أو

الدخول بواسطة حسابك بمواقع التواصل



عدلات

> الاقسام الأسرية

> فضفضة وحل المشاكل

انا اتخنقت خلاص ومش قادرة استحمل

إضافة رد  أضف للمفضلة
https://adlat.net/showthread.php?t=214473
5882 16
#1

افتراضي انا اتخنقت خلاص ومش قادرة استحمل

صباح الخير يا بنات

دة اول موضوع اكتبه فى المنتدى وبتمنى انكم تساعدونى علشان انا بجد اتخنقت

انا متجوزة وربنا رزقنى بولد وبنت وعايشة حياتى مبسوطة اوووى مع جوزى واهله

لحد ما اخو جوزى اتجوز وحياتى بقت جحيم ... دة طبعا بسبب مراته , هى مش بتعمل اى حاجة فى البيت غير انها توقع بينى وبين حماتى مع ان حماتى حلوة جدا معايا وانا بعتبرها زى امى واكتر كمان

هى بقى كل ما تنزل وتقعد مع حماتى تفضل تقول لحماتى انى بتكلم على حماتى فى غيابها كلام مش كويس وبتقول انى بكره اخوات جوزى وبدعى عليهم

وطبعا دة عمل لى مشاكل كتيييير بس الحمد لله جوزى دايما واقف جمبى وعارف انى عمرى ما اقول كدة على اهله وبيدافع عنى وطبعا اهله بيصدقوه وتعدى المشكلة على خير

لكن اللى مش قادرة استحمله بقى انها توقع بينى وبين جوزى






امبارح قبل الفطار بشوية كلنا كنا واقفين بنحضر الفطار واولادى وولاد اخوات جوزى بيلعبوا مع بعض وصوتهم عالى

راحت ضربت ابنى وعضته فى ايديه انا لما سمعت ابنى بيصرخ سبت كل حاجة وجريت عليه لقيته يا قلبى اسنانها معلمه فى ايده

زعقت لها وكنت قربت اضربها لولا حمايا اتدخل وزعقلها ولا عرفت افطر لا انا ولا ولادى وجوزى ما كانش موجود

بعد الفطار على طول ماما كلمتنى وقالتلى اخوكى جه من السفر وتعالى سلمى عليه

اخدت ولادى ونزلت استاذنت حماتى وحمايا علشان اروح بيت بابا وحمايا باس على راس وقالى حقك عليا ماتزعليش من اللى حصل وانا قولتله خلاص

وبمجرد انى رحت عند بابا لقيت جوزى بيتصل بيا ويقولى هو فى ست محترمة تزعل و تسيب بيت جوزها وتروح تقعد عند باباها من غير جوزها ما يعرف

وقالى انها اتصلت بيه وقالتله انى اتخانقت معاها من غير سبب و سبت الفطار ورحت بيت ابويا وبعدين قالى طالما انتى شايفة ان جوزك مش بيعرف يجيبلك حقك يبقى خليكى بقى عند ابوكى


وهو المفروض انه مسافر ويرجع النهاردة وانا مش عارفة اعمل ايه

ارجع بيتى
ولا افضل فى بيت اهلى
بس انا والله ما كنتش رايحة بيت اهلى وسايبة بيت جوزى وزعلانة

بالله عليكم يا بنات قولولى اعمل ايه


إظهار التوقيع
توقيع : ام اياد و رودينا
#2

افتراضي رد: انا اتخنقت خلاص ومش قادرة استحمل

لا حول ولا قوة الا بالله
بصى يا عسل تلاقيكى انتى احسن منها فعشان كده مسكاها الغيره
تانى حاجة بخصوص ابنك ده فالله لا يسامحها ليه تيجى على عيل صغنون حرااااااام عليها والله
انتى ابقى ابعديه عنها عشان لا تلمسو
ومعلش يا عسل
إظهار التوقيع
توقيع : دلوعة مسموعة
#3

افتراضي رد: انا اتخنقت خلاص ومش قادرة استحمل

اهلا حبيبتى وكلسنه وانتى طيبه
شوفى يا قمر طبعا ارجعى بيتك قبل ما جوزك يوصل بالسلامهوظبتى حالك واعملى حاجه حلوه وتفهميه بالراحه انك مش روحتى ل بابا زعلانه لا قدر الله ولكن اخوكى وصل بالسلامه

وهو حيفهمالحكايه
ونصحيه طالما ججججججججججججوزك معاكى شيليه على راسك ومش تسمحى لى حد انه يوقع بينكم ابدا
اما سلفتك دى ابعدى عنها خالص عشان المشاكل اللى بتعملها والحمد لله ان اهل جوزك فاهمينك قربى منهم اتر عشان مش تسمحيلها انها توقع تانى
وكل واحد منه لله
واحنا فى ايام مباركه
وربنا يهدى الحال
إظهار التوقيع
توقيع : هبه شلبي
#4

افتراضي رد: انا اتخنقت خلاص ومش قادرة استحمل

انا بصراحة باستغرب انو في ناس طبعهم شرير كدة
اولا ميحقلهاش تضرب ابنك او تعضو وثانيا حماك وحماتك
والكل كان شاهد فلما ييجي جوزك حيعرف الحقيقة .ودي جوزها مبيقدرش
يشكمها لازم حد في العيلة يكلمو عيب كدة وكمان تعملها وتتصل بجوزك على اساس ايه
تتصل بيه .
انت ارجعي لبيتك واستقبلي جوزك وفهميه بالراحة ومتسيبيلهاش فرصة انها تدخل بينكم.
إظهار التوقيع
توقيع : ام الاء وبيان2
#5

افتراضي رد: انا اتخنقت خلاص ومش قادرة استحمل

لا حول ولا قوة الا بالله
بصى حببتى اول حاجة لازم تعمليها تبعدى عن سلفتك دية خالص وتجتنبها ولو لقتيها قاعدة فى مكان روحى انتى مكان تانى
ومتحوليش كل شوية تشتكى منها لان كتر الشكوى هيفكروكى حطها فى دماغك
وطالما حماتك وحماكى كويسين حببتى خلى بالك منهم وفهميهم دايما انك بتحبيهم باى طريقة
واجتنبى سلفتك لانهم لو لقوكى مش بتقعدى معاها مش هيصدقوا كلامها
وحاولى متشكيش لجوزك كل شوية منها علشان هو واخوة مش يخسروا بعض
اما بالنسبة لجوزك انتى كنتى المفروض تروحى من امبارح ايه اللى خلاكى تباتى حببتى الواحدة طالما اتجوزت ملهاش غير بيت جوزها
وانتى بتقولى ان جوزك واقف دايما جنبك لية تزعليه حببتى فى ايام مفترجة زى دية
روحى بيتك حببتى ومتشمتيش فيكى حد وقوليلوا الحقيقة ومش انتى بتقولى انك استأذنتى من حماكى خلاص قوليلة اسأل باباك
وروحى حببتى ومتشمتيش فيكى حد اما بالنسبة لجوزك قوليلة اذا اتصلت بيكى متردش عليها تانى تعمل العملة وتجرى كمان تشتكى ناس غريبة
ويا رب يسعدك حببتى
ويبعد عنك الوحش كلة

#6

افتراضي رد: انا اتخنقت خلاص ومش قادرة استحمل

ارجعى لبيتك سوى كانو ماحصل شئ وخليها ربنا يهديها حيجي يوم وتندم
#7

افتراضي رد: انا اتخنقت خلاص ومش قادرة استحمل

لا حول ولا قوة الا بالله
إظهار التوقيع
توقيع : sara paxton
#8

افتراضي رد: انا اتخنقت خلاص ومش قادرة استحمل

حبيبتى ارجعى بيتك وفهميه الموضوع و قوليلو كل اللى حصل دا ولو مصدقكيش قوليلو حتى اسأل حمايا وحماتى وربنا يسعد قلبك ويفرحك
إظهار التوقيع
توقيع : Mariam Wahid
#9

افتراضي رد: انا اتخنقت خلاص ومش قادرة استحمل


المشاركة الأصلية كتبت بواسطة mycat
لا حول ولا قوة الا بالله
بصى حببتى اول حاجة لازم تعمليها تبعدى عن سلفتك دية خالص وتجتنبها ولو لقتيها قاعدة فى مكان روحى انتى مكان تانى
ومتحوليش كل شوية تشتكى منها لان كتر الشكوى هيفكروكى حطها فى دماغك
وطالما حماتك وحماكى كويسين حببتى خلى بالك منهم وفهميهم دايما انك بتحبيهم باى طريقة
واجتنبى سلفتك لانهم لو لقوكى مش بتقعدى معاها مش هيصدقوا كلامها
وحاولى متشكيش لجوزك كل شوية منها علشان هو واخوة مش يخسروا بعض
اما بالنسبة لجوزك انتى كنتى المفروض تروحى من امبارح ايه اللى خلاكى تباتى حببتى الواحدة طالما اتجوزت ملهاش غير بيت جوزها
وانتى بتقولى ان جوزك واقف دايما جنبك لية تزعليه حببتى فى ايام مفترجة زى دية
روحى بيتك حببتى ومتشمتيش فيكى حد وقوليلوا الحقيقة ومش انتى بتقولى انك استأذنتى من حماكى خلاص قوليلة اسأل باباك
وروحى حببتى ومتشمتيش فيكى حد اما بالنسبة لجوزك قوليلة اذا اتصلت بيكى متردش عليها تانى تعمل العملة وتجرى كمان تشتكى ناس غريبة
ويا رب يسعدك حببتى
ويبعد عنك الوحش كلة

انا معاكي في كل كلمة ياقطتي ياعسل
ولازم حبيبتي تعملي وقفه ولو سمعتيها بتوقع بينك وبين حماتك اعملي مواجهه الحل الوحيد المواجهه وخليكي قوية ومتتكلميش معاها تاني خالص ودايما قولي لحماتك علي كل حاجة وقوليليها انا عيشت معاكم سنين محصلش ليه حاجة بينا
اشمعنا دلوقتي تحصل مشاكل اعملي ليها حدود وفواصل سلفتك متتعديهاش وكمان هي ازاي تكلم جوزك اصلا كلمي جوزك وخديه بالراحة وفهميه ومتزعليهوش واجري علي بيتك وطنشي سلفتك دي خالص ولا كأنها موجودة
إظهار التوقيع
توقيع : لولو حبيب روحي
#10

افتراضي رد: انا اتخنقت خلاص ومش قادرة استحمل

ارجعى لبيتك يا حبيبتى ويكفى ان حماكى طيب خاطرك وانك استاذنتى منهم قبل ما تروحى وكلمى جوزك بالراحة وفهميه

وواضح ان مرات اخو جوزك جواها وحش وبتغييييييييييييييير منك
إظهار التوقيع
توقيع : حنين الروح123
#11

افتراضي رد: انا اتخنقت خلاص ومش قادرة استحمل

ارجعى بيتك حبيبتى وربنا يهديها ويبعد عنك شرها

إظهار التوقيع
توقيع : محبه لله
#12

افتراضي رد: انا اتخنقت خلاص ومش قادرة استحمل

بصي يا حبيبتي ..بالنسبه لحماتك وحماكي فهما فاهمين الوضع وكده مفيش عليهم مشكله
سلفتك دي ابعدي عنها خالص
ارجعي بيت جوزك قبل ما يرجع هو.. وطالما انتي مستأذنه حماكي شهديه..وخلي اخوكي يتصل بجوزك ويقوله انتي كنتي جايه عندهم ليه
وفهمي جوزك ميسمعش لسلفتك تاني واظن هو فاهم الاعيبها كويس اوي
وربنا يصلحلك الحال
#13

افتراضي رد: انا اتخنقت خلاص ومش قادرة استحمل

حبيبتي ارجعي بيتك متديش لحد فرصه يوقعك في بعض وربنا يهديلك حالك
#14

افتراضي رد: انا اتخنقت خلاص ومش قادرة استحمل

واللة كلوا فية اللى مكفية
#15

افتراضي رد: انا اتخنقت خلاص ومش قادرة استحمل

اعتبريها هواء اكتر حاجة بتستفزها اعتبريها هواء
إظهار التوقيع
توقيع : Ana Miro
#16

افتراضي رد: انا اتخنقت خلاص ومش قادرة استحمل

ربنا يخليكم ليا يارب وما اتحرمش من نصايحكم دى
إظهار التوقيع
توقيع : ام اياد و رودينا
#17

افتراضي رد: انا اتخنقت خلاص ومش قادرة استحمل

أرجعي بيتك هي نفسها تخرب حياتك متسمحلهاش بي كدا و أما ترجعي بيتك فهمي جوزك الي حصل
وربنا يهديها


قد تكوني مهتمة بالمواضيع التالية ايضاً
الموضوع كاتب الموضوع المنتدى
تعبانة نفسياً جداً ومش قادرة اقاوم عضوية خاصة فضفضة وحل المشاكل
فرحك قرّب ياعروسة ومش عارفه هتجهزى شقتك ازاى تعالى :) حبيبة أبوها نصائح وترتيبات
انا محتاجلكم جداً ومش لاقيه حد غيركم اتكلم معاه غير مسجل فضفضة وحل المشاكل
عاوزة تعملي عضوية في اوريفليم.. ومش قادرة تاخدي قرار.. ادخلي بسرعة Oriflame Zagazig سوق عدلات النسائي العام
زوجك مضايقك.. ومش قادرة تعيشى معاه.. بيهملك .. ادخلى ومارح تندمى كيمة محمد احمد الحياة الزوجية والاسرية


الساعة الآن 09:17 AM

الاتصال بنا - عدلات - الأرشيف - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل