اسماء الفائزات بمسابقة دورة الفوتو فلتر الف مبرووك لمبدعات دورة الفوتو فلتر

اولاً .. وحشتونى كتيير كتيير يا كل مبدعات دورة الفوتو فلتر و وحشتنى تصميماتكم واسئلتكم وتفاعلكم الجميل ربى يسعدكم ويهنيكم ..





ثانياً.. بعتذر وبشدة على تـأخيرى فى اعلان نتيجة المسابقة او الامتحان الخاص بدورة الفوتو فلتر ..سامحونى ..

ثالثاً.. الف الف مبرووك للمتميزات اللى شاركوا بالمسابقة وكان عددهم 5 فقط وكنت بتمنى من الجميع المشاركة لكن لكل واحدةعذرها الذى اتقبلة ..

افكركم بالمسابقة كانت مسابقة قص ولزق دى الصورة الاصلية ..



ودى الصورة بعد تعديلى عليها كمثال توضيحى وتغيير ديكورات محددة بديكورات حقيقية ..



الكل متشوق يعرف مين الشطورات اللى فازوا بالمسابقة ...

الفائزة بالمركز الأول : تلميذتى النجيبة فراولة ..





الف الف مبروك + 250 نقطة تقييم...
وبهنيكى على زوقك الجميل وقصك ولزقك الاكثر من رائعين ..

الفائزة بالمركز الأول مكرر : عروستنا الجميلة مورا موكا الطيبة..





الف الف مبرووك + 250 نقطة تقييم
بهنيكى على زوقك الجميل وقصك ولصقك ممتازين ( فيما عدا جزء صغير جدا عند رجل الكومدينو كان عايز يتمسح بس عديتهالك المرة دى )..

الفائزة بالمركز الثانى : المتميزة دوما أم طاطو ..





الف الف مبرووك + 200 نقطة تقييم
طبعا كنت بتستحقى الفوز بالمركز الاول بجدارة لولا انة كان من شروط المسابقة الالتزام بتغيير ال 10 اشياء المطلوبة فقط انتى زدتى عليهم بتغيير المشاية كمان قمتى بإزالة الخط الابيض اسفل الحائط بجوار السرير ..

الفائزة بالمركز الثالث : المبدعة دائماً عائشة قدوتى..





الف الف مبرووك + 150 نقطة تقييم
جوجو حبيبتى بالنسبة للقص واللصق اكثر من ممتازين وكنتى بتستحقى المركز الاول بجدارة لولا انة من شروط المسابقة تغيير الاشياء بديكورات حقيقية وانتى بعض الديكورات غيرتيها بديكورات انمى زى السرير والدمية معلش حبيبتى خيرها فى غيرها ان شاء الله ..

الفائزة بالمركز الرابع : غاليتى المبدعة ام امير






الف الف مبرووك + 100 نقطة تقييم
وانتى كمان بالنسبة لقصك ولصقك كنتى بتستحقى الفوز عن جدارة بالمركز الاول .. لكن المسابقة كانت قص ولصق بمعنى الشىء اللى بنقصة بنلصق شىء مماثل مكانة.. السرير مكان السرير وهكذا ودة كان موضح باعادة تصميمى للصورة كمثال لكم .. معلش حبيبتى خيرها فى غيرها ان شاء الله ..

بشكر مقدما مديرتنا الجميلة وصديقتى واختى الحبيبة هبة شلبى لأضافتها نقاط التقييم للمبدعات ..

فى النهاية بتمنى ما حدش يزعل منى وانكم ترضوا بحكمى وأن اخطأت فسامحونى فما انا فى النهاية إلا بشر ..
وبتمنى ان اظل ذكرى حلوة بقلوبكم ولا تحرمونى من صالح دعواتكم جزانا واياكم بكل خير .