جربـت تزق الحيطـة قبل كدة ؟ّ ماعتقدش - طب متجرب وتزقهـا

إضافة رد أضف للمفضلة حذف من المفضلة

https://adlat.net/showthread.php?t=17345

بياناتي

♥ احبك ربى ♥

عضوة مـآسية

بيانات العضوة

رقم العضوية : 4802
تاريخ التسجيل: 123Apr 2011
الدولة : Egyptian Muslim
المدينة : Kafr El-Sheikh
الحالة الاجتماعية : Married
الوظيفة : Graduate of the Faculty of Law
المشاركات: 21,911 [+]
الأصدقاء : 356
نقاط التقييم : 18

جربـت تزق الحيطـة قبل كدة ؟ّ ماعتقدش - طب متجرب وتزقهـا

اكيد عمرك ما هتحاول مجرد المحاوله انك تزقها
لانك عارف انك مش هتقدر تحركها من مكانها
اهي الحيطه دي بقي اعتبرها حلم حياتك
ما هو كلنا عندنا احلام نفسنا نوصللها
بس لو اعتبرنا الحلم هدف
يبقي ممكن نحققه
وبالاراده هنحققه

اتنين بيحبوا بعض
والظروف لسه مسمحتش انهم يرتبطوا رسمي
لو الشاب هنا حط البنت دي هدف عايز يوصلله
يبقي هيشتغل وهيطلع عينه كمان علي ما يوصللها
وهيوصللها
وساعتها هيكون حاول يزق الحيطه

ولاد وبنات كتير شايفين ان اهاليهم متزمتين اوي
يعني بيقسوا عليهم دايما
وللاسف تسأل اى واحد او واحده فيهم عن السبب
يقوللك من غير سبب هو بابا كده عنده كل حاجه لا
بس لو كل ولد وكل بنت فكر يقعد يتكلم مع اهله بهدوء
حط التفاهم مع اهله هدف له
يحاول يقنعهم انه من جواه عارف فين الصح وفين الغلط
ساعتها ممكن موقف الاهل يتغير
وتزيد الثقه والتفاهم في نفس الوقت
ويبقي حاول يزق الحيطه

شاب حياته متأسسه علي المخدرات
يصحي الصبح ينزل من بيتهم علي المكان اللي فيه صحابه
ويفضل معاهم يشربوا مخدرات لحد باليل يرجع بيتهم
ينام ويصحي تاني يوم يعيد اللي عمله اليوم اللي قبله
وعلي كده تفوت سنين شبابه اللي هي المفروض احلي سنين عمره
علي الفاضي
وكل ده عشان هو شايف انه خلاص ميقدرش يبطل الادمان ده
شايف ان الادمان حيطه مبتتزقش

مع انه لو فعلا قرر يبطل اللي بيشربه ده
هيقدر ومش بس هيزق الحيطه
لا ده هيهدها

المخدرات حيطه
البطاله حيطه
غياب الثقه حيطه
الظروف حيطه

كل دي حيطان بنلاقيها في وشنا
واقفه بتستفز ارادتنا
رافضه تخلينا نكمل طريقنا
فينا اللي عمره ما بيفكر يزقها
وفينا اللي بيحاول عشان علي الاقل يبقي نال شرف المحاوله
وفينا اللي بيهدها
وهو ده اللي بيكمل طريقه زي ما بيحلم
لازم نبطل سلبيه ونفكر بجد في مستقبلنا
ها هتقدروا تزقوا الحيطة ولا ؟

منقول

إظهار التوقيع