يارب الاقي حل
السلام عليكم ورحمة الله وبركاته
انا عندى مشكلة وواثقة بعون الله انكم هتساعدونى.. بسم الله الرحمن الرحيم,,, انا متزوجة من سنة ونص وقعدنا في بيت بالايجار المهم مرتحناش بسبب صاحبة البيت فقرر أبي انه يعطينا شقه في عمارته ببلاش, وهنا المشكلة ,لما حمايا سمع اننا مبندفعش ايجار طلب من زوجى اننا نعطيه مبلغ كل شهر حصل واعطاه ولكن مدالوش تانى بسبب حملي والمصاريف المهم قعدنا في بيت والدى كام شهر ..وعرفنا ان في زياده جاية من الشغل عالمرتب -امسكو الخشب- هنا المشكلة برضو حمايا عرف من اخو حماتي يعني خال زوجى لأنه كان السبب في شغل زوجى وعارف كل كبيرة وصغيرة المهم حمايا برضو طلب نعطيه كل شهر مبلغ معين وزوجى ممانعش قلتله ارفض قال لأ دا والدى وده من باب البر بوالدى واحنا لما نكبر اولادنا هيعاملونا كده وكلام زى كده المهم يا جماعه انا بسألكو: 1-هل فعلا كلامه صحيح وانه من باب البر بأبيه؟؟علما بأنه مش ساعده في زواجه ابدا 2-هل اقول لأبي يكلم حمايا؟انه كده ميصحش؟لأنهم اصحاب وهو بيخاف من والدى 3-اكلم حماتي انا انه بكده مينفعش لأن والله يدوب بنكمل الشهر بالعافية؟بس مش محفزة الفكرة دي اوى عايزة افضل بعيد 4-انا شايفة ان والدي اولى بالفلوس دى لاننا قاعدين في بيته ببلاش وسبب انه مقعدنا ببلاش عشان نقدر نغطى تكاليف المعيشه...... افيدونى افادكم اللــــــــــــــــــــه:cray: |
رد: يارب الاقي حل
بصى يا حبيبتى هو بر الاب لازم طبعا انا من رايى متدخليش بين جوزك وباباه
تانى حاجه اذا باباكى مش حيقصر معاه تمن مبلغ الايجار فانتى بنته وبيساعدك وبيحفظك مفيهاش حاجه اهم حاجه الزوج ميطمعش تالت حاجه منصحكيش ابدا ابدا تخليه مامتك او باباكى يكامو حماكى متدخليش حد من عندك فى مشاكلك لا يحصل ازمه وجوزك يمشى زعلان ويسيبك عند اهلك استحملى شويه يا حبيبتى واحمدى ربنا انك مش اعده مع حماكى فى نفس البيت بس حاولى تقنعى جوزك براحه بوجهه نظرك بس اذا مش مقصر معاكى يبقى بر الاب واجب ومفيهاش حاجه انه يساعد باباه وخصوصا ان ولا ست فى الدنيا تقدر تمنع حاجه زى دى يعنى فى رجاله بيعملو كده وزياده من غير ما زوجاتهم يعرفو ربنا معاكى يا قمر |
رد: يارب الاقي حل
اقتباس:
2 اقتباس:
اقتباس:
4 اقتباس:
ومعلش ربنا ان شاء الله ييسرها من عنده ,, وممكن تخلى جوزك يكلم كدا بحسن نية ان مصاريف البيت يدوب بتقضى ومشاكل الحياة والولاد والبيت وكلام من دا ,, يعنى يحسسهم من غير ما يجرحهم كدا ان هو محتاج الفلوس اللى والده بياخدها .. وياستى اعتبريها زكاة عن صحتكم وعافيتكم وولادكم وان شاء الله ربنا يجعل ولادك بارين بيكى وبوالدهم ويسعدك ويهنيكى مع جوزك دنيا واخرة .. يارب أكون افادتك وبعون الله البنات يفيدوكى ان شاء الله اكتر منى .. |
رد: يارب الاقي حل
جزاكم الله الجنة اخواتى بس هما عارفين ظروفنا دا حتي في ولادتي طلب زوجي منهم قالو مش معانا واللي سدد مصاريف المستشفى بالكامل هو أبي غير كده ان حمايا والله مش محتاج اصلا هو بيحب الفلوس وانا حتى والدتى متوفاه ومش لاقيه حد يقف معايا بعد ربنا غيركو
|
رد: يارب الاقي حل
اقتباس:
|
رد: يارب الاقي حل
انا رأيي من رأي لافالانتينا
كل شئ بأجرو الله يعوضك بشئ تاني بالعكس يمكن المال الي يعطي فيه زوجك لابوه صدقة عليكي وعلى ابنك الله يفرج عليكي ان شاء الله |
رد: يارب الاقي حل
انا برضه مع لافانتينا لان ممكن لو اتكلمت زوجك يشيل منك لا قدر الله ولا حاجة وبعدين على راي حبيبة اعتبري ان المرتب نقص لسبب في الشغل مثلا وتأكدي لو رضيتي ربنا هيباركلك واعرفي ان البركة احسن من زيادة المرتب فممكن 500 جنيه يكونوا مبروكين اكتر من الف او الفين جنيه وتلاقيهم قضوا بيتك وزيادة حبيبتي لا تظني اني مش حاسة بيكي لا انا حاسة بيكي جد لان حماتي عايشة معايا لكن بحاول ارضى وبقول يا رب يبارك لي ويعود لي في ولادي وصدقيني زوجك هيعزك جدا لو حثتيه على بر اهله اكتر واكتر وارضي وانا متأكدة ان ربنا هبارلك في المرتب الصغير وهيباركلك في ولادك واوعي اوعي تدخلي اهلك في حاجة زي دي لحسن العلتين يشيلوا من بعض انا بنصحك يا اختي واوعي برضه تكلمي حماتك لان الحما حما وعمرها ماتكون ام وممكن تسمعلك وتنيمك وتفقع فيكي من وراكي عند جوزك زومبة وتلاقي الدنيا اتهدت حواليكي وانت مش عارفة ان السبب هو الكلام الي انت قولتيه لحماتك
ربنا يصلحلك حالك ويرضيكي ويباركلك وبالله عليكي ادعي دايما ان ربنا يباركلكم في رزقكم امين يا رب العالمين |
رد: يارب الاقي حل
السلام عليكم اولا ياقمرايه متزعليش نفسك علشان البيبى ثانيا ان كل البنات هنا بصراحه قالو اللى عاوزه اقوله احتسبى الفلوسدى كانها زكاه وان شاء الله ربنا يعوضك يارباكون فيدك
|
رد: يارب الاقي حل
جزاكم الله خيرا
ربنا يفك كرب المكروبين جزاك الله الجنة يا صفصافه ياحبي وربنا يعينك اميـــــــــــــــن |
رد: يارب الاقي حل
الله يكون معاكم ويرزق زوجك وتقومي بخير وسلامة اهم حاجة
|
رد: يارب الاقي حل
والله انا مع اختي صفصافة اوعي تكلمي حماتك والا تحاولي بأي اشارة الله يسترها معاكي ولا يوريكي قلبة الحماة وانا مع كل اللي موجودين وربنا معاكي وحمد الله على سلامتك وربنا يباركلك في ابنك وجوزك وما تحرقيش في دمك ما حدش هاينفعك خلي بالك من صحتك ربنا معاكي
|
رد: يارب الاقي حل
على فكره رائ لافانتيناحكيم جداااا وربنا يرزقك يارب بكل خير ويجعله فى ميزان حسناتك
|
رد: يارب الاقي حل
وانا حبيبتي من رأي لافلانتينا ربنا يبارك لكم في رزقكم ويمتعكم بالصحة والستر بركة ربنا هتكفيكم مادام الوالدين راضيين باذن الله ودعاهم ليكم بالخير هيصد عنكم الشر والأذى باذن الله .....اكسبوا رضاهم تكسبوا الدنيا والآخرة ان شاء الله
|
رد: يارب الاقي حل
انا مع كلام ام مهند مشكورة وريحي بالك وفكري في ابنك الله يسعدك
|
الساعة الآن 12:26 AM |