أو

الدخول بواسطة حسابك بمواقع التواصل



عدلات

> الاقسام الأسرية

> فضفضة وحل المشاكل

محتا جلكو اوي وبسرعه حاسة اني هتخنق

إضافة رد  أضف للمفضلة
https://adlat.net/showthread.php?t=8716
6877 18
#1

افتراضي محتا جلكو اوي وبسرعه حاسة اني هتخنق

انهاردة طلبت من جوزي اسافر اشوف اهلي وزي كل مره يقعد وقولي مش وقته احنا مش فاضين وعلي فكرة انا مرحتش من العيد الكبير وطلبت منة في اجازة نص السنه والي نفس الكلام وبعدها حصلت الثورة مدرتش طلب منه تاني مع ان اخويا كان مصاب في الاحداث انا متديقة اوي ومخنوقة مع انة عارف اني مليش حد في البلد دي ولا بزور حد ولاحد بيزورني ولابخرج في حتة يا بنات انا عايزة اعيط علشان كل مطلب منة السفر يعمل كدة وينكد عليا انا والبنات بسرعة حد يرد عليا اعمل اية ونفسي اعمل فية كدة بس


#2

افتراضي رد: محتا جلكو اوي وبسرعه حاسة اني هتخنق

نوارا ربنا يعينك حبيتى انا حاسه بيكى والله عارفه انه احساس صعب انك عايزه تشوفى اهلك وتحسى ان فى حد عائق راغبتك والحد دا هو اقرب الناس ليكى يعنى المفروض يلبى رغاباتك بس ارجع واقوللك طاعه الزوج واجبه وطالما انك بتحبيه فتقبلى طبعه وبعدين ياستى التليفونات والنت بيقربوا البعيد لو كنت تعرفى ايه السسبب اللى بيمنعك بسببه من الزياره يعنى كان فى مشاكل بينه وبين اهللك مثلا...ولا هو من النوع اللى يحب يكون فى حاله يعنى حبيتى اصبرى واحتسبى عند ربنا وعليكى بالدعاء ومن الافضل ما تطلبيش من الزياره كتير علشان مش يعند معاكى وحاولى تختارى وقت مناسب للكلام بنكم او تعميلها بحجه ان الاولاد عايزين يروحوا ويغيروا جو شويه بعد الامتحانات..وربنا معاكى ان شاء الله ياخدك انتى والاولاد وتروحى تزورى اهللك وتطمنى ع اخوكى ومن غير انى ما تطلبى منه كمان بس عليكى بالدعاء ومتضايقيش نفسك وتاكدى
زوجك اكيد بيحبك وخايف عليكى انتى والاولاد ومش عايزك تروحى لوحدك خصوصا بعد وضع البلد والانقلابات دىو مش فاضى يروح يوديكى بنفسه اكيد لما يفضه هايخدك يوديكى
إظهار التوقيع
توقيع : ♥ احبك ربى ♥
#3

افتراضي رد: محتا جلكو اوي وبسرعه حاسة اني هتخنق

حبيبتي لينا انا والحمد الله بسمع كلامة في كل حاجة ومعترضش ووقفت جمبة كتير في حاجات تحص اهلة وستحملت وعلي فكرة انا مبرحش الا 3مرات في السنة مره في الصيف ومره في العيد الكبير واحينا في اجازة نصف العام بس انا نفسي يحس بيا بة والله انا براعي فية ربنا قوي ونا مشكورة لكي اوي ان انتي حاسة بية وريحتيني بكلامك الجميل اوحبك في الله وسلام ياختي ياحبوبتي نوارا
#4

افتراضي رد: محتا جلكو اوي وبسرعه حاسة اني هتخنق

كنت قريت لواحده ان نفسها برضه تروح رحله مع اهلها وجوزها مرضاش قالتله خلاص اللى تشوفه واللى يريحك
وكلام من الحلو دا .. الراجل لما شافها كدا قالها خلاص روحى وغيرى جو وكلام من دا ..
قالتله لا ما دام انت مش راضى حلف عليها انها لازم تروح .. بالسياسة كدا ياحبيبتى هتعرفى تاخدى اللى انت عايزاه
من غير ما تزعليه .. وبعدين معلش الصبر حلو اعتبرى ان انتى اللى مشغولة او مش فاضيه وربنا يهديلك الحال ان شاء الله .. يااجدع ناس .. ناس دكرنس ..
#5

افتراضي رد: محتا جلكو اوي وبسرعه حاسة اني هتخنق

طاعته فوق كل شئ
#6

افتراضي رد: محتا جلكو اوي وبسرعه حاسة اني هتخنق

اسمعى كلامه و بعدين فين الدلع و لؤم الست اللى بتكون عايزه حاجه وربنا يهدهولك
#7

افتراضي رد: محتا جلكو اوي وبسرعه حاسة اني هتخنق

شكرا اخواتي علي ردودكم والله عارفة بس غصبن عني زهت وعايزة اغير جو بس لما اشتركت معاكو ارتحت وحسيت اني ليا حد افضفض معا وجزاكوا الله عني الف خير اختكم نوارا
#8

افتراضي رد: محتا جلكو اوي وبسرعه حاسة اني هتخنق

اختى الكريمة /نوارا
لقد قرات ما دونتيه وفهمت مشكلتك هى مفيش مشكلة ولا حاجة لاننا كلنا عايشين نفس الاحداث اوعى تفكرى انك عيشاها انتى لوحدك بس لا والله دا يمكن انتى احسن من غير بكتير الحمد لله ... المهم يا اختى انا اؤيد اخواتى السابقات اللائى اعطوكى حلول كويسه والحمد لله كلهن جميعا رايهن عين الصواب .... بس انا عايزة اضيف حاجة كمان انك تتجاهلى موضوع زيارة لاهلك دلوقتى انا عارفة انها صعبة عليكى وهذا اللى فهمته من حديثك وخصوصا اخوكى المصاب(البطل ...الف لا بأس عليه.... طهور ان شاء الله .... ربنا يكمل شفاه على خير ويقوم بالف سلامة) انتى باى عايزاكى فى وقت هادىء ورومانسى مع زوجك تجاهلى موضوع السفر او مثلى عليه انك مش زعلانه وعامليه بكل رقة وحب لان كل واحدة فينا عارفة تعامل زوجها ازاى وايه اللى يرضه وايه اللى يزعله فطبعا انتى عارفه اسلوب زوجك .... المهم ان فتح ليكى الموضوع قولى له انا عارفه انك نتخاف عليا انا والبنات فتشكر وربنا ما يحرمنى منك لانك عارف مصلحتى ومصلحة بناتى وبيتى فاذا قالك طيب شويه او بد يومين او اتجججججججججججج باى حجة قوليلوا الله يجزيك عننا كل خير لا نك بتساعدنى على بر اهلى وصله رحمى ولك الاجر والثواب الجزيل من الله وواحدة واحدة معاه وان تمسك ورفض رفض نهائى قوليلوا الحمد لله على كل حال دا انت بتوحشنى وانا مسافرة ولو كنت معايا برضة بتوحشنى لاننا مبناخد راحتنا سواء فى بيت اهلى اوبيت اهللك خلينا هنا احسن .... خليكى اتعاملى بكل رومانسية معاه وانتى عارفة الباقى ...... دائما خلى بالك من الراجل عايز اللى يقدم له كاس عصير ...كوب شاى ...رساله على الموبايل ...اكلة مفضلة عنده.... كلمة حلوة ....حركة ....دلع .....تجملى له وانتى بتتناقشى معاه حتى لو مشبس رايه .... لانى عندى من ده كثير .....اتمنى لكى السعادة وراحة البال ....طمنينى برسالة خاصة فى المنتدى
#9

افتراضي رد: محتا جلكو اوي وبسرعه حاسة اني هتخنق

شكرا حبي انا علي الكلام الجميل دة بس انا في الموضوع دة بقالي 15سنة والحمد الله راضية وصابرة عايزة احكيلك حاجة بابا الله يرحمة تعب اسبوع واحد بس جوزي الله يسامحة مرضيش يخليني اروح ازورة وشوفة ومات من غير ما شوفة وغير كدة كتير اوي ومستحملة لاني بحبة اوي وعايزة ارضي ربي دعواتك ليا ياقمر يهون عليا الحبسة دي وسلام ياحبي اختك نوارا
#10

افتراضي رد: محتا جلكو اوي وبسرعه حاسة اني هتخنق

ربنا يهيئ لك كل خير .... ويهدى زوجك
واصبرى شويه واتحملى كلنا عايشين
نفس الاحداث ولكن هنعمل ايه غير ان
نرضى بما قسم الله لنا
دمتى بكل ود
#11

افتراضي رد: محتا جلكو اوي وبسرعه حاسة اني هتخنق

حبيبتي نوارا لازم تعرفي ان الراجل زيه زي اي طفل صغير زي ما الطفل دايما متعلق بأمه وخايف يسيبها وعلى طل ماسك فيها صدقيني والله الزوج كدة بس كبرياء ك رجل بيمنعه يقول دة بصراحة وخصوصا ان احنا يامصريين كل ازوجنا ورجلتنا ماشاء الله عليهم محدش فيهم بيعرف يعمل لنفسه كوباية شاي طب تصدقي بالله والله انا جوزي كبير طباخيين شيف في فندق كبير ورغم كده يجي البيت يقعد سي السيد والله انا حامل دلوقتي في شهري الثامن وتعبانه جدا ومع ذلك مبيعرفش يقوم يساعدنى في حاجة ولا حتى الأكل اللي هو شغلته وحتى كوباية الشاي او العصير ميعرفش يقوم يعملهم لدرجة مرة كنت نايمة وتعبانة جدا راح مصحينى من نومي وقالى معلش ياحبيبتي قومي لقميلى كوباية الشاي بس وانا هصبه فاستحملى معلش ومتخديش الأمور بحساسية لأن اسوء حاجة بين الزوجين الحساسيات لانها بتخلي العند يزيد اكتر وادعى في صلاتك وقولى اللهم اجعل زوجى هينا لينا معى واجعل غضبه علي باردا وسلاما كما جعلت النار بردا وسلاما على ابراهيم وان شاء الله هتلاقي ربنا هداهولك وكمان متنسيش شوية دلع من بتوعنا وموصكيش بقى
#12

افتراضي رد: محتا جلكو اوي وبسرعه حاسة اني هتخنق

حبيبتي مرمورة يارب يكملك علي خير انشاء الله وتقومي بالسلامة ياقمر والله جوزي طيب بس الظاهر انة بيحبني بطريقة مختلفة وانا مشكلتي اني حساسة اوي بس انشاء الله هدعي بالدعاء والله يجازيكي الف خير
#13

افتراضي رد: محتا جلكو اوي وبسرعه حاسة اني هتخنق

ذنى علية زى اى ست مصرية وبلاش اللى انتى عايزة تعملية فية والطيب احسن واحنا كلنا اهلك اختك الجديدة نونا
إظهار التوقيع
توقيع : mamanona
#14

افتراضي رد: محتا جلكو اوي وبسرعه حاسة اني هتخنق

والله يا نونا انا بعيد عنك جالي الطغط ولما بزن بينكد عليا بصراحة انا مش عارفة اعمل اية بيني وبينك نفسيتي دلوقتي زي الزفت وتعبنا اوي والله محتاجه اترمي فحضن امي اوي واشوف اخواتي وولدهم معلش شيلتكوا همي ومتشكرة ليكي اوي احبكم في الله
#15

افتراضي رد: محتا جلكو اوي وبسرعه حاسة اني هتخنق

كلام الاخت حبى انا صح 100%وجربية انشاء اللة ربنايصلح لك الاحوال انشاء اللة
#16

افتراضي رد: محتا جلكو اوي وبسرعه حاسة اني هتخنق

نوارا اولا ربنا يهديهولك انا بقابل المشكله دى مع زوجى بس لما يقولى بلاش او انتى كنتى هناك قريب بقوله خلاص ياحبيبى اللى تشوفه وانا مبتسمه وببينله انى مش زعلانه خالص واهم حاجه عندى راحته وان كلامه اوامر من غير نقاش وبعدين هو اللى يرجع ويطلب منى الزياره لاهلى ويحلف عليا كمان فعلا الطريقه الذكيه دى مع الازواج بتجيب نتيجه جربى ومش هتندمى وياريت تعتبرينى صديقه انا مشتركه جديده فى المنتدى وماليش اصحاب
#17

افتراضي رد: محتا جلكو اوي وبسرعه حاسة اني هتخنق

اولا انا برحب بيكي وصطينا ونورت المكان يا قمر وتاني حاجة معلش يا عمري شيلتكوا همي بس الحمد الله بفضل ربنا ودعاكوا ليا شكلة كدة هيقول نروح اريب ان شاء الله وانا بجد متشكرة ليكي واتمني صداقتك يا جميل يارب يكرمكوا جميعا ويسرلكوا اموركم
#18

افتراضي رد: محتا جلكو اوي وبسرعه حاسة اني هتخنق

على فكرة بالصبر والسياسة هتخدى كل اللى انت عايزاه من جوزك
صدقينى اسمعى كلامه وسايسيه للآخر
هتلاقيه هو اللى هيطلب منك تروحى عند اهللك

#19

افتراضي رد: محتا جلكو اوي وبسرعه حاسة اني هتخنق

يمكن خايف عليكي يا حبيبتي متزعليش


قد تكوني مهتمة بالمواضيع التالية ايضاً
الموضوع كاتب الموضوع المنتدى
مدونتي ~إبتساامه~ تسنيم عادل مدونآت الاعضآء!
تفسير الاحلام • حلمت اني انخطبت و انا غير متزوجة ، حلمت اني انخطبت وانا حامل ، حلمت ا فراشة المنتدي منتدى تفسير الاحلام
تنمية المهارات الحسية لدى الأطفال المعاقين بصرياً للجنة اسعى❤ ذوي الاحتياجات الخاصة
الدعاء المستجاب واوقات الاستجابة وموانع الاستجابة ندى ام المنتدي الاسلامي العام
التداعيات المرضية لفقدان حاسة الشم عند المسنين حياه الروح 5 العيادة الطبية


الساعة الآن 04:13 AM

الاتصال بنا - عدلات - الأرشيف - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل