أو

الدخول بواسطة حسابك بمواقع التواصل



عدلات

> منتديات اسلامية

> منتدى تفسير الاحلام

> احلام ورؤى تم تفسيرها

احتلال و شاب و اطفال

إضافة رد  أضف للمفضلة
https://adlat.net/showthread.php?t=150669
1737 2
#1

افتراضي احتلال و شاب و اطفال

حلمت ان انا كنت في العربية مع اخواتي وكانت رهام اختي اللي سايقه (مش بتعرف تسوق اصلا) .. و انا اعدة جمبها .. و بعدين جينا نقف في مكان عشان نشتري حاجة فكان فيه موتسكل عايز يعدي و رهام قفلت المكان اللي ينفع يعدي منه .. فلما شافته راحت رجعت ورا عشان توسعله .. فــ هوا بعد ما عدى و هوا ماشي .. راح شتم (اللي ركبكو او حاجة كدة)

فأنا اتخنقت اوي و روحت مطلعه راسي من العربية من نحيه رهام و روحت شاتماه (انا فاكرة الشتيمه لو هتفرق اكتبها !)

ولقيته واقف و كان هيجي يضربنا و انا نزلت من العربية بكل شجاعة مستنيه انه يجيلي يوريني هيعمل ايه .. فراح اتلم عليه بودي جاردات و اعدو يضربو فيه و بتاع (انا معرفهمش) .. و فضلت واقفه بشوفهم .. و بعدين لما خلصو جيت ابص عالعربية عشان ارجع لاخواتي .. ملقتش العربية .. اعدت اقولهم راحو فين و كانت هنا و راحت فين

وبعدين قالولي طب تعالي اركبي معانا ندور عليها و شدوني تقريبا ليها و بعدين مش فاكرة ايه اللي حصل
بس حصلت حاجة زي احتلال كدة .. ناس جايه تحتل المكان او حاجة كدة .. و بيعاملونا معاملة العبيد و اللي يعارضهم او يرفض يضربو فيه .. و بعدين مش فاكرة تفاصيل الحرب دي غير

اني جيت اعدت جمب شاب .. وكان فيه بنت هي اللي بتراقبنا و حسيت انها معجبه بالشاب ده وكانت لابسه فستان طويل مش منفوش حسستني بلبس الفراعنه بس بلون فاتح مابين رصاصي فاتح اوي او ازرق فاتح اوي (اللي هو اللون مش باين فيه اصلا .. يدوبك واخد خفيف من اللون) وكان قماشته ستان او حرير .. فأنا قولتله امسك ايدي عشان اوريك انها معجبة بيك .. فمسك ايدي و قولتله يضغط عليها جامد فعمل كدة .. و بعدين لقيته حط ايده نحيه بطني و كإني حامل او كدة و خدت بالي ان البنت اتضايقت و اتغاظت .. و لقيتها راح جابت كباية ماية صغيرة و حواليها من بره منديل ابيض .. فـ فيه حد طلبها منه عشان يشرب فـ هي قالتله لا دي بتاعت الشاب ده بس .. فهوا اخدها فقولتله لا متشربهاش دي اكيد فيها سم .. و اخدتها و دلقتها .. و روحت اجيبله ماية تانية لقيت اطفال صغيرين (طفلين) بيشتغلو عند اللي جاي يحتلنا ده و ساعدوني و هما المفروض مايعملوش ده .. وانا كنت مبسوطة بيهم انهم فيهم خير وكنت بعاملهم كويسو كنت حنينه معاهم

المعلومات: آنسة + 26 سنة + مواظبة عالفروض و القيام و الاستغفار




بدعي ربنا يجمعني باللي بتمناه .. و فوضت أمري لربنا بس من جوايا بقول ربنا مش ممكن يخذلني


#2

افتراضي رد: احتلال و شاب و اطفال

خير ان شاء لله
#3

افتراضي رد: احتلال و شاب و اطفال

المنام في معظمه اضغاث احلام و حديث نفس و لا يعبر منه سوى كون اختكم رهام هي من تسير لكم حياتكم في الواقع. و الله اعلم
إظهار التوقيع
توقيع : nanouna7


قد تكوني مهتمة بالمواضيع التالية ايضاً
الموضوع كاتب الموضوع المنتدى
صور خلفيات جالكسي خلفيات جالكسي 2024اجمل الخلفيات بحبكm موبايلات - جوالات
غرف اطفال 2024 , غرف اطفال روعه , غرف اطفال فخمه ام طاطو غرف نوم 2022
اطفال قمرات صور اطفال كيوت بيبيهات صغار اطفال عسلات احلى صور اطفال 2024 اطفال حسناء صور اطفال
غرف نوم اطفال روعه , غرف نوم اطفال 2024 غرف نوم اطفال فخمة ... راحة وأناقة ام طاطو غرف نوم 2022
كوبيات اطفال 2024 ، ملاعق اطفال 2024 ، اطباق اطفال 2024 ، شوك اطفال 2024 منة الله احمد استشارات ونصائح مطبخية


الساعة الآن 11:14 AM

الاتصال بنا - عدلات - الأرشيف - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل