أو

الدخول بواسطة حسابك بمواقع التواصل



عدلات

> منتديات ترفيهيه منوعه

> منوعات x منوعات - مواضيع مختلفة

عايزة أتجوز!

إضافة رد  أضف للمفضلة
https://adlat.net/showthread.php?t=15761
5285 17
#1

Oh عايزة أتجوز!

عايزة أتجوز

الايام بتعدى والعمر بيفوت وانا عاوزة اتجوز واعيش حياتى بقى


هو انا هفضل فى بيت اهلى كده كتير ده يأمر وده يشخط وده يتحكم

قال يعنى اللى هتحبه مش هيتحكم فيها
قال يعنى

لو صاحبها قالها متخرجيش هتخرج
ولا مترحيش متجيش

اكيد هتسمع الكلام مع انه صاحبها بس لا باباها ولا ماماتها ولا اخوها

يعنى من الاخر مالهوش حق عليها

اغلب البنات على الحال ده دلوقت بتدخل الكلية
علشان تحب وتتعرف وتصاحب مع انها
المفروض داخله الحرم الجامعى (الحرم) !!!!!

تبص تلاقى البنت ما شاء الله رايحة الجامعة
على سنجة عشرة مش ممكن

لبس ملبوس بلبيسة هيفرقع من عليها

مكياج ولا اكنها طالعة من الكوافير حالا

برفان ما شاء الله ريحته توصل من على بعد
عشرة متر

طيب ليه ده كله يا اختى
!!!!!!

هيكون ليه يعنى طبعا علشان اكون حلوة لنفسى

طيب لما هو لنفسك مبتعمليش كده فى البيت ليه
مانتى برده مع نفسك

تقولك لا وهعمل فى البيت ليه

طيب تانى ارجع واسال
لنفسك برده !!!

معتقدش انه لنفسك هو فى سبب برده بس سبب
تانى ومتهيألى انت عارفاه كويس





بس عاوزة اسألك سؤال

يعنى لو جالك ملك الموت حالا هتقوليله استنى
شويه ؟؟

ترضى تموتى على حالك ده ؟؟

يعنى لو النبى قابلك دلوقت هتقابليه وتبقى
مبسوطة بيه ولا هتخافى منه وتطلعى تجرى

تستخبى من منظرك ؟؟

ترضى تقابليه كده ؟؟

طيب لو الآذان أذّن عليك دلوقت وانت فى
الشارع هينفع تدخلى المسجد علشان تصلى ولو
هتتكسفى من شكلك ومنظرك ولبسك اللى
مينفعش تقفى بيه ادام ربنا ؟؟

ترضى على نفسك كده

طيب


ترضى يوم القيامة تلاقى مئات الشباب اللى انت

فتنتيهم بجسمك وشكلك ويوم القيامة تلاقيهم
بيشاوروا عليك


ويقولوا دى يارب دى اللى فتنتنى واحد يقول انا

كنت خلاص هدخل فى الدين بس دى فتنتنى
بجسمها !!


وواحد تانى يقول انا خلاص كنت هصلى بس كل

لما اجى اصلى الاقى شكلها بمكياجها وشعرها

ولا حجابها الملفت ادامى فى الصلاة مش عارفه

اصلى هى ده يارب اللى ضيعت صلاتى هى دى

اللى خلتنى بمنظرها ادخل موقع اباحى ولا اتفرج

على قناة اباحية ولا ابص على الكليبات الماجنة


لما شفتها سهم مسموم دخل قلبى ولا استطيع
اخراجه

ترضى ... ترضى

يا اختى

اذا كنت ترضى على نفسك كده ياحبيبتى انا

مرضلكيش ابدا تكونى على الحال ده

انا خايفة عليك

ولازم تخافى على نفسك

يعنى هو انت فاكرة انك كده ممكن تتجوزى !!!

طيب ازاى تبقى ام مربية اجيال ازاى تبقى

زوجة حامله للامانه وللمسئولية لو ارتبطى انت

فاكرة انك هتربتطبى بشخص يدخل جنة ؟؟


ولو قبلك كده اكيد هيوصلك لطريق تانى خالص

احنا مش عاوزينه

احنا عاوزين

الجــــــــنة
أيوووة
الجـــــــنة

وعلى فكرة بقى علشان تكونى عارفه وعن تجارب كثيرة سمعت عنها
والله الذى لا اله غيره
ما فى حب الا فى الله

الحب فى الحلال انت فاكرة ان الحب ده اللى
هيخلى حياتك جنة والله العظيم متهيألك صحيح
هيكون جنة بس لحد قبل الجواز لو حصل
واتجوزتى اللى حبيتيه ومكنش على دين
صدقينى يا اختى هتتعبى اوووووى

اتق الله اختى الفاضلى
فى دينك وفى نفسك وفى شرفك وفى اهلك وفى زوج المستقبل
متخليش لك ماضى تخجلى منه ادام ربنا اولا ثم ادام زوجك
هتقوى مش هتجوز
يبقى معندكيش حسن توكل على الله
لانه قال
وفى السماءِ رزقُكُم وما توعدون
فوربِ السماءِ والارض انه لحقٌ مثلما أنكم تنطقون
يعنى جوزك مكتوبلك ورزقك جايلك جايلك


ووالله
قصص الحب بتاع اليومين دول وهم كبير
اسمه
الحب المزيف
تعرفى اايه اول حب
اول حب لما تكونى فى الحلال لما تحسى ان كل لمسة ايه وكل كلمة فى ميزان حسناتك لأنه زوجك

انما انت لو عشتى قصة حب مزيف زى ما اتفقنا
بالله عليك

مش لما بتيجى تنزلى تقابليه بتبقى بتستخبى لاحسن حد يشوفك من اهلك ولا قرايبك !!!

يعنى انت كده من اللى ربنا قال عليها
بتستخبى من الناس وربنا احق ان تخافى منه وتتقيه وتخشيه

صحيح ماحدش شافك بس ربنا بصير عليم
مش لما بتكلميه بتبقى موطية صوتك وعامله الموبيل من غير صوت لاحسن حد يسمعك !!!

صحيح محدش سمعك لكن الله هو السميع البصير

والله يا اختى


ومنْ يتقِ الله يجعل له مخرجا ويرزقه من حيث لم يحتسب


هااااااااا


لسه عاوزة تعيشى قصة حب


لسة مصّرة على معصية الله


لسة مش خايفة من عقاب الله


اختى

انت مسلمة عندك حياء حافظِ عليها
الحياء زينة الفتاة
اوعى تضيعيه
وتذكرى
ما كان الحياء فى شيىء الا زانه وما انتزع من شيىء الا شانه


ويا اختى

قال الله
ولا مُتخِذات أخدان

يعنى أصحاب وبلغة العصر بوى فرند ولا جرل فرند


انا بكلمك انت لانى عارفه انت ااااايه

انت اهلك ربوكِ على الدين وعلموك ازاى تتقى

رب العالمين وتحافظى على حياءك وهيبتك امام
نفسك قبل الناس


وانت الاساس انت اللى بتخلى اللى ادامك يحترمك وانت اللى بتخلى اللى ادامك يحاول انه يتقربلك

وتذكرى

لا تخضعى بالقول فيطمع الذى فى قلبه مرض
حجابك
عفتك - طهارتك - نقائك


ومن ترك شيئا لله عوضه الله خيرا منه
لو مصاحبة سبيه لله

ووالله هيعوضك ربنا خيرا منه
حب الله حب رسول الله


إظهار التوقيع
توقيع : ♥ احبك ربى ♥
#2

افتراضي رد: عايزة أتجوز!

مشكورة كتييييييييييير
إظهار التوقيع
توقيع : سوسو الامورة
#3

افتراضي رد: عايزة أتجوز!

جزاكى الله خير يا لينا عندك حق فى كل حرف كتبتيه تسلم ايدك
#4

افتراضي رد: عايزة أتجوز!

رسالة جميلة
الموضوع رائع و متكامل
وربنا يهدي
جزاكي الله كل خير و جعله في ميزان حسناتك
إظهار التوقيع
توقيع : ام هنا
#5

افتراضي رد: عايزة أتجوز!

يسلمووووو على الموضوع
#6

افتراضي رد: عايزة أتجوز!

موضوع تذكرة للبنات
ربنا يهدى بنات المسلمين
إظهار التوقيع
توقيع : امينة
#7

افتراضي رد: عايزة أتجوز!

موضوع اكثر من رائع بجد جميل جداااااااااا
تسلمى يالينا موفقه فى نقلك للكلمات ,,
فى انتظار جديدك وبالتوفيق ان شاء الله

#8

افتراضي رد: عايزة أتجوز!

ودي الحقيقة فعلا
موضوع جميل يا لينا تسلمي
ومن يتق الله يجعل له مخرجا
#9

افتراضي رد: عايزة أتجوز!

ايه الجمال ده يا لينا
كلام جميل جدااااااااا
وجزاكي الله كل خيرحبيبتي
#10

افتراضي رد: عايزة أتجوز!

جزاكِ ربي كل خير يا لينا عالنصائح الجميلة
ويا ريت كل البنات تقرأها وتتعلم الحب (في الله)
إظهار التوقيع
توقيع : لؤلؤة الايمان
#11

افتراضي رد: عايزة أتجوز!

شكراااااااااا لك غاليتى
إظهار التوقيع
توقيع : ريموووو
#12

افتراضي رد: عايزة أتجوز!

فعلا موضوع جميل جدا
بارك ااالله فيكى يا حبيبتى
وكل كلمة فى مكانها
جزاكى الله خير الجزاء يا حبيبتى
يسلم لسانك وكلامك ياقمرى
إظهار التوقيع
توقيع : همس الوجود
#13

افتراضي رد: عايزة أتجوز!

والله تمام , الله يحفظ كل بناتنا من شر انفسهم وشر كل دابة انت آخذ بناصيتها

#14

افتراضي رد: عايزة أتجوز!

رد: عايزة أتجوز!
إظهار التوقيع
توقيع : زهرة الصبار
#15

افتراضي رد: عايزة أتجوز!

رد: عايزة أتجوز!
إظهار التوقيع
توقيع : ♥ احبك ربى ♥
#16

افتراضي رد: عايزة أتجوز!

موضوع رائع
جزاكى الله كل خير
إظهار التوقيع
توقيع : happy 5o5a
#17

افتراضي رد: عايزة أتجوز!

جزاكي الله كل خير و جعله في ميزان حسناتك
تسلمى ياقمر على كلامك الاكثر من رائع
لك تحياتى
إظهار التوقيع
توقيع : اسيرة دموعى
#18

افتراضي رد: عايزة أتجوز!

.......


قد تكوني مهتمة بالمواضيع التالية ايضاً
الموضوع كاتب الموضوع المنتدى
بتحبي ربنا؟؟ طب ليه بعيده عنه؟؟ اومال ليه مش عايزة تدخلي دلوقتي؟؟ نسمه الكون المنتدي الاسلامي العام
عايزة تهادي جوزك مع اروع كولكشن رجالي صيفي2024,لكل زوجه عايزة تهادي زوجها كولكشن روعه جنا حبيبة ماما ازياء وملابس صيفية
هي الناس اللي في التحرير دي عايزة ايه؟ نونو حسن سؤال وجواب
ين عايزة تشتغل معايا ؟ مين عايزة مرتب 4500 ج شهريا ؟؟؟ soly mall سوق عدلات النسائي العام
ماى واى يناير2024 لكل ربة منزل او موظفة عايزة تزود دخلها smsma سوق عدلات النسائي العام


الساعة الآن 03:25 AM

الاتصال بنا - عدلات - الأرشيف - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل