اتكيت للشاى...زز خاص بالمسابقه

بقالى فترة عايزة انزل الموضوع ده

اكيد طبعا كلنا بنشرب شاى بفتلة و لما خلاص بيوصل للون اللى احنا عايزينه بنشيل

الكيس بفتلته من الكوباية او الفنجان --- طب السؤال بقى بتشيليها ازااااااااااى من

الكوباية و بتحطيها فيـــــــــــــــــــــــــــن

و بمناسبة الشاى ابو فتلة افتكرت مسرحية الهمجى بتاعة محمد صبحى لما هو و

مراته اللى هى سعاد نصر راحو عند صاحبهم الغنى و قدمولهم شاى بفتلة راحت قالت

له الحق يا ادم لقيت فتلة فى الشاى الناس دول مش نضاف ههههههههه

طب نرجع بقى لمرجعنا هااااااااا بتشيلى الفتلة ازاى من الفنجان و بتحطيها

فيـــــــــــــــــــــــــــــــــــــن

بصوا بقى من الاتيكيت انك تقدمى جنب الفناجين طبق صغير فاضى عليه منديل ورق

و تشيلى اكياس الشاى بالمعلقة و تلفى الفتلة حوالين الكيس و تعصرى و بعدين تحطى

كيس الشاى على الطبق ابو منديل و اول ما تشيلى كل الاكياس من كل الفناجين

فورررررررررا تشيلى الطبق و تروحى بيه على المطبخ ترمى الاكياس فى الزبالة

منقووووووووول