العناية بلشعر,10وصفات للعناية بشعرك,كيفية العناية بشعرك 2024
اولا ما تبخلوش عليا بردودكم و تقييماتكم و ان شاء الله افيدكم و اللي عندها أي سؤال ما تتكسفش
* لازم نتفق الأول انه الطبيعي ما فيش أحلى منه و أضمن منه لسببين... اولهم الفرد الكيماوي بيبسطنا مدة محدودة جدا و النتيجة بتكون حلوة في الاول و مصيبة الف بعد الشر في الآخر... و السبب التاني لانه الوصفات الطبيعية بتعالج المشكلة من جذورها صحيح بتاخذ وقت بس مع المداومة نتيجتها أحلى من الغير الطبيعي ....
* صحة الشعر اكيد اكيد اكيد بتبتدي من التغذية و طبيعي لو التغذية مش متوازنة كمان الشعر هيكون بيعاني و ساعات حالة الشعر بتدل على مرض لا قدر الله او نقص في فيتامينات او حديد...
* الوصفات الطبيبعة منعملهاش مرة و نقول ماجابتش نتيجة فكك! لا انا بقولها اهه لازم المداومة عشان تضمني نتيجة مرضية...
* الكسل و لا الوصفة دي صعبة و مش عارفة ايه مش عايزاه! لا اصلي بشتغل لا اصل العيال لا بكسل اعمل الصراحة! مثلنا بيقول ( اللي بغا لعسل يصبر لقريص النحل ) هههههههه و اظنه واضح فخلي همتك عالية و اهتمي بتاجك...
* اختاري شامبو الپي اتش بتاعه محايد و الشامبو الكويس مش هو اللي بيرغوي اكثر بالعكس
* كمان بالنسبة للعرايس الاهتمام بالشعر ولا حتى البشرة مش بيبقى اسبوع او اسبوعين قبل الفرح لازم تبتدي قبلها بكثير اوى...
المهم نيجي للوصفات اللي جربتها و اللي معظمها افتكاسات بس جابت نتيجة
اول وصفة
دي كنت جربتها بعد ما جناني اشتغل فردت شعري و صبغته بعدها باسبوع ههههههههههه و المهم دماغي كانت قسم تجارب و شعري ابتدى يوقع خصلة خصلة ووالله العظيم الوصفة دي انقذت مستقبلي ههههههههههههه
فوائدها :
*بتطول الشعر
*بتنعم الشعر
*بتوقف التساقط و بتقوي الشعر جدا
هنحتاج لـــــ:
*كمية من الثوم زي اللي ف الصورة.
* كمية من الحلبة
* كمية من الخزامى
* و كباية و نص زيت زيتون..
نيجي للطريقة:
هنحتاج الكمية دي زي ما قولت من الثوم ..
بعدين نضيف عليها حوالي 3 معالق كبار حلبة
نضيف عليه كباية و نص كبار زيت زيتون و نحطه في حمام ماريا لحد ما يغلى الغليط..
بعدين نشيله نسيبه يبرد و نحط الخليط ف ازازة و نسيبه لمدة 24 ساعة و ممكن يومين...
بعدين ناخذ ازازة فاضية و نصفي الزيت ده و نحطها فيه
و هنا حصلنا على الزيت بتاعنا
الاستعمال بقى :
قبل ما تغسلي شعرك بساعتين الى تلات ساعات و اللي مش متجوزة ممكن تذهن بيه شعرها بالليل و تغسله في الصبح ..
ممكن كمان تاخذي صفار بيضة و تضيفي معلقتين من الزيت ده و تحطيه كماسك لشعرك ساعتين قبل الاستحمام...
فوائده : الحلبة و الخزامى بيطوله الشعر و بيزيلوا هيشان الشعر و بينعموه... نفس الشيء بالنسبة للثومبتطول الشعر و بتوقف تساقطه و بتقويه و زيت الزيتون اكيد كلنا عارفين فوايده...
***- ***- ***- ***-
نيجي للوصفة التانية :
هنحتاج لــــ :
*قشر موزتين
* كباية زيت عافية او *زيت المائدة اللي بالذرة
* 100 جرام من الزبدة
الطريقة :
ناخذ القشر نحطه في اناء و نضيف عليه الزيت و نحطه فوق النار لحد ما يغلى و قشور الموز تبقى لونها اسود.. نشيله من على النار و نعصر القشور دي كويس و نضيف الزبدة...
لما يبقى دافئ نحطه على الشعر زي الفرد و و نغطي راسنا ببلاستيك و نسيبه 3 ساعات و نغسل شعرنا..
الوصفة دي نتيجتها حلوة جدا خصـــــــــوصا للشعر الجاف و الهايش و لو عملتيها اسبوعين بس ورا بعض هتحسي انك فاردة شعرك...
***- ***- **
الوصفة التالتة
ماسك النخــــــــــاع
ده والله العظيم و عــــن تجربة تحفة تحفة تحفة لغاية بكرة...
هنحتاج للنخاع ( نجيبه من عند الجزار و نطلب منه يقسم لنا العظم عشان يسهل انتزاع النخاع )
و زيوت ( ممكن تستعملي أي زيوت ، زيت الزيتون ، زيت الخروع ، زيت السمسم ، زيت جنين القمح )
الطريقة :
بناخذ النخاع و نحطه في اناء و نحطه على حمام ماريا..
نستناه لما يذوب كويس و بعدين نصفيه
نضيف عليه كمية معلقة كبيرة من خلطة زيوت او أي زيت متوفرة عندك...
نحطه على الشعر خصلة بخصلة و نغطي الشعر بغطاء من البلاستيك...
نسيبه 3 ساعات و اكثر و نغسل شعرنا كويس جدا بشامبو و استمتعي بشعر ناعم جدا...
فوائده : بيمنع تساقط الشعر و بيفرده جدا خصوصا مع المداومة مرة كل اسبوع...
***- ***- ***- *
الوصفة الرابعة :
هنحتاج لــــ :
*ازازة زيت جوز الهند
* موزة
الطريقة :
هناخذ الازازة و نحطها كده كلها ف اناء و نحطه في حمام ماريا لحد ما يذوب
نكون هارسين كويس جدا موزة كاملة و نضيف عليها زيت الجوز اللي هيكون ذايب..
نرجع الخليط كله على حمام ماريا و نحرك.. اول ما يتجانس كويس نشيله و نحطه على الشعر زي الفرد و نغطيه بكيس بلاستيك...
نسيبه 3 ساعات و نغسله...
الماسك ده بينعم الشعر و بيغنيه و بيخلي الملمس ناعم جدا...
***- ***- ***- *
الوصفة الخامسة :
هنحتاج لـــــ :
*2 صفار بيضة
* معلقة خل تفاح
* معلقة زيت زيتون
* معلقة زيت جنين القمح
* معلقة زيت خروع
* معلقة زيت اللوز
* معلقة نيسكافيه ههههههههههه
الطريقة :
نخلط الكل و نحطه على الشعر ساعتين و اكثر ..
الوصفة دي وصفتي المفضلة لانها بتغدي الشعر جدا جدا و بتطوله مع المداومة و كمان من اول مرة هيخف التساقط لو بتعاني من تساقط الشعر...
***- **
الوصفة السادسة
وصفة سهلة جدا للمكسلات هههههههههه
*5 معالق مايونيز كبار
*صفار بيضة
*معلقة زيت زيتون
الطريقة :
تخلطي كويس المكونات دي و تحطيها على شعرك و تسيبيها مش اقل من ساعتين
***- ***- *
الوصفة السابعة
هنحتاج لـــ :
*علبة زبادي
*كمية من العسل
الطريقة :
نخلطهم كويس و نحطهم على الشعر و نسيبهم كمان مش اقل من ساعتين
***- ***-
الوصفة التامنة :
هنحتاج لــــ :
*2 صفار بيضة
* 5 معالق كبار زيت خروع
الطريقة :
نخلط المقادير دي و نحطها على الشعر
بتساعد على نمو الشعر بشكل ملحوظ والله...
***- ***- ***- *
الوصفة التاسعة :
هنحتاج لـــــ :
* لازاز
( ما تبصوليش كده هههههه دي عشبة مغربية مش عارفة بتتباع فين ف مصر ولا اسمها ايه )
* مية او زيت
الطريقة :
ممكن نخلطها بمنقوع اللافندر ( يعني نغلي لافندر في المية و نصفيه و نعجب بيه ) او ممكن ورد يابس...
و ممكن نخلطه بزيت الزيتون ...
نسيبه على الشعر لمدة 4 ساعات و اكثر و نغسله..
بينعم الشعر جدا و بيطوله كمان
***- ***- ***-
نيجي لوصفة بتنعم الشعر و بتديه لون احمر بس ايه راقي مش الاحمر اياه ههههههه
هنحتاج ل:
كميات متساوية من :
*السالمية مطحونة
*كمية من قشور الرمان مطحونين
*بعدها نضيف نفس الكمية من عشبة الدباغ مطحونة طبعا ( بيسيب لون احمر خفيف )
*و بعدها كمية من الكركديه
* و كمية من العكر الفاسي الحر ( دم الغزال الاصلي ) زي اللي ف الصورة
نخلطهم كلهم في علبة و نحتفظ بيهم
طريقة الاستعمال...
تاخذي كمية كافية مع شوية حنة و تعجنيها مع زيت زيتون او مية لافندر و تسيبيها ساعة ترتاح و تتجانس المواد اللي فيها بعد كده تحطيها على شعرك لمدة 3 ساعات
الوصفة دي بتصبغ و بتغدي و تنعم الشعر في نفس ذات الوقت
لو عايزة تحدي من تساقط الشعر اشفطي شعرك في الآخر خالص بمغلي عشبة السالمية او اكليل الجبل
اقــــتـــراح :
انا بستعمل الزيوت دي بجد تحفة بخلطها و بحطها على شعري اول ما بطلع من الحمام
ده زيت اللوز و الخروع
و بكده أبقى أخلصت بعض من وصفاتي و افتكاساتي للشعر...
يا رب اكون افدتكم حتى لو شوية و ما تنسونيش من صالح الدعاء و التقييم يا عدولات عشان والله تعبت في الموضوع
رد: العناية بلشعر,10وصفات للعناية بشعرك,كيفية العناية بشعرك 2024
إظهار التوقيع
توقيع : لولو حبيب روحي
التوقيع لا يظهر للزوار ..
رد: العناية بلشعر,10وصفات للعناية بشعرك,كيفية العناية بشعرك 2024
إظهار التوقيع
توقيع : ام سيف 22
التوقيع لا يظهر للزوار ..
رد: العناية بلشعر,10وصفات للعناية بشعرك,كيفية العناية بشعرك 2024
قد تكوني مهتمة بالمواضيع التالية ايضاً
|
||||
| الموضوع | كاتب الموضوع | المنتدى | ||
| العناية بالشعر 2024 نصائح للعناية بكل انواع الشعر | norhan7 | العناية بالشعر | ||
| العناية بالشعر | فتاة بالحياء تجملت | العناية بالشعر | ||
| العناية بالشعر | i miss you | العناية بالشعر | ||
| هل أنتي واثقة أنكي تعتنين بشعرك العناية المثالية ؟؟ | حياه الروح 5 | العناية بالشعر | ||
| منافع العسل في العناية بشعرك ستفاجئك وبالصور,تمتعي بشعر ناعم كالحرير مع وصفات الطبيع | جنا حبيبة ماما | العناية بالشعر | ||
الساعة الآن 11:50 PM
جميع المشاركات تمثل وجهة نظر كاتبها وليس بالضرورة وجهة نظر الموقع