أو

الدخول بواسطة حسابك بمواقع التواصل

#1

129870 نصائح لمكياج الصيف

نصائح لمكياج الصيف

إيه رأيكم نشوف شوية نصائح؛ لو عملتيها يبقى إن شاء الله مافيش مشكلة فى مكياج الصيف...

نشوف مع بعض

النصيحة الأولى




اختيار أدوات الماكياج

فيه حاجة لازم تكوني عارفاها ومتأكدة منها كويس قوي وهي إن سر نجاح أي ماكياج هو المواد المستعملة

فيه...

علشان كده ياريت تبعدي عن الأدوات الرخيصة مجهولة المصدر واختاري أدوات ماكياجك من محل أدوات

ماكياج معروف وتأكدي بنفسك من تاريخ الصلاحية بتاعة الماكياج وده هتلاقيه مكتوب على علبة الماكياج

من بره..

كمان خدي بالك إنه من الأحسن تحتفظي بالكريمات المرطبة للبشرة في التلاجة.. وده لأن وضع الكريمات

في التلاجة مفيد في الحفاظ عليها من التلف بسبب الحرارة الزيادة في الجو.. وكمان لما تطلعي الكريم وهو

بارد وتحطيه على وشك ده هيسبب لك انتعاش للبشرة ويساعد على إغلاق المسام الواسعة اللي ممكن

تكون فيها وهتنشط الدورة الدموية اللي في الوجه وبالتالي هتحصلي على بشرة نضرة.

وبكده تبقي ضربتِ أكتر من عصفور بحجر واحد؛ حافظتِ على نضارة بشرتك وعلى جمالها وحافظتِ على

الكريم بتاعك من التلف.

كمان ممكن إنك تحطي قلم الروج وقلم الكحل في التلاجة لمدة ربع ساعة قبل ما تستخدميه.




النصيحة التانية



اعرفي نوع بشرتك

فيه حاجة كمان لازم تكوني عارفاها وهي نوع بشرتك علشان تقدري تتعاملي معاها بالطريقة الصحيحة

وتستخدمي لها أدوات الماكياج المناسبة ليها، ودي الطريقة اللي من خلالها هتقدري تعرفي نوع بشرتك:
1- اغسلي وشك بمنظف للوجه واشطفيه كويس بالمية وجففيه كويس باستخدام فوطة ناعمة.
2- اقعدي شوية لمدة ساعة وبعد كده هاتي منديل ورق وحطيه على وشك مع الضغط باليدين على المناطق دي (الجبهة والخدين والأنف والذقن).
3- شيلي المنديل من على وشك وبصي فيه على أثر المناطق اللي ضغطتِ عليها بإيدك ولو لقيتِ:
• آثار للدهون في كل المناطق يبقى إنت بشرتك دهنية..
• وجود آثار الدهون في بعض المناطق يبقى إنت بشرتك مركبة.
• لا يوجد أي آثار للدهون على المنديل يبقى إنت بشرتك عادية.
• لا يوجد أي آثار للدهون بس فيه آثار قشور للبشرة على المنديل يبقى إنت بشرتك جافة.
وبكده هتقدري تعرفي نوع بشرتك وبالتالي تقدري تحددي إيه الماكياج المناسب ليها.

النصيحة التالتة


استخدام الماكياج المناسب للصيف

لازم تاخدي بالك من المعلومة دي كويس قوي وهي إن ماكياج الصيف بيختلف تماما عن ماكياج الشتاء..

ودي أفضل الطرق لاستخدام الماكياج في الصيف:
1
- من الأفضل عدم استخدام كريم الأساس "الكونسيلر" في الصيف وتستخدمي بدلا منه البودرة المائية بس

لو مضطرة تستخدميه يبقى ياريت تستخدمي كريم أساس خالي من الزيوت...
2
- بعد ما تحطي كريم الأساس اضغطي بمنديل لتتأكدي من أن البشرة امتصته جيداً.
3
- بالنسبة لقلم إخفاء العيوب ياريت تتجنبيه نهائي في الصيف خاصة إذا كانت بشرتك دهنية وده لأنه يحتوي

على زيوت تذوب مع الحر والعرق وتسيح على الوش.
4
- بعد كده هات فرشاة وحطيها في علبة البلاشر وبعدين وزعي البلاشر على وشك بحركات دائرية..
5
- هات علبة الآي شادو ومن الأحسن تستخدمي الآي شادو البودرة وتبعدي نهائي عن الآي شادو الكريمي

لأنه بيسيح مع الحر بالإضافة إلى أن ألوان الآي شادو الكريمي مزعجة جدا في الصيف.
6
- لو مضطرة لاستخدام الماسكرا يبقى ياريت تستخدمي الماسكرا المضادة للماء بدلا من الماسكرا العادية

وده لأن استخدام الماسكرا العادية مع الصيف والحر والعرق هيؤثر على جمال عينك وهيخلي الماسكرا
تهبب...
7
- وعلشان تضمني إن الروج يثبت معاكِ طول النهار يبقى ياريت تحطي شوية بودرة على شفايفك قبل ما
تحطي الروج، وبعد ما تحطي الروج تحطي ملمع شفايف.




وعلشان احنا عارفين إن فصل الصيف فصل غير عادي فبالتالي كمان ماكياج الصيف بيكون غير عادي...

فهتلاقيه ماكياج يتميز بالبساطة في الاستخدام والجراءة في اختيار الألوان...

أنا عارفة إنك دلوقتي بتقولي بينك وبين نفسك ازاي جراءة وبساطة في نفس الوقت؛ دي معادلة صعبة
قوي..

عايزة تعرفي ازاي تحققي المعادلة الصعبة دي..

تعالي وأنا أقول لك..

شوفي يا ستي البساطة هي إنك ماتحطيش ماكياج كتير زيادة عن اللزوم وتكتفي على قد ما تقدري

بالحاجات الأساسية اللي تبرز جمالك زي الروج والكحل..

والجراءة تعني استخدام الألوان الجديدة الفاتحة زي الألوان الزاهية والبرونزية والوردية والفوشيا والبنفسجي





الفاتح والبعد نهائيا عن الألوان التقليدية الغامقة لأنها غير مناسبة للصيف...

وعلشان ألوان ماكياج الصيف بتعتمد على الألوان الفاتحة فهتلاقيها مناسبة لكل أنواع البشرة، يعني مافيش

فرق بين البنت اللي بشرتها غامقة والبنت اللي بشرتها فاتحة في اختيار ألوان ماكياج

ولو عايزة تكوني جذابة في الصيف..

يبقى اوعي تستغني عن الحاجات دي
***- *

البلاشر أو أحمر الخدود

خاصة ألوان البيج الغامق البرونزي وخدي بالك إنك تحطي لمسات خفيفة على منطقة الخدود والذقن وبلاش تكتري..


قلم كحل



خليكِ بنت غير تقليدية في صيف 2024 واستبدلي قلم الكحل الأسود بأي لون من الألوان دي "الأزرق أو الأخضر" وده لأن الألوان دي بتساعد على زيادة بريق العين....



الآي شادو

بالنسبة للآي شادو هتلاقي إن الصيف بيحب ألوان الآي شادو دي الفوشيا والتركواز والأخضر الزرعي لأن دي كلها ألوان براقة وبتناسب أي وقت وأي مكان.


قلم تحديد الشفايف

استغني عنه نهائيا في الصيف وده علشان شفايفك تبان أكتر طبيعية.


الروج

لو بتحطي الروج يبقى ارفعي شعار أهلا بالألوان الفاتحة اللي فيها لمعة خفيفة زي الزهري أو البرونز الفاتح جدا، والنحاسي والخوخي والروز وابعدي نهائيا عن الألوان الغامقة.


ملمع الشفايف

أكيد ملمع الشفايف ده موجود في شنطة أي بنت وياريت تستعيني بيه لتثبيت الروج... ويا سلام بقى لو جربتِ ألوان زي الفوشيا والبرتقالي كملمع فقط بدون أحمر شفاه وهتشوفي الفرق بنفسك.


الماسكرا

كنوع من التغيير ياريت تجربي الماسكرا البني وصدقيني لو جربتيها مرة مش هتستغني عنها تاني طول الصيف.



إظهار التوقيع
توقيع : سوسو الامورة
#2

افتراضي رد: نصائح لمكياج الصيف

مشكوووووره
كتير حلو وبستفاد منو

#3

افتراضي رد: نصائح لمكياج الصيف

مشكورة
#4

افتراضي رد: نصائح لمكياج الصيف

يسلمووووووووووووووو
#5

افتراضي رد: نصائح لمكياج الصيف

يسلموووووووووووووو
إظهار التوقيع
توقيع : بائعه الورد
#6

افتراضي رد: نصائح لمكياج الصيف

شكرا حبيبتى
إظهار التوقيع
توقيع : هبه شلبي
#7

افتراضي رد: نصائح لمكياج الصيف

تسلمو
#8

افتراضي رد: نصائح لمكياج الصيف

جميل اووووي
#9

افتراضي رد: نصائح لمكياج الصيف

مشكوووووره

إظهار التوقيع
توقيع : وردة وفولة
#10

افتراضي رد: نصائح لمكياج الصيف

حلوووووووووووووووو جداااااااااااااا
#11

افتراضي رد: نصائح لمكياج الصيف

معلومات مفيده جدااا ربنا يخليكى
أدوات الموضوع


قد تكوني مهتمة بالمواضيع التالية ايضاً
الموضوع كاتب الموضوع المنتدى
تخزين ملابس الصيف،كيفية تخزين ملابس الصيف بطريقة جد نافعة سهلة و بسيطة إشرآقـــة أمل افكار وتجارب منزلية
افضل المدن السياحية التى تستحق الزيارة فى الصيف صمت الورود عدلات للسياحة والسفر والرحلات
مكياج خاصّ للمرأة العربيّة في فصل الحرّ!نصائح لمكياج المناسب في فصل الصيف ام الاء وبيان2 ميك اب ومكياج
اسباب سمنه الصيف ورجيم فصل الصيف ساره ساسو1 طرق التخسيس وانقاص الوزن
الحمل في الصيف ، نصائح للحوامل في الصيف ، حمل الصيف ريموووو مرحلة الحمل والولاده


الساعة الآن 12:08 PM


جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل