أو

الدخول بواسطة حسابك بمواقع التواصل



عدلات

> منتديات عامه وثقافيه

> حوارات اجتماعية مفتوحة

كيفية التعامل مع المتطفلين في حياتك

موضوع مغلق  أضف للمفضلة
https://adlat.net/showthread.php?t=146367
9340 35
#1

افتراضي كيفية التعامل مع المتطفلين في حياتك

مشكلتى كبيرة ، صاحب البيت سافر عمرة وزوجى عمل معاه الواجب هناك لانه كان مسافرهناك وبعتله فوق الواجب ايجار الشقة ، ردا للواجب زوجته زارتنى هى وبناتها هى ست لونة وبناتها جميلات ، المهم كبرت دماغى وقطعت الاتصال اصبحت تتصل بى يوميا وتسالنى عن حاجات تخصنى زى الخلفة لانى معنديش اولاد وزوجى وعلاقتى بيه وغيره ، اضايقت اكتر، وبعدت اكتر وهى برود متناهى ، غيرت رقم الهاتف، ولكن عشان زوجى قلت اللرقم القديم حشغله من وقت للتانى عشان انا اتصل بصحاب البيت لو حصل شىء بس هما لايوصلو لى ، وبعد اسبوع ياجماعة اتفاجا بيها تتصل ع القديم 6 مرات واول ماافتح الخط كانها قاعدة ع الموبيل تتصل قفلت معاها وكنت ناشفة ف كلامى ، وكلمت زوجها صاحب البيت قلتله ياحج احنا مش مقصرين ف شىء او فى حاجة خاصة بالشقة لان الحاجة بتتصل كتير فاجانى انها كانت بالجوالر وكانت عايزة تجيلك ،مفيش برود بعد كده، قلت له ياحج حكون دوغرى معاك انا جوزى مانعنى من الاتصال والتداخل مع اى واحدة لا يحب التزاور ولا كتر الكلام ولازم اما يتصل على يلاقى تليفونى مش مشغول فا حاول تفهم الحاجة بطريقتك لان كل راجل له طبع وده طبع زوجى شوروا على ست زى دى ما المتوقع منها ؟؟


إظهار التوقيع
توقيع : نسرين جابر
#2

افتراضي رد: بيتى حيتخرب

خليكى ناشفة معاها
لانها شكلها ست حشرية اوى
ولو جت لحد باب بيتك بصى من العين السحريه قبل ما تفتحى
واقفلى على نفسك كويس
ومش تديها اى فرصة انها تكلمك
إظهار التوقيع
توقيع : semsemahasan
#3

افتراضي رد: بيتى حيتخرب

يا لهوى هو فى كدا
خليكى حريصة منها يا بنتى محدش بيسيب حد بحالة اليومين دول
وكويس ان جوزك مش موجود كنتى كمان حتشوكى انهت بتتكلم معاة
ايوة فعلا بلاش الاحتكاك بها خالص وكمان حاولى تغيرى السكن لما تسمح ليكى الظروف
#4

افتراضي رد: بيتى حيتخرب

أنتي لية مش عايزة تخطلته معاه
بس هي الظاهر ست حشرية أوي
طيب أنتي رحلها البيت وشوفيها عايزة منك أية

إظهار التوقيع
توقيع : النجوم الصغيره
#5

افتراضي رد: بيتى حيتخرب

انامش بختلط لان جوزى بصباص جدا عشان كده بقفل وفى الحدود ودى بالزات عندهابنتين وهى جميلة ولونة وبناتهايهبلو وبترسم ،وكمان بتفتشنى وبتجبرنى اتكلم معاها هو صحيح جوزها مش مدخلها ف شغلوا وهو كمان اللى نبه علينا بكده بس اعمل ايه ياجماعة ناهيكم عن ان جوزى صياد وانا عايشة بالسياسة من ناحية والدعاء من اخرى وبعمل بهلوان وبقفل ابواب الشيطان ، الجيران ف حدود الواجب فقط ، وهى واجب راح وواجب جه وخلصنا وعلى فكرة هما عرب بدوردوووا علية ارجوكم
إظهار التوقيع
توقيع : نسرين جابر
#6

افتراضي رد: بيتى حيتخرب

مش انتى قولتى ان جوزك مسافر صح ولا اية
يعنى مفيش مشكلة منها
وكمان بتفتشنى وبتجبرنى اتكلم معاها
انا مش فاهمة يعنى اية بتفتشك دى وبتجبرك انك تكلميها مفيش حد يا بنتى يجبرك انك تتكلمى معاة غصب عنك فى اية انتى بابك مقفول عليكى هى حتفتحة بالعافية علشان تختلط بيكى
حافظى على بيتك

#7

افتراضي رد: بيتى حيتخرب

دلوقت مسافر لكن جاى ودول شكلهم صيادين افهمينى عشان كده قفلت ، ده اولا،ثانيا:بتفتشنى يعنى عايزة تعرف عنى كل حاجة عنى وعنه بالاجبار وده طبعا ف سياق كلام حريم عادى بتلاقى نفسك مجبرة تردى ، بتجبرنى معناها ان صاحبة البيت اومرات صاحب البيت بيتصلو عليكى فا انتى مجبرة تردى بلطف بس انا لقيت مينفعش انا وصلت لها الرسالة بكل الطرق لدرجة انى قلتلها:انصحك انك ماتدخليش واحدة بيتك ف الزمان ده لانهاتدخل بيتك وتاخد جوزك من عليكى اظن مفيش اكتر من كده برود ردى علية ارجوكى
إظهار التوقيع
توقيع : نسرين جابر
#8

افتراضي رد: بيتى حيتخرب

طيب قوليلى انتى بقالك ساكنة معاهم من امتى
يعنى ملاحظتيش اى حاجة منهم طول الفترة اللى كنتم ساكنين معاهم فيها
بصى انا لو مكانك وكل الحاجات دى تعبانى كدا وخايفة على جوزى منها اخلص عقدى معاهم وامشى على طول او حتى قبل العقد ما يخلص
انتى من اسكندرية صح
دى مليانة بيوت سواء ايجار او تمليك
#9

افتراضي رد: بيتى حيتخرب

هما مش ساكنين جنبى بعيد جدا اولا دى حاجة ، ثانيا انا بقالى 9 اشهر ساكنة معاهم والناس كلها تشهد لى بكل خير الحمد لله ، اما اتصال الست دى بينا فلم يبدا الاوزوجها ف العمرة وده بناء على طلب زوجى ، خلصنا الواجب وسديت عليها كل السكك حتى انها لمحت ان زوجى يشوف لابنها زو ال23 سنة شغل فطنشت وغيرت الموضوع ، انا لا اتصل بيها نهائى نهائى ومش عارفة ، احنا قايمين بكل الالتزامات المادية بالدقيقة وايجارات الصيانة والبواب ،وانا لما اتصرفت كده واشتكيت لجوزها ده كان من ورا زوجى عشان اقصرخالص وزوجى فقرمعرفش متمسك بالخيبة ليه وفاتحته ف اننا نسيب الشقة لقيته مقفول اوى
إظهار التوقيع
توقيع : نسرين جابر
#10

افتراضي رد: بيتى حيتخرب

هى الست دى عندها ولد عندة 23 سنة يعنى كبيرة جدا ومفيش خوف منها على زوجك
بصى شكلهم بتوع مصلحتهم وحيفضلوا كدا لحد لما جوزك يشوف لهم شغل للابنها وطبعا اوعى تخلية يعمل كدا علشان بعد كدا الطلبات مش حتخلص
متخافيش يا قمر كويس انهم مش ساكنين معاكم بنفس البيت الا تكون مصيبة وحتطلعلك كل شوية
بلاش القلق الزايد دا
#11

افتراضي رد: بيتى حيتخرب

انااتصلت بجوزها وكلمته دوغرى وفهمته ان جوزى رافض الاختلاط والزيارات وحتى الكلام فى التليفون والراجل فهم وطلبت منه انه يوصلها الرسالة دى لانى مش حقدر اكلمها كده والراجل فهم ده حتى كمان مدح فية كتير ، يانورى بقولك ست جميلة جداولونة افهمى وجوزى على كيفك يا امى ن كل اللى مخوفنى انتى تتوقعى ايه منها بعد كل ده ؟؟؟
إظهار التوقيع
توقيع : نسرين جابر
#12

افتراضي رد: بيتى حيتخرب

جوزى يرفض طلب ههههه ، ياحبيبتى محدش دارى بية مش ملاحقة اسد ايه ولا ايه عمره مايسمع كلامى خاصة فى صد الناس ،والله لو حريم، ده كان كل مانتعرف على حد اول الجواز يقولى اعزمى مراته على فنجان قهوة وانا اقفل من ناحية وهو يفتح من ناحية لحد فييين لما اقتنع انى صح وخاصة فى الحدود مع الجيران ، اما اصحاب البيت هههههههههه انا هنا عملت اخر جهدى انا خلاص عارفة ان مفيش فايدة ياجماعة انا بشر انسانة اه بنصح وبشور ع الناس وضد الخراب بس انا وجوزى مش على نفس اللاين انا خلاص تعبت
إظهار التوقيع
توقيع : نسرين جابر
#13

افتراضي رد: بيتى حيتخرب

نورى ماتتعبيش حالك ف الرد انا خلاص عارفة حلى اخر حاجة حعملها انى حكلمه ف الموضوع ده ولو مااقتنعش يبقى بجد انا لازم اطلق دى مابقتش عيشة انا مجوزة ومش مجوزة وبحاول ف الدنيا ومش نافع انا بمووووووووت ياناس
إظهار التوقيع
توقيع : نسرين جابر
#14

افتراضي رد: بيتى حيتخرب

معلش يا عسل انتى مش حتوصل للطلاق ان شاء الله يا حبيبتى
جوزك انتى تقفلى علية من ناحية عدم الاختلاط ببكل ست معلش فى رجالة كدة ميملاش عينهم الا التراب يا قمر
استحملى حبيبتى طالما ممسكتيش علية حاجة
ابعدى على قد ما تقدرى على الستات طالما جوزك كدا
قوليلى انتى بتقولى انة بصباص طيب سيباة لوحدة بالغربة لية ؟
انتى كدا مش خايفة يا بنتى
شيلى الاوهام دى من دماعك ولما تثبتى حاجة يبقى فيها كلام تانى
#15

افتراضي رد: بيتى حيتخرب

سايباه لوحده ليه ؟لان البلد اللى هو فيها مينفعش يبص اصلا لحد اما لما بيجى مصر المصايب كلها بتبقى عندى وممسكتش عليه حاجة ؟ههههههههههه كتير بس ماينفعش اقول او اشكى زى اى ست بسكت وبحاول اعيش واغير منه ساعات ومن نفسى ساعات ،كلامى مش فارغ ومش من فراغ صدقينى ونارى نارين
إظهار التوقيع
توقيع : نسرين جابر
#16

افتراضي رد: بيتى حيتخرب

بصي ياقمر من الواضح ان الست مش بس حشريه لأ ياقلبي هفهمك براحه لاني عارفه النوع ده كويس واتعاملت معاه هي عاوزة تعرف عنك كل حاجه عشان عاوزة تخلي جوزك يتجوز واحده من بناتها ماتزعليش مني علي صراحتي بس انا عاوزاكي تفتحي عيونك كويس قوي وكمان انتي بتقولي هي بتجبرك تتكلمي وتردي فيه حاجه اسمها الرد اللي يفحم صاحب السؤال ويخليه يخرس يعني اما تسالك علي حاجه راوغي وردي رد يخليها ماتألش تاني وأما ماتعرفيش تردي خليكي بجحه أكتر منها وقوليلها أنا مابحبش أتكلم في حاجه خاصه وتخصني لان البجح عمره مابيسكت اما بيلاقي فريسه سهله قدامه وانتي كده بالنسبه ليها واحرجيها واشغليها بأسأله تخصها هي وخليها تتكلم عن نفسها وعيالها وبالنسبه لشغل ابنها قوليلها مالقيناش له شغل او اما ربنا يسهل معلشي طولت عليكي بس والله انا عشت التجربه ديه مع خالتي وجوزها فعلا متجوز دلوقتي عليها وعلي فكره معظم الرجاله بيبصو بره بس لو بيحبك هيفضل ليكي ومعاكي انتي
#17

افتراضي رد: بيتى حيتخرب

فريحة ركزى انا اتصلت على جوزها قلت له ان جوزى مانعنى من الاختلاط حتى التليفون ورافض مبدأالصداقات والزيارات خاااااااااااالص وطلبت منه يوصل الكلام ده لمراته لانى مش حقدراقوله لها والراجل كان متفاهم جدا ايه رايك انتى ؟؟
إظهار التوقيع
توقيع : نسرين جابر
#18

افتراضي رد: بيتى حيتخرب

وحزعل منك ليه فريحة عادى يابنت الناس دى ماساة انا بعيشها وبحاول اصلح منه وبدعى ليل مع نهار بصلاح حاله بس الغريبة انى بدال المرة 3 مرات طلبت الطلاق وكان رد الفعل جامد جدا انه ال يعنى متمسك بية وبحياته معايا وغيره بس تصرفاته بتعكس معانى تشل
إظهار التوقيع
توقيع : نسرين جابر
#19

افتراضي رد: بيتى حيتخرب

انامنكرش انى صلحت بعض الشىء منه بس التغيير اللى حصل متفاوت وليس جزرى ، وانا كمان غيرت من نفسى كتير من شانه بس انا ف النهاية ادمية لحم ودم ، اسيطر عليه ولا على غزوات النساء من حوالينا ،بقالى سنة متجوزة كل فترة بقضيها معاه اصد حاجة لحد مابقيت حاطة عينى ف وسط راسى ،جوزك لما يخرج برة وانتى ف ابهى صورك متزينة عروسة ويرجع يقولك انه بيتعمد يخرج عشان يشتاق لك ويثير نفسه بالنظر للاخريات وان ال ايه كل ده بيصب عندك تحسى بايه ، طب بلاش كده امايقولك مباشرة مش كلام مستتر انه بيكلمك ع النت عشان يفرغ معاكى اللى بيشوفوا اهو حاجة احسن من الحرام تعملوا انتوا ايه ،
إظهار التوقيع
توقيع : نسرين جابر
#20

افتراضي رد: بيتى حيتخرب

ايوة ده انا وبشحن نفسى تانى عشان اعيش ، مع انى مش ست وحشة مثلا ناهيكم عن ان فى فرق سن بينى وبينه كبير ،دايما مخنوق متضايق دايمافى حاجة ناقصاه ولمااساله بلطف ايه اللى انا مقصرة فيه عشان اصلحه يرد علية انى مومقصرة ف شى وانى بعمل اكتر من المفروض يتعمل بس هو مابيقدرش يقعد ف مكان مغلق تعبت ياجماعة تعبت ...ياريت كل ده ومساعدنى نعيش ف حالنا ..ده لو يقدر يطلع الشارع كله يقعد عندنا
إظهار التوقيع
توقيع : نسرين جابر
#21

افتراضي رد: بيتى حيتخرب

بصراحة انامش عارفة حدخل المنتدى ازاى بعدكده انااتكلمت من وجعى ربنايكفيكوا الشر
إظهار التوقيع
توقيع : نسرين جابر
#22

افتراضي رد: بيتى حيتخرب

هااااى ع الجميع ، وبشكر الجميع على ردودهم القيمة جداوده كان موضوع مرتبط بكيف اتعامل مع المتطفلين فى حياتى حبيت اخد ردود قوية وموضوعية جدا منكم وفرحت انكم كمان بتحبونى ف الله ، اطمنواجميعا انا بخير وحياتى مستقرة جدا وشقتى تمليك وفى مكان راقى وجوزى راجل محترم ومتدين وعيوبه بسيطة جدا والحمدلله وبشكركم مرة اخرى مع تحيات ...المناضلة
إظهار التوقيع
توقيع : نسرين جابر
#23

افتراضي رد: بيتى حيتخرب

انتى كده هموتى نفسك
متحاوليش معاه لان الطبع يغلب التطبع
لا اما تتحملى وتنسى وتطلعى فكره الغيره من دماغك
لا اما تصلى استخاره وربنا هيهديكى للى فيه الخير لك

وفالحالتين ربنا معاكى يااااااااااااارب
إظهار التوقيع
توقيع : Frawla
#24

افتراضي رد: بيتى حيتخرب

لا يا قمر تدخلى المنتدى براحتك البيوت كلها مشاكل وانتى مش اول حالة نشوفها هنا جوزها كدا
معلش يمكن تكون دى كلها شكوك وبيحبك انتى او يمكن فعلا عايز يفرغ كل طاقتة علشان متبقاش فى الحرام ما دا كلام جميل اية المشكلة
هو شكلة مش بيحب الروتين بس انتى اوعى تحسسية انك مش بنحبى تتعتملى مع الستات علشانة علشان هو كدا حيعرف نقطة ضعفك ويتمادى باللى بيعملة
#25

افتراضي رد: بيتى حيتخرب


المشاركة الأصلية كتبت بواسطة نسرين جابر
هااااى ع الجميع ، وبشكر الجميع على ردودهم القيمة جداوده كان موضوع مرتبط بكيف اتعامل مع المتطفلين فى حياتى حبيت اخد ردود قوية وموضوعية جدا منكم وفرحت انكم كمان بتحبونى ف الله ، اطمنواجميعا انا بخير وحياتى مستقرة جدا وشقتى تمليك وفى مكان راقى وجوزى راجل محترم ومتدين وعيوبه بسيطة جدا والحمدلله وبشكركم مرة اخرى مع تحيات ...المناضلة

لا ياشيخه
بعد ما شديتى اعصابى كدهوت

عموما ربنا يهنيكى يا عسل
إظهار التوقيع
توقيع : Frawla
#26

افتراضي رد: بيتى حيتخرب

هاى فراولة مشاركتك ورايك الجميل ، وجهة نظر عامة انا بخير ، بس احنا رسالتنا ازاى نصدالمتطفلين على حياتنا ولو فى اسوا الظروف بس مش بالطلاق او الانفصال عايزين نكون اكبر وابعد من الكلمة دى وانا تعمدت انى اضع مثال لاسوا انواع الرجال واسوا حالات التطفل على الاطلاق وبجد كانت ردود قوية رائعة وانا ف انتظار المزيد..
إظهار التوقيع
توقيع : نسرين جابر
#27

افتراضي رد: بيتى حيتخرب

ربنا يهنيكى احنا كنا عايزين مصلحتك وافادتك
ربنا يبعد عنك كل الشر
#28

افتراضي رد: بيتى حيتخرب

اطمنواجميعا انا بخير وحياتى مستقرة جدا وشقتى تمليك وفى مكان راقى وجوزى راجل محترم ومتدين وعيوبه بسيطة جدا والحمدلله

هاى فراولة مشاركتك ورايك الجميل ، وجهة نظر عامة انا بخير ، بس احنا رسالتنا ازاى نصدالمتطفلين على حياتنا ولو فى اسوا الظروف بس مش بالطلاق او الانفصال عايزين نكون اكبر وابعد من الكلمة دى وانا تعمدت انى اضع مثال لاسوا انواع الرجال واسوا حالات التطفل على الاطلاق وبجد كانت ردود قوية رائعة وانا ف انتظار المزيد..
معلش يعنى انتى حضرتك كلامك اتغير
مامنين كنتى بتقولى ان عينة زايغة وبصباص وعايزة تطلبى الطلاق ومنين دلوقت الكلام دا
على فكرة انا عايزة اقولك على حاجة يمكن علشان انتى لسة جديدة معانا هنا
محدش هنا بعدلات بيشمت بحد ولا يمكن اى واحدة من هنا بتاخد فرص على واحدة فضفضت او قالت اى كلام يخصها
وكمان الدليل على كدا انك بتقولى انك مش حتعرفى تدخلى المنتدى تانى
عاى فكرة انا قعدت ارد عليكى ومهتمة بقصتك علشان كنت حابة اساعدك واخفف عنك
اما لو كنتى حضرتك بتعملى موضوع عادى وعايززززززززززززة تعرفى اراء
يبقى مكانة مش هنا
مكانة بقسم الحوارات الاجتماعية اللى انا مشرفتة

حوارات اجتماعية مفتوحة
#29

افتراضي رد: بيتى حيتخرب

ولو انا بفترى عليكى باى كلام راجعى ردودك عليا مش انا اهتم بالرد عليكى وبعدين ترجعى تقولى الكلام دا
#30

افتراضي رد: بيتى حيتخرب

هاى نورى انا ماقصدت ازعلك وبعدين ردودك فعلا قيمة وانا فعلا حبيت اعمل حاجة اشبه بالمحاكاة عشان اعرف ردود قوية وجريئة مثل ردودك وبعدين شماتة ايه اللى بتتكلمى عنها كلنا هنا اخوات ف الله القصة ال الفتها والل دليل نجاحها هو انفعالك الان اخدت منك ومن الاخريات ردود تجنن ثم ادخل المنتدى ازاى تانى كان رده منك شخصيا اقوى واقوى ، ادخلى على مواضيعى نورى حتعرفينى اكتر ومن ردودى حتدركى رسالتى واهتمامك مشكور ويحترم ،وبعدين فراولة مثلا اخدت الموضوع ببساطة اهدى واتمنى نكون اصحاب ثم انا جديدة وبصراحة بسعى بحكم تخصصى اكون مختصة بحل المشكلات وتم ترشيحى فعلا وبحاول معاكىوبيكى اساااعدالاخريات ، ومفيش حد حياته خالية يابنت الناس ، وراااااااااااجعى انتى ردودى بدقة هو فيه بنى ادم ف الدنيا مقرف اوى كده ،ركزى ولاتزعلى
إظهار التوقيع
توقيع : نسرين جابر
#31

افتراضي رد: بيتى حيتخرب

قسم الحوارات الاجتماعية اللى سيادتك مشرفته يشرفنى جدا الدخول فيه والمشاركة وحيحصل ان شاء الرحمن ولكن ،انا تم ترشيحى ياست الكل فى قسم الفضفضة وحل المشكلات وكنت عملت موضوع كيف تتعاملين مع المتطفلين فى حياتك واخدت رد من استازة محترمة جدا (هبة شلبى) حبيت من خلال موضوع بيتى حيتخرب (الله يكفينا الشر) افيد بتأليفى المتواضع وردود المحترمات امثال حضرتك افيد الاخريات اتمنى تكون وجهة نظرى وصلتلك زى ما وصلت فراولة واسفة لازعاجك ، وواضح من انفعالك حبك للعدولات ف الله وانا ايضا احبك ف الله
إظهار التوقيع
توقيع : نسرين جابر
#32

افتراضي رد: بيتى حيتخرب

اناخريجة اداب علم نفس وعندى كثير من الاطلاع والتجربة العملية فى علم البرمجة اللغوية العصبية وفى التنمية البشرية واستازى هو المرحوم (ابراهيم الفقى ) ومش حتصدقى لو قاتلك ان ابويا فى سن 54 سنة اخد عنده دبلومة ، اما انا فقرات وتدارست وطبقت عمليا هدا العلم وساعدنى كثيرا سيدتى ،،،ها ،،هديتى؟؟
إظهار التوقيع
توقيع : نسرين جابر
#33

افتراضي رد: بيتى حيتخرب

بصى على الرغم من كل كلامك دا
ومع احترامى ليكى مينفعش بردة تالفى قصة وتاخدى عليها ردود بقسم الفضفضة
القسم دا للمشاكل والتواصل مش للتاليف
وعلى فكرة انا بحب عدلات جدا وبحب اساعد الناس ولو كنتى قلتى من الاول انك بتالفى مكنتش اهتميت بمتابعة ردودك بالموضوع وانى ارد عليكى
هبة شلبى اختى التؤام للعلم
#34

افتراضي رد: بيتى حيتخرب

نسرين كلناهنا عيله واحده وبنحط نفسنا مكان اى واحده بتحكى
وبننفعل لخاطرها ونشجعها على ما فيه الخيرلها
وانفعال نورى دليل على رقة قلبها وطيبتها
بس فعلا الموضوع مكانه الحوارات
كده مش هصدق قصصك تانى هههههه
يا حضرة المؤلفه المحترفه
تحياتى لك
وتسلمى على نيتك الحلوة
بس كنتى صعبانه عليا والله ههههههه
عموما تشرفنا بتواجدك يا عسولتى
إظهار التوقيع
توقيع : Frawla
#35

افتراضي رد: بيتى حيتخرب

اولا انا قريت كل الموضوع وكل الردود
بصى يا نسرين لو عايزه تناقشى موضوع اطرحيه للنقاش مش تاليف قصه وهميه من خيالك تخض باقى العضوات ويدخلوا جرى عشان المساعده وفى الاخر يطلع موضوع خيالى مش صحيح ومش مشكلتك اساسا
انا حمدت ربنا انها طلعت كده لانى كنت حزعل عشانك بجد واكيد كل العدولات
بس انك تعملى التصرف ده عشن تاخدى ردود
ممكن برده تاخدى نفس الردود من خلال عمل موضوع لطلب الاراء والعدولات مش حيتاخروا
مش عنوان غريب وقصه مخيف وفى الاخر من الخيال
إظهار التوقيع
توقيع : هبه شلبي
#36

افتراضي رد: بيتى حيتخرب

يغلق الموضوع اخد حقه من النقاش
إظهار التوقيع
توقيع : هبه شلبي


قد تكوني مهتمة بالمواضيع التالية ايضاً
الموضوع كاتب الموضوع المنتدى
عند عدلات : بالصور .. أدوات منزلية مبتكرة تجعل حياتك أجميلة مع 2024 زاهرة الياياسمين ادوات واجهزة منزلية
اتيكيت التعامل مع الزوج العصبي,تعرفي علي اتيكيت التعامل مع الزوج العصبي,واصول الاتيكي نَقاء الرُّوح فن الاتيكيت والتعامل مع الآخرين
اتيكيت التعامل مع الزوج العصبى،كيف تتعاملين مع زوجك العصبى،أصول التعامل مع زوج عصبى كيوت متل التوت فن الاتيكيت والتعامل مع الآخرين
فن التعامل مع الاخرين ايمان مجاور فن الاتيكيت والتعامل مع الآخرين
أنواع الشخصيات التي تواجهك في حياتك ، وكيفية التعامل معها شمس لا تغيب فن الاتيكيت والتعامل مع الآخرين


الساعة الآن 04:47 PM

الاتصال بنا - عدلات - الأرشيف - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل