أو

الدخول بواسطة حسابك بمواقع التواصل



عدلات

> الاقسام الأسرية

> فضفضة وحل المشاكل

لاية بنعمل فى بعض كده واخرتها ايه

إضافة رد  أضف للمفضلة
https://adlat.net/showthread.php?t=9406
4150 6
#1

افتراضي لاية بنعمل فى بعض كده واخرتها ايه

الى كل العدولات المنتدى الى كل ام الى كل اخت الى كل كل عمة او خالة عايزة اسالكم سوال وتردى عليا بصراحة انتى بتظنى الظن السئ ولما بتظنى بحد بيطلع كام مرة توقعك صح وكام مرة بيطلع غلط طب ولما بتظنى دى بيغير فى نفسيتك اية تجاه اللى بتظنى فية وهل تعرفى ان الظن منهى عنة انا عايزة اطرح عليكوا فكرة تيجوا نعمل جروب نسمية جروب لية بنعمل كدى واخرتها اية تيجوا نعمل الجروب دى علشان نرتقى بنفسنا ونغير من مشاعرنا السيئة تجاه الاخرين تيجوا نحاول نلغى من حياتنا الكراهية والغيبة والنميمة والكذب والغش والخداع والرياء والنفاق والخيانة وبعد ما نحاول نغير نفسنا نحط مكان الاوساخ دى الحب والعطف والحنية والايثار والظن الحسن تيجوا نقترح ازاى نعمل كدى تسجلوا انفسكم وتقولوا ازاى نعمل كده ونتواصى كل مرة اننا هنحاول نشيل من جوانا صفة معينة ونغيرها على فكرة انا نفسى ينضم للجروب دى فتوكات مش مسلمين كمان لو فية يعنى لان دى يا جماعة مشاعر انسانية غلط ملهاش دعوه بالدين وبس انما بشخصية الانسان نفسة طبعا احنا المسلمي اللى هيسعدنا ان ربنا امرنا بكدة والعضوات والله المسيحيات تعزنى انى بتكلم كده بس والله انا مليش معرفة بدينكم لكن اكيد بيدعوكم للحاجات دى تيجوا كل مرة نتواصى على واجب نعمله وعلى فكرة مش عيب ان اى فتوكة تخش وتقول انا عندى عيب كذا عايزة اغيرة او كان عندى وغيرتة لكن العيب انها تسيبه يتمكن منها وتبقى نفسها هى اللى بتسوقها مش هى اللى بتسوق نفسها والعيب الاكبر انها يكون عندها عيب معين وتخلصت منة بطريقة معينه وكانت نجحه ومتقولش عليها وتنصح اخواتها وعلشان كده انا هبدء بنفسى انا كان ليا واحدة معرفه كل ما اى حد سالها عن احوالها تبدى ترص فى المصايب والكوارث والامراض وعمر ما سمعتها بتحمد ربنا ابدا المهم كل اللى حوليها بعدوا عنها والله زى مبقول لكم لحد ما انا كنت هطق منها وبدءت اعاملها بنفس معاملتها ولما تقبلنى ابتدى انا كمان اقول البقين الحمضنين بتوعى لحد والله مقرفت من نفسى واغير اسلوبى معها وده طبعا فضل ربنا والله المهم بقت كل ما تقابلنى وتسالنى عن حالى ابتدى على العكس تماما اقول على النعم اللى انا فيها واولادى وزوجى واحمد واشكر ربنا على كده المهم فضلت على كده مدة وكل ما اقبلها مجبش سيرة حاجة غير الرضا وحتى لو حكيت عن حاجة وحشة حصلت لى افضل احمد ربنا واعدد نعمة وانه اذا كان ابتلانى دلوقت فهو ياما عطانى لحد والله زى مبقول لكم قبلتها وبسالها وطبعا متوقعة الاسطوانة المشروخة لقيت اقسم بالله انها بتشكر ربنا وتحمدة وتقول دى والله فلان جوزها جاب كذا والولاد زى الفل انا مبقتش مصدقة نفسى ايه دى فجاه الحياه بقت عندها وردى وبطلت مصايب والله ملقتش غير ده اللى انا بقولة انك لا تهدى من احببت لكن الله يهدى من يشاء وفضلت احمد ربنا انى قدرت اغير من نفسى معاها وربنا جزانى من جنس عملى اية رايكوا نعمل الجروب ونعين بعض ونسموا بانفسنا قبل رمضان مش جايز ده يكون السبب فى حل مشاكلنا ويكون سبب فى هنانا ونبطل نعانى من مشاكل وكما قال الله عز وجل (ان الله لايغير ما بقوم حتى يغيروا ما بأنفسهم)صدق الله العظيم يارب ننجح ونقدر ونعيش حياه كلها سعاده وطمأنينه ونفوس طاهره ومليانه بالخير طب انتوا طبعا زمانكوا بتقولوا راما عملت واعظ اخص عليكوا مكنش العشم دى من باب الهزار يعنى علشان بتكلم عن الظن السئ اصلى شريره هههههه دمى تقيل صح بالله عليكوا قيموا جايز ننجح لا اكيد هننجح من باب الظن الحسن فى الله احبكم فى الله فكرة مهداه من رب البريه لدرجة والله مقدرتش انام لحد ما اقول لكم عليها


#2

افتراضي رد: لاية بنعمل فى بعض كده واخرتها ايه

حبيبتى طبعا انا معاكى والتقييم كمان ممتاز
بس الواحد غصب عنه بيتغير وانا هتكلم عن نفسى
انا لما اتجوزت كنت فى منتهى البراءه مكنتش اعرف اى حاجه فى كل حاجه ده حتى الضيوف مكنتش بعرف استقبلهم
والعماره عندى لامه العيله كلها كنت بدى بسخاء كنت فاكره انى كده هيحبونى ويقربوا ليا
اتضحلى فى الاخر وبعد ما غيرونى وصحيت من اللى انا ففيه انى كنت عبييييييطه
ايوه كانوا بيعاملوا الواحد كويس علشان ياخدوا وخلاص
واللى اثبتلى كده لما بطلت اديهم حاجه وده غصب عنى لقيت الحياه اتقلبت
وعايزه اقولك ان للاسف اللى حوالينا هما اللى بيكونوا السبب فى تغيير صفاتنا
يعنى لو انا اللى هتغير يبقى استحمل نظرة الاستعباط اللى بيبصوهالك من تحت لتحت وتشوفى اولادك بينضربوا وتتقفل فى وشهم ابواب الششقق وما تزعليش ونكمل بعدين
#3

افتراضي رد: لاية بنعمل فى بعض كده واخرتها ايه

والله انا حاسه فیک یاملک انه کنت مثلک تماما بریئه وحنونه بس ماضل لی حل غیر التقییر صح لو قالو الناس اجناس
#4

افتراضي رد: لاية بنعمل فى بعض كده واخرتها ايه

الموضوع صعب .. فنطلب من ربنا انه يعناو يقدرنا على التغيير ولازم نفتكر اننا بنعامل ربنا مش الناس
إظهار التوقيع
توقيع : ام هنا
#5

افتراضي رد: لاية بنعمل فى بعض كده واخرتها ايه

بسم الله الرحمن الرحيم
الرضا يا جماعه صدقونى هو السبيل لشفاء النفس .لازم كل وحده فينا تيقن تمام اليقين ان الله عز وجل بيسخر لنا المواقف دى يمكن علشان نتعلم حاجه. حاجه هتنفعنا فى ما بعد او لان فى خير من وراها او اننا سبب لهدايت حد او سبب لتهذيب انفسنا وتعليمنا الصبر.
او يمكن بيشيل بيها عننا بلاء كبير .النفس جامحه وان لم نستطع ترويضها ساقتنا .
انا مش بقول الكلام ده وعامله فيها ملاك ابدا والله دى من تجارب كتير منها مثلا سقت فى سنه فى الكليه كانت بلنسبه لى تحطيم نفسى بسبها اتعرفت على جوزى الى بحمد ربنا على الارتباط بيه.
حاجه تانيه جارتى سيده مزعجه جدا فى كل الاوقات عندى احسنت معاملتها واحتسبته عند الله والله فى الازمه بتاعة العيش الى فاتت وازمت انابيب الغاز الحاليه بتقاتل من اجلى انا معرفش اعمل الحجات دى سبحان الله سخرلى هذه السيده الكبيره لقضاء حوائجى والله بتعمل كده بمنتهى الحب .
اخر حاجه هقولها المفروض ان ننتقل الى بتنى الجديد بس الظروف لا تسمح ..........وبعد انفلات الامن والبلطجه بحمد ربنا ان لم ننتقل حتى الان لانه فى مكان لسه مش عمار.
فى النهايه ان نجعل الله سبحانه وتعاله امام اعيننا نحب فى الله ونكره لله نغضب لله .
إظهار التوقيع
توقيع : منال الهدى
#6

افتراضي رد: لاية بنعمل فى بعض كده واخرتها ايه


المشاركة الأصلية كتبت بواسطة منال الهدى
بسم الله الرحمن الرحيم
الرضا يا جماعه صدقونى هو السبيل لشفاء النفس .لازم كل وحده فينا تيقن تمام اليقين ان الله عز وجل بيسخر لنا المواقف دى يمكن علشان نتعلم حاجه. حاجه هتنفعنا فى ما بعد او لان فى خير من وراها او اننا سبب لهدايت حد او سبب لتهذيب انفسنا وتعليمنا الصبر.
او يمكن بيشيل بيها عننا بلاء كبير .النفس جامحه وان لم نستطع ترويضها ساقتنا .
انا مش بقول الكلام ده وعامله فيها ملاك ابدا والله دى من تجارب كتير منها مثلا سقت فى سنه فى الكليه كانت بلنسبه لى تحطيم نفسى بسبها اتعرفت على جوزى الى بحمد ربنا على الارتباط بيه.
حاجه تانيه جارتى سيده مزعجه جدا فى كل الاوقات عندى احسنت معاملتها واحتسبته عند الله والله فى الازمه بتاعة العيش الى فاتت وازمت انابيب الغاز الحاليه بتقاتل من اجلى انا معرفش اعمل الحجات دى سبحان الله سخرلى هذه السيده الكبيره لقضاء حوائجى والله بتعمل كده بمنتهى الحب .
اخر حاجه هقولها المفروض ان ننتقل الى بتنى الجديد بس الظروف لا تسمح ..........وبعد انفلات الامن والبلطجه بحمد ربنا ان لم ننتقل حتى الان لانه فى مكان لسه مش عمار.
فى النهايه ان نجعل الله سبحانه وتعاله امام اعيننا نحب فى الله ونكره لله نغضب لله .
الله ينور عليكى يا جميل
#7

افتراضي رد: لاية بنعمل فى بعض كده واخرتها ايه

يارب يسعدكم مشكوررررين على مروركم


قد تكوني مهتمة بالمواضيع التالية ايضاً
الموضوع كاتب الموضوع المنتدى
البارت 3من قصتى ظلمتنى ولكن أحببتك هتندموا لو مدخلتوش والله كيوت متل التوت أقلام عدلات الذهبية
[قصص طويلة] ليست عذراء... للكاتبة دينا عماد الملكة نفرتيتي قصص - حكايات - روايات
يوميات عدلات ومحروس كاملة هـــدوء قصص - حكايات - روايات
عارفة يعنى ايه فطوم والبسمه تدوم فتيات تحت العشرين
هناكل ايه انهردة 2024 ، تعالى اعرفى تنظمى ايه الى هتاكليه منة الله احمد استشارات ونصائح مطبخية


الساعة الآن 06:29 PM

الاتصال بنا - عدلات - الأرشيف - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل