السلام عليكم
انا انسه 24سنه متوسطه الالتزام
حلمت ان انا قاعده فى اوضه بابا على سريره انا فى الحقيقه كنت بشتغل فى حضانه رعايه اطفال ذوى احتياجات خاص بس سبت الحضانه دى
وفى الحلم شفت ولد من الولاد اللى كانو فى الحضانه وكان اسمه اكرم وعنده حوالى اربع سنين
وكنت انا قاعده بقشر برتقال كتير اوى ويوسفى كتير جدا وكان فى ولاد كتير كمان قاعدين على السرير وبياكلو البرتقال واليوسفى ده
وكان اخويه المسافر موجود معايا فى الحلم وهو اللى بيدينى البرتقال علشان اقشره
وبعد شويه لقيت خالتى المتوفيه من شهرين جايه عندنا مع بنتها اسمها امل وعلا
وانا استغربت هما جايين عندنا وفى بينهم وبين ماما مشاكل وعادى وبيضحكو وبيكلمونا كويس وبعدين شفت خالتى وولادها وماما بيلفو محشى كرنب
وشويه وشفت خطيبه اخويه طفله صغيره وجايه عندنا وبتكلم ماما باسلوب مش كويس وبقرف كده وبتقول لمامتى انتى اتجننتى ولا ايه قمت انا شتماها وضرباها قلم على وشها بس خفت اخويه يزعل بس قولت انه لو عرفت انها عملت كده مع ماما هيسيبها خالص
فلما اخويه جهى من بره البيت وقولناله اللى حصل قالى انا عارف انها مش كويسه اوى وبحاول اصلح العيب ده عندها
وبعد شويه رجعت تانى اوضه بابا ولقيت حبيبى على معايا والعيال اللى كانو فيها مشيو وفتحت البلكونه اللى على اوضته وكان حبيبى ده بيرتبها ولما شفت اخويه خرج رايح لخطيبته قولتله تعالى بقه ندخل جوه احنا علشان نحب فى بعض شويه هو ركن على السرير وكان عاوز يبوسنى انا موافقتش وقولتله لا تعالى احضنى احسن وفعلا حضنا بعض وكنت حسه ان الحضن ده كان فى الحقيقه مش فى المنام وصحيت من انوم على كده وسبته بسرعه علشان كنت خايفه ماما او اختى يشوفونا بس
اسفه على الاطاله
تفسير المحشي بالمنام
قد تكوني مهتمة بالمواضيع التالية ايضاً