أو

الدخول بواسطة حسابك بمواقع التواصل



عدلات

> الاقسام الأسرية

> فضفضة وحل المشاكل

ساعدوني الله يخليكم...

إضافة رد  أضف للمفضلة
https://adlat.net/showthread.php?t=149644
3410 16
#1

افتراضي ساعدوني الله يخليكم...

السلام عليكم يابنات
ساعدوني الله يخليكو....
دلوقتي هعرض عليكم مشكله وعايزة حلها......
في واحده انا اعرفها....حصل مشكلة بينها وبين خطيبها...هو متفق معاها على الصراحه وانه مش بيحب الكذب وقالها انها ماتخبيش عنه حاجه..وهي فعلا من ساعت ماعرفته وهي مش بتخبني عنه حاجه....بس امبارح وهما بيتكلمو مع بعض ف نص كلامهم هي حكيتله عن حاجه قديمة وعدت من قبل ماتعرفه..........البنت دي اصلا كانت مقري فاتحتها على قريبها بس محصلش نصيب....وخطيبها الحالي عارف الموضوع ده....
هي بقى حكيتله امبارح عن حاجه حصلت معاها ومع قريبها والكلام ده من سنتين....ومن قبل ماتعرف خطيبها..
قالتله: ان قريبها دا سبب انفصالها عنه ان هو طلب منها انها تعمل معاه حاجه حرام وغير شرعيه....وهي رفضت وانفصلت عنه بسبب الموضوع ده لانه هددها لو معملتش كده معاه برضاها هيعمل كده معاها غصب عنها..
ف انفصلت عنه بسبب الموضوع ده..
البنت دي بقى حكت الكلام دا لخطيبها امبارح وهو اساسا كان عنده علم ان هي وقريبها كان مقري فاتحتهم بس محصلش بينهم نصيب...لكن عمره ماسألها سبب انفصالهم ايه...ولما هي جت وحكيتله امبارح عادي ف وسط كلامهم..زعق معاها وقالها كلام دايقها وقالها ان متفق معاكي ان مفيش ان مفيش كذب بنا.....
وسألتك قبل كده لو مخبيا عني حاجه قوليها..وانتي قولا لا...وسألتك تاني وقلتي لا...
وجايه الناهردا فاكرة تحكيلي حاجه زي دي......وطبعا هي انهارت من العياط....وقالتله انا محكتلكش ف الاول لانك عمرك ماسألتني انتي انفصلتي عن قريبك ازاي..
وانا كنت خايفه احكيلك لاني كنت خايفه منك ومن ردت فعلك.....يعني كل ده بسبب خوفي منك ومن اللي ممكن تعمله...
..قعد بقى يقولها ماليش فيه انتي خبيتي عني...والمفروض كنتي تحكيلي..من زمااااان
..
وهي قالتله المشكله اللي انت عملتها دي كلها بسبب اني محكتلكش حاجه عدت من سنتين ومن قبل معرفك...ولما جت الفرصه حكيتهالك...
والمفروض ان تبدأ تحاسبني على غلطاطي ولو خبيت عنك حاجه...من اول ماعرفنا بعض....مش تحاسبني عن حاجه عدت من سنتين وانا اساسا وقتها مكنتش اعرفك..
..
قالها انا قايلك تحكي كل حاجه...قالتله خلاص,,,,انا بعتذرلك وبقولك انا اسفه وعيطت قدامه من زعلها....
وقالتله ان دي اول غلطه ليها معاه...والمفروض ان مش من اول غلطه يعاملها كده والمفروض ان الغلطه دي اساسا هي ماقصدتهاش هي بس كانت خايفه منه ومن ردت فعله...
..
دلوقتي يا بنات عدلات...
انا طالبه منكم طلب......تقولولي مين فيهم اللي غلطان...
وتقولولي ازاي البنت دي تخليه يعدي اول غلطه هي ماقصدتهاش دا لو هي اللي غلطان...
وكمان عشان هما الاتنين في اجازه وهي مش عايزة اول اجازه تعدي مابينهم تبقى اجازه وحشه..




ساعدوني؟؟؟


إظهار التوقيع
توقيع : لسه عندي امل
#2

افتراضي رد: ساعدوني الله يخليكم...

بصى حبيبتى انا شايفه ان صديقتك ما غلطتش وانه هو اللى مكبر الموضوع
وماكنش ف داعى اصلا تحكيله لانها حاجه منتهيه
وهو بدل ما يتقبل الكلام وياخده بصدر وسع وينبسط انها صريحه معاه للااسف قلب وزعل واخد موقف
ربنا يهديلهم الحال ويهيئلهم خير
هى تحاولى تكلمه بهدؤ وتوضح وجهه نظرها
او تقفل ع الموضوع وتكون واثقه انها ع حق
وياريت الموضوع ما يكبرش وياخد وضع اكبر من حجمه
مافيش داعى للخلاف والمشاكل ع حاجه انتهت من فتره
إظهار التوقيع
توقيع : ♥ احبك ربى ♥
#3

افتراضي رد: ساعدوني الله يخليكم...

ينقل للقسم المناسب
إظهار التوقيع
توقيع : ♥ احبك ربى ♥
#4

افتراضي رد: ساعدوني الله يخليكم...

السلام عليكم .....اولا هما الاثنين غلطو و هي اخطات عندما حكت له قصة قديمة لانه كان المفروض يتفقو انهم مايخبوش حاجة علا بعض بس من وقت ما عرفو بعض مش الماضى و هو لازم يثق بها ويصدق كلامها و يشجع صراحتها .....اما الان لازم تخليه يهدا بعد كدة تشرحلو انها حكتلو لانها بتحبوا و عايزاه يشاركها تفاصيل حياتها و وصيها تدلع شوية و تبكى شوية مش تناقش و تزعق
#5

افتراضي رد: ساعدوني الله يخليكم...

أمممممم
هى ماكنتش حكت ليه حاجه ادام انه هو مش سألها
بس ماشى هى بتحبه وصريحه معاه وكل حاجه وحكت ليه
مش سبب على فكرة انه يزعق لها بسبب حاجة زى دى
هو كان مستنى فرصة انه يزعق معاها يعنى ولا أيه .؟
هى المفروض تفضل مصره انها مش غلطانه وانه هو اللى غطان انه بيزعق ليها على حاجه حصلت من فترة والفترة هو اساسا ماكنش موجود فى حياتها فيها
ومش تعتذر ليه هى اعتذرت ليه .؟
مش لازم تضعف شخصيتها معاه وتقولو انها كان ممكن اوى مش تحكى ليه دلوقتى ولا من اول ماعرفته وهو عمره ماكان هيعرف حاجة زى دى
وانها حكت ليه بس لانها احترمت كلمته ووجهة نظرة انه صادق ومش بيحب الكذب ومش من المفروض يعاتبها على حاجه هى مش عملتها أساسا
قريبها طلب منها طلب حرام وهى خافت ربنا وسابت الشخص ده
يبقى فين أساسا السبب اللى هى بتتعاتب علشانه .؟
والله هى لو عاوزة الاجازة تعدى حلوة لما يكلمها تفهمه اللى انا قولتلو ليكى وانها كان ممكن مش تحكيله بس هى اتكلمت لانها محترماه بس تتكلم بهدوء
واهم حاجة تحافظ على كرامتها وعلى شخصيتها معاه
وهما لسه مخطوبين
علشان بعد كده تقدر تتعامل معاه
ده رأى
إظهار التوقيع
توقيع : semsemahasan
#6

افتراضي رد: ساعدوني الله يخليكم...

انا من رأي سمسمة
لما الماضي بيعمل في كدة وهو مالوش الحق انه يتصرف كدة
امال الحاضر و المستقبل حيعمل ايه
ويتعامل مع البنت ازاي
لازم تحكم عقلها قبل قلبها
هي في الخطوبة لسة
يعني ممكن يكون في حل اسهل عن بعد الجواز وتكون تحت تصرفه
المفروض تلغي عواطفها دلوقت لانها بتأسس مستقبلها معاه والا حتبقى هي الخسرانة الوحيدة
#7

افتراضي رد: ساعدوني الله يخليكم...

ماهي بتقوله انت بتزعق على حاجه عدت وحصلت من زمان من قبل معرفك...قالها انا متفق انك تحكيلي كل حاجه
إظهار التوقيع
توقيع : لسه عندي امل
#8

افتراضي رد: ساعدوني الله يخليكم...

هي كتبتله رساله وعايزة تبعتهاله..بس بتقولي اخد رأيكم الاول فيها...

!!! حبيبي انا محكتلكش لاني كنت خايفه منك ف البدايه ومن ردت فعلك..عارف البنت اللي بتبقى مخبيا حاجه على بابا وبتبقى عايزة تحكيله بس خايفه من ردت فعله....
انا بقى عشان انت حاجه كبيرة اوي بالنسبالي..كنت خايفه منك والله..ولاني اتفقت معاك عالصراحه قلت لازم احكيلك امبارح..واللي يحصل يحصل..اولا لاني بحبك..وماتعودتش والله اني اخبي عنك حاجه..
وثانيا..واحتراما ليك ولكلمتك انك طلبت الصراحه مني..وحكيتلك متأخر من خوووووفي منك...والدليل على اني بحترم كلمتك معايا واتفاقك عالصراحه...اني حكتلك اهو امبارح... وكان زماني ساكته وماتكلمتش وماحكتش حاجه..بس دا لاني بحبك وقلت طلاما هو صريح معايا واتفق معايا عالوضوح من الاول لاوم ابقى صريحه معاه..حتى لز هيحصل مشكلة بس اسمي ماخبتش عنه حاجه
انا أجلتها ف الاول لاني كنت مرعوبه منك..ولما عرفت ان مينفعش يبقى جوايا حاجه ومش حكياهالك جيت وقولتهالك..
لاني بحترمك اوي والله وانت حاجه كبيرة بالنسبالي..انا كنت خايفه منك يا اسامه والله بس قلتهالك عشان ابقى طلعت كل اللي جوايا ليك ومبقاش مخبيا عنك حاجه..والموضوع دا من زمن الزمن..وحكيتهولك لاني بحبك وعايزاك تشاركني تفاصيل حياتي كلها.. وطلاما ان الحاجه دي حصلت من قبل ماعرفك من زمان يبقى لما احكيهالك تحاسبني براحه...لكن لو عملت حاجه من وراك وانا معاك..ساعتها عاقبني..يعني انا ماينفعش اخد منك موقف من حاجه عدت من سنتين من قبل ماعرفك....
دا دي الحاجه الوحيده اللي حكيتهالك متأخر من خوفي منك..ودي حاجه حصلت في الماضي وانت ديما بتقولي سيبك من اللي فات وخلينا في اللي جاي..
يبقى خلاص بقى انت قلبك كبير وعارف اني بحبك وعمري ماخبيت عنك حاجه..ودي الحاجه الوحيده اللي حكتهالك متأخر..انا عارفه ان حبيبي قلبه كبيييير اوي اوي..ربنا يخليك ليا خلي اول اجازة تعدي علينا مع بعض تبقى احلى اجازة..ماتخليهاش تتكتب في التاريخ بأن اول اجازة تعدي علينا مع بعض كانت اسوء اجازة..لاء انا عايزاها احلى اجازها..انا عارفه ان قلبك كبير..خلاص بقى وحيات ربنا عندك انا حلفتك بأغلى حاجه ف الدنيا..



دا الرساله اللي هي عايزة تبعتهاله...تبعتها ولا بلاش...ولو بلاش ادوني رساله المفروض تبعتهاله عشان الموضوع يخلص ومايكبرش..
معلش انا عارفه تعبتكم معايا
إظهار التوقيع
توقيع : لسه عندي امل
#9

افتراضي رد: ساعدوني الله يخليكم...

ليه خايفه منه اوى كده؟
إظهار التوقيع
توقيع : ♥ احبك ربى ♥
#10

افتراضي رد: ساعدوني الله يخليكم...

انا مش شايفه غلطه وهو مادام ماسالش عن سبب
الانفصال من الاول يبقى مالوش كلام اصلا
وايه الهوليله اللى عملها دى
وهى بتعتذر ليه اساسا
ده شكله بيتلكك
ولا تعبره اصلا ده عاوز يعمل مشكله
إظهار التوقيع
توقيع : لولو lolo
#11

افتراضي رد: ساعدوني الله يخليكم...

ايه الخوف ده كله .؟
هو هيعلق ليها حبل المشنقة ولا هيضربها .؟
ده خطيبها لو هى بتخاف منه من دلوقتى بالدرجة اللى انتى بتقولى عليها دى يعنى عنده استعداد تستقبل منه انه يضربها فى المستقبل بسبب خوفها منه
وعلى فكرة هى لو شايف ان خوفها منه ده حبها ليه
يبقى بالعكس هى مش بتحبه وهى منبهرة بحاجة بس فيه
ولو هو بعبع وبيخوفها أواى كده يبقى أكيد مش بيحبها
وخاطب واحده تبقى تحت تصرفه ومش ليها شخصية ولا كرامة ويقدر يتصرف ويحركها وقت ماهو عاوز ووقت ما يحب
ورسالتها دى بتدل على ضعف شخصيتها وماينفعش انها تأمن مستقبل ليها بالطريقة دى
وبصراحة انا حاسة انها لسه طفلة يعنى 16 او 17 سنه
لسه دماغها مش مستوعبه خطوبة وجواز
وبعدين هى محسسه نفسها ومحسساه انها فعلا عملت الحاجة اللى قريبها طلبها منها مع انها عملت العكس
ولو هى شايفة انها اللى كتبته او اللى هتعمله صح يبقى تتحمل النتائج
وانتى طلبيتى رسالة نكتبها ليكى بدل دى
وهى تبعت ليه أصلا .؟ هى شايفة انها غلطانة أوى كده .؟
انا من وجهة نظرى انها مش غلطانة ومش من المفروض انها هى اللى تطلب من السماح والعفو
ودى وجهة نظرى
إظهار التوقيع
توقيع : semsemahasan
#12

افتراضي رد: ساعدوني الله يخليكم...

شوفى مش المفروض تبعت له رساله خالص وكمان هى مغلطتش لاء دى فسخت الخطوبة لخوفها من ربنا وهو لازم يقدر اللى عملته ده ومش من حقه يحاسبها اصلا عن اى شئ فات المهم من ساعة ماعرفته هو ده اللى من حقه يعرفه ومش كل حاجة كمان يعرفها ..يعنى باسلوبه ده ممكن يحول حياتها لحجيم لايطاق .
انا من رائ انها تتمسك بموقفها انها مش غلطانه ومعملتش حاجة تستحق الاعتذار وتهدده بفسخ الخطبه لانه ممكن يكون بيتلكك وعايز الموضوع ينتهى من ناحيتها علشان الشبكة ترجع له لان الشباب اليومين دول مش متحملين ائ مسئوليه خالص.
إظهار التوقيع
توقيع : zozoweza
#13

افتراضي رد: ساعدوني الله يخليكم...

بالتأكيد هى على حق بس للاسف هى اظهرت نفسها بصوره انها مشكله بالرغم لا يوجد مشكله أساسا ، وفكرت الاتفاق على الصراحه تكون في اشياء يكون لها تأثير على حياتهم مستقبلا وقصه انها صراحته فهى مخطئه مو كل شيء لابد يعرفه عنها لابد تكون ثابته حتى بإعترافاتها لان بكره النهار بيخلى من الحبه قبه واكيد هو لديه ماضي مخبيه عنها او ما يستحق يقوله لها لانه بيعتبر اعترافه شيء بسيط ولا يذكر وهى عندها كبير ..
نصيحتى لها تصحح من تصرفاته ولا يدخل بماضيها اذا ما كان لها تأثير على ارتباطهم ومو كل شيء تقوله له الا بعد الزواج لان الشيطان يستغل اتفه الاسباب مادام هم على بر الامان ..ولو ما كسرت لها بتتعب بعدين معاها حتى خصوصياتها بيتحكم فيها الله يؤلف بينهم ..
إظهار التوقيع
توقيع : البصيرة
#14

افتراضي رد: ساعدوني الله يخليكم...


المشاركة الأصلية كتبت بواسطة zozoweza
شوفى مش المفروض تبعت له رساله خالص وكمان هى مغلطتش لاء دى فسخت الخطوبة لخوفها من ربنا وهو لازم يقدر اللى عملته ده ومش من حقه يحاسبها اصلا عن اى شئ فات المهم من ساعة ماعرفته هو ده اللى من حقه يعرفه ومش كل حاجة كمان يعرفها ..يعنى باسلوبه ده ممكن يحول حياتها لحجيم لايطاق .
انا من رائ انها تتمسك بموقفها انها مش غلطانه ومعملتش حاجة تستحق الاعتذار وتهدده بفسخ الخطبه لانه ممكن يكون بيتلكك وعايز الموضوع ينتهى من ناحيتها علشان الشبكة ترجع له لان الشباب اليومين دول مش متحملين ائ مسئوليه خالص.
انا من راى وزة
إظهار التوقيع
توقيع : Frawla
#15

افتراضي رد: ساعدوني الله يخليكم...

وربنا يهدى
إظهار التوقيع
توقيع : Frawla
#16

افتراضي رد: ساعدوني الله يخليكم...

ربنا يهيدى
#17

افتراضي رد: ساعدوني الله يخليكم...

بصى بأه انا هجيبلك من الاخر انا فسخت 3 مرات قبل جوزى وانا اللى كنت بسيب لكن بأسباب واللى فى البيت عارفين كده خطيبها ده ملوش لازمه وعامله بالو على الفاضى وهو اصلا ملوش فى الماضىوهى معملتش حاجه غلط هددى بفسخ الخطبه وقولى لاهلك على السبب ولو وافق يغور ولو كملتوا خليكى جامده طالما انتى صح اصل فيه نوعيه بتحب تلغى الست وخصوصا لما تبقى احسن منه سواء على مستوى التعليم او المستوى الاجتماعى وخلافه فبيبقى نقص جواه يكمله بكسرتك اما بعد الجواز الامر مختلف تماما
إظهار التوقيع
توقيع : ام لوك لوك


قد تكوني مهتمة بالمواضيع التالية ايضاً
الموضوع كاتب الموضوع المنتدى
ساعدوني ساعدوني يابنات من عندها حل لمشكلتي ساعدوني سكون عاصف فضفضة وحل المشاكل
ساعدوني الله يخلييييكم أبتسام استشارات عدلات الطبيه
يابنات الله يخليكم ساعدوني ♡حنان آم بسنت♡ فضفضة وحل المشاكل
ساعدوني عضوية خاصة فضفضة وحل المشاكل
انا في ورطة ساعدوني جيادا فضفضة وحل المشاكل


الساعة الآن 07:09 AM

الاتصال بنا - عدلات - الأرشيف - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل