أو

الدخول بواسطة حسابك بمواقع التواصل

#1

افتراضي تفسير رؤية الجامعة و قتل اناس من اهلها في المنام

حلمت اني كنت هقابل أيمن في الجيزة تقريباً و جالي متأخر و لما جه قالي ان عنده امتحان بكرة عشان كدة اتأخر و بعدين روحت و اعدت احضرله في ملخصات و حاجات اساعده بيها و كدة و روحتله تاني يوم الجامعة مفاجأة (كانت في الحلم حساها جامعة حلوان .. بس هي في الحقيقة مش هي)
و بعدين كلمته و قولتله ان انا جيت و كان معايا ملف ازرق (موجود عندي فعلا) و شوية ورق .. فلما جه لقيته مش معاه حاجة خالص و جاي بطوله كإنه مش هامه ان وراه امتحان !
وبعدين اعدنا نتفرج عالجامعة و كان معانا اتنين بنات اصحابي (تقريباً إيمان و رشا) و بعدين اعدنا عالأرض عالحشيش و اعدنا نتكلم و بعدين لقينا دوشة بتحصل ورانا .. كان فيه بلطجية بيحاولو يدخلو الجامعة و بيكسرو الباب الحديد و ورا الباب في ناس عاملين زي كتيبه من طلاب الجامعة اللي كانو في تدريب للجيش بيحاولو يمنعوهم لحد ما البلطجية دخلو و اعدو يقتلو و يضربو فيهم و انا خفت و كنت بتفرج عليهم و مدية ضهري لأيمن و مستنياه يقولنا نقوم نمشي بس مقالش ! .. فـ لفيت و جيت اقوله نمشي لقيت ملامح الغضب على وشه من اللي بيحصل و بعدين صحيت و استعذت من الشيطان و اتفلت






أنا: آنسة + موظفة و مواظبة عالفروض و القيام و الاستغفار .. و انا خريجة جامعة حلوان فعرفاها كويس جدا
أيمن (الحد اللي كنت بتمناه بس اتجوز): متزوج + موظف و مواظب عالفروض .. و هو خريج جامعة القاهرة اصلا مش حلوان
و إيمان مخطوبة متوسطه دينيا و رشا آنسه ملتزمة

الحلم التاني

حلمت ان انا و صحبتي رشا مع اتنين شعراء اسمهم "محمد إنسان" و "محمد إبراهيم" وانهم كانو بيجهزو عشان ينشرو الكتاب بتاعهم و وهيعملو معرض او حفله حاجة كدة عشان يعرضو الكتاب فيها و اكبر عدد يشوفو و كدة و احنا كنا في بنساعد "محمد إنسان" و عمالين بنجهز معاه و واقفين معاه و كدة
و بعدين كنا اعدين بناكل و انا شوفت كتيب صغير للشاعر ده "محمد إنسان" اسمه حاجة فيها حب ... "خليك على الحب" او مش عارفه حاجة شبه كدة .. فـ كنت بفكر اشتريه و جيت اشوف سعره لقيته بــ 100 جنية
و هو كان كتيب اصلا صغير .. مش كتاب يعني فحسيت كتير 100 جنية عليه و اعدت افكر اشتريه و لا مشتريهوش و معرفش عملت ايه في الاخر !

المهم كنا خلاص خلصنا ترتيب و كل حاجة و بعدين جت آية حمدي و آية جابر يمكن و رولا (بنات زمايلنا في الكلية) مش فاكرة مين بالظبط بس اللي هما مجموعه بنات يعني و جم سلمو على رشا و اعدو يبوسوها بس و صحيت بعدها تقريبا


أنا: آنسة + 26 سنة + بشتغل + مواظبة عالفروض و القيام و الاستغفار
رشا: آنسة + 26 سنة + ملتزمة و مواظبة عالفروض و القيام و الاستغفار


#2

افتراضي رد: حلم الشعراء + حلم الامتحان

خير اللهم اجعله خيرا
إظهار التوقيع
توقيع : fatma7072
#3

افتراضي رد: حلم الشعراء + حلم الامتحان


المشاركة الأصلية كتبت بواسطة fatma7072
خير اللهم اجعله خيرا
شكرا ليكي .. ربنا يبارك فيكي و يعزك يااارب
#4

افتراضي رد: حلم الشعراء + حلم الامتحان

ارجو وضع منام واحد في كل موضوع

مهم جدا ادخلي هنا رجاء قبل كتابة احلامك

يتوجب عليك اختيار منام منهما لافسره لك اما الاخر فقومي بوضعه في موضوع جديد. فأيهما قد اخترت؟
إظهار التوقيع
توقيع : nanouna7
#5

افتراضي رد: حلم الشعراء + حلم الامتحان


المشاركة الأصلية كتبت بواسطة nanouna7
ارجو وضع منام واحد في كل موضوع

مهم جدا ادخلي هنا رجاء قبل كتابة احلامك

يتوجب عليك اختيار منام منهما لافسره لك اما الاخر فقومي بوضعه في موضوع جديد. فأيهما قد اخترت؟
شكرا لحضرتك و لردك ..
ممكن تفسري حلم الامتحان (الحلم الاول) .. و ربنا يبارك فيكي و يعزك
و ان شاء الله هكتب الحلم التاني في موضوع جديد
#6

افتراضي رد: حلم الشعراء + حلم الامتحان

لا شكر على واجب حبيبتي
خيرا ان شاء الله
اولا اريد ان اعرف من هو ايمن و ماذا يمثل لك و ما علاقتكما بالجامعة
إظهار التوقيع
توقيع : nanouna7
#7

افتراضي رد: حلم الشعراء + حلم الامتحان


المشاركة الأصلية كتبت بواسطة nanouna7
لا شكر على واجب حبيبتي
خيرا ان شاء الله
اولا اريد ان اعرف من هو ايمن و ماذا يمثل لك و ما علاقتكما بالجامعة

أيمن (الحد اللي كنت بتمناه و كنت بدعي ربنا يجمعني بيه بس اتجوز)

أيمن خريج جامعة القاهرة و انا خريجة جامعة حلوان
و علاقته هو بالجامعة (في الواقع ولا حاجة على حد علمي) و في الحلم كانت جامعته !
و علاقتي انا بالجامعة دي جامعتي اللي اتخرجت منها .. بس في الحلم كانت مختلفة عن الواقع .. بس انا كنت حساها في الحلم انها جامعة حلوان
#8

افتراضي رد: حلم الشعراء + حلم الامتحان

هل رايت هذا المنام قبل زواجه ام بعده؟
هل تتواصلين معه رغم زواجه؟ ان كان نعم فهل صارحك بانه لا يحب زوجته؟
إظهار التوقيع
توقيع : nanouna7
#9

افتراضي رد: حلم الشعراء + حلم الامتحان


المشاركة الأصلية كتبت بواسطة nanouna7
هل رايت هذا المنام قبل زواجه ام بعده؟
هل تتواصلين معه رغم زواجه؟ ان كان نعم فهل صارحك بانه لا يحب زوجته؟
شوفت المنام بعد زواجه بشهر تقريبا
و انا مش بكلمه خاااالص بقالي اكتر من 9 شهور .. و بتابع اخباره من على الفيس بوك و منه عرفت موضوع زواجه

و اللي تزوجها هي البنت اللي كان بيحبها من أيام الكلية لمدة اكتر من 7 سنين .. وكانو قاريين فاتحة بس كان حصل حاجة و الموضوع مكملش أياميها معرفش السبب بصراحه .. و اتجوزو دلوقتي و معرفش تفاصيل اكتر من كدة
#10

افتراضي رد: حلم الشعراء + حلم الامتحان

الجامعة حبيبتي هي العلاقة التي كانت تجمعكما و ما لحق بها من اضطراب و قتل يدل على ما طرأ على هاته العلاقة من ابتعاد بينكما بعد تدخل اخرى خطفته منك. اما بقاؤه و امتعاضه فقط لرؤيته لما كان يحصل فيدل على انشغاله عنك بزوجته و لكن رغم ذلك فهو لا يزال يفكر بك. و الله اعلم
إظهار التوقيع
توقيع : nanouna7


قد تكوني مهتمة بالمواضيع التالية ايضاً
الموضوع كاتب الموضوع المنتدى
تفسير رؤية الخيل فى المنام : ارجوك فسر حلمي سحوووره احلام ورؤى تم تفسيرها
تفسير رؤيا القط والكلام معها / تفسير رؤية القط فى المنام / تفسير التكلم مع القط المن sweet rose احلام ورؤى تم تفسيرها
تفسير رؤية الكلاب في المنام , معنى رؤية الكلب في الحلم , تفسير من رأى كلباً عضه نَقاء الرُّوح طلبات التفسير الغير مكتملة
تفسير رؤية محاولة قتل الاخت و حمايتها في المنام soma00 احلام ورؤى تم تفسيرها
تفسير رؤية شراء قرد تفسير قتل القرد من طرف شخص معلوم في المنام إشراف احلام ورؤى تم تفسيرها


الساعة الآن 07:03 AM

الاتصال بنا - عدلات - الأرشيف - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل