أو

الدخول بواسطة حسابك بمواقع التواصل



عدلات

> الاقسام الأسرية

> فضفضة وحل المشاكل

صديقتى تسأل؟؟؟

إضافة رد  أضف للمفضلة
https://adlat.net/showthread.php?t=103271
5620 21
#1

افتراضي صديقتى تسأل؟؟؟

السلام عليكم يا احلى صحبه
انهارده السؤال مش سؤالى
السؤال لصديقتى المقربه جدا
هيا متجوزه وعايشه فى بيت عيله زى كتير مننا
سألتنى سؤال ومعرفتش اجاوب عليه فقلت اسألكم انتو جايز الاقى اجابته عندكو
السؤال هو
لييييه مطلوب دايما من مرات الابن انها تخدم حماتها ومش بمزاجها لأ غصب عنها وواجب عليها بالعافيه ولو معملتش كده تقوم المشاكل والدنيا ومتقعدش ؟
بصراحه فكرت ولاقيت ان كلامها منطقى
ولاقيت ان فيه بعض البيوت بتتخرب للسبب ده
ولاقيت ساعات بتبقى الحماه دى عندها بنات وتلاقيهم قاعدين واللى بتخدم مرات الابن
طب ليه متبقاش الحياه اسهل من كده ونخلى الامور ماشيه طبيعيه وكل واحد فى حاله
يعنى انتى ياحماه كنتى مستنيه ابنك يكبر ويتجوز عشان يجيبلك خدامه فى البيت تخدمك وتخدمه وتخدم بيتها وعيالها طب بالذمه مش حرام
ماهى بنت ناس برضه ولا ايه
انا عارفه ان في حموات كتيره نعمه من عند ربنا ومش بيطلبو ده ابدا ومش بيستنو ان مرات ابنهم يعملو حاجه
بس انا كل كلامى على النوع التانى من الحموات اللى بيستغلو الفرصه ويريحو على حساب مرات الابن





يعنى متزعلوش منى كلنا كنا بنعمل فى بيت اهالينا وكل حاجه بس برضه فى المقابل كانت كل طلباتنا مجابه وكأنها اوامر
طب ودلوقتى ؟؟؟
هل جوزك بيلبى كل طلباتك عشان تخدمى امه وهل عيشتك فى بيت اهلك نفس عيشتك فى بيت جوزك واهله وهل لو عملتى حاجه لحماتك بتلاقى ادامها مقابل ولا العكس ؟
واخر سؤال هل لو انتى فى يوم من الايام بقيتى حماه هتعملى كده فى مرات ابنك وهتستنيها تخدمك؟
سؤال اطرحه وانتظر منكم الاجابه لعلها تقنعنى بما اراه فى يومنا هذا
والسلام عليكم ورحمة الله وبركاته


#2

افتراضي رد: صديقتى تسأل؟؟؟

وعليكم السلام ورحمة الله وبركاته حبيبتى بصى اولا حكاية العمايل دى بتبقى بالرضا يعنى انا عايزة اعمل هعمل غير كدة لا انا بنت ناس مش جاية خدامة انما فى ظروف بتحكم انى اساعد مثلا لو الحماة مريضة اوكمان مش عندها بنات بس ده لو هى بتعاملنى كويس او لوعايزة اعبر لها عن حبى
إظهار التوقيع
توقيع : شقاوة آنثى
#3

افتراضي رد: صديقتى تسأل؟؟؟

شوفى انا مش مع مرات الابن اللى تعمل شهيده وترضى تقوم بدور مش دورها فى ستات بتيجى على نفسها من البدايه عشان تراضى جوزها واهل جوزها وهى اللى بتجيبو لنفسها لانهم بيتعودو على كده وبيسخروها وبيستغلوها اسوا استغلال
انا ضد الست اللى تاخد الدور ده ومش ممكن انا ارضى اقوم بالدور ده انا لما بروح لحماتى من اول يوم ممكن اغسل الطبق اللى كلت فيه انا وجوزى اكتر من كده لا ولما بتجيلى بقوم بواجب الضيافه مش اكتر انما خدمه مستحيل وللعلم الست لو قادت العشر صوابع شمع برضو بتطلع مقصرة فليه الاستعباد؟
ولو انا بقيت حما عمرى ما حعمل كده مع مرات ابنى ممكن مرات الابن تخدم حماتها لو هى مريضه ومعندهاش اللى يخدمها بشرط تكون حماتها محترمة مش حتاذيها وحتعرف ان ده جميل مش واجب لكن غير كده لا
#4

افتراضي رد: صديقتى تسأل؟؟؟

انا عندي نفس المشكلة
إظهار التوقيع
توقيع : لولو حبيب روحي
#5

افتراضي رد: صديقتى تسأل؟؟؟

شوفي فعلا العيب من الست الي رضيت على نفسها انها تقوم بدور الخدامة
يعني المفروض تساعد حماتها بس في حدود
ولعلمك معظم الحموات تفكيرهم كدة تستنى ابنها يكبر عشان يتجوز ويجيبلها خدامة
حتى لما بتقول لابنها يتجوز
اول حاجة بتقول هاتلك وحدة تخدمك وتشوف طلباتك وطلبتنا بالمرة
بس انا عن نفسي الحمدلله حماتي مش كدة خالص
هي اصلا عايشة بعيد عني
إظهار التوقيع
توقيع : الملكة نفرتيتي
#6

افتراضي رد: صديقتى تسأل؟؟؟

و الله يا بنات انا فعلا بستغرب من الحموات الي كده تبقى عايزة تشيل بناتها عن الارض شيل والكنة بالنسبة ليهم مجرد خدامة
طيب ليه هي الكنة واحدة شحاتة لمينها من الشارع لااا دى طبعا بنت ناس وكانت معززززززززززززة مكرمة عند اهلها
وانا مش ضد ان الكنة تساعد حماتها ولكن بحدود واذا مكنش عندها بنات يساعدوها
وانا لو صرت حماة عمري ان شاء الله ما اعاملها الا بكل احترام
إظهار التوقيع
توقيع : فلسطين
#7

افتراضي رد: صديقتى تسأل؟؟؟

الله ينور عليكم جميعا الواحدة هي اللي بترضي بالدور ده وهى اللى ممكن تثبت وجودها بالبيت يعني اعمل الحاجة برضايا مش غصب عني كلنا ولاد ناس والحماة اللى بتبقي عايزاها تخدمها ماتقبلش علي بنتها انها تبقي خدامة في بيت حماتها لازم الحماة تقدر زوجة ابنها وتفهم انها كانت اوامرها مجابة في بيت اهلها يعني ماينفعش انها تأمرها وهي لازم تقول سمعا وطاعة ياحماتي كل واحدة لازم تعمل لنفسها شخصية والا حتنداس
إظهار التوقيع
توقيع : مايا علي
#8

افتراضي رد: صديقتى تسأل؟؟؟

اولا عقولنا محتاجه تنظيف من فكرة
ان كل اللي تجيب محروس تستنى امتى هيتجوز ويجبلها خدامه
انا طبعا مش مع الوضع ده تمام
الا في حالة ان تكون الحمى دي مكسحه ومشلوله ومعندهاش حد
يخدمها سعتها مرات الأبن تقوم بوجبها مش خدمه لأ ده عطف
من مرات الابن على حمتها
اما بالنسبه ليا فا اقسم بالله
اتمنى انا اخدم اللي هتتجوز ابني لو قادرة وفيا صحة ونفس
ان شاء الله
لكن اخليها تخدمنى ونفسيتها تشيل وانغص عيشة ابنى وحياته
بأيدي طب بجوزة ليه اصلا
علشان اتحكم في بنت ناس قدراها
ونصبها ساقوها لعندي
اعتقد ما اقدرش أزي ابني
في زوجته واسيبه بين نارين
نار امه ونار مراته يرضي مين
على حساب مين
#9

افتراضي رد: صديقتى تسأل؟؟؟

هذي اكبر اهانه ضعيفه شخصيه اللي ترضى بهالوضح !
اول مره اسمع عن هالمشكله بس جد تقهر
#10

افتراضي رد: صديقتى تسأل؟؟؟

وهى ليه تستنا اما تعمل مشكله وتكبر المواضيع
اى حاجه وخدمه هتعملها لحماتها هتكتبلها عند ربنا وهيبقا ثوابها كبير اووووى وكمان هيتردلها فأولادها سواء شر او خير
وبالنسبه للحموات صدقينى وعن تجربه مهما كانت حماتك
عامليها كويس وبمايرضى الله هتكسبيها وتكسبى زوجك
إظهار التوقيع
توقيع : مجرد انسانه
#11

افتراضي رد: صديقتى تسأل؟؟؟

مراااحب

اولا لو حماتى حلوه معايا وبتهتم بيا وبمشاعرى وممكن توقف معايا ضد ظلم ابنها ممكن اكون معاها زى القشطه
مش خدامه لا

انما بمايرضى الله
اساعد يعنى

بس لو كان فى بناتها بالبيت وانا اشتغل لوحدى؟؟؟؟ لالالالا والف لا

ايد على ايد بتساعد
وده حصل ببدايه جوازى
كنت انا واخت جوزى مع بعض وحتى حماتى كانت بتساعدنا
وحماتى كانت بتحبنى ودايما توقف معايا حتى ضد ابنها وكل زوجات ابنها بتعاملهم كده بحب وعدم تفرقه زيهم زى بناتها


وعن نفسى؟؟ ان شاء الله حعاملها معامله بنتى بالزبط

دنا بنتى مش بخليها تعمل حاجه حتى تعالوا اسالوها

ههههه

عارفين لما اجيب شغاله؟؟ ببقى حنينه عليها اوى ودى جايه لخدمتى بالفلوس
فمابالكم بمرات ابنى حبيبى؟؟
إظهار التوقيع
توقيع : ريموووو
#12

افتراضي رد: صديقتى تسأل؟؟؟

بصي ياحبيبتي انتي عندك حق جدااااااااااا بس انا بصراحه من غير ماهي تطلب كنت بتكسف اما ابقي قاعده كده وانا اللي لسه عيله وهي واقفه ع الحوض تغسل مواعين او واقفه تكنس الشقه فانا اللي كنت بطلب منها ترتاح انما الاجبار في اي شيء حتي لو في بيتك اهلك بيخليكي متضايقه انتي ممكن تعملي نفس الحاجه واكتر بس احساس انك بتعمليها بمزاجك هايخليكي مرتاحه
إظهار التوقيع
توقيع : لاميتا
#13

افتراضي رد: صديقتى تسأل؟؟؟

انا ماما كلما تروح تخطب تشجع الكنات المستقبليات على الاستقلال لوحدهم و مثلنا تقول ما احب اي واحدة تحاسبني او تحاسب بناتي تعيش لوحدها سواء في بيت اخر او مستقلة بمطبخها و غرفها في بيت العيلة.
يعني تقص الشر من اوله
اما عني لما تزوجت كنت اخدمهم و لما شفت العجب انسحبت
إظهار التوقيع
توقيع : farcha
#14

افتراضي رد: صديقتى تسأل؟؟؟

لا اله الا الله
إظهار التوقيع
توقيع : جمون
#15

افتراضي رد: صديقتى تسأل؟؟؟

طب الحما اللي عمرها ما تغلط ابنها و تقولك راجل
وفي مسألة العمايل تطلب بلسانها
تعملي معاها ايه و لاحظي ان ابنها احب ما على قلبه انك
تطلعي كليتك و تدها لها هدية اذا قدرتي
إظهار التوقيع
توقيع : ام هنا
#16

افتراضي رد: صديقتى تسأل؟؟؟

ردوا عليه ما تنسوش
إظهار التوقيع
توقيع : ام هنا
#17

افتراضي رد: صديقتى تسأل؟؟؟

العيب اولاً على الزوج اللي بيرضى على مراته انها تكون خدامة لأهله والعيب ثانياً على الزوجة اللي ترضى لنفسها بالمهانه بحجة إرضاء الزوج
وده كلام العلماء
***-
قال علماء اللجنة الدائمة :
ليس في الشرع ما يدل على إلزام الزوجة أن تساعد أم الزوج ، إلا في حدود المعروف ، وقدر الطاقة ؛ إحساناً لعشرة زوجها ، وبرّاً بما يجب عليه بره .
الشيخ عبد العزيز بن باز ، الشيخ عبد الرزاق عفيفي ، الشيخ عبد الله بن غديان ، الشيخ عبد الله بن قعود .
" فتاوى اللجنة الدائمة " ( 19 / 264 ، 265 )
***-
وسئل الشيخ محمد بن صالح العثيمين - رحمه الله - :
هل لأم الزوج حق على الزوجة ؟ .
فأجاب :
لا ، أم الزوج ليس لها حق واجب على الزوجة بالنسبة للخدمة ؛ لكن لها حق مِن المعروف ، والإحسان ، وهذا مما يجلب مودة الزوج لزوجته ، أن تراعي أمه في مصالحها ، وتخدمها في الأمر اليسير ، وأن تزورها من حين لآخر ، وأن تستشيرها في بعض الأمور ، وأما وجوب الخدمة : فلا تجب ؛ لأن المعاشرة بالمعروف تكون بين الزوج والزوجة .
" لقاءات الباب المفتوح " ( 68 / السؤال 14 )
***-
فيجب على الزوج أن يقف عند هذا الحكم الشرعي ، ولا يطلب من الزوجة ما لا يلزمها شرعاً ، وعليه أن يعلم أنه لا طاعة له عليها لو أنه أمر زوجته بخدمة أهله ؛ لأن أمره ذاك ليس من شرع الله تعالى


من موقع سؤال وجواب

إظهار التوقيع
توقيع : نيڨين
#18

افتراضي رد: صديقتى تسأل؟؟؟

اه فعلا في ناس كتير كده واكتر في الارياف
انا الحمد لله مسافره هههههه بس بصراحه حماتي الحمد لله كويسه
وانا بحمد ربنا لانها لو مش كويسه وانا عايشه معاها كانت المشاكل مش هتخلص
لان انا دلوعه جدا وبشتغل بمزاجي ههههههههه
ربنا يبصبر اللي حمتها مش كويسه لان بصراحه الدنيا بتخرب من الزن
إظهار التوقيع
توقيع : بطه
#19

افتراضي رد: صديقتى تسأل؟؟؟

لا طبعا يا حبيبتى هى مش مضطره تخدمهم لكن اللى بيحصل انه عرف عند الناس لكن الشرع لا طبعا والحل ان الزوج والزوجه من الاول يعملوا الشرع بعد شويه اهله هيردوا بالواقع والا هيفضلوا فى مشاكل وطبعا مش هيعجبوا فى الاخر
إظهار التوقيع
توقيع : ام هنى
#20

افتراضي رد: صديقتى تسأل؟؟؟

انا شخصيآ عايشه مع حماتي بس هي بتتعامل معاي كويس والحمد لله بس اكيد ما طوالي دائمآ بتحصل فتن ومشاكل وانا اكيد ما ح اعامل مرات ابني وحش والام دائمآ عندها الغيره من مرات الابن ودي اكتر حاجه بتعمل المشاكل
#21

افتراضي رد: صديقتى تسأل؟؟؟

بص ياحبيبة قلبي انا شايفه ان الست اللي بتحب جوزها قووووي وبتعشقوااا ممكن تعمل اي حاااااااااااجه عشااااان خاطر عيونه كنوع من رد جميل حبه ليها وعطفه عليها بس انتي لواعتبرتيها مامتك اكيد هتعملي اي حاجه تسعدها لان الام مفتاح وطريق لقلب جوزك لوهو مطيع لها
وانا نفسي في انسان يحبني اوووووووي وانا هخدم عالته كلها مش مامته بس المهم يحس بيا
#22

افتراضي رد: صديقتى تسأل؟؟؟

بصى يا قمر معظم الحماوات بالشكل دا بيبقى حبهم لابنهم اكبر من اى شئ ومجرد انهم بيشوفوا ان فى حد بقى شريك فى حياه ابنهم دا بيبقى صعب عليهم جدا فبيترجموا ضيقتهم ديه فى التصرفات اللى بيتصرفوها مع زوجه ابنائهم

طبعا زمانا اختلف كتير واستحاله ابقى كدا هههههههههه

بس عايزه اقلك ان عشان تتظبط الامور ديه لازم كل الاطراف يعنى الابن لازم طبعا يفهم الام بهدوء انه مش ينفع كدا ونفس الوقت مش يجى على الام بردو عشان مش يغضبها ويحاول يحببها فى زوجته وهى الزوجه تستحمل شويه لغايه لما تثبت ليها حبها

بس وربنا يهدى الجميع وربنا ما يرزقنا بحما كدا ههه


قد تكوني مهتمة بالمواضيع التالية ايضاً
الموضوع كاتب الموضوع المنتدى
صديقتى كونى بخير اجمل صور عن الصداقة 2024 حنين الروح123 صور صداقة
الى صديقتى حكم عن صديقتى حنين الروح123 حكم واقـوال
هذة صديقتى , بقلمى الغصن 2024 الاميرة النائمه أقلام عدلات الذهبية
صديقتى ميووووووووووووووووووووووووش احبك كيوت متل التوت مضيفة عدلات
صديقتى ... كل الأشياء الجميلة اصلها انت ♥♥ احبك توأمى ♥♥ حسناء مضيفة عدلات


الساعة الآن 05:00 AM

الاتصال بنا - عدلات - الأرشيف - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل