أو

الدخول بواسطة حسابك بمواقع التواصل



عدلات

> مطبخ عدلات

> اكلات عدلات

> اكلات واطباق رئيسية

عندى عزومه

إضافة رد  أضف للمفضلة
https://adlat.net/showthread.php?t=135777
18798 9
#1

Oh عندى عزومه

عندى عزومه لاهلى يوم الجمعه ومش عارفه اطبخ ايه ومحتره وعملت قبل كده سفره اسماك وكانت عجباهم جدا بس مش عارفه اعمل ايه المره دى ممكن حد يساعدنى ويدينى افكار حلوة وتشرفنى كده







إظهار التوقيع
توقيع : dont worry
#2

افتراضي رد: عندى عزومه

اعملي ورق عنب ومكرونة بشاميل وفراخ مشوية وكباب حله
وملوخية وفطائر وسلطات
وسيبك من الرز والطبيخ مش بيتاكلو
إظهار التوقيع
توقيع : الملكة نفرتيتي
#3

افتراضي رد: عندى عزومه

اعملي فراخ اوبط
وكفتة مشوية ولحمة باردة لو تعرفي
وضروري في العزايم الرز بالخلطة
وشوية سمبوسك وملوخية ومكرونة بالبشاميل
والسلطات وفي بطاطس بالكريمة واللبن حلوة اوي للعزايم لو عايزة تعرفي طريقتها اقولك سهلة وشيك ولذيذة اوي
وربنا يعينك يا قمر
إظهار التوقيع
توقيع : amira ali
#4

افتراضي رد: عندى عزومه

انا كونت بفكر اعمل ديك رومى مشوى بعرف اعملوا بس عايزه اعرف طريقه الرز بالخلطه وممكن تقوليلى على طريقه البطاطس والحمه البارده لو عمالتيها قبل كده والله محتاجه رايكوا جدا
إظهار التوقيع
توقيع : dont worry
#5

افتراضي رد: عندى عزومه

بصي حبيبتي البطاطس تقشريها وتقطعيها ترنشات وتحطيها في صنية وتغطيها باللبن وملح وفلفل وزبدة وكريمة وتحطيها في الفرن علي طول
ماتحطيهاش علي النار من فوق عشان تعمل وش
وتسيبيها تستوي حطي فيها سكينة لو استوت ولونها احمر طلعيها بتبقي تحفة وطعمها حلو اوي وسهلة مش بتاخد وقت وكلهم هيسألوكي عملتيها ازاي
اما الرز بالخلطة انا بعمله بطريقة مختلفة عن التليفزيون خالص
1- تقشري اللوز ( تسخني مية وتحطي اللوز شوية لغاية اما القشرة تفصل ) وبعدين بقسمه نصين وكل نص نصين يعني اللوزة الواحدة بعملها 4 ترنشات وبحمره في السمن واطلعه علي ورق كلينكس
2- وبعدين بغسل الزبيب واحمره في نفس السمن واطلعه في طبق ( انا بحب الرز بالزبيب جدا ) ومن غير زبيب مايبقاش رز بالخلطة
3- تقطعي الكبد والقوانص وتحطي القوانص لوحدها في حلة صغيرة وعليها شوية ميه وفلفل اسود وتسبيها تستوي
بعد ماتستوي القوانص تحطي الكبدة مقطعة مش كاملة وتحطي شوية سمنة وملح وتقلبي لغاية ما تستوي
خلاص دي تجهيزات الرز بالخلطة نبتدي بقي الطريقة
تغسلي الرز وتحطيه في حلة مع السمنة وتقلبي ع النار شوية وبعدين تنزلي عليه ببصلة كبيرة مقطعة
( كنت بحط البصل وبعدين الرز .. لقيت البصل بيتحرق بسرعة عشان كده قلتلك الرز الاول تقلبتين وبعدين البصل )
وتقلبيهم لحد الرز ما تنشف المية منه ويبقي شبه محمر
بعد كده تحطي كمية المية بتاعة الرز والملح والقرفة الناعمة والعيدان ودي ضرورية جدا وتسبيه يتشرب
بعد ما يتشرب تحطي الزبيب وتهدي النار
بعد ما يستوي تحطي 3/4 الكبد والقوانص وتطفي النار
عند التقديم تحطي الرز في سيرفيس وتحطي باقي الكبد والقوانص اللي سبتيهم علي جنب وفوقهم اللوز المحمر
وبالهنا والشفا
اوعي تتخضي من الطريقة ..دي سهلة جدا
لو ينفع كنت ساعدتك والله

اللحمة الباردة بقي ودي برضه طريقتي
اعمليها قبلها بيوم عشان تعرفي تقطعيها
تجيبي عرق تليبيانكوا او تريبيانكوا زي ما بتسميه
وتربطيه ولو مش هتعرفي خلي الجزار يربطهولك
تعملي فيه ثقوب وتحطي فيها فلفل اسمر صحيح وفي ناس بتحط توم انا مش بحب احط توم
برضه بتحمريه في شوية سمن من كل الجهات وفي نص التحمير تنزلي بالبصل مكعبات وفلفل اسود
وبعد ما ياخد اللون البني تحطي ميه سخنة وتهدي النار خالص لغاية ما يستوي وبعدين تملحيه وتطلعيه في طبق وتسبيه يبرد خاااالص
وبعدين تقطعيه بسكينة مشرشرة عشان مايتهريش منك
انا بعمله بالطريقة دي وبيطلع حلو
مش بحط خضار عليه ولا اي حاجة

في طريقة لحمة محمرة علي طريقة ماما حلوة اوي وسهلة وانا وجوزي بنموت فيها
تجيبي لحمة ترنشات تحطيها في طاسة وعليها شوية مية وفلفل اسود وتسبيها تستوي
بعد السوا تحطي ملح وحتة سمنة بلدي
جربيها تحفة ولا عليها بصل ولا توم
واي سؤال تاني انا معاكي
اعملي كمان بروكلي حلو اوي وبيعمل شكل حلو للاكل
إظهار التوقيع
توقيع : amira ali
#6

افتراضي رد: عندى عزومه

يا سلام ع الشيفات بتوعنا
تسلم الايادى
عيشى حياتك يا هدورة
الله يعينك ومتنسيش تعزمينا
إظهار التوقيع
توقيع : حسناء
#7

افتراضي رد: عندى عزومه

طيب البطاطس دى من غير ماء عليا لبن وكريمه بس انا بعمل اللحمه المحمره دى ديما شكرا جدا ليكى بجد مش عارفه اقولك ايه وينفع اعمل اللحمه مع الديك الرومى ولا حاجه وحده
إظهار التوقيع
توقيع : dont worry
#8

افتراضي رد: عندى عزومه

اوعدك ياحسناء هعزمك على الصور هطبق واصور وهفرجكوا على عزومتى
إظهار التوقيع
توقيع : dont worry
#9

افتراضي رد: عندى عزومه


المشاركة الأصلية كتبت بواسطة dont worry
طيب البطاطس دى من غير ماء عليا لبن وكرمه بس انا بعمل اللحمه دى ديما شكرا جدا ليكى بجد مش عارفه اقولك ايه وينفع اعمل اللحمه مع الديك الرومى ولا حاجه وحده

اه البطاطس عليها لبن بس
متحطبش مية خالص
وياريت لو لبن معلب مش سايب
تغطيها باللبن وتحطي زبدة وكريمة
بس دي تعملها ع الاكل علي طول
اوعي تعمليها بدري

واعملي لحمة مع الديك الرومي ينفع طبعا
وسمبوسك اعمليه قبلها بيوم واقليه ساعة الاكل
إظهار التوقيع
توقيع : amira ali
#10

افتراضي رد: عندى عزومه

سمبوسك لحمه شكرا جدا ياميره ياحته سكره
إظهار التوقيع
توقيع : dont worry


قد تكوني مهتمة بالمواضيع التالية ايضاً
الموضوع كاتب الموضوع المنتدى
,:,:,: بنوتات المنصوره:,:,:,:رمضان كريم... عروض رمضان عندى وبس..والحلو كمان ... مطبخ777 مشاريع وافكار تجاريه
تسريحات شعر 2024 , اجمل تسريحات شعر 2024 لاجمل عدولات عندى حصرى وبس منة الله احمد تسريحات الشعر
حسام تكس عندى وبس شاهى شهير سوق عدلات النسائي العام
عندى مشكلة واريد الحل زاد ابراهيم فضفضة وحل المشاكل
كل شىء تحتاجيه عندى هتلقى الملائكة الصغار سوق عدلات النسائي العام


الساعة الآن 06:31 PM

الاتصال بنا - عدلات - الأرشيف - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل