أو

الدخول بواسطة حسابك بمواقع التواصل

#1

افتراضي بالفيديو..مجدي الجلاد يعترف بحضور اجتماعات مع مخابرات عالمية لضرب الإخوان

اعترف مجدي الجلاد الكاتب الصحفي و رئيس تحرير صحيفة الوطن بأنه كان يحضر اجتماعات لأجهزة مخابرات عالمية من بينها جهاز المخابرات المصرية و الأردنية بهدف ضرب جماعة الإخوان المسلمين
و قال الجلاد علي قناة القاهرة و الناس في برنامج أجرأ الكلام مع طوني خليفه أن اللواء عمر سليمان كان يحضر تلك الإجتماعات أيضا


إظهار التوقيع
توقيع : اللهم ارزقنى التقى
#2

افتراضي رد: بالفيديو..مجدي الجلاد يعترف بحضور اجتماعات مع مخابرات عالمية لضرب الإخوان

بس الاجتماع ده قديم
من قبل الانتخابات
يعني قبل ما تبقى امريكا حليفتهم
بالاضافة ان مجدي الجلاد كان حاضر دفاعا عن الاخوان وليس ضدهم
الكلام ده مش من عندي
ده موجود في الفيديو
تقبلي مروري و شكرا على الخبر
#3

افتراضي رد: بالفيديو..مجدي الجلاد يعترف بحضور اجتماعات مع مخابرات عالمية لضرب الإخوان

اللقاء ده قبل الانتخابات وكمان كانوا واثقين ان الاخوان هايفوزوا فكانوا عاوزين الاخوان يفشلوا وكل اللى بيعملوه وعملوه من اكاذيب واخبار مخلوطة وطبعا جريدة الوطن مابتتوصى وعاوزة اقوللك حبيبتى ان مافيش حد مابيخطأش لالالالالالالالالا الاخوان ليهم اخطاء زى اى حد بس احنا لو قعدنا نتصيد الاخطاء مش هانعمل اى حاجة لبلدنا واللى احنا وغيرنا عاوزينه ان بلدنا تكون فى احسن حال 00اما امريكا حليفتهم دى عاوزة اعرف لو حد غير الاخوان او مرسى كان حليفهم هايبقى مين 000 دى يااختى لعبة سياسة على كبير ربنا يجعل لنا منها مخرجا وبصراحة مجدى الجلاد ده ربنا يهديه ونورتينى
إظهار التوقيع
توقيع : اللهم ارزقنى التقى
#4

افتراضي رد: بالفيديو..مجدي الجلاد يعترف بحضور اجتماعات مع مخابرات عالمية لضرب الإخوان

لأ انا قصدي من كلمة قديم انه من قبل ما يتم انشاء الحزب اساسا
علشان مجدي الجلاد بيقول انه كان بيدافع عنهم و بيقول انه من حقهم يكون لهم حزب خاص بيهم
يعني محدش كان عارف اصلا مين المرشحين
و انا معاكي ان مفيش حد ما بيغلطش
ربنا ييسر الحال و يفتح ابواب الخير لبلدنا يااااارب
#5

افتراضي رد: بالفيديو..مجدي الجلاد يعترف بحضور اجتماعات مع مخابرات عالمية لضرب الإخوان

ايوه فهمت قصدك طيب ماشى يعنى هو من مدافع ينقلب مهاجم وياريت والله على حق الااخباره حبيبتى كلها 0000 يلا ربنا يهدينا ويهديه واحلى حاجة والله قولتيها الدعاء بالتيسير لبلدنا يااااااااااااااااااارب نورتينى
إظهار التوقيع
توقيع : اللهم ارزقنى التقى
#6

افتراضي رد: بالفيديو..مجدي الجلاد يعترف بحضور اجتماعات مع مخابرات عالمية لضرب الإخوان

احنا مش لسه حندافع عن الاخوان انكشفوا وخلاص شوفى كل الطبقات بقت بتتكلم ازاى عليهم كل اللى كان بيدافع دلوقتى بيقول فين المخرج؟ هما الاخوان عايزينها خربانة
وألف مبروك صحيح بمناسبة تطبيق مشروع العيش الجديد ليكي 3 أرغفة واللى عايز زيادة ب03 قرش حرااااااااااام والله ده احنا لسه ماشفناش حاجة
إظهار التوقيع
توقيع : مايا علي
#7

افتراضي رد: بالفيديو..مجدي الجلاد يعترف بحضور اجتماعات مع مخابرات عالمية لضرب الإخوان


المشاركة الأصلية كتبت بواسطة omabdelmonem
ايوه فهمت قصدك طيب ماشى يعنى هو من مدافع ينقلب مهاجم وياريت والله على حق الااخباره حبيبتى كلها 0000 يلا ربنا يهدينا ويهديه واحلى حاجة والله قولتيها الدعاء بالتيسير لبلدنا يااااااااااااااااااارب نورتينى
هو قلب من مدافع لمهاجم لان نواياهم الحقيقية ظهرت
وده حال كل الناس خصوصا اللي ماكانش قدامهم بديل غيره في الانتخابات
مفيش حد انتخبه من غير الاخوانيين الا وندم اشد الندم في وقت لا يفلح فيه الندم
ربنا يعديها و يخلصنا على خير


المشاركة الأصلية كتبت بواسطة مايا علي
احنا مش لسه حندافع عن الاخوان انكشفوا وخلاص شوفى كل الطبقات بقت بتتكلم ازاى عليهم كل اللى كان بيدافع دلوقتى بيقول فين المخرج؟ هما الاخوان عايزينها خربانة
وألف مبروك صحيح بمناسبة تطبيق مشروع العيش الجديد ليكي 3 أرغفة واللى عايز زيادة ب03 قرش حرااااااااااام والله ده احنا لسه ماشفناش حاجة
معاكي حق طبعا يا مايا
طب و بالنسبة للناس اللي عندها شراهة في الاكل تعمل ايه
تسرق العيش من اخواتها ولا ايه
ده مش بعيد نسمع ان اخ قتل اخوه علشان عايز لقمة عيش زيادة عن حقه
و الحوامل و ضعيفي البنية يعملوا ايه
طب هو الوزير و رئيس الجمهورية بسلامتهم بياخدوا 3 ارغفة برضه زي عامة الشعب
ما اظنش طبعا
ده مش بعيد يبقى في سوق سودا للعيش ولا ممكن كمان يبقى فيه مهربين تخصص عيش
و سلميلي على النهضة
#8

افتراضي رد: بالفيديو..مجدي الجلاد يعترف بحضور اجتماعات مع مخابرات عالمية لضرب الإخوان


المشاركة الأصلية كتبت بواسطة مايا علي
احنا مش لسه حندافع عن الاخوان انكشفوا وخلاص شوفى كل الطبقات بقت بتتكلم ازاى عليهم كل اللى كان بيدافع دلوقتى بيقول فين المخرج؟ هما الاخوان عايزينها خربانة
وألف مبروك صحيح بمناسبة تطبيق مشروع العيش الجديد ليكي 3 أرغفة واللى عايز زيادة ب03 قرش حرااااااااااام والله ده احنا لسه ماشفناش حاجة
برافو عليكي
كلامك صح 100%انكشفو خلااااااص والنهاية قريبة لان ربنا مش بيرضا بالظلم
هجموا على الاتحادية وموتو الشباب وضربو الستات وعذبوهم ولاول مرة في تاريخ مصر قبطي يخاف يقول اسمه
غير ابو الضيف وكريستي وجيكا
جنود رفح الي قتلهم اهله وعشيرته من حماس
غير اهل بورسعيد الي اتبهدلو
دم كل الناس دي في رقبة مرسي والاخوان
#9

افتراضي رد: بالفيديو..مجدي الجلاد يعترف بحضور اجتماعات مع مخابرات عالمية لضرب الإخوان

يامرحبا واهلا وسهلا نورتونى شفتم بقى انا بحبكم ازاى ومابحبش حد يزعل منى وبحب الحوار الهادى المحترم عاوزة اقولكم ياريت انتم بتهاجموا الاخوان بس ولكن بتهاجموا الاسلاميين عامة طيب انتم مين اللى عاجبكم فى المعارضة تقدروا تقوللى كده وخلى بالكم اخواتى يعنى لو حد اى كان من المعارضة هايحصل برضة اللى حاصل ده لان الاسلاميين مش هايعجبهم ونفضل كده ندور فى حلقة مفرغة يعنى يااخواتى احنا برضة بننقد الاخوان ولكن مش بالصورة اللى بحسها فى ردكم لو اتحط موضوع فيه حاجة ايجابيه

اما يامايا العيش عاوزة اسألك وبصراحة فى حد بياخد 3 ارغفة دلوقت وبرضة الصراحة العيش اتحسن كتيييييييييير عن الاول والوزير شغااااااااال حلو قوى ولسه 3 ارغفة دى فيها كلام كتير خلينا نصبر ونشوف

اما الاتحاديه هو مين اللى مات 10 من الاخوان وبتتكلموا عن الاخوان وكأنهم مش مصريييييييين من نفس البلد هايقبلوا ان جنودنا اللى من بينهم الاخ والعم والخال والصديق و ووووووو الى اخره انهم يتقتلوا كده بسهولة لا اظن يا بنتى واكيد طبعا لو الدكتور مرسى هو المسئول عن كل ده ونسيتم كمان بعض التهم الجراد والزلزال واللى ابنها مش شغال واللى جوزها طلقها و ووووووووو هو مرسى يعن هايروح مننا فين وفى الاخر انا مبسوطة اننا بنفرغ الشحنة اللى عندنا وان ماحدش يزعل من حد علشان رأينا مختلف عن رأيه انا احترم كل الاراء ونتناقش ونخرج من المناقشة اصدقاء نورتوووووووووونى
إظهار التوقيع
توقيع : اللهم ارزقنى التقى
#10

افتراضي رد: بالفيديو..مجدي الجلاد يعترف بحضور اجتماعات مع مخابرات عالمية لضرب الإخوان

لما مات واحد من الاخوان عندنا في دمنهور تفضلت حرم الرئيس وجات لحد بيته عشان تطمئن على أهله ياترى عملت كده مع مين من عامة الشعب مفيش طبعا وعيش ايه اللى اتحسن تعالي شوفي العيش عامل ازاى ولو مؤاخذة البهائم ذات نفسها ترفضه ورائحته فظيعة جدا وبالنسبة للتلات أرغفة أنا سامعها من اللى بيجي يوصل العيش أول امبارح الساعة 8 صباحا ومستنيين الموافقة من مجلس المدينة ياريت المشكلة بس في العيش تقدرى تقوليلي هو مرسى وأعوانه عملوا ايه لحد دلوقتى في المصائب المحيطة بينا من كل جانب وبعدين يعني ايه اسلاميين امال احنا ايه بالضبط؟ويعني ايه بنهاجمهم ايوة بنهاجمهم لو فاكرينا مش فاهمين ديننا صح احنا فاهمينه الحمد لله كويس جدا وبنطبقه بحياتنا ينفع واحد منهم يرفع السلاح على مرات خالى ويشتمها عشان كانت أيام الانتخابات مراقبة لمرشح آخر هى دي اخلاق الاسلام ينفع ان واحد عشان يمشي حاله يدفع رشوة عشان اجازة مراته تمشي من غير وجع دماغ عل فكرة دي أمثلة أنا شايفاها كتير قوى طب ينفع وبنوتة حتعمل عملية ودكتور التدخير يتخانق مع أم البنت لمجرد انها مع مرشح آخر غير مرسي بصراحة مش عارفة أقول ايه؟بس أنا متأكدة ان نهايتهم قربت كتير بس يارب ماتكونش بعد خراب البلد دي ربنا يسترها
إظهار التوقيع
توقيع : مايا علي
#11

افتراضي رد: بالفيديو..مجدي الجلاد يعترف بحضور اجتماعات مع مخابرات عالمية لضرب الإخوان

يا رب نخلص منهم قريبا بأذن الله
https://www.hallakora.com/
#12

افتراضي رد: بالفيديو..مجدي الجلاد يعترف بحضور اجتماعات مع مخابرات عالمية لضرب الإخوان

يارب يصلح حالنا وحالكم وحال البلد
إظهار التوقيع
توقيع : اللهم ارزقنى التقى


قد تكوني مهتمة بالمواضيع التالية ايضاً
الموضوع كاتب الموضوع المنتدى
نرصد أعمال لجنة حصر أموال الإخوان فى 9 أشهر سارة سرسور اهم الاخبار - اخبار يومية


الساعة الآن 03:21 AM

الاتصال بنا - عدلات - الأرشيف - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل