أو

الدخول بواسطة حسابك بمواقع التواصل



عدلات

> الاقسام الأسرية

> فضفضة وحل المشاكل

محتاجه رايكم للاهميه

إضافة رد  أضف للمفضلة
https://adlat.net/showthread.php?t=109146
4002 18
#1

افتراضي محتاجه رايكم للاهميه

محتاجه رايكم للاهميه

محتاجه رايكم للاهميه
السلام عليكم ورحمة الله وبركاته
اخوتى الا عزاء محتاجه اخد رايكم فى مشكله حصلت لصديقه ليا
جاءتنى فى يوم صديقتى تشتكى من خيانة زوجها لها وانا استغربت من ذلك وقلتلها ازاى دا جوزك راجل ملتزم وعلى خلق وبيخشى الله فى تصرفاته وده اللى انا عارفاه ردت عليا وقالت هذا من الخارج فقط
المهم صحبتى دى اتجوزت من حوالى 20 سنه ومعها اولاد من زوجها والحمد لله هى انسانه محترمه وطائعه له فى كل شىء دائما كل طلباته مستجابه بتحبه للابعد حد
المهم لاحظت صديقتى ان زوجها من حوالى سنه وهو على تعلق شديد بالفيس بوك ويمكن بيقضى اكثر الوقت فى المكوس عليه فأستغربت من هذا وابتدت تشك فى هذا الامر الا انها فوجئت فى مره من المرات كلامه مه امراه على الفيس وهى من بلد عربيه اخرى وده طبعا لما لاقه وخده بالها اغلق الصفحه المهم اثار هذا الموضوع الفضول بداخلها مما اضطرها اسفه الى فتح صفحة الفيس الخاصه بزوجها وقرائة الرسائل الموجوده على الشات فوجدت زوجها الانسان الخلوق الملتزم بيراسل امراه من بلد اخر ومفهمها انه سنه من سنها وانه غير متزوج وغير مرتبط وبيقلها انها تدعو له ان يرزقه الله بالزوجه الصالحه ووجدت زوجها يتغزل فى تلك المراه عن طريق ارسال كلمات الاعجاب لها لدرجة ان البنت بقت غير قادره على الاستغناء عنه ولدرجه انها طلبت منه الزواج بس بطريه غير مباشره وهو فضل يتدلل عليها لدرجة ان البنت قلتله لو العقبه فى الفلوس اقوم بارسالها اليك وارسلت له رقم الهاتف الخاص بها علشان يكلمها عليه المهم صحبتى خافت كتييير على بيتها واولادها من هذا الموضوع ولما لجأت ليا معرفتش اعمل لها ايه ومقدرتش ارد عليه المهم اهدئت من عصبيتها وقلتلها لا تخافى دى اكيد نزوه وهتروح لحالها بس بداخلى خفت عليها كتير وقلت اعرض مشكلتهاعليكم واخد ارائكم وشوف تنصحوها بايه واسفه علشان طولت عليكم



إظهار التوقيع
توقيع : قوت القلوب 2
#2

افتراضي رد: محتاجه رايكم للاهميه

لا اله الا الله المشكلة دي انتشرت جدا مافيش قدامها غير الصبر علشان ولادها وبيتها ومحدش ياخد منها جوزها ابدا
بجد مش عارفة اقول ايه غير انها تدعي ربنا هو مقلب القلوب والابصار وفي ايده كل شئ ممكن تدعي وتقول الهي يامقلب القلوب والابصار ثب قلبي عليدينك وثبت قلب زوجي علي حبي
وتدعي دايمالجوزها ان ربنا يعصمه من الخطأ ان بشوف الموضوع علي انه ذنب في حق ربنا مش زوجته بس
وده الي بيوجعني ان الخائن بينسي انه بيغضب ربنا وكل كلمه مع امرأة اجنبيه عنه وكذبه عليها ده ذنب كبير ربنا يغفر له ويتوب عليه ويهديه لزوجته ربنا يصبر قلبها بس هي نصيحة ليها بلاش تواجهه وتسلم امرها لله وان شاء الله ربنا يهديه لان دايما المواجهه فيها خسائر هي في غني عنها يمكن هو في حال مراهقة كتير من الرجالة بيحصل لهم كده
إظهار التوقيع
توقيع : لولو حبيب روحي
#3

افتراضي رد: محتاجه رايكم للاهميه

لا حببتى ولا يهمك انا راي انها تاخد رقم تليفونها وتكلمها وتفهما انها مراتة ومعاة اولاد منها وانها تبعد عنة احسن دة راي
#4

افتراضي رد: محتاجه رايكم للاهميه

انا راى انها تعرفها انة متزوج ومعاة اولاد
وانة مش قد سنها بس ياريت مش هيا الى تبهتلها او تكلمها عشان ما يحصلش مشاكل بينهاوبين جوزها
كانها متعرفش حاجة وهى تتابع التفاصيل من بعيد دة الاحسن عشان ممكن او عرف انها هى الى كشفتة ممكن فى لحظة غضب يطلقها فهمتينى
ويارب يصلح الحال بيتنهم
إظهار التوقيع
توقيع : رتوجى
#5

افتراضي رد: محتاجه رايكم للاهميه

أنا رأيي انها تحاول تشوف اذا فعلا فيه أي مشكلة عندهم بالبيت خلته يبص لبره خصوصا انه زى ماقلتي ملتزم أو كان ملتزم وكويس يبقي أكيد فيه حاجة حصلت ممكن كل اللي حصل انه حياتهم مافهاش جديد وممكن صاحبتك مش واخدة بالها فعلا خليها تقعد تفكر مش جايز حياتهم روتينية ومل من الحياة الروتينية وبيدور على حاجة تصحصح حياته من جديد أنا طبعا مش مع ان الانسان لما يمل من حياته يتبع الطريقة ديه لان ديه خيابة وبدل مايحاول يجدد حياته مع الانسانة اللى شاركته حياته لأه راح دور بره وعلى الفيس بوك يعنى ألعن ده زى مابيقولوا بيمر بمرحلة مراهقة متأخرة بصراحةأنا مش مع انها تتصل بالبنت أو انها تدعى وبس مش ده الحل لانها ماحينوبها غير انها تحرق في أعصابها وتمرض وبس لازم تواجهه وتعالج الموضوع بحكمة وتتكلم معاه بهدوء وتحاول توصل معاه لحل وتقوله انها عارفة انها نزوة وحتعدى وانها مستعدة انها تسامحه بس انه مايهدمش حياتهم وبيتهم وتحاول توصل ايه اللى جواه ايه اللي هي قصرت فيه ودفعه للشئ ده أنا برأيي التواصل بين الأزواج هو الحل لكل مشكلة بالبيت الزوجة تطلع اللى جواها والزوج يوصل لحل لمشكلته معاها أما لو ده طبع فيه يبقي مالهوش أي حل للأسف لانه حيفضل علي كده ومش حيرجع عن اللى هو فيه ربنا يهدى الحال مابينهم وتتحل الأمور مابينهم للأحسن
إظهار التوقيع
توقيع : مايا علي
#6

افتراضي رد: محتاجه رايكم للاهميه

لا حول ولا قوة الا بالله يارب بجد حاجه صعبه اووووووووووي
انا بجد حبيبتي مش عارفه اقول ايه بس اعتقد ان كل زوجه من حقهاااا تدافع عن زوجها وبيتهاااااا
يعني تفتح الفيس تاني وتبعت رساله للبنت دي وتشرحلهااا كل شئ واكييييييد هي هاتسيبه عشان كذب عليهاا
انما المشكله انه لو عرف هايعمل ايه معاهاااا وممكن يعمل الموقف دا كتيرررررررررر
بجد حاله صعبه جداااااااا ربنا يصبرك ويفك كربك يارب

إظهار التوقيع
توقيع : حبيبة نوناا
#7

افتراضي رد: محتاجه رايكم للاهميه

يتصفح الموضوع حالياً : 8 (2 عدلات و 6 زائرة)
‏حبيبة نوناا, ‏مايا علي
إظهار التوقيع
توقيع : حبيبة نوناا
#8

افتراضي رد: محتاجه رايكم للاهميه

انا بقول تاخذ رقم الهاتف الخاص بيها وتديه لوحدة تكون ثقة وتبلغها انو متجوز يمكن البنت ما تكون عارفة الحقيقة المهم لاتتصل هي وربي يفرج انشالله.
إظهار التوقيع
توقيع : هبة الرحمان2
#9

افتراضي رد: محتاجه رايكم للاهميه

انا رائي انها تتكلم مع البنت دي وتفهمها ألحقيقه
واكيد هيه لما تعرف انه بيكدب عليها هتقطع صلاتها بيه
#10

افتراضي رد: محتاجه رايكم للاهميه

الف شكر ليكم جميعا على تفاعلكم وعلى ارائكم بس انافكرت انى اساعدها واعمل كل اللى فكرتم فيه لكن هى قالتلى ان البنت اللى تكلم زوجها معها هى بنت فاتها قطار الزواج وعمرها 37سنه وبتحلم انها تعيش فى مصر وانها عايشه مع امها لوحدهم وملهاش احد سوى امها وانها مش عارفه لو امها توفها الله هتعمل ايه لوحدها وهو حاسس انه المخلص لها من كل مشاكلها وانه المنقذ وعلى فكره هو ليه فتره على هذا النظام ولما زوجته تعرف حاجه بيبهدلها وبيعمل معاها مشكله كبيره وهى مش بتلاقى حل غير انها تسلم امرها لله وكمان صحبتى بتقسم انها مش مخلياه محتاج لاى شىء ونها على قدر كبير جدا من الجمال واللهى كتيير مننا بيحسده عليها وبنقول ازاى انسانه على قدر كبير من الاخلاق والجمال وانها نعم الزوجه المثاليه والصابره والمحتسبه لكن سبحان الله ملهاش حظ معاه ربنا يسامحه ويجازيه على افعاله .
إظهار التوقيع
توقيع : قوت القلوب 2
#11

افتراضي رد: محتاجه رايكم للاهميه

بصراحة موضوع صعب اسوأ حاجه الخيانه حتى لو الزوج اتراجع بيبقى فى شرخ فى علاقه الزوج والزوجه
قدامها حلين انها تواجهه وتجيب من الآخر بدل ما تقعد تتعذب وتشك طول الوقت وتشوف هو ناوى على ايه بس فى الحاله دى ممكن يصدمها ويصر على اللى حيعمله وممكن يكون فى تبعات تانيه

يا اما تتجاهل الموضوع وتلجأ الى الله وتصبر يمكن يتراجع ويفوق بدل ما يعند اكتر ويتقلب الموضوع من مجرد تسليه الى حيز التنفيذ
#12

افتراضي رد: محتاجه رايكم للاهميه

هي لو تقدر تدخل صفحة البنت دي من حسابه وتعمل لها حظر
وبكدة تبقى خلصت منها على الفيس
وبالنسبة لنمرتها تمسحها من تليفونه
كل ده من غير جوزها مايعرف طبعا
وفي ذات الوقت تبدأ تشاغل جوزها بالرسايل والحركات
ولو حتى يكون بخلاعة لاهو عيب ولا حرام
يعني بالمختصر المفيد ترجع ايامهم في اول الجواز وماتتحججججججججججججش بالعيال
لانها دلوقت في حالة حرب ولازم تكسب المعركة لصالحها
وربنا يهدي لها الحال يارب
#13

افتراضي رد: محتاجه رايكم للاهميه

الله يلعن الفيس بوك وسنينه
#14

افتراضي رد: محتاجه رايكم للاهميه

لا حول ولا قوة الا بالله
دى اخرة النت والفيس
رربنا ينتقم منة
يعنى خاين وكداب وغشاش دا اية الصدمة دى
لازم تكلمها او تخلى حد من معارفها يكلمها
واكيد البنت لما تعرف انة متزوج حتبعد عنة
ربنا ييسرها الحال
#15

افتراضي رد: محتاجه رايكم للاهميه

انا رأيي توجهه وتاخد موقف صارم
وتجمعله اهلها كمان
والا تسكت لغاية ماتلاقيه بيقولها انه هيتجوز
ومتقوليليش الموضوع ممكن يكون
تسليه لان بنت بالظروف اللي قلتيه هترضى براجل كبير ومتزوج
ومش هيفرق معاها لانها عاوزة راجل وخلاص بالعكس انا شايفه انها لو خلت حد يتصل ويقولها الحقيقه
هيريحها اكتر وومكن البنت تبدء تلعب عليه بدون خجل
لانكم شلتوا الحته اللى خايف يوجهها بيها او اللي كدب عليها فيه
وهو سنه وعدم زوجاه
ربنا يتولاها هي وكل اللي زيها
#16

افتراضي رد: محتاجه رايكم للاهميه

اشكركم كثيرا يا اغلى الناس انا فعلا قلتلها انها تتجاهل الموضوع تماما امامه وقلتلها ادخلى على حسابه الشخصى واعملى ليها حظر وهى عملت كده فعلا
إظهار التوقيع
توقيع : قوت القلوب 2
#17

افتراضي رد: محتاجه رايكم للاهميه

رد: محتاجه رايكم للاهميه

كل الى ائدر اقوله لك اصبر ان الله معك وفى نفس الوقت لازم يكون فى حديث بينك وبينه وتطرح المشاكل التى بينكم وتحاولى بكل شكل ان تتهاونى لان الرجل كائن مغرور تعلى على نفسك شويه بس اوعى تضغطى على نفسك ده علشانك اولا وبعدين ولادك واوعى تنسى ربنا دئما فان الله معك اعملى الى عليك للاخر وربنا يردوهولك يارب
رد: محتاجه رايكم للاهميه
#18

افتراضي رد: محتاجه رايكم للاهميه

انا رايى انها تكبر دماغها خالص دى مرحله وهتنتهى هتنتهى ومهما كدب عليها هييجى ويوم ويبعد عنها عشان مش هيقدر يواجهها بالحقيقه وحتى لو واجهها بالحقيقه هى عمرها ما هترضى بيه الموضوع كله مش اكتر من انه بيتسلى والشيطان بيزين له الحرام فى رجاله كتير كده بس فى الاخر بيرجع لبيته ومراته وبعد انتى ما تحسى ان الموضوع ده انتهى خالص ورجع عادى اقعدى اتكلمى معاه وقوليله انت لسه بتحبنى اكيد هيقولك طبعا قوليله طيب هل انا قصرت معاك فى حاجه وقوليله لو قصرت معاك فى حاجه كن صريح معايا وقولهالى وانا هحاول اكون عند حسن ظنك المهم تعرف انى انا لسه بحبك وسيبيه وقومى وشوفى رد فعله هيكون ايه واكيد هيرجعله عقله وهيندم وهيبقى على بيته وولاده ومراته اللى بتحبه
#19

افتراضي رد: محتاجه رايكم للاهميه

انا رايى انها تكبر دماغها خالص دى مرحله وهتنتهى هتنتهى ومهما كدب عليها هييجى ويوم ويبعد عنها عشان مش هيقدر يواجهها بالحقيقه وحتى لو واجهها بالحقيقه هى عمرها ما هترضى بيه الموضوع كله مش اكتر من انه بيتسلى والشيطان بيزين له الحرام فى رجاله كتير كده بس فى الاخر بيرجع لبيته ومراته وبعد انتى ما تحسى ان الموضوع ده انتهى خالص ورجع عادى اقعدى اتكلمى معاه وقوليله انت لسه بتحبنى اكيد هيقولك طبعا قوليله طيب هل انا قصرت معاك فى حاجه وقوليله لو قصرت معاك فى حاجه كن صريح معايا وقولهالى وانا هحاول اكون عند حسن ظنك المهم تعرف انى انا لسه بحبك وسيبيه وقومى وشوفى رد فعله هيكون ايه واكيد هيرجعله عقله وهيندم وهيبقى على بيته وولاده ومراته اللى بتحبه



رد: محتاجه رايكم للاهميه


قد تكوني مهتمة بالمواضيع التالية ايضاً
الموضوع كاتب الموضوع المنتدى
كولكشن ادوات مطبخ مختلفة ادوات مطبخ جديدة رايكم ايه يا عدولات ندى ام ادوات واجهزة منزلية
ايه رايكم في الفرش للجديد لشقتي أعطوني رايكم رودينة الارشيف والمواضيع المكررة
عدولات ممكن رايكم نوووووجه مرحلة الحمل والولاده
يلا يا عدولات قول لي ايه رايكم في زقزقية مزقزقة ديكورات ومفروشات
اعطونى رايكم يا جماعة ام رؤى منوعات x منوعات - مواضيع مختلفة


الساعة الآن 11:47 AM

الاتصال بنا - عدلات - الأرشيف - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل