
3-اكلم حماتي انا انه بكده مينفعش لأن والله يدوب بنكمل الشهر بالعافية؟بس مش محفزة الفكرة دي اوى عايزة افضل بعيد
4-انا شايفة ان والدي اولى بالفلوس دى لاننا قاعدين في بيته ببلاش وسبب انه مقعدنا ببلاش عشان نقدر نغطى تكاليف المعيشه......
افيدونى افادكم اللــــــــــــــــــــه



#2

افتراضي رد: يارب الاقي حل

بصى يا حبيبتى هو بر الاب لازم طبعا انا من رايى متدخليش بين جوزك وباباه

تانى حاجه اذا باباكى مش حيقصر معاه تمن مبلغ الايجار فانتى بنته وبيساعدك وبيحفظك مفيهاش حاجه اهم حاجه الزوج ميطمعش

تالت حاجه منصحكيش ابدا ابدا تخليه مامتك او باباكى يكامو حماكى متدخليش حد من عندك فى مشاكلك لا يحصل ازمه وجوزك يمشى زعلان ويسيبك عند اهلك

استحملى شويه يا حبيبتى واحمدى ربنا انك مش اعده مع حماكى فى نفس البيت بس حاولى تقنعى جوزك براحه بوجهه نظرك بس اذا مش مقصر معاكى يبقى بر الاب واجب ومفيهاش حاجه انه يساعد باباه وخصوصا ان ولا ست فى الدنيا تقدر تمنع حاجه زى دى يعنى فى رجاله بيعملو كده وزياده من غير ما زوجاتهم يعرفو

ربنا معاكى يا قمر

#3

افتراضي رد: يارب الاقي حل


إقتباس
-هل فعلا كلامه صحيح وانه من باب البر بأبيه؟؟علما بأنه مش ساعده في زواجه ابدا
والله اللى اعرفه انه اذا قادر يعطى لوالده انما لو مش قادر ميعطيش ,, بس ان شاء الله ربنا يكرمكم لانه بيعطى لوالده من باب انه يكون بار بأهله ,, وناس كتير تقولك مادام بيشتغل يجهز حاله هو أولى بمصاريف نفسه ..
2
إقتباس
-هل اقول لأبي يكلم حمايا؟انه كده ميصحش؟لأنهم اصحاب وهو بيخاف من والدى
افتكر ممكن والدك يكلمه بس استشيرى زوجك الاول ربما يكون فيها مشكلة وانتى قاصدة تعمليها بحسن نيه ممكن تتفهم غلط ,, اذا زوجك وافق خلاص خلى والدك يكلمه بهدوء ومفيش مشكلة ..

إقتباس
-اكلم حماتي انا انه بكده مينفعش لأن والله يدوب بنكمل الشهر بالعافية؟بس مش محفزة الفكرة دي اوى عايزة افضل بعيد
يستحسن برضو انك متكلميهاش ,, بس ان شاء الله أجركم عند ربنا كبير ..
4

إقتباس
-انا شايفة ان والدي اولى بالفلوس دى لاننا قاعدين في بيته ببلاش وسبب انه مقعدنا ببلاش عشان نقدر نغطى تكاليف المعيشه.
افتكر يوم ما والدك اعطالكم الشقه ببلاش مكانش منتظر منكم مقابل وقعدكم فيها علشان انتى بنته حته منه ,, ولو عايز مقابل كان قالك او قال لزوجك ..
ومعلش ربنا ان شاء الله ييسرها من عنده ,, وممكن تخلى جوزك يكلم كدا بحسن نية ان مصاريف البيت يدوب بتقضى ومشاكل الحياة والولاد والبيت وكلام من دا ,, يعنى يحسسهم من غير ما يجرحهم كدا ان هو محتاج الفلوس اللى والده بياخدها .. وياستى اعتبريها زكاة عن صحتكم وعافيتكم وولادكم وان شاء الله ربنا يجعل ولادك بارين بيكى وبوالدهم ويسعدك ويهنيكى مع جوزك دنيا واخرة ..

يارب أكون افادتك وبعون الله البنات يفيدوكى ان شاء الله اكتر منى ..

#4

افتراضي رد: يارب الاقي حل

جزاكم الله الجنة اخواتى بس هما عارفين ظروفنا دا حتي في ولادتي طلب زوجي منهم قالو مش معانا واللي سدد مصاريف المستشفى بالكامل هو أبي غير كده ان حمايا والله مش محتاج اصلا هو بيحب الفلوس وانا حتى والدتى متوفاه ومش لاقيه حد يقف معايا بعد ربنا غيركو
#5

افتراضي رد: يارب الاقي حل


المشاركة الأصلية كتبت بواسطة eman_way
جزاكم الله الجنة اخواتى بس هما عارفين ظروفنا دا حتي في ولادتي طلب زوجي منهم قالو مش معانا واللي سدد مصاريف المستشفى بالكامل هو أبي غير كده ان حمايا والله مش محتاج اصلا هو بيحب الفلوس وانا حتى والدتى متوفاه ومش لاقيه حد يقف معايا بعد ربنا غيركو
معلش ياحبيبتى ,, زى ما قلتلك اعتبريهم زكاة وخلاص ,, احتسبيهم عند ربنا وربنا يجازيكى فيهم خير ان شاءلله وييسرلك الحال .. والحمد لله انك مش عايشة معاهم وعايشة عند اهلك ,, اعتبرى ان مرتب جوزك اللى بياخده ناقص الشوية اللى بيروحوا لحماكى دول ,, وربنا يهدى الحال يارب وابقى طمنينا عليكى واحنا هنا معاكى واخواتك ياحبيبتى

#6

افتراضي رد: يارب الاقي حل

انا رأيي من رأي لافالانتينا

كل شئ بأجرو

الله يعوضك بشئ تاني

بالعكس يمكن المال الي يعطي فيه زوجك لابوه صدقة عليكي وعلى ابنك

الله يفرج عليكي ان شاء الله

إظهار التوقيع
توقيع : فاطيمة
#7

افتراضي رد: يارب الاقي حل

انا برضه مع لافانتينا لان ممكن لو اتكلمت زوجك يشيل منك لا قدر الله ولا حاجة وبعدين على راي حبيبة اعتبري ان المرتب نقص لسبب في الشغل مثلا وتأكدي لو رضيتي ربنا هيباركلك واعرفي ان البركة احسن من زيادة المرتب فممكن 500 جنيه يكونوا مبروكين اكتر من الف او الفين جنيه وتلاقيهم قضوا بيتك وزيادة حبيبتي لا تظني اني مش حاسة بيكي لا انا حاسة بيكي جد لان حماتي عايشة معايا لكن بحاول ارضى وبقول يا رب يبارك لي ويعود لي في ولادي وصدقيني زوجك هيعزك جدا لو حثتيه على بر اهله اكتر واكتر وارضي وانا متأكدة ان ربنا هبارلك في المرتب الصغير وهيباركلك في ولادك واوعي اوعي تدخلي اهلك في حاجة زي دي لحسن العلتين يشيلوا من بعض انا بنصحك يا اختي واوعي برضه تكلمي حماتك لان الحما حما وعمرها ماتكون ام وممكن تسمعلك وتنيمك وتفقع فيكي من وراكي عند جوزك زومبة وتلاقي الدنيا اتهدت حواليكي وانت مش عارفة ان السبب هو الكلام الي انت قولتيه لحماتك
ربنا يصلحلك حالك ويرضيكي ويباركلك وبالله عليكي ادعي دايما ان ربنا يباركلكم في رزقكم امين يا رب العالمين

إظهار التوقيع
توقيع : صفصافة
#8

افتراضي رد: يارب الاقي حل

السلام عليكم اولا ياقمرايه متزعليش نفسك علشان البيبى ثانيا ان كل البنات هنا بصراحه قالو اللى عاوزه اقوله احتسبى الفلوسدى كانها زكاه وان شاء الله ربنا يعوضك يارباكون فيدك
#9

افتراضي رد: يارب الاقي حل

جزاكم الله خيرا
ربنا يفك كرب المكروبين
جزاك الله الجنة يا صفصافه ياحبي وربنا يعينك اميـــــــــــــــن

#10

افتراضي رد: يارب الاقي حل

الله يكون معاكم ويرزق زوجك وتقومي بخير وسلامة اهم حاجة
#11

افتراضي رد: يارب الاقي حل

والله انا مع اختي صفصافة اوعي تكلمي حماتك والا تحاولي بأي اشارة الله يسترها معاكي ولا يوريكي قلبة الحماة وانا مع كل اللي موجودين وربنا معاكي وحمد الله على سلامتك وربنا يباركلك في ابنك وجوزك وما تحرقيش في دمك ما حدش هاينفعك خلي بالك من صحتك ربنا معاكي
إظهار التوقيع
توقيع : ام مهند 2009
#12

افتراضي رد: يارب الاقي حل

على فكره رائ لافانتيناحكيم جداااا وربنا يرزقك يارب بكل خير ويجعله فى ميزان حسناتك
إظهار التوقيع
توقيع : حسناء أحمد
#13

افتراضي رد: يارب الاقي حل

وانا حبيبتي من رأي لافلانتينا ربنا يبارك لكم في رزقكم ويمتعكم بالصحة والستر بركة ربنا هتكفيكم مادام الوالدين راضيين باذن الله ودعاهم ليكم بالخير هيصد عنكم الشر والأذى باذن الله .....اكسبوا رضاهم تكسبوا الدنيا والآخرة ان شاء الله
إظهار التوقيع
توقيع : رحيق
#14

افتراضي رد: يارب الاقي حل

انا مع كلام ام مهند مشكورة وريحي بالك وفكري في ابنك الله يسعدك
إظهار التوقيع
توقيع : bassouma
أدوات الموضوع


قد تكوني مهتمة بالمواضيع التالية ايضاً
الموضوع كاتب الموضوع المنتدى
ارجو الدخول لحل مشكلتي ويا رب الاقي الحل عندكم احلام فلسطين فضفضة وحل المشاكل


الساعة الآن 04:52 PM


جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل