بسم الله الرحمن الرحيم
معلشى لو هطول بس الحلم ده قالقنى شويه
انا حلمت انى فى بيت مفتكرش انى شوفته قبل كده بس كل الناس اللى فيه اعرفهم
جدتى كانت فى المطبخ وانا واقفه معاها عملت اكل كتير وغريب كانت لحمه بس عملت اصناف كتير منها
اللى فاكراه انها قلت حاجات منها فى الزيت
وقالتلى خدى امسكى الكيس ده مجرد انك تمسكيه بس مش تمسكى اوى ولا تضغطى اوى عشان اعرف اربطه
كان فيها خلطه بصل وكده وفيها لحمه وحطته فى الزيت برضو
وكانت بتقلى طعميه برضو فى طاسه تانيه المهم
قعدت انا وهى نتكلم مش فاكره اتكلمت فى ايه لاقيتها بتقول الحقى الحاجات اللى بتتقلى اتحرقت قلبيها على الوش التانى
قولتلها ياخبر نسيت ماشى فضلت اقلب فيها قالتلى انتى حطيتى الكيس فى الزيت اهو باظ اهو وحرق كمان اللى حواليه
سيبيه بقى الشيطان ياكله استغربت بس قولتلها طيب
طلعت بره لاقيت كشك صغير كده او مش كشك حاجه زى الدولاب محطوط فيها شنطه بتاعه ماما كان فيها جوافتين قعدت اكل واحده والتانيه لاقيت واحده اعرفها بس كانت طالعه فى الحلم انها غلبانه لابسه كويس وكل حاجه بس انا عارفه انها نفسها فى الحاجه اللى معايا عشان مش عارفه تجيب شافتنى باكل الجوافه قالتلى الله انا نفسى فيها بحبها جدا قولتلها تاخدى قالتلى اه
قولتلها بس معلشى بقى هى زى ما يكون متفعصه اصلها محطوطه فى شنطه ماما وبتركب مواصلات وكده قالتلى عادى مش مشكله
اديتها نص قالتلى انتى مش عاوزه قولتلها لا يا حبيبتى والله انا لسه واكله ولاقيت ورا الجوافه شوكولاته بس ملحقتش اخدها
دخلت بد ما اديتها الجوافه لاقيت جدتى بتلف اكل من الى كنا بنعمله لماما وبتديهولها قولتلها خدى فى علمك انا هاخد حته اللحمه اللى نايه مش مستويه عشان اجرب فيها حاجه ودى هاخدها عافيه قالتلى رميناها والله اتحرقت
سيبتهم ومشيت وصحيت على ادان الفجر
صليت ونمت حلمت حلم تانى خالص
انا اعرف شاب واهلى عارفينه وهييجى يتقدم وكده بس لسه انا وهو متخانقين اليومين دول
حلمت انى اتصلت بيه قالى انتى نسيتينى امبارح ولا ايه مش قولتلك شويه وكلمينى
قولتله مسمعتش الا شويه قولت اكيد لو عاوز يتكلم كان رن بعد ما خلص فضلت مستنيه مرنتش نمت لا عملت حاجه ولا يحزنون
وسكت شويه وبعدين قولتله انا عاوزه اسألك على حاجه
هو مينفعش تشوفلنا شقه انا واخويا وكده نيجى نقعد يومين نغير جو قالى لا مينفعش مفيش اليومين دول احنا فى الشتا
قولتله ولا تعرف تحاول يعنى قالى لا قولتله خلاص مش مشكله
لاقيته بيقولى على فكره العربيه باظت فيه حاجه مش فاكره ايه باظت ومش ليها قطع غيار
قولتله يعنى ايه مفيش العربيه كده بح قالى شوفتى قولتلك ابيعها قولتيلى لا مش دلوقتى خساره هتخسر فيها
ادينى خسرتها خالص قولتله معلشى طيب خير خير ربنا يسهلها
ومعرفش فجاه لاقيتنى فى شقه اول مره اشوفها ولوحدى
لاقيته بيقولى فى التليفون حطى المفتاح فى الباب من جوه عشان محدش يفتح ولا يدخلك قولتله ماشى
وبعد شويه لاقيته باعتلى رساله بيقولى شيلى المفتاح انا طالعلك
المهم فتح وبعد ما جاى يدخل لقى صوت حد طالع على السلم دخل جوه وقالى اتعاملى انتى لو حد خبط افتحى قوليلهم الساكنه الجديده وعادى شوفى الدنيا ايه الباب بتاع الشقه عامل زى مايكون بابين يعنى باب من بره ده فيه حتت كتير متفتحه فيه الكالون وترباس وباب تانى بيغطى كل الحتت المتفتحه
المهم قفلته ومحطتش المفتاح فى الباب من جوه بس قفلت بالترباس قولتله بصوت واطى خلاص انا قفلته محدش كان طالع اصلا قالى طيب انتى عاوزه حاجه في حاجات ناقصه قولتله لا قالى اوكى ماشى متفتحيش لاى حد وانا شويه وهبقى اطلعلك اطمن عليكى كل شويه قولتله مش هتتعشى معايا طيب قالى مش دلوقتى بقى مش النهارده
وبعد شويه لاقيتنى فى مكان تانى خالص
زى الجامعه كده لسه مبنيه جديده وفيها كل حاجه جديده وقالولى انها بتاعه والدى اللى عاملها
الدور الارضى لاقيت اخويا الكبير ومعاه شويه دكاتره بيشرحو لطلبه بصلى وضحك طلعت دور تانى لاقيت كله دكاتره وكلهم صغيرين يعنى لسه متخرجين مثلا بيكشفو على ناس عيانين
نزلت الدور الارضى تانى لاقيت اخويا بقوله هى ماما فين قالى روحت ابوكى فوق فيه ايه قولتله ولا حاجه
بصيت لاقيت اوضه كده او زى سكشن لاعلام قولت الله ملعبى
لاقيت ناس كتير معرفهمش وفيه بنتين اعرفهم كانو فى الكليه معايا بس كانو لسه بيدرسو
قولتلهم هنا هنعمل استوديو صوت وهنا تليفزيون وهدربكم بجد
جيبت كاميرا وكنت بعملهم تست لاقيت ناس بتهزر زعقت فيهم ودخلت الاوضه او السكشن لاقين دكتور ومعيدين اول مره اشوفهم كنت بقفل البيبان وانا بتكلم قولتله انا بنت صاحب الاكاديميه دى انتو مين قالى احنا دكاتره اعلام قولتله اه كويس عاوزين نتفق على حاجات بس صحيت مكملتش اى حاجه
مش فاهمه اى حاجه حسيت انى صاحيه تايهه
انا عندى 23 سنه وملتزمه الى حد ما يعنى بصلى الفروض كلها حاضر الحمد لله
ممكن اعرف تفسير الحلم ده ايه ؟؟ او الحلمين دول ايه
تفسير الجوافه في المنام
قد تكوني مهتمة بالمواضيع التالية ايضاً