إلحقونى الحضانة إتسرقت

بسم الله الرحمن الرحيم






بجد مش عارفة أقول إيه انا متضايقة جدا جدا قبل كدة حضانة المدرسة إللى أنا فيها اتسرق منها مسدس شمع وحوالى كيلو شمع وشوية أدوات صغيرة وغيره قولنا نحط قفل على الباب وأخلى مفتاحه معاياووقت الدراسة حيكون مع الدادة.

فراش المدرسة معاه مفاتيح المدرسة كلها والحضانة لكن القفل الجديد لأ المفتاح مع الدادة الجديدة لسة جاية من الترم التانى بس مابعرفها ولاحظت يوم الخميس اللى فات إنه فيه حاجات مش موجودة زى المسدس الشمع والشمع وقلم الطباشير تبعى والله أعلم إيه تانى كل ماأروح اجيب حاجة لأشتغل بيها ما بلاقيها..






الدادة دى عندها ثلاث أولاد منهم اتنين فى المدرسةوالتالتة صغيرة بيظلوا معاها حتى تنتهى من التنظيف أنا طبعا بكون مشيت ولما اكتشفت السرقة قولتلها نكرت انها شافت حاجة او الأولاد اخدوا شئ قولتلها كان فيه طباشير هنا راح فين قالتلى معلش يمكن ابنى اخده فقولتلها مايدخلش هنا يستناكى بره الفصل أنتم عارفين قاعة رياض الأطفال غير الفصل الإبتدائى فيها أدوات وألعاب كتير جدا فيها الطمع .


والنهاردة بدور على قلم الطباشير قالت ماشوفته وانا سايباه فى الفصل يوم الخميس راح فين يعنى فقالت هو بكام وانا ادفع تمنه فقولتلها المرة دى حاجة صغيرة ياعالم المرة الجاية بعدها بساعة لاحظت عدم وجود المسدس والشمع ..

فطلعت للمدير والسكرتير قولتلهم وفى النهاية توصلوا إن المفتاح يظل معايا لكن ده مش حل بالمرةمين سرق الحاجات دى وخصوصا انها مش اول مرة وأنا مستحرمة أقطع عيشها لكنى مش حقدر أستأمنها تانى بعد اللى حصل


ساعدونى وقولولى أعمل إيه