أو

الدخول بواسطة حسابك بمواقع التواصل



عدلات

> منتديات اسلامية

> المنتدي الاسلامي العام

علاج الزهق

إضافة رد  أضف للمفضلة
https://adlat.net/showthread.php?t=20272
10486 8
#1

129835 علاج الزهق

بسم الله الرحمن الرحيم

اخوتى فى الله
اكيد كلنا بنصاب بالزهق والخنقة
لاى سبب ما
بنكون وقتها مخنوقين جدا
مش طايق كلمة من حد
مش عاوز تتكلم
بتلتزم عادة الصمت
ومكتوب على وشك كلمة مخنوووووووق

وعادة بيكون حلك وتصرفك كالاتى :

بتروح تفتح اى اغنية حزينة وتقعد جنبها
تفرك بالعربية على 120
او بتمشى بلا هدف تفكر فى الشارع
او انك تقفل بابا الغرفة الخاصة تبعك وتبكى او تسكت وتعمل اعتصام عن الاكل والشرب

وغيرها كتير من الافاعيل التى لا تجد ولكنها تزيد الهم هم اكتر


ااقول ليك على حاجة؟؟؟؟ :

طبعا انت تعرف ربنا
وعارف ان بيده الامر كله
هو مالك الملك




هو من يملك مشاعرك
هو من اضحك وابكى
هو الله الذى لا ملجأ منه الا اليه
هو الله الودود

ما فكرتش تروح ليه فى يوم لما تكون مخنوق ؟؟؟؟؟؟؟؟؟؟


اسالك ؟؟؟؟؟؟؟
طبعا من المعروف ان الانسان بيروح للحاجة الى هو عارف انها حتريحه
تتفتكر ان الاغنية ممكن تشيل همك ؟؟؟؟؟؟؟
تفتكر ان الشارع ممكن يسمعك ويطبطب عليك ؟؟؟؟؟؟؟
تفتكر كونك تلتزم الصمت وتعتصم ده ممكن يوصلك لنتيجة كويسة ؟؟؟؟؟؟

اكيد لا .........لان امرك فى النهاية انك حتنام وشايل الهم

طب تعرف ...... ربنا سامعك وهو الى خلقك وهو الى عارفك وعارف الى ممكن يريحك

ربنا اعلم بيك من نفسك
ربنا الى ارحم عليك من امك
ربنا الى بيده الامر
ربنا الذى هو على كل شئ قدير
هو مدبر الامور
وهو مجيب الدعاء
رينا الى الدنيا عنده لا تساوى جناح بعوضة
ربنا الى قال (وقل ادعونى استجب لكم )

ليه انت ما فكرتش فى يوم انك تتوضأ وتصلى ركعتين وتدعيه ؟؟؟؟
ليه ما فكرتش انك تكلمه وتحكى ليه ؟؟؟؟

صدقنى اكيد حيساعدك ويعينك
على الاقل حيمحى الهم من صدرك ويداويك
تعرف ليه ؟؟؟؟؟؟؟
لانه مش معقول حد يستنجد بربنا ويؤمن بيه ويؤمن بقدرته ويثق كل الثقة ويتيقن كل اليقين ان محدش حيحل الى هو فيه ده غير ربنا وتكون النتيجة ان ربنا يخزله

استحاااااااااااالة تروح ليه ويخزلك
استحاااااااالة

ااقولك ......
اانا مرة كنت مخنوق رحت اسمع اغانى حزينة واكتأبت
فكرت بينى وبين نفسى (طب انا ليه ما اروح للى خالق الكون ؟؟؟؟؟؟؟؟)
اتوضيت وصليت مع انى طبعا كنت مخنوق ومش طايق اعمل حاجة بس قلت اضغط على نفسى
وبعدها قعدت وكلمت ربنا وانا عارف انه سامعنى
تعرف وقتها انا حسيت بايه؟؟؟؟؟
حسيت ان ربنا سامعنى وعالم بحالى
ووقتها اطمنت وقلت ربنا مش حيضيعنى
لا استحالة اروح ليه وهو يخذلنى
لانه اكرم الاكرمين
ولانه فى صفات كتير لا يسعنى ذكرها


نهاية كلامى وموضوعى ........ياريت لو نبطل نروح للاغانى او الشارع او نمشى بلا هدف او نعتصم ونتخنق

ياريت لو نرجع الى من بيده الملك نرجع للودود الرحيم
نرجع للى خلقك وانت اصلا ماكنتش حاجة
نرجع لربنا الى مالكش غيره والى محدش حيزيل همك غيره

واحب اختم كلامى بحمد الله عز وجل الذى فرج همى وشرح صدرى
وصلى الله على خاتم الانبياء والمرسلين سيدنا محمد النبى المصطفى الامين

والسلام عليكم ورحمة الله وبركاته
منقول


#2

افتراضي رد: علاج الزهق

كلام وعلاج جميييل والله
جزاكِ الله خيراً
إظهار التوقيع
توقيع : لؤلؤة الايمان
#3

افتراضي رد: علاج الزهق

جزاكي الله كل خير
إظهار التوقيع
توقيع : ام هنا
#4

افتراضي رد: علاج الزهق

تسلم ايديكى موضوع رائع جزاك الله خيرا
#5

افتراضي رد: علاج الزهق

كلامك صح يابنتى ياريت الشباب يعرفوا كده
#6

افتراضي رد: علاج الزهق

بارك الله فيكى ولكى احلى تقييم
إظهار التوقيع
توقيع : زاد ابراهيم
#7

افتراضي رد: علاج الزهق

بارك الله فيكى ويارب يفرجها على كل مهموم
إظهار التوقيع
توقيع : مصريه اكيد
#8

افتراضي رد: علاج الزهق

تسلمى على كلامك الجميل
إظهار التوقيع
توقيع : أميرة القصر
#9

افتراضي رد: علاج الزهق

تم التقيم
إظهار التوقيع
توقيع : أميرة القصر


قد تكوني مهتمة بالمواضيع التالية ايضاً
الموضوع كاتب الموضوع المنتدى
هاموت من الزهق عضوية خاصة فضفضة وحل المشاكل
هموووووووووت من الزهق حياه الروح 5 فضفضة وحل المشاكل
علاج الزهق عند البنات في البيت وسائل للتخلص من الزهق في المنزل للبنات ŞäĐęėm فرفشة عدلات


الساعة الآن 01:27 PM

الاتصال بنا - عدلات - الأرشيف - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل