أو

الدخول بواسطة حسابك بمواقع التواصل



عدلات

> مطبخ عدلات

> اكلات عدلات

> سلطات ومقبلات

مقبلات وسلطات بالصور 2024 , خطوه خطوه وبالصور

إضافة رد  أضف للمفضلة
https://adlat.net/showthread.php?t=9133
11096 14
#1

وصفة مقبلات وسلطات بالصور 2024 , خطوه خطوه وبالصور

طبق الخضروات المقلية بتاعى ماحدش بصراحة بيقدر يقاوم طعمه وهو يصنف على إنه صنف جانبى بس بصراحة لما باقدمه جنب أى حاجة هو اللى بيتاكل والحاجة التانية بتتساب وسهل جدا وبسيط وما بياخدش أى وقت وكفاية رغى ونبتدى :
  1. واحد باذنجان رومى متوسطة
  2. عدد إتنين كوسا كبير
  3. عدد إتنين فلفل رومى واتنين حامى
  4. بطاطساية كبيرة
  5. كل الحاجات الحلوة المغذية دى نقطعها مكعبات متوسطة ويتم تحميرها فى زيت غزير مع إحترام التكنيك طبعا نحمر أولا البطاطس ثم الكوسا ويليه الباذنجان وأخيرا الفلفل وطبعا معروف السبب ودى صورة الخضار بعد التحمير

    [IMG]https://files.***- .com/2010/1/1264262583.jpg[/IMG]

    وبعدين فى طبق بيركس أوطبق التقديم نقطع
    5- واحد طماطم مكعبات
    6- وواحد بصلة مكعبات
    7- وحبة بقدونس
    8- وحوالى 6 أو 7 حبات مخلل لفت أوخيار لكن بلاش الجزر طبعا دى حتة برضه فيها تكنيك عشان الطبق كله يكون متجانس ويتمضغ بطريقة سهلة

    ودة شكل الخضار :

    [IMG]https://files.***- .com/2010/1/1264262941.jpg[/IMG]

    نيجى بقى للتتبيلة التتبيلة بتاعتى تلات ملاعق كبيرةهوت صوص +2ملعقة كبيرة خل +ملح +كمون +بابريكا

    يتم خلطها أولا على طبق التقديم ويليه وضع تشكيلة الخضار المقلى ودة الشكل النهائى:



[IMG]https://files.***- .com/2010/1/1264263308.jpg[/IMG]

هاه إيه رأيكم إستنوا إستنوا ماتمشوش

أنا عملت جنبه برضه صنف جانبى بطاطس بانيه بطريقه سهله خالص مابتاخدش وقت

بصوا يا فتاتيك الأول تجيبوا 3 حبات بطاطس وتسلقوها وتحطوها فى الكبة وبعدين تحطوا عليها بيضة وكيس فيجتار أو بهارات وشوية بقسماط ونخلط وبعدين وإحنا واقفين على البوتاجاز نتقمص شخصية بتاع الطعمية ونكور ونرمىسوورى ياجماعة نقرص مش نكور بس نرمى فى الحالتين بس بشرط يكون الزيت غزير وحامى وتكون البطاطس ماسكة نفسها بس مش قوى يعنى زى ما بنشوف عجينة الطعمية اللى جنب الراجل ممكن نختبر الأول قرص لو حسيتوا إنها حتفك ممكن تزودى شويه بقسماط بس مش كتير




أسيبكم مع الصور

1- دى عجينة الطعم...... سورى يا جماعةعجينة البطاطس
[IMG]https://files.***- .com/2010/1/1264265040.jpg[/IMG]

2- وهنا باقلى وأنا متقمسه شخصيه بتاع الطعمية وطبعا حطة جنبى حلة مية زى ماهو بيعمل بالضبط يا خسارة ماصورتش حلة المية
[IMG]https://files.***- .com/2010/1/1264265179.jpg[/IMG]

3- ودة شكل الطبق النهائى:

[IMG]https://files.***- .com/2010/1/1264265240.jpg[/IMG]

ودة كان غدانا النهاردة مقبلات كلها بس بصراحة طعمها جميل جدا ومش عايزة أقولكم بتكون الحاجات دى عاملة إيه فى العزومات مابتاخدش وقت وبتملا السفرة وبتعجب الضيوف ومش مكلفة وهما دول الأربع أسباب اللى ......



[IMG]https://files.***- .com/2010/1/1264265588.jpg[/IMG]



[IMG]https://files.***- .com/2010/3/1269239138.jpg[/IMG]

§ أولا: صوص التارتار:سهله وبسيطة وتتحط على ساندوتشات البانيهات مع فرشه خس وهى بتتباع من ضمن بوفيه السلطات بتاع بيتزا هت ودة عشان تاخدوا بالكم منها
المكونات:
· 4 ملاعق كبيرة مايونيز كبيرة
· 4 ملاعق كبيرة كاتشب كبيرة
· 4 ملاعق كبيرة خل كبيرة وممكن يكونوا إتنين بس فى حالة إن الكاتشب سايل مش سميك
· بصل مخلل –خيار مخلل مفرومين بالسكينه حوالى 4 وحدات
الطريقة :
- بتحطوا كل الحاجات اللى فاتت على بعضها ونقلب ونضيف رشه فلفل إسود ودة بيكون شكلها النهائى


[IMG]https://files.***- .com/2010/3/1269239393.jpg[/IMG]


ثانيا : سلطة الفاصوليا البيضاء:
وبتقبل التقديم مع كل الأطباق أو بتكون طبق جانبى وبتكون لايقة قوى مع القرنيط المقلى
وممكن تتعمل بنفس الطريقة مع حمص الشام بدلا من الفاصوليا البيضا
المكونات:
· 100 جرام فاصوليا بيضاء مسلوقه ومتصفيه من ميتها لاهى مهريه ولا هى ناشفه قوى وطبعا بننقعها قبل ما بنسلقها
· حزمة بقدونس مفروم ناعم فى الكبه بس( خدوا بالكم من الملاحظة دى البقدونس اللى بنستخدمه فى السلطات والتزيين لازم يكون متنشف كويس مايكونش مبلول الموضوع دة بسيط بس بيفرق فى الشكل جامد)
· جزرة مبشورة
· فلفل رومى ألوان متقطع مكعبات صغيرة
· 2فص توم كبير مفروم ناعم
· رشة زيت درة على وش السلطة
للصوص :
· نصف ليمونة-ملعقتين خل كبير –ملح –كمون-شطة
· 2ملعقة مستردة كبيرة

ودى صورة المكونات ما عدا البقدونس نسيت أصوره

[IMG]https://files.***- .com/2010/3/1269239561.jpg[/IMG]
الطريقة :
- بنحط مكونات الصوص على التوم ونسيبوه شويه عشان يتشرب ويصلح للأكل وهو نى
- نضيف الخضار على الفاصوليا على الصوص ونقلب ونضيف رشه زيت ع الوش ودة بيكون شكلها النهائى

[IMG]https://files.***- .com/2010/3/1269239710.jpg[/IMG]

ثالثا : سلطة التونة بالخضروات :
المكونات:
· 2 علبة تونة قطع متصفيه من السايل بتاعها
· حزمة شبت مفروم ناعم فى الكبه يعنى( خدوا بالكم من الملاحظة دى الشبت اللى بنستخدمه فى السلطات والتزيين لازم يكون متنشف كويس مايكونش مبلول الموضوع دة بسيط بس بيفرق فى الشكل جامد)
· جزرة مبشورة
· فلفل رومى ألوان متقطع مكعبات صغيرة
· بصله صغيرة مقطعة مكعبات
· رشة زيت درة على وش السلطة
للصوص :
· نصف ليمونة-ملعقتين خل كبير –ملح –كمون-شطة

ودى صورة للمكونات
[IMG]https://files.***- .com/2010/3/1269239865.jpg[/IMG]
الطريقة :
- بنحط مكونات الصوص على البصل ونسيبوه شويه عشان يتشرب ويصلح للأكل وهونى
- نضيف الخضار على التونة على الصوص ونقلب ونضيف رشه زيت ع الوش ودة بيكون شكلها النهائى

[IMG]https://files.***- .com/2010/3/1269239933.jpg[/IMG]

·
رابعا : سلطة الحمص بالطحينة :
بتتقدم جنب المشويات

المكونات:
· نصف كوب حمص الشام مسلوق مع الإحتفاظ بمية السلق
· 4 ملاعق طحينة كبار
· 4 فصوص توم كبيرة
· ليمون – خل –زيت – كمون – شطة
· بابريكا مستردة زيت على الوش للتقديم
الطريقة :
· بنحط المكونات فى الكبة وندور زى ما باين فى الصورة ولو تاخدوا بالكم فى الصورة أنا حطة كمان البصل والتوم اللى باسلق فيه حمص الشام لإن ماحدش بياكله وحرام نرميه طالما إنه بيكون له إستخدام تانى وكمان كان عندى طحينة محضراها قبل كدة ضفتها


[IMG]https://files.***- .com/2010/3/1269239997.jpg[/IMG]

· طبعا الخليط تقل جدا بعد الفرم رحت ضايفة مية حمص الشام

[IMG]https://files.***- .com/2010/3/1269240089.jpg[/IMG]

· ودة الشكل النهائى حطيت الزيت والمستردة والبابريكا عالوش تدى شكل حلو عالسفرة

[IMG]https://files.***- .com/2010/3/1269240652.jpg[/IMG]


خامسا : سلطة البطاطس بالمايونيز :
وبتتقدم جنب البانيهات بأنواعها
المكونات:
· 2 بطاطس متقشرة ومتقطعه مكعبات وبعدين نسلقها بس مانهريهاش
· حزمة بقدونس مفروم ناعم فى الكبة( خدوا بالكم من الملاحظة دى البقدونس اللى بنستخدمه فى السلطات والتزيين لازم يكون متنشف كويس مايكونش مبلول الموضوع دة بسيط بس بيفرق فى الشكل جامد)
· 4 ملاعق مايونيز كبيرة
· 4 ملاعق خل كبيرة
· ملح

الطريقة :
نقلب المايونيز على الخل ونضيف البطاطس ونضيف الملح وبعدين نضيف البقدونس وتتقدم ودة شكلها النهائى

[IMG]https://files.***- .com/2010/3/1269240831.jpg[/IMG]

وممكن نعملها بنفس الطريقة مع الفاصوليا البيضا وأنا عملتها ودة بيكون شكلها النهائى
وحطيت عليها مكعبات فلفل ألوان علشان يكون فيه contrast للألوان بين الأحمر والأبيض
[IMG]https://files.***- .com/bigsmilies/mood3.gif[/IMG]

[IMG]https://files.***- .com/2010/3/1269240882.jpg[/IMG]
وممكن إستبدال المايونيز والخل بصوص التارتار بتكون لونها أغمق شوية بس بتكون كويسة

سلطة الفراخ :
بتتقدم كوجبه كاملة فى العشاء
المكونات:
· صدر فرخة مشويه متقطعة مكعبات أو (صدر فرخة بايت ماتاكلش )
· خيار مخلل متقطع طرنشات والكميه حسب الرغبه
· بصل مخلل حسب الرغبة
· مقدار مناسب من صوص التارتار المحضر مسبقا حوالى ست ملاعق أو 4 ملاعق مايونيز على 4 ملاعق خل
· 8 أصابع سوسيس مستويه مقطعة طرنشات
· زيتون إسود متقطع طرنشات والكميه حسب الرغبة
· وحدة خس كابوتشى
· رشه زيت و جزر مبشور عالوش للتزيين ودى صورة للمكونات:

[IMG]https://files.***- .com/2010/3/1269241689.jpg[/IMG]

الطريقة:
- نضيف المايونيز على الخل ونقلب
- ونقلب المكونات على بعضها ونضيف المايونيز عليها أو صوص التارتار لو كان موجود
- ونضيف رشه الزيت والجزر المبشور على الوش
- وأنا ضفت سلطة الفاصوليا البيضا بالمايونيز اللى كنت محضراها قبل كدة ودى صورة الشكل النهائى

[IMG]https://files.***- .com/2010/3/1269241835.jpg[/IMG]

ودة الشكل النهائى عند التقديم باحط عليها الجزر الميشور عالوش ودة برضه عشان الcontrast بتاع الألوان مش بقولكم شيف يا اخواتى

[IMG]https://files.***- .com/2010/3/1269241917.jpg[/IMG]


سلطة الزبادى :
كلنا بنعملها فى بيوتنا وكلنا ممكن ننساها برضه كتبتها عشان أنا باحبها جدا وباعملها على طول وكنت باعملها باللبن الرايب السميك مش السايل اللى كانوا البياعين السريحة بيعبوه فى أكياس ويلفوا بيه يبيوه فى الشارع( وهما دلوقتى لسة بيمشوا بيه بس فى رمضان بس )وباعملها جنب كل حاجة لما بافتكرها

المكونات:
· 3 خيارات متقطعة مكعبات نرش عليهم رشه ملح ونركنهم على جنب عشان ميتهم تنزل
· 2 فص توم كبير مفروم ناعم
· خل-ملح –نعناع جاف

الطريقة:
- نضيف كل المكونات على بعضها ونقلب وبعدين نرش رشه نعناع عالوش عند التقديم ودى صورتها


[IMG]https://files.***- .com/2010/3/1269242214.jpg[/IMG]

و دة صورة البوفيه كله على بعضه


[IMG]https://files.***- .com/2010/3/1269242354.jpg[/IMG]

الــــــــــــــــــــــــــــف عــــــــــــــــــافيـــــــــــــــــــــــة


#2

افتراضي رد: مقبلات وسلطات بالصور 2024 جديده أروع طرق السلطات والمقبلات 2024 , خطوه خطوه وبالصور

تسلم اديكى جوعتينى جدا
#3

افتراضي رد: مقبلات وسلطات بالصور 2024 جديده أروع طرق السلطات والمقبلات 2024 , خطوه خطوه وبالصور

شكراً على هذه الوصفات الرائعة
#4

افتراضي رد: مقبلات وسلطات بالصور 2024 جديده أروع طرق السلطات والمقبلات 2024 , خطوه خطوه وبالصور

جزاكي الله خيرا .. بس فين الكول سلو لأني باحبهاجدا

#5

افتراضي رد: مقبلات وسلطات بالصور 2024 جديده أروع طرق السلطات والمقبلات 2024 , خطوه خطوه وبالصور

تسلم الايادي ياقمر اية الشطارة دي بس تعالي قوليلي انتي من العراق والا مصر
#6

افتراضي رد: مقبلات وسلطات بالصور 2024 جديده أروع طرق السلطات والمقبلات 2024 , خطوه خطوه وبالصور

ميرسي دمعة ااحساس كتير طيبين
#7

افتراضي رد: مقبلات وسلطات بالصور 2024 جديده أروع طرق السلطات والمقبلات 2024 , خطوه خطوه وبالصور

بجد حلوة اوى جامدة جدااااااااااا
#8

افتراضي رد: مقبلات وسلطات بالصور 2024 , خطوه خطوه وبالصور

تسلمين يا غالية

#9

افتراضي رد: مقبلات وسلطات بالصور 2024 , خطوه خطوه وبالصور


#10

افتراضي رد: مقبلات وسلطات بالصور 2024 , خطوه خطوه وبالصور

تسلم اديكى جوعتينى جدا
#11

افتراضي رد: مقبلات وسلطات بالصور 2024 , خطوه خطوه وبالصور

تسلم الايادى شهية جدااااا جوعتينى
إظهار التوقيع
توقيع : ام الشباب
#12

افتراضي رد: مقبلات وسلطات بالصور 2024 , خطوه خطوه وبالصور

رووووووووووووعة
#13

افتراضي رد: مقبلات وسلطات بالصور 2024 , خطوه خطوه وبالصور

عيني عيني ياعراقية فنانة ياذوق تسلم ايدج حبيبتي والج تقييم حلو تستاهلي
إظهار التوقيع
توقيع : حبيبي ياعراق
#14

افتراضي رد: مقبلات وسلطات بالصور 2024 , خطوه خطوه وبالصور

شكرا ليك
إظهار التوقيع
توقيع : BeSsAn
#15

افتراضي رد: مقبلات وسلطات بالصور 2024 , خطوه خطوه وبالصور

مشاء الله عليكي


قد تكوني مهتمة بالمواضيع التالية ايضاً
الموضوع كاتب الموضوع المنتدى
مقبلات لتزيين سفرتك الرمضانيه, مقبلات رمضانية, اكلات واطباق رمضان حـلوة المـذآآق~ سلطات ومقبلات
طريقة عمل مقبلات هندية | مقبلات مالاي تكا ريموووو اكلات واطباق رئيسية
طريقه عمل سلطات 2024 ، طريقه عمل مقبلات 2024 ، مقبلات وسلطات جديده 2024 للجنة اسعى❤ سلطات ومقبلات
مقبلات التونا بخس الأنديف ، طريقة عمل مقبلات التونا بخس الأنديف ، وصفة مقبلات التونا فتاة بالحياء تجملت سلطات ومقبلات
الطماطم المحشيه بالثوم , مقبلات سهله ولذيذه ريموووو سلطات ومقبلات


الساعة الآن 08:52 AM

الاتصال بنا - عدلات - الأرشيف - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل