أو

الدخول بواسطة حسابك بمواقع التواصل



عدلات

> الاقسام الأسرية

> فضفضة وحل المشاكل

اكتئاب بعد الولادة..ساعدونى

إضافة رد  أضف للمفضلة
https://adlat.net/showthread.php?t=174380
2873 12
#1

افتراضي اكتئاب بعد الولادة..ساعدونى






السلام عليكم ورحمة الله وبركاته

ازيكم ياعدولات كل عام وانتم بخير
بصراحة حبيت أفضفض معاكم لانى مخنوقة من نفسي كتيييييييير
زي مالغالبية عارفين انى مريت بأيام صعبة جدا بعد ولادتى ببنتي مايا السنة اللي فاتت وحملت بعدها علطول بأربعة شهور وكان حملى كتير صعب وولادتى أصعب ومريت بأسبوع صعب جدا وبنتي بالحضان وأنا براقب كل مرحلة بنتي بتمر بيها جوا الحضان
المهم أنا دلوقتى عصبية جدا جدا لدرجة لا تتخيلوها مع بنتي الكبيرة كنزي وماما قالت ان بقيت باردة بمشاعري مش عايزة أقولكم ان الكلمة جرحتنى قد ايه لكن على قد ماهيا جرحتنى لكن أنا حاسة ان فيا حاجة غلط مافيش أى مشاعر حاسة بيها خالص غير انى مكتئبة
ومش مركزة خالص وماعنديش أى طاقة ولا قادرة أعمل أى مجهود طبعا أنا عارفة انى بمر بحالة اكتئاب وخصوصا انى مريت بيه بعد ولاداتى الاتنين بس في بنتي كنزى قعد معايا كتير لانى ماكنتش أعرف ان اللي بمر بيه هو الاكتئاب كنت مخلية حياة اللي حواليا زى الجحيم بالضبط ورحت لدكتور نفساني واتعالجت عنده شهور طويلة ومش عايزة أقولكم انها كانت أسوأ شهور عدت عليا لان الأدوية المضادة للاكتئاب صعبة جدا وبتخلى الواحدة منعزلة عن دنيتها تماما وكانت مخليانى دايما نايمة أو ان حاولت أفضل صاحية ببقي مش موجودة معاهم خالص وعلطول تايهه المهم بطلت الأدوية دي من نفسي بالرغم من الدوية دي لازم بتسحبيها من الجسم بطريقة معينة عشان ماتحسيش بأعراض الانسحاب لكن ربنا قدرني لان كان عندى ارادة وبعدها بقيت أفضل
المهم أنا دلوقتى حاسة بنفس الأعراض وأنا دلوقتى خلاص عديت 40 يوم بعد ولادتى لكن الأعراض ماتحسنتش ولا حاجة وبقيت كتيييييرة النسيان ومش قادرة أركز وفي منتهى العصبية وبقيت حساسة من أى حاجة بزيادة أنا على فكرة بحاول مع نفسي كتير لكن الضغط اللي كان عليا بصراحة كان جامد جدا الفترة الأخيرة يمكن بدخل المنتدى هنا وبحاول أسيطر علي نفسي لكن حاسة ان مافيش فايدة ومش عايزة أدخل في متاهات الدكاترة تانى وخصوصا ان اكتئاب بيظهر كمان بأعراض جسمانية عندى ومش عايزة جوزى يرجع من شغله يلاقيني بالشكل ده لانى بحاول بقدر الامكان في التليفون أدراى عليه حالتى لكن لما ييجي مش حاقدر أصمد قدامه كتير علي فكرة أنا بصلي وبقرأ قرآن وبدعي ربنا كتير لكن الموضوع مسيطر عليا جدا ان كان في عدولة مرت بحالة اكتئاب مابعد الولادة ومتكررة ياريت تفيدنى أتصرف ازاى؟


إظهار التوقيع
توقيع : مايا علي
#2

افتراضي رد: اكتئاب بعد الولادة..ساعدونى

الله معالكي
#3

افتراضي رد: اكتئاب بعد الولادة..ساعدونى

شكرا ياقمر
إظهار التوقيع
توقيع : مايا علي
#4

افتراضي رد: اكتئاب بعد الولادة..ساعدونى

ربنا يفرج همك يا قمر ويحل على قلبك السعاده والفرح
إظهار التوقيع
توقيع : Frawla
#5

افتراضي رد: اكتئاب بعد الولادة..ساعدونى

تسلمي يافراولة
إظهار التوقيع
توقيع : مايا علي
#6

افتراضي رد: اكتئاب بعد الولادة..ساعدونى

والله يا مايا انا حاسه بيكى لأن الحاله دى جاتلى بعد ما ولادت عدول ابنى بس حاولت انى اسيطر على نفسى علشان مخسرش اللى حوليا وبعدين يا حبيبتى كنزى ملهاش ذنب فى كل ده ولإنها طفله مبتعرفش حاجه ممكن قوى تكرهك او تحس انك مش بتحبيها فالازم تاخدى بالك منها كويس و بالنسبه لحالة الأكتئاب فانتى حاولى متقعديش تقولى انا مكتئبه كل شويه لأنك كده هاتكتئبى اكتر صدقينى حاولى تاخدي كنزى و باباها وتفسحوا و شغلى نفسك بأى حاجه و أم بنتك التانيه فإنشاء الله بكره تطلع وتبقى فى حضنك و متزعليش منى حاولى تحسى بالنعمه اللى انتى فيها لإن فى بنات كتيييييييييير نفسها فى النعمه دى الا و هى الزوج و الاولاد
إظهار التوقيع
توقيع : مسلمه و لى الشرف
#7

افتراضي رد: اكتئاب بعد الولادة..ساعدونى

ياقلبي يااماني حاسة بيكي والله ياقمري ربنا يفك كريك يارب بصي حاولي تحسي انك في نعمة وفضل كبير الاحساس ده هو الي هايشيل الاكتئاب بجد
الانسان لما يكون مكتئب مش بيحس بحاجة غير الوحدة
الاكتئاب صعب اوي يااماني حاولي تخرجي منه علشان كنزي وجني ربنا يقويكي حبيبتي بجد قلبي معاكي
بصي دايما فكري في اي حاجة عندك مش عند غيرك حاولي يااماني تبقي قوية شوية انتي ام ومسؤله ماينفعش تنهاري كده
إظهار التوقيع
توقيع : لولو حبيب روحي
#8

افتراضي رد: اكتئاب بعد الولادة..ساعدونى

أنا عارفة انى والحمد لله في نعمة كتييييييير بيتمنوها ودايما بحمد ربنا لكن الضغط العصبي والنفسي كان كتير عليا بقالي سنتين في وضع قلق علطووووول لكن اللي جوايا مسيطر عليا غصب عني المشكلة ان الأدوية صعبة جدا ومش عايزة ارجعلها تانى
إظهار التوقيع
توقيع : مايا علي
#9

افتراضي رد: اكتئاب بعد الولادة..ساعدونى

حبيبة قلبى انا حاسة بيكى لانى مريت بالاكتئاب دة مرتين
اول مرة بعد ولادة بنتى الاولى اللى حملت فيها بعد الزواج على طول
ولانى كنت عايشة مع حماتى وبنتى ما كانتش بتبطل زن تعبت كتيير نفسيا
وكنت موش طايقة نفسى لدرجة ساعات كنت برفض ارضعها وما ما بعد ما تتعب
منى تعمل لها كراوية فى الببرونة بس شوية شوية الحمد لله هديت وتقبلت الوضع
والمفاجأة انى حملت تانى بعدها بشهرين فى البداية خفت وقلت ها اعمل اية دلوقتى
بس اللى نفعنى هو كلمة قالتها حماتى ..( ودة وقتة انتى كدة ها تظلميها فى الرضاعة وها يا خد رزقها )
من هنا قويت وقلتلها دى ارادة ربنا وكل واحد بياخد رزقة واصريت ان تكمل رضاعتها
وسبحان الله اللبن لما كانت وحدها كان ضعيف جدا ولما جاء اخوها كانوا بيشرقوا من كتر اللبن
ونيجى بقى للتوأم اللى جة بعد 6 سنيين من اخر ولادة وقلت الحمد لله على الاتنين
ولما عرفت انهم توام تعبت واتضايقت كتيير خصوصا انى تعبت
فى حملهم كتيير اوى اوى زيك كدة مع جنى ما انا حكيتلك
وحصلى بعد الولادة اكتئاب رهيب كنت ببكى على طول ومخنوقة وشايلة الدنيا على دماغى
ومتعصبة كتيير على كل اللى حوالية بس الحمد لله هما اتحملونى ماما قعدت معايا سنة كاملة
وجوزى كمان كان بيدعمنى نفسيا فى الفترة الاولى
وانتى ان شاء الله لما جوزك ييجى بالسلامة وتحسى اد اية هو حاسس بيكى وخايف عليكى
وبالايمان وذكر الله موش ها تحتاجى لا للدكاترة ولا ادوية
وكمان لازم تحطى حاجة قدام عينك انك كدة بتجنى على كنزى لان البنت يا حرام ها تتعقد من الحمل
والولادة وغيرة بعد اللى عاشتة معاكى لحظة بلحظة وكان كبيير اوى اوى على سنها
وكمان ممكن تتضايق من اختها لما تحس انها سبب اللى انتى فية وفى بعدك عنها
كلها كام يوم والمدارس تشتغل تانى واهتمى بكنزى ودراستها وبجنى وتخيلى فرحتك
لما يكبروا ادام عينك لحظة لحظة وتشوفيهم احلى عرايس ان شاء الله
معلش طولت عليكى لكن همسة اخيرة فى اذنك اشكرى ربك كثيرا على نعمة عليكى
وحافظى عليها وربنا معاكى حبيبتى
إظهار التوقيع
توقيع : توتى 1
#10

افتراضي رد: اكتئاب بعد الولادة..ساعدونى

الحمد لله على نعمته والله طول ماأنا قاعدة وأنا بشكره على نعمته اللي ربنا رزقني بيها واننا قمنا بالسلامة والحمد لله جوزى دايما بيدعمنى كتير ولما حصلي الاكتئاب المرتين اللي فاتوا بصراحة وقف جمبي كتير بس المرة الأولى ولانى ماكنتش أعرف انى بعانى من اكتئاب شديد فكان دايما فيه خلافات بيني وبينه بسبب عصبيتي وكل اللي حواليا بقوا مش طايقين عصبيتي الشديدة بس الحمد لله انم الحالة عدت على خير في المرتين اللي فاتوا وبصراحة مش حانسي دعم عدلات واللي موجودين في عدلات من اخواتى وأولهم هبة بعد ولادتى في مايا ووفاتها وانى قدرت أعدى من حالة الاكتئاب الشديدة اللي كنت بيها من غير دوا وعموما دخولى هنا بالمنتدى ووجودى وسطكم بصراحة بيحسني كتير حتي ولو كنت بشكي من تعب أو أى حاجة وبفضفض معاكم بصراحة بحس بتحسن كتير ولما كتبت الموضوع ده امبارح حسيت بعدها بتحسن كتير ربنا مايحرمني منكم وان شاء الله حاقدر على الاكتئاب المرة دي من غير علاج ولا حاجة كفاية عليا وجودكم معايا
إظهار التوقيع
توقيع : مايا علي
#11

افتراضي رد: اكتئاب بعد الولادة..ساعدونى

ربنا معاكى يا امانى
إظهار التوقيع
توقيع : توتة واحلى بنوتة
#12

افتراضي رد: اكتئاب بعد الولادة..ساعدونى

الله معك
#13

افتراضي رد: اكتئاب بعد الولادة..ساعدونى

تسلموا ياقمرات
إظهار التوقيع
توقيع : مايا علي


قد تكوني مهتمة بالمواضيع التالية ايضاً
الموضوع كاتب الموضوع المنتدى
معلومات مصورة عن انواع الولادة نآدرة ام عشتار منوعات x منوعات - مواضيع مختلفة
اعراض الولادة المبكرة: اعراض الولادة في الشهر الثامن فما دون وعلاجها والوقاية منها لولو حبيب روحي مرحلة الحمل والولاده
شرح الولادة الطبيعه و القيصرية بالصور صحه الحمل الحوامل الجنين الولادة الانجاب ملآك ولكن.. مرحلة الحمل والولاده
اكتئاب ما بعد الولادة / اكتئاب ما بعد الولادة وعلاجه / اكتئاب ما بعد الاجهاض ЙǑŏƒ العيادة النفسية والتنمية البشرية
اكتئاب ما بعد الولادة وعلاجه / كتئاب ما بعد الولادة / اكتئاب ما بعد الولادة زهره التحرير مرحلة الحمل والولاده


الساعة الآن 09:59 PM

الاتصال بنا - عدلات - الأرشيف - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل