مشكله مع بابا رودو والنبي

ربنا يفك كربك
ويرزق زوجك من حيث لا يحتسب
بصى يا حبيبتى
انتى استلفتى مبلغ
يبقه لازم ترديه كما هو
مش تحليليه على مزاجك وتقولى حق ضرب او حق حاجه
انا اسفه طبعا
وانا حاسه بيكى وحاسه بالضيقه اللى انتى وزوجك بتمروا بيها
بس الحق لازم يرجع لصحابه
وبالنسبه للحقك عند والدك انتى اخدتيه لما اتجوزتى
اقصد جهازك يعنى
وعلى فكره اى اب من حقه يضرب عياله
بس مش من حقك انتى انك تزعلى وتفضلى شايلاهاله كده
وقل ربى أرحمهما كما ربيانى صغيرا


الدين لازم ترجعيه كله يا حبيبة قلبى علشان ربنا باركلك فى حياتك وعيالك

تقبلى مرورى

طيب ام بشار مثل ماحكيت معاكِ ع الملف

لو شراكة يبقى مش مفروض ترد غير النصف

لان العقد شريعة المتعاقدين ... ده بالنسبة للمفروض

الوضع هنا حساس شويتين وهو انه والدها

وهي بتقول ردت تقريبا النصف ....

بس عاد الاب يطالبها بالباقي واعتبره دين في رقبتها لأختها

هنا منقدرش نقول حاجة ونلوم الاب لأنه أب ولايصح

الوقوف في وجهه .... هنا بقول لها

تقدري تتفاهمي مع اختك على انفراد وبهدوء

وممكن هي تراعي ظروفك ووالله لو هي سامحت

يبقى خير وبركة ... لو ماسامحت يبقى ع الآقل

تقسط المبلغ عليكي واعتقد فى الحالة دي هيكون

حوالي 5 آلاف بس ... تجتهدي وتحاولي لو مش بتشتغلي

تشتغلي ولو حتى عن طريق أختك بحيث تبقا عارفة احوالك

وكذلك والدتك .... وان شاءالله ربنا يشرح قلوبهم ليكي

ويقدروا ظروفك ويمكن كمان ربنا يفتحها عليكم كلكم

وتنفرج الأزمة من عند ربنا مادامت قلوبكم متجمعه ع الخير

ونيتكم كلها حلوة ومفيهاش رواسب قديمة ولا احساس

بالإنتقام لاسمح الله (لما تقولي مش هدي حاجة لأختى)

ده بداية خلق احساس وحش جدا بينكم وبين بعض

فلما تحسسيها ان نيتك حلوة وصافية الأمور هتكون ابسط

أما والدك ... ويمكن دي أهم نقطة عايزة اقولك عليها بجد

الله يكرمك ويسعدك ... ماتتعاملي معاه برواسب في نفسك

يعني لو حكاية (الضرب) ده كان زمااان .. قبل ماتخرجي

من بيته ..فخلاص متفكريش بالأسلوب ده ولا تفكريه

ولا تجيبي سيرته اساسا معاه ... وحاولي تستطعفي قلبه

بالمعاملة الحسنة أوي والطيبة حتى لو جواكي تعبان

وصدقيني المعاملة هتفرق كتير خصوصا لما يعرف

ان نيتك تردي الدين بالرغم انه مش إلزام عليكي

وهو ممكن يكون عارف كده بس فى نفس الوقت

مش عايز يظلم أختك ويعطيها نصيب برضووو

المهم مهما كانت احواله متيسرة فواجب عليكي

الطاعة وعدم محاسبته (أنت ومالك لأبيك) متنسيش دي

فما بالك بقااا لما يبقا المال ملكه من الأصل !!


حاولي تغيري نبرتك معاهم كلهم وانك عايزة تردي الدين

ومفيش في قلبك اي ضغينة ولا كره ولا احساس قاسي

وصفي قلبك وهتشوفي الفرق عندهم كلهم

ويمكن عند والدك كمااان بس اهم شيء الصبر

الصبر والدعاااااء


أرجو مكونش طولت في الرد

واتمنى من الله ان يشرح صدوركم للخير

وتقبلي كل محبتي وتحياتي