السلام عليكم ورحمة الله وبركاته
هل العشرة اللي بينك وبين أعز الناس ممكن تتحول لسراب؟
سؤال بيطرح نفسه كتير في حياتنا
بيختلف مسمى أعز الناس للحبيب وللزوج ولأى من قريباتك
أو أيا مايكن
حتكلم النهاردة عن بنت الخال او العم أو العمة
قضيتوا وقت كبييييييير مع بعض واتشاركتوا في الحلوة والمرة
ولما كان بيحصل حاجة تجرى عليكي وتحكيلك
لكن دلوقتى..!
ايه اللي حصل وايه اللي اتغير؟
اتخطبتي ولقيتي فيه حاجة متغيرة
بقت بتبعد عنك ومش بتكلمك زى الأول
طب لييييييه؟
تقعدى بالساعات تسألى نفسك ايه اللي حصل وهل انتى عملتى حاجة تزعلها
وتفضلي تسألى نفسك وتسألى؟
لحد ماتلاقي الاجابة..
مافيش حاجة عملتيها
وتعدى الأيام والشهور وكمان بالسنة لما تشوفيها
من عيد لعيد
حاجة صعبة
تفتكروا ايه السبب؟
مشكلة بنقابلها في كل عيلة اللي فيها بنت اتجوزت وبنت خالها ولا خالتها ولا عمها ولا عمتها ماتجوزتش
وتلاقي الأمور انقلبت تماما عليكي
وتبقي مش فاهمة انتى عملتى ايه؟
هو الذنب انك اتخطبتي وهي لأه؟حاجة صعبة جدا لما تلاقي عشرة السنين بتتهاوى من بين ايديكي
وكأنها كانت سراب
عارفين أنا بكتب الموضوع ده لييييييييييه؟
لانى لقيته متكرر قدامى وحصل معايا شخصيا
ولحد الآن الحال على ماهو عليه
كنت بمووووووووووت بالمستشفي ولا سألت عليا ولحد الآن ماشفتشهاش خالص آخر مرة شفتها كان في رمضان وماكتلمتش معايا خالص
تفتكروا الغلط من مين؟
علي فكرة أنا حاولت كتييييييييير اتقرب ليها واتكلم معاها
لكن كنت بلاقيها بتبعد أكتر
وعلى فكرة ليها أصحاب ومتجوزين ومخلفين
لكن الحال مامشى معايا أنا
طب لييييييه؟ ممكن تقلولى انا غلطت بايه؟
علي فكرة أنا ممكن أتجاهل كل حاجة وهو ده اللي بيحصل قدامها
لكن أنا عاوزة أفهم
ياريت نفتح الموضوع ونتكلم فيه بصراحة لان الموضوع ده بالعيلة مابتبقيش قادرة تتكلمى فيه مع حد
أنا اكلمت فيه مع أمى ومع بابايا لكن
الرد منهم كبري دماغك..
ايه رأيكم؟!