انا حلمت اني كنت في الشارع وان خطيبي اتصل بيا وانا ماشيه في الشارع
وانا كنت فرحانه بيه وكده المهم اني فجاه لاقيت نفسي في بيتنا ونايمه عالسرير في اوضتي بس على سرير اختي ومتغطيه ببطانيه وكان عندي اتنين من صحباتي واحده منهم اسمها ايمان والتانيه مش فاكره شكلها بس انا عارفاها
المهم انهم سمعو الباب بيخبط وقالولي ان فيه ضيف جالكم
فجريو يفتحو الباب بس انا كنت عامله نفسي تعبانه في السرير وكنت متضايقه ان الاوضه مش مترتبه خالص ومكسوفه ان الضيوف يجو وشكلها كده ويزوروني
المهم اني اتفاجات ان خطيبي هو اللي جه وقعد على سريري ومسك ايدي اللي فيها الدبله وكان عايز يقلعهالي عشان هو كان جايبلي واحده جديده وحلوة اوي بدالها بس انا قولتله لا انا مش هاقلع القديمه لانها عاجباني وخلاص هالبس الجديده معاها وكنت فرحانه اوووووووي
وفعلا قالي خلاص خلي القديمه ومش شالها من صوباعي ولبسني الجديده فوقيها
وفعلا شكل الدبلتين كان حلو اوي في ايدي وقولتله الدبلتين انت اللي جايبهم واحده انا اختارتها والتانيه انت وكنت فرحانه بيهم اوي وشكلهم جميل جدا مع بعض المهم هو راح قايم وقعد يوضب في الاوضه ويرتبها عشاني وقالي انتي مش ينفع تقعدي في مكان متبهدل كده وانا كنت فرحانه بيه
وهو كان بيروق الاوضه
انا مخطوبه وملتزمه الحمد لله
فيه عندي مشاكل كتير
مع خطيبي والموضوع واقف ومش بنكلم بعض
بالله عليكم فسرولي الحلم
رد: فسرولي حلمي ضروري بالله عليكم ضروري
قد تكوني مهتمة بالمواضيع التالية ايضاً