أو

الدخول بواسطة حسابك بمواقع التواصل



عدلات

> الاقسام الأسرية

> فضفضة وحل المشاكل

هو ده حقى ولا مش من حقى

إضافة رد  أضف للمفضلة
https://adlat.net/showthread.php?t=140879
3342 16
#1

هو ده حقى ولا مش من حقى

[FONT=""][COLOR=""][SIZE=""][font=""][color=""][size=""]السلام عليكم ورحمة الله وبركاته
حبيبت اطرح عليكم مشكلتى لعل وعسى الاقى عندكم حل
المشكله ان حياتى ماشيه بروتين فظيع يموت يعنى اللى ببات فيه بصبح فيه وجوزى ولا هو هنا وكل اللى بيفكر فيه الشغل وبس




المشكله انى مفتقده اوى انى اسمع منه كلمه حلوه او اننا نقعد مع بعض زى الاول بقيت حاسه اننا زى الماكينات بنشتغل بالنهار وننام بالليل وخلاص على كده مفيش اى جديد انا مشغوله فى الولاد وهو فى الشغل حتى يوم اجازته بقى ينزل يشتغل هربا من البيت والعيال !
كلمته كتير وقلتهاله صريحه انى عايزه اشوف منه اى تصرف لطيف معايا وحتى لو كلمة وحشتينى بس برضه مفيش فايده والله انا راضيه بالقليل منه بس احس انى انسانه معاه
انا عارفه انه بيشتغل عشان وضعنا يبقى افضل بس برضه مش عاوزاه بنسى انى انسانه وليا مشاعر وخصوصا انه هو اول راجل فى حياتى ومكنتش اعرفه كمان يعنى جواز صالونات وكان مسافر ايام الخطوبه وكان بيكلمنى كل شهر مره يعنى يعتبر معشتش خطوبه ولا عمرى ارتبطت بحد عشان كنت بخاف ربنا وكنت عايزه اى كلمه حلوه اسمعها تبقى حلال
انا بحبه جدا ودايما اقولو انى بحبه واقوله كلام كتير حلو وكل تصرفاتى معاه بتثبتله حبى وعشان كده بقيت حاسه انه سايق فيها ومش مهتم ففكرت اتقل عليه وبرضه ولا اهتم بالعكس انا حاسه انه فرحان انى مش مهتمه بيه واهو يبقى خلص من اللى بتقوله اتأخرت ليه واقعد معانا شويه ولا خرجنا او فسحنا وخلينا نغير جو
كل اللى انا خايفه منه انى ازهق واكرهه انا مش عايزه ابدا الامور توصل لكده لأنى حاسه انى ابتديت فعلا فى ده
قولولى اعمل معاه ايه انساه واعيش بس لولادى واحتسب عند ربنا طالما هو مبيعرفنيش الا عند اللزوم
ولا اجرح كرامتى واكلمه تانى مع العلم انى حتى لو كلمته تانى مش هيتغير شئ وانه احسنلى اكلم ابو الهول ولا اكلموش
قولولى بالله عليكم بس ياريت محدش يسخر من كلامى ولا يتريق عليا ويقولى انتى عايشه فى فيلم عربى قديم
اسفه للاطاله
السلام عليكم ورحمة الله وبركاته[/size][/color][/font][/SIZE][/COLOR][/FONT]


#2

افتراضي رد: هو ده حقى ولا مش من حقى

اهلا ياعمرى
وعليكم السلام والرحمه
لا ياقمر مافيش حد حيتريق وده جقك صدقينى
بس المشكله اللى تعانى منها كل النساء عموما الا القله القليله
هى اهمال الزوج واهمال واجباته او انعدام الرومنسيه فى حياته
طبعا كل رجل درجات
وشكل زوجك من الدرجه الدنيا
مش حقول يمكن ويمكن بس اكيد فى سبب لكل ده
انتى قلتى انك كلمتيه وفهمتيه متطلباتك
طيب قعدتى معاه وسالتيه مالك؟؟ ليه كده؟؟ليه انت بعيد..
احيانا احنا الستات بنحاول اننا نخل المشكله بس طريقتنا تكون غلط
مثلا بدل ما تقولى له انتى ليه مهمل فى مشاعرى؟؟
المفروض تسأليه
انت تعبان من حاجه؟؟فى حاجه تعباك؟؟ فى شئ ماثر على علاقاتك وبالاخص معايا؟


بدل ماتقوليله انا محتاجه لك ومحتاجه لمشاعرك وانك تحسسنى انى ست

قوليله..انا محتاج الراجل جواك ومحتاجه الحنان اللى بتدهولى عشان اعيش واتحمل

حسسيه انك بتبديه على نفسك

انك عايشه عشانه وعشان سعادته مش انتى عاوزاه يضحى عشانك او يتعب لك

يمكن كده يتغير او يفتح لك قلبه

وربنا يهديكم

بس على فكره

انا ماتوقعش انه يتغير

فانتى اتوكلى على الله وحاولى انك تهتمى باولادك وتطلعى كل الحب اللى جواكى لهم هم وبس
وربنا يهديه لك

وماتنسيش ان الدعاء لربنا فيه مفاتيح الفرج
ادعى لربنا انه يهديه لك وينزل قى قلبه الحب والمشاعر اتجاهك

ربنا يهديكم ويسعدكم
إظهار التوقيع
توقيع : ريموووو
#3

افتراضي رد: هو ده حقى ولا مش من حقى

والله ريموو ما خلت حكي كل كلامك يا ريموو عين العقل الرجال بيهمهم مصلحتهم وبس ما بسؤلو في اولااد ولا في زوجه قاعدة طول النهار بتتعب في البيت والاولااد وبتستنى في ابو الهول يدربو كل الرجال كلهم زي بعض انانين المهم راحتهم وزي ما قولتي حبيبتي ما بتذكرونا االا على مزاجهم او عند النوم ويارت بستاهلو ربي يعين جنس حواء وربي يصلح بينكم حبيبتي ويحنينو عليكم وربى معك هاد حال الدنيا
إظهار التوقيع
توقيع : ام البنوتات
#4

افتراضي رد: هو ده حقى ولا مش من حقى

يتصفح الموضوع حالياً : 5 (1 عدلات و 4 زائرة)
إظهار التوقيع
توقيع : ام البنوتات
#5

افتراضي رد: هو ده حقى ولا مش من حقى

ريموووووو ماقصرت وانا معاها 100في100
إظهار التوقيع
توقيع : عابده الرحمن
#6

افتراضي رد: هو ده حقى ولا مش من حقى

انا مع ريموو في الكلام ده

بس على فكره
انا ماتوقعش انه يتغير
فانتى اتوكلى على الله وحاولى انك تهتمى باولادك وتطلعى كل الحب اللى جواكى لهم هم وبس
وربنا يهديه لك

وعلى فكرة أغلبنا مش حقول كلنا مرينا بنفس مشكلتك وحيرتك وحاولنا جميع الطرق وفي الآخر سلمنا أمرنا لله واتعودنا ورضينا عشان نربي عيالنا وياريت انتي كمان ترضى بحياتك ومتخربيش على نفسك بالزن عليه كل شوية لأن كلامك وعتابك ليه الراجل بيعتبرو خنقة , اشغلي نفسك ومتركزيش معاه


إظهار التوقيع
توقيع : نيڨين
#7

افتراضي رد: هو ده حقى ولا مش من حقى

مادام بيتقى الله فيكى وكمان مش بيبص برا خلاص مش مشكله عيشى وربى عيالك
وكل البيوت على كده شكلهم بيتعودوا على وجودنا فالنسبالهم بقا شيئ عادى
ويا ستى ممكن تطلعى منه كل الرومانسيه فاللحظه اللى هو بيحتاجلك فيها وتعملى كل اللى انتى عاوزاه استعملى ذكائك يا حوااااااااااااااء
وربنا يصلحلك الحال
إظهار التوقيع
توقيع : Frawla
#8

افتراضي رد: هو ده حقى ولا مش من حقى

البنات ماقصروش
ربنا يهدى كل الرجاله
هما يجيبو شلل بصراحه
#9

افتراضي رد: هو ده حقى ولا مش من حقى

كلنا هذا الرجل الله يصلح الحال
اشغلي نفسك بحاجات كتيره عشان هتطقي يابنتي
إظهار التوقيع
توقيع : IslamicChemist
#10

افتراضي رد: هو ده حقى ولا مش من حقى

ربنا يهديهولك عمرى
#11

افتراضي رد: هو ده حقى ولا مش من حقى

والله انا ما عارفة اقولك ايه
انتي بتحكي وضعي بالظبط
حبيبتي محدش هيقلل منك انتي بتتكلمي علي لسان حال كل الستات وان اولهم
انا من راي اصبري شوية وكلميه تاني وعارفيه انك محتاجة منه حاجات كتيرة غير الجاحات اللي كل الرجالة بيفكروا فيها
انا عملت مع جوزي كده وبرضة مفيش فايدة فيه
ربنا معاكي
#12

افتراضي رد: هو ده حقى ولا مش من حقى

حبيبتى هو ده الحال وهى دى طبيعة الحياه بس اللى فهمته ولاحظته ان دى مشكلةعندنا كلنا بس الحق يتقال علشن منظلمهمشى هما برده بيتعبوا قوى فى الشغل وما بيصدقوا يروحوا البيت علشان يرتاحوا ولعلمك من جواهم هما عارفين انهم مقصرين بس مش قادرين يتكلموا ويقولو اللى جواهم ليه بقى علشان الراجل بيبقى بيفكر انه لو قعد يحكى اللى جواه هيحمل الهم لزوجته فا بيسكت او بيكون حاسس انه عايزكم تكونو احسن ناس فبيشتغل كل ده علشان ميخليش نفسكم فى حاجه ولو اتكلمنا فى الموضوع ده عايز ولا 100 صفحه
ربنا يهديهولك حبيبتى وحاولى انك تفكرى كويس بان
لا يوجد بين الزوج وزوجته شئ اسمه الكرامه
لان كرامتك هى كررامته
وربنا يهديكم لبعض
#13

افتراضي رد: هو ده حقى ولا مش من حقى

ربنا يعينك يا قمر كلهم كده لا تتعبى قلبك
حاولى تتاقلمى على كده
يفضلوا يجروا ورانا ونطلع عينيهم عشان نوافق بيهم وبعد الجواز هما اللى بيطلعوا عنينا
ولنا رب اسمه الكريم
رد: هو ده حقى ولا مش من حقى
إظهار التوقيع
توقيع : اتمنى رضاك يا رب
#14

افتراضي رد: هو ده حقى ولا مش من حقى

ريحى نفسك مفيش فايدة خاللللللللص
إظهار التوقيع
توقيع : ام كوكى وسمسم
#15

افتراضي رد: هو ده حقى ولا مش من حقى

هلا عمرى عايزاكى اولا تهدى وتركزى معايا وان كنتى جادة صدقينى موضوعك محلول .طبعالك منناجميعا كل التحية والاحترام انت انسانة مهدبة محترمة تطلبين الحلال من حلالك وده حقك وليه نتريق يعن ايه خلاكى تقولى كده كلنا مفعمات بالحب والمشاعر المهم...اولا:الزمى الدعاء اللى حديهولك بعد الرسالةدى .ثانيا:انتى بتعترفى انك مشغولة بالبيت والاولاد والله اعلم شغلك كمان ولاحظت ف كلامك ان فيه روتين جميل ..ابدأى انتى اكسرى الروتين غيرى شكلك اولا ودى حتكون بداية الحوار الايجابى معه ثانيا:اكلات جديدة ولبس جديدولازم جوزك يرجع من برة يلاقى الجو مهيأللقاعدة الحلوة .ثالثا:متقوليش له سمعنى كلمة حلوة بس انتى ممكن تقوليهاعادى زى:ماشاء الله حبيبى وجهك اليوم مثل البدرعينى عليك باردة.رابعا:الضحكة والبسمة وحسن الاستماع خليكى صديقته اسمعيه وركزى معاه واهتمى بمواطن اهتمامه زى الكورة الطاولة ايا كان هو بيحب ايه حببببببببببيه.خامسا:كونى دايما ايجابية واثقة فى الله وفى نفسك وماتمليش من المحاولة لانك اكيد حتوصلى ان شاء الله ..خليكى دايما رقيقة وراقية وصبورة واعرفى امتى تيتدى حديث وامتى تنهيه واوعى الاولاد والبيت يخدوكى من زوجك دايما تكونى عروسة ملكة متوجة الحمام والماكياج والبرفان والتألق والفرفشة ولو لم تكونى سعيدة مثلى على نفسك انك سعيدة التزمى وواظبى عل التعليمات دى والنتيجة بازن الله مضمونة
إظهار التوقيع
توقيع : نسرين جابر
#16

افتراضي رد: هو ده حقى ولا مش من حقى

الدعاء ده حيقرب زوجك منك ان شاء الرحمن : اللهم انى استودعتك قلب زوجى وسمعه وبصره ولسانه وفرجه فى ودائعك فاحفظها لى يامن لاتضيع ودائعه اللهم اجعله لى قرة عينى الوحيدة واجعلنى له قرة عينه الوحيدة اللهم حببه في وحببنى فيه اللهم اطمس على قلب زوجى وسمعه وبصره ان لا يرى من نساء الدنيا غيرى . اللهم سخره لى فى سمعه وبصره وقلبه وماله . اللهم استر عيوبى عنه واقنعه في وجملنى فى عينيه واجعلنى اجمل من الحور العين فى عين زوجى . اللهم اره الحق حقا و اره الباطل باطلا يارب العالمين ... اللهم اجعله قرة عين لى واجعلنى قرة عين له اللهم ارضه عنى وارضنى عنه اللهم وازرع محبتى فى قلبه وازرع محبته فى قلبى اللهم واجعلنى فى عينيه اجمل من الحور العين اللهم واجعل ريحى عليه عطرا وريقى عليه عسلا وضمتى اليه احب اليه من الدنيا وما فيها الا منك يازا العزة والجبروت ومن كتابك ونبيك ودينك اللهم واجعلنى عونا له على طاعتك واجعله عونا لى اللهم واجعله حنونا عطوفا حليما رحيما كريما بماله وعواطفه اللهم وارزقنى معه التوفيق والسعادة والزرية الصالحة اللهم واشرح صدور اهله لى واشرح صدرى لهم وسددنى اللهم فى كل افعالى واقوالى بحولك وقوتك اللهم امين
إظهار التوقيع
توقيع : نسرين جابر
#17

افتراضي رد: هو ده حقى ولا مش من حقى

خلى فيه اجندة تحت ايدك سجلى فيهاايجابياتك وسلبياتك وكيفية اصلاح السلبيات وسجلى فيها اهدافك مرقمة من اجل اكتساب رضاء زوجك
إظهار التوقيع
توقيع : نسرين جابر


قد تكوني مهتمة بالمواضيع التالية ايضاً
الموضوع كاتب الموضوع المنتدى
لا أملك لنفسي نفعا ولا ضرا ضــي القمــر القرآن الكريم
كيف تتخلص من الوسواس شيماء شيموو العيادة النفسية والتنمية البشرية
دليل الحاج والمعتمر والزائر على حسب الطريقة الشرعية الموافقة للسنة النبوية krimboch المنتدي الاسلامي العام
المواعظ الغالية راجين الهدي المنتدي الاسلامي العام
ادعيا التي تقربنا الى الله عز وجل في الشهر ليله القدر Wissal24 معرض تصاميم الاعضاء


الساعة الآن 07:45 AM

الاتصال بنا - عدلات - الأرشيف - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل