واحدة بصت فى المراية و قالت لجوزها يالهوى انا بقيت وحشة اوووى ايه القرف ده ما تقول حاجة حلوة فى حقى
قالها ما شاء الله نظرك 6/6
-------------------
واحد عنده ولدين و شاكك ان واحد فيهم مش ابنه
راح لحكيم و حكاله الحكاية و طلب منه طريقة يعرف بها الحقيقة
الرجل قاله : انت تروح على شط البحر
وترسم دايرة كبيرة عالرمل و تنام انت و الولدين فيها
الصبح اما تصحى الولد اللى هيبقى برا الدايرة يبقى ابن حرام
و اللى جوا الدايرة ابنك
صاحبنا مكدبش خبر راح عالشط و رسم الداسرة و نام هو و العيال
صحى الصبح لقى نفسه بره الدايرة هو و العيال
صحاهم و قالهم يلا يلا شكلها خربانة من ايام جدكم
---------------------
واحد جاب لمراته خدامة
الست كل لما تنادى على الخدامة
الخدامة تيجى جرى و تركع تحت رجلها
الست استغربت اوى و سالت جوزها
هى ليه بتعمل كدة
جوزها قالها : يا حبيبتى دى من الهند
و دول بيعبدوا البقر
------------------------
مجنون و مجنونة كانو ماشيين جمب بسين فى مستشفى المجانين ... فالمجنون رمى نفسه فى المياه والمجنونة انقذته جاه الدكتور تانى يوم للمجنونة وقال لها عندى ليكى خبر حلو والتانى وحش الاول انتى خفيتى وهتخرجى من المستشفى ، والتانى صاحبك المجنون شنق نفسه قالت له لأ لأ لأ ..ده انا كنت معلقاه عشان ينشف
-----------------
مرة اتنين محشيشين راحوا القطب الشمالى
فيسالوا واحد انتوا عندكم ستات بيضا قالوا اه كتييير
سألوه طيب عندكم ستات سودا قالهم اه بس مش كتيير
قالوا طيب عندكم ستات نص ابيض و نص اسود قالهم لا صعبة دى
فقام المحشش باصص لصاحبه و قاله مش قولتلك اللى صاحبناه ده بطريق
-------------
بخيل فاتح سوبر ماركت دخل عليه ابنه وقعد يبص على الشامبو
ابوه فهم انه نفسه فيه
راح واخد ابنه و حلقله زيروووووو
روح الولد البيت اشتكى لمامته
قالتله كويث انك مثوفتث معجون الثنان زيى
----------------
شاب بسال بنت اسمك ايه ؟
قالت له اسمى نهلة
قالها طب هاتى شوية عسل
قالت انت هتستظرف بقولك نهلة
قالها اههههههه نهلة
طب هاتى شوية بلح
------------------------
ذكاء محشش و غباء نصاب
محشش فتح عيادة كتب اعلان
المريض يتعالج و يدفع 100 جنيه و اذا لم يتعافى ندفعله 200
جه واحد ينصب عليه راح دفع 100 و قال لمحشش انا مبحسش بطعم الاكل
المحشش قال للمرضة هاتى العلبة رقم 22
جابتهاله راح مديله معلقة منها
النصاب تفها و قاله ايه ده ده فلفل
المحشش قاله : مبروك انت عندك حاسة التذوق 100%
اتقهر النصاب و مشى
و رجع مرة تانية و قاله انا فاقد الذاكرة
المحشش قال للمرضة هاتى العلبة رقم 22
النصاب قاله : بس دى علبة الفلفل
المحشش قاله الف مبروك الذاكرة رجعتللك
-----------------
مدمن فيس بوك راح يخطب
ابو البنت انت بتعمل ايه فى حياتك يا ابنى ؟
قاله : و الله يا عمى انا من البروفيل للبيج و من البيج للبروفايل
لا بروح يوتيوب ولا ماسنجر ماليش اصحاب هاكرز و لا بروفيلات مزورة
نقرأ الفاتحة يا عمو ؟ و لا عند حضرتك اى كومنت
ابو البنت قاله : لايك و شير يا ابنى
------------------------
مدرس عربى بيسأل الطلاب
دخلت يارا مع احمد
و خرجت يارا مع تامر ....؟
ما هو اعراب يارا .....؟
الطلاب بصوت واحد
صااااايعة
---------------
واحدة بتقول لجوزها شفت الاستاذ محسن جارنا من كتر حبه لمراته اما ماتت بنلها جامع على روحها مش بخيل زيك كل يوم سهران برا مع اصحابك و مبتعبرنيش بحاجة
قالها و الله يا حبيبتى انا شارى الارض و التاخير من عندك
--------------
واحد سأل مراته : لو مت هتتجوزى بعدى ؟ قالت : اكيد
قال: و هينام فى اوضتى .. قالت : اكيد
قال : و هتخليه يلبس هدومى .. قالت : لآ
هو اطول منك شوية
-----------------------
استاذ فى الجامعة بيصحح الورق لقى ورقة مكتوب عليها لو راجل ما تفتحش الورقة
المهم ساب الورقة و ما فتحهاش ساعتين و الفضول جننه ففتحها
لقى مكتوب فيها
برده فتحتها يا ابن الكلب
--------------------
صعيدي بالغلط دخل متحف للفن الحديث توقف عند احد اللوحات وسأل أحد المنظمين جنبه ايه الشكل المرعب ده، هو ده الفن اللي
بتسموه حديث؟رد المنظم : دى مراية يا أستاذ
---------------------
واحدة ست بتقول لجوزها حبيبى معلش انا نسيت الشنطة فى البيت انا عايزة 2000 جنيه ضرورى
قالها : خدى يا حبيبتى عشرين جنيه روحى هاتى الشنطة من البيت و تعالى
--------------
مرة اتنين مساطيل واحد بيقول للتاني انا امبارح وانا ماشي في الغابه طلعلي اسد وكان في ايدي كوبايه مياة رميت الاسد بيها الاسد جري التاني رد عليه وقاله علشان كدة لما طلعلي اسد من شويه ضربته بالقلم ايدي اتبلت مياه
---------------
مرة 3 أطفال راحوا محل لعب واحد بيقول للراجل: عمو عمو عايز بلونة. الراجل جاب السلم وطلع جاب له بلونة ونزل فسأل التاني: وانت عايز ايه؟ .قال له بلونة .. قال له ماقلتش ليه وانا فوق!! المهم طلع جابهاله وهو فوق سأل الولد التالت: وانت كمان عايز بلونة؟؟؟ قال له لأ… فنزل الراجل وقال له : امال عايز ايه؟. قاله عايز بلونتين
----------------
اتنين بلديتنا دخلوا الجيش الاول الضابط بيسأله اسمك ايه قاله محمدين .. سأله الضابط ايه اللي فى ايدك دي .. قاله “بندجية” رد الظابط وقال لا دى مراتك وشرفك وبلدك ، سابه وراح للى جانبه وقاله اسمك ايه رد وقال حسنين قاله ايه اللى فى ايدك دي .. قاله مرات محمدين
-----------------
مدرس مصرى سأل مدرس اجنبى انت مرتبك كم ؟
قاله 1000 دولار بدل معيشة و زيهم بدل سفر و زيهم بدل تغذية
قاله و انت مرتبك كم ؟ قاله 200 جنيه و سكت
الاجنبى قاله بدل ايه دول ؟
رد عليه المصرى و قاله بدل ما اشحت
--------------
مصرى و لبنانى تاهت زوجاتهم فى الزحمة المصرى بيسأل اللبنانى مراتك لابسة ايه ؟قاله بادى استومك و هوت شورت سال اللبنانى و انت مراتك شو لابسة ؟قاله ملعون ابوها فى ستين داهية تعالى ندور على مراتك
---------------
رجل عجوز قاعد فى البيت الباب خبط قال مين ؟ قاله حفيدك قاله و هتفيدنى بايه ؟
--------------
محشش راح يتقدم لواحدة مابتحبهوش قالتله : اسفة جواية شخص تانى قالها : بلاش فلسفة و قولى انك حامل و خلاص
--------------
مسطول بيقول لصاحبه .. يا اخى الواحد طول النهار فكره مشغول معندكش حل للحكاية دى ؟قاله عادى .. انا لما فكرى بيكون مشغول بقفل و اطلب تانى
--------------
وحدة بتسأل جوزها : لو مت هتعمل ايه ؟
قال : ده انا اتجنن .. قالت له يعنى مش هتتجوز ؟
قالها المجنون ممكن يعمل اى حاجة
--------------
واحد حماته جت عنده البيت فبيقولها هاتنورينا لحد امتى يا حماتى يا ام الغالية ؟قالتله لحد ما تزهقوا منى قالها : طيب عالاقل اشربى حاجة
----------------
ولد بيسأل ابوه بابا .. يعنى ايه راجل ؟
قاله يا حبيبى .. راجل يعنى حمش .. يعنى يقول الكلمة مرة واحدة فتتنفذ
رد الواد : يا سلام يا بابا .. ياما نفسى اكبر و ابقى رجل زى ماما
----------------
زوجة ماشية فى عزاء جوزها و عمالة تصوت و تقول يا حبيبى يا جوزى و اتنين رجالة ماشيين شايفنها واحد بيقول للتانى يا سلام شايف الست دى بتحب جوزها قد ايه قاله يا راجل انت بتصدق الحاجات دى طب استنى هاوريك وراح ورا الست و قال يا جميل يا عسل اخ لو تقولى ساكن فين اتجوزك بعد الاربعين على طول الست ردت : يا حبيبى يا جوزى يالى مسكنى فى مساكن شيراتون عمارة 47 تانى شقة على اليمين
----------------
محشش قاعد ساكت و سرحان صاحبه سأله بتفكر فى ايه ؟
قاله حاجة غريبة جدا
ازاى انا عندى اخ واحد و اختى عندها اتنين
----------------
محشش اشترى لامه عصفورتين واحد بيغنى و التانى ساكت سالته امه .. التانى ساكت ليه قالها : ده الملحن