أو

الدخول بواسطة حسابك بمواقع التواصل

#1

افتراضي بالله عليكم تساعدونى فى تفسير احلامى ...انا محتاجه لمساعدتكم ...

السلام عليكم ورحمه الله وبركاته ..

انا عضوه جديده معاكم وارجوكم تفيدونى ...

انا ليا احلام كتيره اعتقد ان كلها لموضوع واحد بس انا محتاره ومش عارفه ايه الصح ..

اتمنى ان يتسع صدركم لى ...لانى بحاجه للمساعده ...

كنت صليت استخاره فى شخص هو كان لسه هيتقدملى بس مجرد انه صرح باعجابه وقالى لازم نصلى الاول ونستخير ربنا لو خير ان شاء الله هيتقدملى خلال شهرين على مايخلص امتيازه







المهم انى صليت وحلمت باحلام كتيره خلال 3 او 4 ايام

الحلم الاول : واحده صاحبتى اسمها ساره بتدينى شنطه صغيره عليها فوينكه وبتقولى دى ليكى عقبالك ..البنت دى كانت لس متجوزه قبلها ب 5 شهور

الحلم التانى : حلمت بالشخص ده الى بستخير فيه انه بيقول ( خلاص يا جماعه انا كتبت كتابى عليها ) وكان يقصدنى انا بس وانتهى الحلم على كده

الحلم التالت : انى بقول لزمايلى فى الكليه انى اتخطبت للشخص ده

دى الاحلام الى حلمتها فى الاول وكنت مرتاحه للشخص ده جدااا وهو كمان صلى بس ماحلمش ولكن ارتاحلى اوى وكنا متفقين فى كل شىئ

وفعلا عدى الشهرين واتصل واتقدم والاهلين وافقوا واتفقوا على كل شىئ على الرغم من حدوث بعض الاعتراضات لدى اهله لكن الموضوع عدى واتفقنا بعد الخلاف ورجعت بعدها صليت استخاره تانى حلمت باهله عندنا فى البيت ودخلوا السفره وهياكلوا معانا االاكل الى كنا المفروض مجهزينه وباباه بيقسم رغيف عيش وهياكل وحلمت انى بجهز اللبس للمقابله ...فقولت يبقى خير ان شاء الله

بس حصل ان قبل يوم قرايه الفاتحه بيوم ناس الله يسامحمهم وصلوا كلام وحش ووقفوا نفسه من الموضوع وهو كان متردد ولقى انه يتراجع بعد كل ده على الرغم من انه كان مرتاح جداااوبيحبنى اوى بس سبحان الله ..





الموضوع انتهى وبعدها رضيت بالنصيب مع الاحساس بالظلم لكنى بدأت اتقرب الى الله اكتر وحسيت ان ده ممكن عدم توفيق من الله لغضبه عليا مثلا ..

الموضوع خلص بقاله شهر وانا خلال الشهر ده كنت مواظبه جدااا على الصلاه وعلى قيام الليل وعلى قراه سوره البقره كل يوم وبدأت احلم احلام تانيه بخصوص الموضوع ده بس من دون استخاره وكل احلامى تكون بعد قيام الليل وقراءه ماتيسر من القران الكريم

حلمت فى مره ان الشخص ده راكب فى عربيه فى الكرسي الخلفى وانا شوفته معدى قدامى ....ومره تانيه حلمت انه طالع معايا رحله فى باص واحد وجيت اشوف مكانه لقيت المكان عباره عن مصليه على ارض الباص ....ومره حلمت انه بيكلمنى وانا بعاتبه وبقوله ازاى ابقى مراتك وماتثقش فى كلامى وتصدق كلام الناس ... وحلم تانى انه جالس امامى وبيسالنى عن حالى فى الفتره الى سابنى فيها من باب انه بيطمن اذا كنت كلمت او اتخطبت لحد غيره او لا وانا كنت فرحانه وبحاول اراضيه عشان يعدى الموضوع ويرجع وزى مايكون خلاص هيرجعلى بس بيطمن ......واخر حلم بقى من يومين انه كان واقف عند محل ورايا وانا بشترى حاجات وراح اتريق على كلامى بقصد انه يستفزنى انا ساعتها زعلت وماردتش ولقيته بعدها بيقول (ايه ده هيا مشيت ياريتنى كنت قولتلها انى لسه بحبها وكان وشه باينلى فى الحلم انه مضايق انه ماكلمنيش )

وفى نفس الفتره دى والدتى حلمت انا كانت واقفه فى البلكونه بس بلكونه دور اول او ارضى على العلم من اننا فى الدور الاخير (6) ووالدة الشخص ده معديه وبتشاور لامى انها داخله العماره وطالعلنا وكانت بنضحك لامى


انا مش عارفه والله ايه التفسير فى الاحلام دى ...ارجوكم بالله, عليكم حد يفيدنى انا فعلا مش عارفه افسر احلامى ولا عارفه افهم اى شىء هل احلامى مجرد اضغاث احلام ام لها تفسير ...وهل هذا خير لى واصبر عسى الله ان يهديه ويكون لي فى نصيب ربما بعد حين ؟؟ ام انسى ولا اعلق امالى على شىء ؟؟


بالله عليكم يا اخوتى تساعدونى ..


#2

افتراضي رد: بالله عليكم تساعدونى فى تفسير احلامى ...انا محتاجه لمساعدتكم ...

ان شاء الله خير يا حبيبتى
#3

افتراضي رد: بالله عليكم تساعدونى فى تفسير احلامى ...انا محتاجه لمساعدتكم ...

راتني صاحبتي مع ابي ( أحمد ) و امي ( فاطمه ) اريد شراء سيارة شفروليه بيضاء غالية الثمن موديل قديم. امي لم تكن راضية عن السيارة لكن ابي ساعدني فاشتريتها بسعر رخيص ستة الاف دينار اردني. دفع ابي من ثمنها خمسة الاف ودفعت الف. وعندما اردت قيادتها ساعدني ابي فشغلها ثم اخذت قيادتها واتقنت قيادتها بسيطرة وسرعة ..

مع العلم اني في الحقيقة لا اعرف قيادة السيارات .

البياناتي: اكملت الماجستير ابحث عن عمل وارغب في اكمال دراستي - عزباء - احافظ على صلاة الفجر واقرأ القران - عمري 30 سنة

صاحبتي التي رات المنام ( خلود خمايسه ): متزوجة وملتزمة تعمل في جامعة بالسعودية ولديها طفلين عمرها 30 سنة
#4

افتراضي رد: بالله عليكم تساعدونى فى تفسير احلامى ...انا محتاجه لمساعدتكم ...

ارجو الرد بالله عليكم

مع العلم انى 20 سنه ونصف وغير متزوجه ولا مخطوبه
وحاليا احافظ ع الصلاه وعلى النوافل وقراءه القران


والشخص الذى استخير فيه ( احمد ) ووالدته (وفاء) ووالده ( رضا)
وزميلتى التى اهدتنى الهديه فى الحلم اسمها ( ساره ) ووالدتى ( نشوه)
#5

افتراضي رد: بالله عليكم تساعدونى فى تفسير احلامى ...انا محتاجه لمساعدتكم ...

لو سمحتم .. مافيش حد هنا للمساعده .؟؟

اتمنى ان تردوا على ...
#6

افتراضي رد: بالله عليكم تساعدونى فى تفسير احلامى ...انا محتاجه لمساعدتكم ...

خير ان شاء الله حبيبتي
حلمك الاول كان يعني خطبة فالهدية هي خطبة و قد خطبت فعلا اما بقية احلامك فهي في معظمها اضغاث احلام و الله اعلم
إظهار التوقيع
توقيع : nanouna7
#7

افتراضي رد: بالله عليكم تساعدونى فى تفسير احلامى ...انا محتاجه لمساعدتكم ...


المشاركة الأصلية كتبت بواسطة al-anfal
راتني صاحبتي مع ابي ( أحمد ) و امي ( فاطمه ) اريد شراء سيارة شفروليه بيضاء غالية الثمن موديل قديم. امي لم تكن راضية عن السيارة لكن ابي ساعدني فاشتريتها بسعر رخيص ستة الاف دينار اردني. دفع ابي من ثمنها خمسة الاف ودفعت الف. وعندما اردت قيادتها ساعدني ابي فشغلها ثم اخذت قيادتها واتقنت قيادتها بسيطرة وسرعة ..

مع العلم اني في الحقيقة لا اعرف قيادة السيارات .

البياناتي: اكملت الماجستير ابحث عن عمل وارغب في اكمال دراستي - عزباء - احافظ على صلاة الفجر واقرأ القران - عمري 30 سنة

صاحبتي التي رات المنام ( خلود خمايسه ): متزوجة وملتزمة تعمل في جامعة بالسعودية ولديها طفلين عمرها 30 سنة
ارجو ان تكتبي حبيبتي حلمك هذا في موضوع و سارد عليك قريبا ان شاء الله
إظهار التوقيع
توقيع : nanouna7
#8

افتراضي رد: بالله عليكم تساعدونى فى تفسير احلامى ...انا محتاجه لمساعدتكم ...

شكرا يا. حبيبتى على الرد تسلمى ...

ولكن هل تعتبر هذه خطبه على الرغم من انها لم تتم ؟؟


اسفه على الاطاله ...
#9

افتراضي رد: بالله عليكم تساعدونى فى تفسير احلامى ...انا محتاجه لمساعدتكم ...

اجل حبيبتي و ما دل على انها لن تدوم هو الافيونكة التي كانت على هدية صديقتك فالفيونكة طبعا تكون على شكل فراشة او وردة و الورد جميل لا يدوم بقاؤه .
إظهار التوقيع
توقيع : nanouna7


قد تكوني مهتمة بالمواضيع التالية ايضاً
الموضوع كاتب الموضوع المنتدى
فوائد لاحول ولاقوة الا بالله عرين المنتدي الاسلامي العام
تفسير ما تيسر من سورةالتغابن .تفسير الآيات (11- 13) أم أمة الله القرآن الكريم
الى كل من كتبت طلب تفسير منامها و لم تجد موضوعها في قسم طلبات تفسير الاحلام nanouna7 طلبات تفسير الاحلام
الثقة بالله bota12 المنتدي الاسلامي العام
الثقة بالله أم مصطفى المنتدي الاسلامي العام


الساعة الآن 07:04 AM

الاتصال بنا - عدلات - الأرشيف - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل