طريقة عمل سند الحنك ،بالصور طريقة تحضير سد الحنك , ايه سد الحنك ! اه متتغربيش

[IMG]
بعد التحيةوالسلام
نقول مساء الخيرات علي احلي عدولات
دي اكله والدتي اتعلمتها من جدتي الله يمسيهم بالخيرات
ويشفيهم ويعافيهم قولو امين
هما كانو بيعملوها في الشتا عشان بتدفي لما تتاكل دافية
انما لو اكلتيها بالصيف سيبيها تبرد وبرضه بتضل حلوة

ندخل علي المقاديرعلطول:-


**5 معالق دقيق
**2 معلقة كبار سمنة
** سكر حسب الرغبة
**ماء

الطريقة يلا بينا:-
1-نحط معلقتين السمن يسخنو
2- نضيف الدقيق ونهدي النار عشان الدقيق بيتحرق بسرعه ونقلب بسرعة جيدا بأستمرارالي ان يحمر الدقيق ،
زي ماهو مبين بالصورة كده:-
[IMG][/IMG]

3-بعد كده نضيف المياه حبه حبه لحد بس مايتجانس الخليط ويبقي ماسك نفسه يعني ربع كوب ماءمتكريش لحسن يبقي حفيف مش هنعرف نحلها انما لو تقيل بنزود شوية مياه صغنين وبرضه ايدك شغاله تقليب بالويسك عشان الدقيق ميحببش ويكلكع،




4-وبعد كده بنضيف السكر يعني مثلا نص كوب اصل انا بحب الحاجة مسكرة ممكن انتي وراحتك بئه وتطفي النار ،
برضه الصورة بتوضح كلامي:-


5-بمااننا في الصيف حطيتها في قالب لحد مابردت كده ومسكت نفسها وقلبتها وحطيت علي وشها جوز هند ،ممكن تضيفي اي مكسرات عندك برضه بتدي نكهة حلوة
وادي الصور يابنات:-
[IMG][/IMG]

لو عجبكو الموضوع متنسونيش انا ووالدتي وجدتي من دعائكو بماانهم هما سبب معرفتي بسد الحنك
جربوها وهتدعولنا وخصوصا في الشتا
بس بلاش اللي عاملين دايت عشان كلها سعرات والدقيق طبعا بيزود الوزن وسكرانا قلت اهو عشان محدش يدعي عليا
[IMG][/IMG]