السلام عليكم ورحمة الله وبركاته
أهلا بكم ومرحبا
أنا عاملة منتجات متنوعة ومش موجوده في الأسواق لأنها من تصميمي وابتكاري بحمد الله والمنتجات عبارة عن(ساعات حائط _لوحات _وشوش كهرباء _باسكتات_ميداليات_حافظة مناديل مبتكرةوغيرها)
وكل شيء قابل للتعديل حسب رغبتك أو ديكور شقتك
هبدأ بعرض وشوش الكهرباء ومميزاتها أنها عليها طبقة عازلة يعني لا لونها يغير أو تبهت ولا تتخربش أنا عاملة أربع مجموعات لوشوش الكهرباء للأطفال ولغرفة النوم الرومانسية وللمطبخ وللرسبشن
غرف الأطفال
وشوش كهرباء للأطفال وممكن أعملك رسمة تانيه ولو عندك رسمه على الكومبيوتر هتتجنني عليها ممكن تكون وش كهرباء والوشوش اللي عملتها من أشهر الشخصيات الكرتونية ويني بوه وتوم آند جيري وهيللو كيتتي وميكي ماوس وليون كينج ودورا وسبونج بوب وتويتي وغيرها
بس يا حبيباتي أنا وانا بصور حاسة الصورة مش مبينة جمال الحاجة على حقيقتها
وسعر اي واحدة فيهم 15 جنيه
وشوش كهرباء رومانسية
وشوش للمطبخ
وش للرسبشن بس هعمل أشكال تانيه الموضوع متجدد
ساعات الحائط للأطفال دورا وسبونج بوب وغيرها
مقاسها أي واحده فيهم 54*26
مستطيل
ساعة دورا
بس أنا حاطة معاها وش الكهرباء عشان لوعايزة تطقمي وممكن أهمل كمان باسكت عليه دورا كل شئ ممكن يتعمل
ساعة سبونج بوب ومعاه وش الكهرباء للي عايزة تطقم
ساعة بنوته وولد
الساعات دي من النوع اللي ملوش صوت يعني مش هتسمعي تك تك المستفزة دي
سعرها 65 بس انتو عارفين الساعة دي بره بكام 95 وأزيد بس أنا عارضها هنا بالسعر ده عشان فتوكاتي الحلوين
على فكرة الساعة عبارة عن خشب ابلكاش سميك مش زي اللي بيتباع بره خالص
وممكن اللي عايزاني أعملها طقم ساعة ووش كهرباء وباسكت من نشخصية كرتونية معينة اوك على العموم في ساعة لسه بعملها بشخصية ويني بووه ابقو تابعوني كل تحت ايدي بفضل الله
باسكت سبونج بوب
ومن الناحية التانية شخصية بسيط
سعره 55
وفي حاجة مفاجئة وهي صندوق تلمي فيه كل كراكيب أطفالك من لعب ودباديب وشكله زي ماهتشوفو أنا عاملاها شغل بارز مجسم من أربع جهات
وعاملة ناحية شخصية موزو وناحية أنا حقيبة أنا حقيبة
معلش الصورة مزغللة شوية مش مبينة جمالها الحقيقي
سعرها 195
ودي آخر واحدة عندي
حافظة مناديل معقمة لكي ولطفلك عبارة عن سوستتين واحدة لدخول المناديل وواحدة لخروج المناديل لضمان النظافة ممكن تحطيها في شنطة خروجك , في المصيف عشان الرمل ميدخلش فيها في غرفة نوم الطفل عشان ميتنوش يشد في المناديل ويلعب فيها,في شنطة البيبي عشان بتحتاجي باستمرار مناديل نظيفة لطفلك الخ
ودي وهيه سوستتها مفتوحة
شكل تاني
مواصفاتها بطانة سفنج وقماش بطانه وسوستتين واحدة كبيرة لدخول المناديل وواحدة أصغر لخروج المناديل قماشة قطن عالية الجوده
السعر 25 جنيه
ودلوقتي هعرضلكو لوحة آخر قطعة لغرفة أطفال
مساحتها 95* 70
لوحة مودرن طباعة
معلش الصورة مزغللة شوية بس على الحقيقة تحفة ممكن تطقميها مع وش الكهرباء ليون كينج لو عايزة
السعر 150 وطبعا حاجة بالمساحة دي والشكل ده عارفين طبعا سعرها بره بيبقى كام
واللي عايزة أعملها لوحة بدون ساعة زي سبونج بوب أو دورا أو أي شخصية تحبيها أو أي فكرة عايزة تنفذيها بس مش عارفة ازاي قوليلي وانا أقولك تتعمل ازاي كبير صغير وسط بالمقاس اللي انتي عايزاه
وممكن أعمل باسكت لتجميع الألعاب بالطباعة مش زي الي عملته مجسم زي باسكت دورا
تابعوني لدي مفاجآآآآآآآآآآآآآآآآت
أما عن التواصل اما المقابلة في المهندسين أو حسب الاتفاق أو عن طريق الميدل ايست
يتبع