أو

الدخول بواسطة حسابك بمواقع التواصل



عدلات

> مطبخ عدلات

> اكلات عدلات

> استشارات ونصائح مطبخية

طريقة عمل الكيكه الاسفنجيه

إضافة رد  أضف للمفضلة
https://adlat.net/showthread.php?t=18239
7368 6
#1

وصفة طريقة عمل الكيكه الاسفنجيه

بسم الله الرحمن الرحيم




السلام عليكم ورحمة الله وبركاته
طريقة عمل الكيكه الاسفنجيه
يلا بينا
اولا بعض النصائح لنجاح الكيكه
1 - بدايه الكيكه الاسفنجيه لا يدخل فى مقاديرها لا زيت ولا زبد ولا لبن ولا عصير
انا استغربت لما لقيت البعض بيضيف لبن او عصير
الكيكه الاسفنجيه مختلفه عن الكيك العادى




2-جميع المقادير المستخدمه بيض او طحين لازم لازم تكون بدرجه حراره الغرفه
يعنى انا دائما بحفظ الدقيق فى التلاجه ولكن قبل ما اعمل الكيكه الاسفنجيه بنص ساعه بخرج البيض والدقيق واوعى تنسى المعلومه دى لانها مهمه جدا حتلاقى قطرات ماء تجمعت على البيض بعد النص ساعه كده تقدرى تستخدمى البيض



3-لو عاوزه الكيك بنكهه البرتقال ضيفى برش برتقاله على البيض بدل الفانيليا وليس عصير البرتقال ولو عاوزه بطعم الفراوله ضيفى روح الفراوله ولكن روح الفواكهه تضاف بعد اضافه الطحين لكن برش البرتقال بيكون مع البيض كبديل للفانيليا



4-الدقيق والنشا والبيكنج باودر اللى حكتبلكم مقاديرهم تحطوهم مع بعض وضرورى جدا جدا تنخلوا الخليط مرتين يعنى حطى البيكنج باودر والنشا على الدقيق وانخليهم سوا ومهم اوى مرتين



5-مهم اوى ان المقادير تكفى صينيه لان لو الخليط اكبر من نص الصينيه يبقى الكيكه حترتفع وتهبط من النص وحتبقى معجنه



6- مهم اوى الفرن يتسخن اثناء تحضيرك للكيك ودرجه الحراره لازم تكون متوسطه لانها لو عاليه او منخفضه حتبقى مشكله والكيكه تبوظ اهم حاجه اظبطى الفرن على درجه 180 واغلقى الفرن لحد ما تنتهى من عمل الخليط
اخواتى معلش انا طولت عليكم بس لازم لازم احكى معاكم بالظبط كل فتفوته لعمل الكيك
واخيرا اللى بيخلى الكيكه مكتومه حاجتين مالهومش تالت الاولى انك مضربتيش البيض المده المحدده ليه وهى ربع ساعه يكون المضرب شغال بدون انقطاع على اعلى سرعه والثانيه انك مضفتيش الدقيق معلقه معلقه ممكن تكونى ضفتيه مره واحده او كميه كبيره كل مره وده بيخلى الكيكه طالعه زى الخبز مكتومه
ثانيا المقادير
الان المقادير المظبوطه
طبعا احنا خرجنا البيض والطحين قبل العمل بنص ساعه واول ما نبدا نشتغل نسخن الفرن ونجيب الصينيه ندهنها سمنه وبعدين نحط فيها دقيق اكيد انتوا فاهمين العمليه دى
المقادير دى انا معرفش حتناسبك ولا لا بس عموما وانتى بتصبى الخليط فى الصينيه بتاعتك وطبعا انا معرفش مقاسها يبقى عموما اى خليط لازم يوصل لمنتصف الصينيه لو لقيتى لسه عندك خليط ممكن تحطيه فى صينيه تانيه اهم حاجه للكيك سواء عادى او اسفنجى ان الخليط ميزدش عن نصف الصينيه لانه حيرتفع
المقادير
الكوب المستخدم للدقيق لازم يكون هو هو اللى حتقيسى بيه السكر والنشا
6 بيضات بدرجه حراره الغرفه
كوب الاربع دقيق
كوب الا ربع سكر ناعم مهم يكون حبيباته ناعمه
ربع كوب نشا
ملعقه كبيره بس ممسوحه بيكنج باودر
ملعقه كبيره ممسوحه فانيليا
ربع كوب كاكاو غير محلى
لو عوزاها بيضاء مش بالكاكاو يبقى بدل كوب الا ربع دقيق يبقى كوب واحد فقط وبرده نفس المقادير

سخنى الفرن وبعدين حطى البيض وعليه الفانيليا او بشر البرتقال وعلى اعلى سرعه اضربى البيض والفانيليا لمده دقيقتين وبعدين متفصليش الكهربا عن المضرب وهو شغال بعد الدقيقتين ضيفى السكر مره واحده واحسبى حوالى ربع ساعه على اعلى سرعه فى البدايه حتلاقى المزيج عباره عن رغاوى لكن بعد كده حتلاقى المزيج بقى كريمه وحجمها بقى تلت اضعاف حجم البيض فى الاول لازم يبقى الحجم تضاعف لاننا عاوزين الهوا اللى جعل البيض ينتفخ اول ما تلاقى الخليط تضاعف بعد الربع ساعه شيلى المضرب خالص ومتستخدميهوش تانى فى ناس بتحط الدقيق وتشغل على اقل سرعه وده خطأ كبير جدا جدا الطريقه دى حتخلى الهوا اللى نفخ البيض يخرج تانى ومش حتبقى هشه ابدا
باستخدام معلقه خشبيه ضيفى ملعقه دقيق واحده وقلبى ببطء جدا جدا جدا جدا جدا فى اتجاه واحد اوعى تغيرى الاتجاه او تقلبيها من تحت لفوق وافضلى ضيفى ملعقه دقيق وقلبى مرتين وضيفى الملعقه الاخرى وبرده قلبى تقلبتين بشويش وببطء شديد لازم يفضل الخليط مرتفع لحد ما تخلص ممكن هنا تضيفى روح الفاكهه لو عوزاها بالفراوله او الاناناس بعد ما تخلصى صبى الخليط بشويش وايضا بمنتى البطء فى الصينيه ودخليها الفرن
واياك اياك اياك اياك تفتحى عليها قبل 40 دقيقه بعد اربعين دقيقه اختبريها بعود خشبى لو نضجت طفى النار و اوعى تخرجيها من الفرن خليها جواه لانها لو خرجت وهى سخنه حتتعرض لهواء بارد حتبوظ سبيها فى الفرن بعد ما تقفلي الحراره نص ساعه تقريبا وبعدين خرجيها ان شاء الله لو اتبعتى كل معلومه وطريقه انا كتباها حتلاقى احلى كيكه اسفنجيه عملتيها وكل ما تنجح معاكى افتكرينى
وتانى يوم اعمليها بالكريمه وزينيها ولو مستعجله وعوزاها فى نفس اليوم حطيها فى التلاجه 3 ساعات مثلا بس اوعى تحطيها فى التلاجه بعد ما تطلع من الفرن مباشره وبالهنا ع قلبكم يارب اكون افادتكم
وشكرا يا قمرات


إظهار التوقيع
توقيع : حبيبة نوناا
#2

افتراضي رد: طريقة عمل الكيكه الاسفنجيه

تسلمى على معلوماتك
تم نقل الموضوع اى خبرات ونصائح مطبخية
لانه الانسب
للموضوع
إظهار التوقيع
توقيع : أميرة القصر
#3

افتراضي رد: طريقة عمل الكيكه الاسفنجيه

شكرااا لكى على هذه النصائح الجميلة بااارك الله فيكى
#4

افتراضي رد: طريقة عمل الكيكه الاسفنجيه

رد: طريقة عمل الكيكه الاسفنجيه
إظهار التوقيع
توقيع : همس الوجود
#5

افتراضي رد: طريقة عمل الكيكه الاسفنجيه

بارك الله فيك
#6

افتراضي رد: طريقة عمل الكيكه الاسفنجيه

رد: طريقة عمل الكيكه الاسفنجيه
إظهار التوقيع
توقيع : نجمة منورة
#7

افتراضي رد: طريقة عمل الكيكه الاسفنجيه

رد: طريقة عمل الكيكه الاسفنجيه
إظهار التوقيع
توقيع : ريموووو


قد تكوني مهتمة بالمواضيع التالية ايضاً
الموضوع كاتب الموضوع المنتدى
الكيكه الاسفنجيه بالكاكاو على طريقتى الكيكه الاسفنجيه من مطبخى طريقه عمل الكيكه ريموووو من مطبخي
[من مطبخي] طريقة عمل الكيكه الاسفنجيه مع الصوص اللامع " تورتة الفلانتين " في مطبخ ميني‎ A__M__S الحلويات الشرقية والغربية
اسهل واجمل طريقه لتزين الكيكه الاسفنجيه ,,,,,,,,,,تورته راااااااااااااااااااائعه منه وندي الحلويات الشرقية والغربية
من مطبخى وبطريقتى طريقه عمل الكيكه الاسفنجيه اللذيذه ,وجربى بنفسك fatma7072 من مطبخي
[فيديو] بالفيديو طريقة عمل الكيك الاسفنجى الكيكه الاسفنجيه norhan2000 اكلات فيديو Youtube


الساعة الآن 01:16 AM

الاتصال بنا - عدلات - الأرشيف - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل